𝓜𝓮𝓷𝓲𝓷𝓰 𝓴𝓸𝓲𝓷𝓸𝓽𝓲𝓶 || 𝓘 𝓪𝓶 𝓟𝓼𝔂𝓬𝓱𝓸𝓵𝓸𝓰𝓲𝓼𝓽 🤍

#Konkurs_uchun
#8_ishtirokchi

📚 Mavzu: "Nega kitob o‘qish kerak"

Kitob o'qish uchun bir nechta sabablar:

1. Bilim olish: Kitoblar yangi bilimlar va ma'lumotlarga ega bo'lishingizga yordam beradi.


2. Tasavvurni rivojlantirish: O'qish sizning tasavvuringizni kengaytiradi va ijodiy fikrlash qobiliyatini oshiradi.


3. Stressni kamaytirish: O'qish o'zini boshqarishga va stressdan qochishga yordam beradi.


4. Tilni rivojlantirish: Kitob o'qish, yangi so'zlar va ifodalar o'rganishga yordam beradi, bu esa nutq va yozuvni yaxshilaydi.


5. Dunyoni anglash: Turli mualliflar va madaniyatlar bilan tanishish orqali, siz ko'proq global nuqtai nazarga ega bo'lasiz.

Eng asosiysi ummatga foydangiz tegishidir.


🌷 || Telegram: @Mening_ko1notim

#konkurs_uchun
#7_ishtirokchi

📚 Mavzu: "Nega kitob o'qish kerak".

Barcha taniqli ishbilarmonlar, prezidentlar, millionerlar kitob o‘qishni yaxshi ko‘radilar va buni hammaga maslahat beradilar. Masalan, Bill Geytsning shaxsiy veb-saytida “Kitoblar” deb nomlangan maxsus bo‘lim mavjud, u yerda u o‘qigan kitoblarini faol ravishda tavsiya qiladi va kitob sharhlari yozadi. Shunday ekan kitob o‘qish nafaqat sog‘ligimiz uchun balki shaxsiy rivojlanishimiz uchun ham eng to‘g`ri tanlovdir. Biroq, barcha ham kitob o‘qishni yoqtirmaydi. Buning sababi shundaki, u hanuzgacha o‘z qiziqarli kitobini, janrini, muallifini topa olmagan.
Aslida, biz hammamiz yaxshi o‘qiymiz.

🌷 || Telegram: @Mening_ko1notim

#konkurs_uchun
#6_ishtirokchi

📚Mavzu: "Nega kitob o'qish kerak?"

🔆 Hayotning turli sohalaridagi maqsadlaringizga yaqinlashish uchun qanday kitoblarni o‘qishni xohlayotganingizni aniqlang. Qo‘lingizda kitoblarning ro‘yxatini saqlang va yangilab turing. Ixtisos bo‘yicha saralang. Eng yaxshilarini tanlab diqqat bilan o‘qing.

🔆 Yuqorida aytib o‘tilganidek, har safar nimani o‘qish kerakligini o‘ylamang, balki butun hayotingiz uchun yetadigan kitoblar ro‘yxatini va o‘qish rejasini tuzib chiqing.

🔆 Diqqat bilan va ongli ravishda kitoblarni tanlang. Oxir oqibat, Genri Toro aytganidek: “Avval yaxshi kitoblarni o‘qing, aks holda ularni umuman o‘qiy olmaysiz.”

🔆 Agar siz vaqtni qanday boshqarishni o‘rganmoqchi bo‘lsangiz, vaqtni boshqarish bo‘yicha kitoblarni qidiring, agar siz psixologiyaga qiziqsangiz, psixologiya darsliklarini o‘qing. Siz uchun qiziqarsizlaridan o‘qishdan bosh torting.

🌷 || Telegram: @Mening_ko1notim

#diqqat

Assalomu alaykum yaxshimisizla ☺️

Bugun 2-shartda g‘olib bo‘lganlar uchun sovg‘alar e‘lon qilinadi. Shu e‘lonni o‘qib qo‘yinglar hammasini anniq qilib yozganman. Hammaga omad 😇

Konkurdagi materiallar va postlarni shu kanalga joylab qo‘yaman https://t.me/+58QdjB09H7xkYzAy

O‘chiribdi kanaldan deb yurmanglar😁

#konkurs_uchun
#5_ishtirokchi

📚Mavzu: "Nega kitob o'qish kerak?"

Nega kitob o'qish kerak? Kitob o'qish insonni ruhiy va intelektual jihatdan boyitadi. U bizga yangi bilimlar,fijrlar va tajribalar beradi. Har bir kitob yangi bir dunyoni ko'rsatadi va bizni boshqa odamlarning hayotiga ularning his-tuyg'ulariga va fikrlariga yaqinlashtiradi va ular bilan birga yashashimizga imkon beradi.

Kitob o'qish shuningdek diqqatni jamlash va dunyo qarashni kengaytirishda yordam beradi. Chunki kitob o'qiganimizda biz o'z olamimizdan uzilib kitobdagi qahramonlar bilan birga yashaymiz, ular his qilgan tuyg'ularni his qilamiz: yig'lasa yig'laymiz, kulsa kulamiz.
Kitob o'qish nafaqat bilim olishi balki ruhiy salomatlikni saqlash uchun ham muhimdir.

