НАМОЗ ДАРСЛИКЛАРИ️

​​ҚИЗ БОЛАНИ ҲЕЧ ҚАЧОН УРМАНГ!

Уйингизда малика бўлсин,
Майли, қаср-саройлар қурманг.
Кўнглидаги ярим ой тўлсин,
Қиз болани ҳеч қачон урманг!

Тонг отмасдан уйғонса саҳар,
Сўрамаса сиздан бир шаҳар,
Бахтли бўлсин десангиз агар,
Қиз болани ҳеч қачон урманг!

Кўзларида порласин қуёш,
Дудоқлари жим қотмасин тош,
Ахир, қизлар бўлмайди бебош,
Қиз болани ҳеч қачон урманг!

Яраштириб рўмол ўрайди,
Сизга Ҳақдан Жаннат сўрайди,
Қиз болани уриб бўлмайди,
Қиз болани ҳеч қачон урманг!

Қиз меҳрибон, куйинчак бўлар,
Бир кун келиб келинчак бўлар,
Кўтарилсин дуога қўллар,
Қиз болани ҳеч қачон урманг!

Сизни сийлаб қиз берган Худо,
Ҳаққингизга қилади дуо,
Ёлвориб бир сўради Зуҳро,
Қиз болани ҳеч қачон урманг!

Хато қилса, тушунар айтинг,
Аразласа, жим қараб турманг.
Худо ҳаққи, бу йўлдан қайтинг,
Қиз болани ҳеч қачон урманг!

✅ДЎСТЛАРИНГИЗГА ҲАМ ТАРҚАТИНГ!

👉 @NamozDarsliklari

​​​​Ким мол-дунёсига суянса, моли камайиб борур!
Ким мансабига суянса, хор бўлур!
Ким ақлига суянса, ақли заиф бўлур!
Ким илмига суянса, адашур!
Ким одамларга суянса, малол кўрилур!
Аммо ким Аллоҳга суянса, камаймас, хор бўлмас, ақли заифлашмас, адашмас ва малол ҳам кўрилмас!

✅ДЎСТЛАРИНГИЗГА ҲАМ УЛАШИНГ!!!

👉 @NamozDarsliklari

​​▪️Шайтон олдингизда туриб, иймоннни тарк қилишликка чақиради ва агар унга итоат қилсангиз–сиздан дин кетади.

▪️Нафс ўнг томонингизда туриб, гуноҳ қилишликка
чақиради ва агар унга бўйсунсангиз–сиздан руҳоният кетади.

▪️Ҳавои-нафс чап
томонингизда туриб, шаҳватга чақиради ва агар унга итоат этсангиз–сиздан ақл кетади.

▪️Дунё ортингизда туриб, уни олишликка чақиради ва агар унга бўйсунсангиз–сиздан охиратингиз кетади.

▪️Аъзоларингиз атрофингизда туриб, гуноҳларга чақиради
ва агар уларга итоат қилсангиз–сиздан жаннат кетади.

▪️Аллоҳ таоло қудрати билан устингизда туриб, жаннат ва мағфиратга чақиради ва агар унга итоат қилсангиз–сиздан ёмон амаллар кетади, барча яхшиликларга эришасиз.

☝️🍀ДЎСТЛАРИНГИЗГА ҲАМ ТАРҚАТИНГ!

👉 @NamozDarsliklari

​​СЕЗИЛМАЙДИГАН ЖАЗОДАН ЭҲТИЁТ БЎЛИНГ!

Бир киши Ҳасан Басрий роҳимаҳуллоҳнинг ҳузурига келиб деди:

– Менинг эшитишимча, ҳар бир қилинган гуноҳнинг жазоси бор. Мен Аллохга кўп марталаб гуноҳлар қилдим, аммо У мени жазоламади-ку?!
Ҳасан Басрий роҳимаҳуллох деди:
- Болам! Аллох сени бир неча бор жазолаган, аммо сен билмагансан:

1. У сендан муножот қилиш ҳаловатини тортиб олмадими?
2. Бир неча кунлар ўтсада Қуръонни Аллоҳ учун очиб ўқимадинг. Бу жазо эмасми?
3. Бир қанча кечалар ўтсада таҳажжудга турмадинг. Бу жазо эмасми?
4. Аллох сени зикридан тўсиб қўймадими?
5. Сени молни, обрўни ва шуҳратни яхши кўрадиган қилиб қўймадими?
6. Қалбингга тоатни оғир бўлиб қолганини сезмаяпсанми?
7. Ғийбат, чақимчилик ва ёлғон гапириш сенга осон бўлиб қолмадими?
8. Аллох сенга охиратни унуттириб, энг катта ғамингни дунë қилиб қўймадими?
9. Рамазон, шавволнинг олти куни, зулҳижжанинг ўн куни каби савоб мавсумлари келганида сен уларни ғанимат билмадинг-ку! Шу жазо эмасми?

Аллоҳнинг жазоларининг энг енгили сезиладиган, билинадиган жазолардир. Жазоларнинг оғири сезилмайдиганидир. Аллоҳнинг жазоси сезилишдан анча юқори туради. Охиратни унуттирадиган дунё ила сени машғул қилиб қўйиши унинг иқобидир. Охират илмларини тарк қилиш эвазига сени дунё илмлари ила машғул қилиб қўйиши Унинг иқобидир. Сенга кўп мол-дунё бериб аммо тоатнинг лаззатини бермаслиги Унинг иқобидир. Роббим биз сезмай туриб қанча-қанча жазолар ила жазолайди. Аллоҳ сақласин!

Ибрат: ушбу воқеадан ибрат олишимиз, таъсирланишимиз учун қуйидаги байтни эслаш кифоя:

Калтаки Худо садо надорад,
Баъд аз заданаш даво надорад.

