Munajjimlar bashorati ⚡

ТАРОЗИ (23. 09 — 23. 10)

4 декабрда сунъий тарзда бўлса-да, кучингизга куч қўшиб, атрофингизни ўраб турган жами муаммоларнинг адабини беришингиз керак. Қолаверса, муаммо йўқ жойдан ҳам пайдо бўлиши мумкин. Буни ҳам назардан қочирманг. Тўғри овқатланишни бугун ўзингизга шиор қилиб олинг. Тўйиб ухлаш ҳам сиз учун жуда зарур. Оилалилар жуфти билан бўлар-бўлмасга жанжаллашаверишни бас қилсалар фақат фойда кўрадилар. Кечқурун ухлашга ётишдан олдин китоб ўқишингиз тавсия этилади.

ЧАЁН (24. 10 — 22. 11)

Бугун эрталабданоқ агрессив кайфиятда бўлишингиз эҳтимоли бор. Кўзингизга ёмон кўринганларни йўқ қилиш пайига тушгингиз келаверади. Лекин эҳтиёт бўлинг. Бу курашнинг охири бахайр кечмаслиги мумкин. Дўстлар билан ҳам муносабатларни илиқлигича сақлаб қолишингиз шарт. Кечқурун яқин ўтмишингизни эслатувчи бир одам сизга қўнғироқ қилиши кутилади. Эмоцияни жиловда тутинг. У одамни тушунишга ҳаракат қилинг.

ЎҚОТАР (23. 11 — 21. 12)

4 декабр куни ўтмиш хотираларингиз домига торта бошлаши мумкин. Фақат бу профессионал касбингиз билан боғлиқ ишингизга жиддий халал бериши турган гап. Шунинг учун хотиралардан нарироқ бўлинг. Молиявий муаммолар ҳам осонликчасига бартараф этилмоқчи эмас. Анча-мунча тер тўкишингизга тўғри келади. Оиласизлардан кимдир яқиндагина бировга кўнгил қўйган бўлса, кечқурун кайфиятини позитивлик тарк эта бошлаши мумкин. Ўзингизни қўлга олинг.

ТОҒ ЭЧКИСИ (22. 12 — 19. 01)

Кунингиз хотиржамлик ва қувончли ҳодисаларга бой бўлади. Таклиф қилинган ҳар қандай кўринишдаги ишлар сизга ёқиб тушади. Истеъдодингизни барчага янада кенгроқ намойиш этишга ҳам вақт топасиз. Оилада қариндошларга ҳадеганда савол беравермаслигингиз тавсия этилади. Уйда ким хўжайин эканини аниқлашга ҳаракат қилманг. Бекорга ҳурматингиз йўқолгани қолади. Ўзингизни эҳтиёт қилинг.

ҚОВҒА (20. 01 — 18. 02)

4 декабрда нафақат янги билимлар, балки ҳали бирор марта ўзингиз тотиб кўрмаган таомларга ҳам вужудингизда ташналик ҳис эта бошлайсиз. Аёл бўлсангиз, таомларни ўзингиз ҳам боплаб пишира оласиз. Яқинларингиз ҳам ҳайратдан ёқа ушлаган бўларди. Бўлар-бўлмасга пул сарфлайвериш кечқурунга бориб сизни молиявий инқирозга юз тутдириши мумкин. Билингки, ўзингиз кутаётган мўмай даромадни келаси ойдагина олишингиз мумкин.

БАЛИҚ (19. 02 — 20. 03)

Эрталаб олдингизда ўта масъулиятли вазифа кўндаланг туради. Бу бошқа уйга кўчиб ўтиш ва муҳим ҳужжатларни расмийлаштиришдан иборат. Агар шу икки вазифани эрта тонгда адо эта бошласангиз, шахсий ҳаётга ҳам албатта вақт қолган бўларди. Режаларингиздан айримлари ижобий ҳал бўлмаслиги мумкин. Бироқ кайфиятингиз тушса, буни атрофдагиларга намойиш этманг. Бугун тоза ҳавода сайр қилиш, табиат қўйнига чиқиб дам олиш, романтик учрашувлар хайрли якун топади.

