⚖️ Yurist Muhammadali Muyassarov blogi

Shavkat Mirziyoyev Birlashgan Arab Amirliklari prezidenti Shayx Muhammad bin Zoid Ol Nahayonning taklifiga binoan 13–16-yanvar kunlari rasmiy tashrif bilan ushbu mamlakatda bo‘ladi.

Ukraina bilan urushining uch yillik davrida kamida olti ming rossiyalik elita harbiy xizmatchi halok bo‘ldi — BBC

Nashr ma’lumotlariga ko‘ra, bitta snayper uchuvchini tayyorlashga 15-17 yil ketishi va 12-14 million dollarga tushishi mumkin.

⚡️ Муваффақият сири – фурсатлардан фойдаланиб қолишдадир.

-

📝 Telegram |💻 Instagram |🎞 Youtube |📝 Facebook

Buxoro va Namangan viloyatlarida dori vositalari savdosi bilan shug‘ullanib kelgan shaxslar ushlandi

Bosh prokuratura huzuridagi Departamentning Qorako‘l tumani bo‘limi va boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirida qonunga xilof ravishda dori vositalari savdosi bilan shug‘ullanib kelgan U. S. fuqaro A. F. ga xorijda ishlab chiqarilgan sifatini tasdiqlovchi hujjatlari bo‘lmagan 10 turdagi jami 5 947 quti dori vositasini 114 mln so‘mga sotgan vaqtida ashyoviy dalillar bilan ushlangan.

Shu kabi, Departamentning Pop tumani bo‘limi, IIB va YHXB xodimlari hamkorligida o‘tkazilgan tezkor tadbirda “Vodiy-Toshkent” yo‘nalishida harakatlanib kelayotgan “Malibu-2” rusumli avtomashinaci to‘xtatilib ko‘zdan kechirilganda, avtomashina haydovchisi dori vositalari savdosi bilan shug‘ullanib kelgan Sh.R.ning topshirig‘iga asosan sifatini tasdiqlovchi hujjatlari bo‘lmagan jami 6 600 dona “Ampisulbaktam” nomli dori vositasini Toshkent shahrida o‘tkazish maqsadida olib ketayotganligi aniqlanib, ushbu dori vositalari ashyoviy dalil sifatida olingan.

Mazkur holatlar yuzasidan Jinoyat kodeksining 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.

2025-yilgi Davlat dasturi loyihasi jamoatchilik muhokamasiga qo‘yildi

“O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirish bo‘yicha davlat dasturi va uni tasdiqlash to‘g‘risidagi O‘zbekiston Respublikasi Prezidenti Farmoni loyihalari keng jamoatchilik muhokamasi uchun eʼlon qilindi.

Davlat dasturi loyihasida korrupsiyaga qarshi kurashish yo‘nalishida quyidagi vazifalar belgilanmoqda:

➖ davlat xaridlarida manfaatlar to‘qnashuvi, affillanganlik, raqobatga qarshi kelishuv va muvofiqlashtirilgan harakatlarni avtomatik tarzda aniqlash tizimini joriy qilish;

➖ davlat xizmatchilarida korrupsiyaga nisbatan murosasiz munosabatni shakllantirish, ularga “halollik vaksinasi”ni singdirish hamda ushbu borada preventiv mexanizmlarni joriy etish;

➖ BMT Korrupsiyaga qarshi konvensiyasi, xalqaro tashkilotlar tomonidan O‘zbekistonga bildirilgan tavsiyalar hamda boshqa xalqaro standartlarning bajarilishini monitoring qilish bo‘yicha elektron platformani ishga tushirish;

➖ davlat organlari va tashkilotlari, shu jumladan mahalliy davlat hokimiyati organlarida Korrupsiyaga qarshi kurashish ishlarining samaradorligini reyting baholash tizimini takomillashtirish bo‘yicha normativ-huquqiy hujjat loyihasini ishlab chiqish.