Яъни, Худо урса, овоз чиқармайди, лекин ургандан сўнг унга даво топиб бўлмайди.

“Тақво аҳлининг гўзал қиссалари” китобидан.

✅ДЎСТЛАРИНГИЗГА ҲАМ ТАРҚАТИНГ!

👉 @NamozDarsliklari

​​Пайғамбаримиз алайҳиссаломнинг кўринишлари:

1. Расулуллоҳ соллаллоҳу алайҳи васаллам қавмнинг ичида ўрта бўйли: новча ҳам эмас, пакана ҳам эмас, тиниқ рангли: ўта оппоқ ҳам эмас, ўта буғдой ранг ҳам эмас, (сочлари) ўта жингалак ҳам эмас, ўта юмшоқ ҳам эмас эдилар.

2. Расулуллоҳ соллаллоҳу алайҳи васаллам одамларнинг ичида юзи энг гўзали, хулқи энг гўзали, роса новча ҳам, пакана ҳам эмас эдилар.

3. Набий соллаллоҳу алайҳи васалламнинг юзлари Тўлин ойга ўхшар эди.

4. У зот хушрўй оқ бўлиб, худди пастликка тушаётганга ўхшаб юрар эдилар.

5. Расулуллоҳ соллаллоҳу алайҳи васалламнинг оғизлари кенг, кўзлари кенг ва товонлари гўшти оз эди.

✅ЯҚИНЛАРИНГИЗГА ҲАМ УЛАШИНГ!!!

👉 @NamozDarsliklari

​​ФОТИҲА СУРАСИНИ ШОШИБ ЎҚИМАНГ.

Аксар одамлар намозда сураи Фотиҳани (“Алҳамду”ни) худди ортларидан бўри қуваётгандек шошиб ўқишади, маъноларига ҳам эътибор қилишмайди.

Расулуллоҳ саллаллоҳу алайҳи васаллам дейдилар: “Аллоҳ таоло: «Намозни Ўзим билан бандам орасида иккига бўлганман, бандам нимани сўраса, бераман».

Агар у (банда): «Алҳамду лиллаҳи роббил ъаламин», – деса,
Аллоҳ: «Бандам менга ҳамд – шукр айтди», – дейди.
Банда: «Ар-Роҳманир Роҳийм», – деса,
Аллоҳ: «Бандам менга сано – мақтов айтди», – дейди.
Банда: «Малики явмиддин», – деса,
Аллоҳ: «Бандам мени улуғлади», – дейди.
Банда: «Ийяака наъбуду ва ийяака настаъийн», – деса,
Аллоҳ: «Бу мен билан бандам орасидаги нарса, бандам нимани сўраса, бераман», – дейди.
Агар банда: «Иҳдинас сиротол мустақим, сиротоллазийна анъамта аълайҳим ғойрил мағдуби алайҳим валад дооллийн», – деса,
Аллоҳ: «Бу бандамга хос, сўраганини бердим», – дейди.

Изоҳ: (Ҳадиси қудсий – оят билан ҳадис ўртасидаги мартабага эга ривоятдир.)

✅ДЎСТЛАРИНГИЗГА ҲАМ ТАРҚАТИНГ!

👉 @NamozDarsliklari

​​ТЎРТЛИКЛАР

1⃣ Роббингиз;
2⃣ Пайғамбарингиз;
3⃣ Динингиз;
4⃣ Ватанингизга хиёнат қилманг!

1⃣ Отангиз;
2⃣ Онангиз;
3⃣ Ака - ука;
4⃣ Опа - синглингизга жафо қилманг!

1⃣ Аёлингиз;
2⃣ Фарзандларингиз;
3⃣ Қариндошларингиз;
4⃣ Дўстларингизни саховатингиздан маҳрум қилманг!

1⃣ Етим;
2⃣ Мискин;
3⃣ Фақир;
4⃣ Беморга қаттиқ қўллик қилманг!

1⃣ Олимлар;
2⃣ Муаллимлар;
3⃣ Тақводорлар;
4⃣ Ёши улуғларга ғазаб қилманг!

1⃣ Намоз;
2⃣ Қуръон;
3⃣ Зикрни;
4⃣ Қариндошликни узманг.

1⃣ Кибр;
2⃣ Мағрурлик;
3⃣ Ҳасад;
4⃣ Адоватни тарк қилинг!

1⃣ Сабр;
2⃣ Ҳилм;
3⃣ Илм;
4⃣ Саховат - ла зийнатланинг.

1⃣ Шайтон;
2⃣ Нафс,
3⃣ Шаҳват;
4⃣ Ёмон дўстдан эҳтиёт бўлинг!

1⃣ Каззоб;
2⃣ Ўғри,
3⃣ Ҳасадчи;
4⃣ Худбинга ишонманг!

1⃣ Холис;
2⃣ Вафодор;
3⃣ Сахий;
4⃣ Ростгўйларни дўст тутинг!

1⃣ Садақа;
2⃣ Дуо;
3⃣ Истиғфор;
4⃣ Пайғамбар алайҳиссаломга салавотни кўпайтиринг!

1⃣ Ейиш;
2⃣ Ухлаш;
3⃣ Дангасалик;
4⃣ Гапни камайтиринг!

1⃣ Ғам;
2⃣ Хафалик;
3⃣ Ожизлик;
4⃣ Бахлликдан паноҳ сўранг!

1⃣ Нодон;
2⃣ Тортишувчи;
3⃣ Ахмоқ;
4⃣ Бекорчидан юз ўгиринг!

✅ДЎСТЛАРИНГИЗГА ҲАМ ТАРҚАТИНГ!

👉 @NamozDarsliklari