ҚЎЙ (21. 03 — 20. 04)

4 декабр куни қанчалар чуқур билимга эга эканингизни атрофдагиларга кенг намойиш этинг. Токи барчалари сиздан маслаҳат ва тавсиялар сўрашга одатлансинлар. Бировларга бўлган ишонч, саховат ва тийраклик бугун биринчи навбатда бўлгани маъқул. Шунда ишларингизда ҳам унум бўлади, кайфиятингиз позитивликни йўқотмайди. Агар кечқурун фавқулодда катта пулга эга чиқсангиз, пулларни фақат оилангиз учун сарфлашингиз тавсия этилади.

БУЗОҚ (21. 04 — 20. 05)

Агар дўстларга, ҳамкасбларга ишончни йўқотмасангиз, уларнинг олқиш ва мақтовлари остида бўласиз. Иш бажаришда сифатга алоҳида эътибор қаратинг. Акс ҳолда мукофотдан ҳам, мақтовлардан ҳам қуруқ қоласиз. Саломатлигингизни асранг. Ҳозир грипп юқадиган давр. Имкон доирасида вируслардан нари бўлишга ҳаракат қилинг. Витаминга бой мевалар ҳам сизга саломатликни тиклашда катта ёрдам беради. Кечқурун хонадонингизга меҳмонлар ташрифи кутилмоқда.

ЭГИЗАКЛАР (21. 05 — 21. 06)

4 декабрда жисмоний зўриқишлар фақат фойда беради. Айниқса, спорт билан астойдил шуғуллансангиз, сира кам бўлмайсиз. Ишларни, муаммоларни бартараф этиш кабиларни пухта режа асосида амалга оширинг. Лекин куч кечки пайт рўзғордаги икир-чикирлар учун ҳам керак бўлади. Кечқурун ажойиб бир инсон билан тасодифан танишиб қолишингиз кутилади. Бу инсондан ўзингиз учун фойдали жуда кўп янгиликлар эшитасиз. Омад сизга ёр бўлсин!

ҚИСҚИЧБАҚА (22. 06 — 22. 07)

Бугунги кунингизни саломатлик, гўзаллик ва шахсий ҳаётингиз учун бағишлашингиз сўралади. Буларнинг барчаси сезиларли даражада заифлашиб кетган. Мутахассисларга албатта мурожаат этишингиз керак бўлади. Овқатланишда оқсил ва фосфорга бой таомларни танланг. Асаб тизимингиз ҳам темирдан эмас. Бўлар-бўлмасга асабийлашаверишдан сақланинг. Барибир фойда кўрмайсиз. Кечқурун ухлашга ётишдан олдин албатта тоза ҳавода сайр қилинг.

АРСЛОН (23. 07 — 23. 08)

4 декабр куни тадбиркорлар учун келишувлар кунига айланиши кутилмоқда. Бошқалар эса мартабасини ошириш пайида бўлишлари зарур. Молиявий муаммоларни ҳам бугундан қолдирмай ижобий ҳал этинг. Эртангиз кун учун қолдирсангиз, пулсиз қолиб кетишингиз ҳеч гап эмас. Бировлардан қарз кўтаришни хаёлингизга ҳам келтирманг. Ундан кўра заҳира пулларингизни сарфланг. Кечқурун овқатланиш режимига амал қилинг. Айримлар варикоздан безовталаниши мумкин. Кечқурун оила даврасида вақт ўтказинг.

ПАРИЗОД (24. 08 — 22. 09)

Эрталабдан кечга қадар тер тўкиб чин кўнгилдан ишласангиз, билингки, албатта мукофотини оласиз. Ижодий ишларингизга халал берадиган ҳар қандай воқеликдан воз кечинг. Айримлар кун давомида айрилиқ аламларини, жанжалли лаҳзалар, кўнгилсиз вазиятларни бошдан ўтказиши мумкин. Албатта ўзингизни агрессив ҳолатда тутсангиз. Мулойим муносабат юритсангиз, уларнинг барчасини четлаб ўтасиз. Янги уйга кўчиб ўтишни режа қилган бўлсангиз, олдин ҳужжатлар билан яқиндан танишинг. Кечқурун пластик карточкангизга пул келиб тушиши кутилади.