🗓Muhokamalar joriy yilning 22-yanvar kuniga qadar davom etadi.

2024-yilda davlat ishtirokidagi korxonalar tomonidan to‘langan dividendlar tahlil qilindi

O‘zbekiston Respublikasi Prezidentining 6247-son Farmonida Soliq qo‘mitasi tomonidan har chorakda Ochiq maʼlumotlar portalida davlat ishtirokidagi korxonalar tomonidan yil (chorak) yakuni bo‘yicha to‘langan dividendlar to‘g‘risidagi maʼlumotlarni ochiq eʼlon qilib borish belgilangan.

Korrupsiyaga qarshi kurashish agentligi tomonidan Soliq qo‘mitasi ochiq eʼlon qilgan maʼlumotlar asosida davlat ishtirokidagi korxonalarning 2024-yilda to'lagan dividendlari tahlil qilindi.

Unga ko'ra, mazkur davrda 994 ta korxona tomonidan jami 5,78 trln so‘m dividendlar to‘langan.

Eng ko‘p dividend to‘lagan davlat ishtirokidagi korxonalar:

1️⃣ "Navoiyuran" DK - 2.050,1 mlrd so‘m

2️⃣ "O'zavtosanoat" AJ - 870,7 mlrd so‘m

3️⃣ "O'zmilliy bank" AJ - 452,5 mlrd so‘m

4️⃣ "O'zbekneftgaz" AJ - 419,9 mlrd so‘m

5️⃣ "Navoiyazot" AJ - 288,8 mlrd so‘m

6️⃣ "Navoiy kon-metallurgiya kombinati" AJ - 282,5 mlrd so‘m

7️⃣"Uzbekistan airways" AJ - 212,6 mlrd so‘m

8️⃣ "O`zkimyosanoat" AJ - 134,2 mlrd so‘m

9️⃣ "Uzauto motors" AJ - 116,6 mlrd so‘m

🔟 "O`zaeronavigatsiya markazi" DUK - 107,3 mlrd so‘m

Qo‘mita tomonidan o‘tgan yilning yanvar-noyabr oylari yakuni bo‘yicha eʼlon qilingan TOP-20 yirik soliq to‘lovchilar ro‘yxatiga ko‘ra, davlat ulushi mavjud 10 ta korxona 54,1 trln so‘m soliq to‘lagan.

Jumladan, yuqoridagi ro'yxatdagi "Navoiy kon-metallurgiya kombinati" AJ 24,1 trln so‘m, "Navoiyuran" DK 3,9 trln so‘m, "Uzauto motors" AJ 3,2 trln so‘m, "O'zmilliy bank" AJ 1,1 trln so‘m miqdorida soliq to‘lagan.

Shu kabi davlat ulushi mavjud bo‘lgan 262 ta bozor tomonidan 18,1 mlrd so‘m dividend to‘langan.

Eng ko‘p dividend to‘lagan davlat ishtirokidagi korxonalar (bozorlar):

1️⃣"Iste'molda bo`lgan transport vositalari va ehtiyot qismlar Sergeli bozori" MCHJ - 5.466,2 mln so‘m

2️⃣"Aviasozlar dehqon bozori" AJ - 1.377,4 mln so‘m

3️⃣"Qo`yliq dehqon bozori" AJ - 926,2 mln so‘m

4️⃣"Farhod dehqon bozori" AJ - 786,2 mln so‘m

5️⃣"Yunusobod dehqon bozori" AJ - 767,7 mln so‘m

6️⃣"Mirobod dehqon bozori" AJ - 725,8 mln so‘m

7️⃣"Eski-juva dexqon bozori" AJ - 631,0 mln so‘m

8️⃣"Navro'z dehqon bozori" AJ - 587,8 mln so‘m

9️⃣"Buxoro markaziy dehqon bozori" AJ - 450,9 mln so‘m

🔟"Toshkent qishloq xo`jalik mahsulotlari ulgurji bozori" AJ - 367,5 mln so‘m