Sport vazirligi

E’tibor markazida Samarqand viloyatidagi sport ta’limi muassasalarining faoliyati

Respublika bo‘ylab o‘rganish ishlarini olib borayotgan rasmiylar Samarqand viloyatida bo‘lishdi. Dastavval sportning o‘yin turlari va yengil atletika bo‘yicha ixtisoslashtirilgan sport maktabi o‘rganildi. Mutasaddilarga viloyat hokimi vazifasini bajaruvchi Adiz Boboyev hamrohlik qildi.

Tashrif davomida ushbu ob’ektning infratuzilmasi, yoshlar uchun yaratilgan sharoitlar, mashg‘ulotlar jadvali atroflicha o‘rganildi. O‘quvchi yoshlarning mashg‘uloti ko‘zdan kechirildi. Shuningdek, Samarqand shahridagi 1-son sport maktabi ham e’tibordan chetda qolmadi. Shundan keyin viloyat Olimpiya va Paralimpiya sport turlariga tayyorlash markazi navbatdagi manzil bo‘ldi.

Viloyat hokimligi mutasaddilari, sport boshqarmasi va federatsiyalarning hududiy vakillari ishtirokidagi yig‘ilish ushbu markazda tashkil etildi. Unda mazkur markazdan yana Sharifa Davronova kabi iqtidorli yoshlarni tarbiyalash, buning uchun ommaviy sport tadbirlarini ko‘proq tashkil etish kabi ustuvor rejalar xususida fikr almashildi.

Yig‘ilish davomida 2025-yil va yaqin 4 yil uchun rejalar, Los-Anjeles-2028 yozgi Olimpiya o‘yinlariga tayyorgarlik davrida terma jamoalarga jalb etilishi mumkin bo‘lgan sportchilarni aniqlash va ularni ijtimoiy qo‘llab-quvvatlash kabi mavzular ham ko‘rib chiqildi.

Web-Sayt | Telegram | Facebook | Instagram | Youtube

Yosh ogʻir atletikachilarimiz qit’a birinchiligini oltita medal bilan boshlashdi

Qatarda oʻtayotgan ogʻir atletika boʻyicha oʻsmirlar va yoshlar oʻrtasidagi Osiyo chempionati Oʻzbekiston terma jamoasi uchun muvaffaqiyatli boshlandi. Hamyurtlarimiz ortda qolga kunda 3 ta oltin, 2 ta kumush va 1 ta bronza medallariga sazovor boʻlishdi. Barcha medallarga -59 kg vazn toifasida ishtirok etgan qizlarimiz mualliflik qilishdi. Batafsil:

🥇 Oltin medal:
-59 kg: Marjona Abdullayeva (oʻsmirlar, dast koʻtarish)
-59 kg: Marjona Abdullayeva (oʻsmirlar, siltab koʻtarish)
-59 kg: Marjona Abdullayeva (oʻsmirlar, ikki kurash)

🥈 Kumush medal:
-59 kg: Nigora Abdullayeva (yoshlar, dast koʻtarish)
-59 kg: Nigora Abdullayeva (yoshlar, ikki kurash)

🥉 Bronza medal:
-59 kg: Nigora Abdullayeva (yoshlar, siltab koʻtarish)

Web-Sayt | Telegram | Facebook | Instagram | Youtube