ТАРОЗИ (23. 09 — 23. 10)

3 декабрда ишхонангизда барча муваффақиятлар сизникига айланиши кутилмоқда. Раҳбарларингиз ишларингиз сифатини кўргач, бир ойлик маош миқдорида мукофот эълон қилишига шубҳа йўқ. Ҳамкасблардан бири сизни ранжитса, ёки ҳадеганда асабингизга тегаверса, сукут сақлаш орқали енгинг. Семинарларда иштирок этиш, курсларга ёзилиш ва хориж тилини ўрганиш бугун хайрли кечади. Рўзғордаги муаммоларни бартараф этишда ҳазил-мутойибага мойил бўлинг. Оллоҳ сизга ёр бўлсин!

ЧАЁН (24. 10 — 22. 11)

Ёлғизларни хушомадлар кутмоқда. Фақат хушомад қилувчиларнинг аслида кимлигини аниқлашга ҳаракат қилинг. Алданиб қолишингиз эҳтимоли бор. Фирибгарларга чув тушишдан эҳтиёт бўлинг. Улар сизни жуда катта пулга тушириб кетишдан ҳам тойишмайди. Олис сафарга чиқишингиз керак бўлса, ҳужжатларни қайта-қайта кўздан ўтказиб олишингиз зарур. Соғлиқни мустаҳкамлаш ҳам ёдингиздан чиқмасин.

ЎҚОТАР (23. 11 — 21. 12)

3 декабр куни эрталаб билимларингизни мустаҳкамлаш, билимга билим қўшиш тўғрисида ўйлаб кўрсангиз ёмон бўлмасди. Шундай билимга эга бўлингки, иш жойингизда ҳамкасблар ҳам сизга алоҳида ҳурмат билан ёндашсинлар. Молиявий муаммолар ҳақида умуман ўйламанг. Ҳамма нарса пул билан ўлчанавермайди. Даромад ҳам бўлади. Бойиб кетмасангиз-да, пулсиз ҳам қолмайсиз. Куннинг иккинчи ярмида айримлар қўшнилардан бири билан баҳслашиб қолиши мумкин. Баҳс жанжалга айланишига йўл қўйманг.

ТОҒ ЭЧКИСИ (22. 12 — 19. 01)

Бугунги кунингиз ёқимли кечади. Фақат майда-чуйда кўнгилсизликларни деб асабингиз бузилавермаса. Атрофда содир бўлаётган барча ҳодисаларни назорат қилишга уринманг. Ўз ҳаётингизгагина куч сарфланг. Уйингизда сизни бир олам ишлар кутиб туради. Улар таъмир билан боғлиқ бўлиши ҳам мумкин. Спорт машғулотларидан бош тортманг. Дангасалик ҳукмини ўтказа бошласа, айёрлик билан уни енгишга ҳаракат қилинг. Кечқурун баъзиларнинг хонадонида янги меҳмон дунёга келиши кутилади.

ҚОВҒА (20. 01 — 18. 02)

3 декабр сиз учун кашфиётларга қўл уриш, англашилмовчилик ва шубҳа-гумонлардан иборат бўлиши кутилмоқда. Бировларнинг таъсирига тушиб қолмаслик учун кайфиятингизни назоратда ушланг. Уни ўзингизга бўйсундиринг. Оила қурмаганлар куннинг иккинчи ярмида романтик танишувни бошдан кечиради. Ниҳоят сизнинг уйингизда ҳам мусиқа янграйди. Вужудингиз ҳаяжондан титрай бошлайди. Орзулар уммонида суза бошлайсиз.

БАЛИҚ (19. 02 — 20. 03)

Ҳатто уйга қамалиб олиб шифтга тикилганча ётган тақдирингизда ҳам омад сиз томонда бўлади. Омад анчадан бери сизни эшигингиз олдида кутаётганди. Ниҳоят ичкарига кириш шарафига муяссар бўлади. Агар руҳан тайёр бўлмасангиз, молиявий муаммоларни бартараф этиш ҳаракатига тушмай қўя қолинг. Кечқурун айримлар хизмат сафарига жўнаб кетиши, айримларга қўшимча даромадли иш таклиф қилишлари мумкин.

ҚЎЙ (21. 03 — 20. 04)

3 декабр куни ишга яхшиси пиёда боринг. Шахсий машинангиз бўлса, уйда қолдиринг. Метро ва автобусни буткул унутинг. Чунки бугун кунингиз оғир кечади. Жароҳат олишингиз хавфи бор. Кўпроқ тоза ҳавода сайр қилиш саломатлигингиз учун жуда фойдали кечади. Чуқур-чуқур нафас олинг. Кўпроқ жилмайинг. Арзимас қувончли лаҳзадан ҳам позитив олишга ҳаракат қилинг. Моддий аҳволингизда деярли муаммо кўзга ташланмайди.

БУЗОҚ (21. 04 — 20. 05)

Агар дангасаликка эрк бермасангиз, кўплаб сердаромад ишларни қойиллатиб бажаришингиз ва шунинг натижасида киссангизни қаппайтиришингиз мумкин. Истеъдодингиз ва имкониятларингизни ҳамкасбларга ошкор қила кўрманг. Уларнинг ўзи бош қотирсин. Кечқурун ухлашга ётишдан олдин оғир ҳазм бўлувчи таомлар истеъмол қилишингиз тавсия этилмайди. Ошқозонингизда муаммо пайдо бўлиши мумкин.

ЭГИЗАКЛАР (21. 05 — 21. 06)

3 декабрда кўп вақтингизни телефон орқали кимлар биландир гаплашишга сарфласангиз, муваффақиятсизликка учрайсиз. Ётиб олганча ширин хаёллар суришдан ҳам нари бўлинг. Куннинг иккинчи ярмида тадбиркорлардан кимдир хорижлик фирма раҳбарлари билан учрашиб, яқин ҳамкорлик ҳақида келишувга эга бўлади. Агар бу ҳамкорликни маҳкам ушлаб қола олсангиз, пичоғингиз мой устида деяверинг. Саломатликни ҳам эътибордан четда қолдирманг.

ҚИСҚИЧБАҚА (22. 06 — 22. 07)

Ишхонадаги адо этишингиз лозим бўлган вазифаларга алоҳида масъулият билан ёндашишингиз тавсия этилади. Агар иш оғир бўлса, қўрқиб юрманг. Сиз бундай мураккаб йўлларни илгари ҳам кўп маротаба босиб ўтгансиз. Харидлардан вақтинчага бўлса-да воз кеча туришингиз керак. Пулларни иқтисод қилишингиз талаб этилмоқда. Саломатликни мустаҳкамлашга эса аксинча пулни аяманг. Янги йил арафасида хасталаниш кимга ҳам ёқарди дейсиз. Тўғри эмасми?

АРСЛОН (23. 07 — 23. 08)

3 декабр куни қайсидир ишда таваккал қилишингизга тўғри келади. Сергак туринг. Ана шунда кўзланган эзгу мақсадга албатта етасиз. Бугун тадбиркорларни фақат омад кутади. Қайси йўлдан борманг, светофорнинг яшил чироғи сиз учун ёниқ туради. Уй ишларини йўқотишларсиз адо этиш учун режани пухталанг. Пулни кўкка совуришдан тийилинг. Кечқурун албатта тоза ҳавода сайр қилинг.

ПАРИЗОД (24. 08 — 22. 09)

Эрталабдан бажариладиган ишларни саралаб олинг. Фойда келтирмайдиганларини четга суринг. Кучингизни бўлар-бўлмасга сарфлашдан тийилинг. Муҳим ҳужжатлар билан ишлашга тўғри келса, зийрак бўлинг. Оиласиз бўлсангиз, бугун бўлғуси тақдирдошингизни учратишингиз ва танишиб олишингиз кутилади. Бу лаҳзаларда уялиб ўтириш ярамайди. Юрагингиз жиз этган бўлса, ташаббусни қўлга олишингиз лозим. Оилалилар жуфтига кутилмаган совға ҳозирлаб қўйишса ҳам зиён қилмайди.