🌷 || Telegram: @Mening_ko1notim

#konkurs_uchun
#4_ishtirokchi

📚Mavzu: "Nega kitob o'qish kerak?"

🔹Qimmatli bilimlarga ega bo‘lish;
Kitoblar orqali turli sohalar bo‘yicha bilimlarni o‘rganish

🔹Miyani mashq qildirish;

🔹Diqqat jamlash qobiliyatini yaxshilash;
Kitob o‘qish diqqatni jamlashni talab qiladi.

🔹Xotirani yaxshilash;

🔹Boshqalarni tushunish qobiliyatini shakllantirish;

🔹Muloqot ko‘nikmasini yaxshilash;
Kitob o‘qish orqali yangi so‘z va iboralarni o‘rganish, ularni to‘g‘ri qo‘llash muloqot ko‘nikmalarini rivojlantiradi.

🔹Uzoqroq yashash;
Tadqiqotlar shuni ko‘rsatadiki, kitob o‘quvchilarning hayot davomiyligi uzoqroq bo‘lishi mumkin.

🌷 || Telegram: @Mening_ko1notim

#konkurs_uchun
#3_ishtirokchi

📚Mavzu: "Nega kitob o'qish kerak?"

🩵 Kitoblarda o‘zgalarning tajribasi va bilim, ko‘plab g‘oya hamda strategiyalar bor. Kitoblar dunyoqarashni shakllantiradi – to‘g‘ri kitoblarni o‘qiganimizda fikrlash, tasavvur, xulosalar chiqarish kabi ko‘nikmalarimiz rivojlanadi. Kitob o‘qish ko‘plab muammolarga yechim topish imkonini beradi.

💙 Kitoblar o‘z-o‘zimizni yaxshilash, katta natijalarga erishish uchun ishtiyoq beradi.

💜 Bilim bulog‘i dunyoni anglashning yangi chegaralarini kashf etishda qo‘l keladi.

🌷 || Telegram: @Mening_ko1notim

#konkurs_uchun
#2_ishtirokchi

📚Mavzu: "Nega kitob o'qish kerak?"

Kitob o‘qish stresslarni kamaytiradi va Kitob o‘qiydigan odamning so‘z boyligi katta bo‘ladi. Chunki kitob o‘qiganda kishi oddiy kundalik hayotda ishlatilmaydigan so‘zlarni ham uchratadi. Bu so‘zning ma’nosini lug‘atdan izlash ham shart emas, zero kitob umumiy mazmunidan so‘zning ma’nosi ham kelib chiqadi. Shu tariqa kitob o‘qisangiz nafaqat so‘z boyligingizni orttiradi, balki inson bilimini ham orttiradi. Axir Payg‘ambarimiz "Beshikdan qabrgacha ilm izlang" demaganlarmi.

🌷 || Telegram: @Mening_ko1notim

#konkurs_uchun
#1_ishtirokchi

📚Mavzu: "Nega kitob o'qish kerak?"

Kitob insonning tafakkurini charxlovchi noyob quroldir. Kitoblar bilan yaqindan tanishgan sayin inson ko‘p narsalarga o‘zgacha nigoh bilan nazar solishni boshlaydi.

Kitob doimo insonlar uchun yaqin do'st, hamroh, dono maslahatchi bo‘lib kelgan. Ba‘zi kitoblarni mutolaa qilganda inson o‘zi uchun hayotni yangidan kashf etishi ham mumkin . Bugungi hayotimizda ko‘pchilik kitobning o‘rni o‘zgardi, endi kitob o‘qish uchun vaqt sarflash noo‘rin, teatr, kino, gazeta, jurnallar kitoblarning vazifasini bajarib, ularning o‘rnini butunlay egalladi deb hisoblashadi.

Informatsiyalar haddan ziyod ko‘payib, har daqiqada yangilanib, internet butun insoniyat ongini egallab , hech kimning zerikishga vaqti qolmagan asrda kitoblarga joy bormikan ? Bunday savol o‘z-o‘zidan hammaning hayoliga kelishi aniq. Eng avvalo mutolaa kasalliklarga chalishni oldini oladi shu jumladan: Uyqusizlik, alsgeymer va xotirani yaxshilaydi, sóz boyligini oshiradi, tana ruhiy jihatdan tiklanadi, yozuvchilik qobiliyatini rivojlantiradi.
Xulosa órnida: "Kitob kórmagan kalla giyoh unmagan dala"

🌷 || Telegram: @Mening_ko1notim

#diqqat_qilamiz 🤩
#konkurs_shartlari 😉

Assalomu alaykum azizlar 🥰
Omonmisz-bormisiz ☺️

Konkursning shartlarini e‘lon qilaman:

#1_shart: "Nega kitob o‘qish kerak" mavzusida kichik matn yozasiz va @Mening_koinot1mbot shu manzilga yuborasiz, man uni kanalga joylayman.

✅ Bu shartda sizning ijodkorligingiz va so‘z boyligingiz tekshiriladi. Eng ko‘p like yig‘gan bitta ishtirokchi va random orqali bitta ishtirokchi g‘olib deb e‘lon qilinadi.

#2_shart: Ushbu shartda ishtirokchilarning bilimlari sinovdan o‘tkaziladi ya‘ni shartimiz quiz test ko‘rinishida yopiq guruhda bo‘lib o‘tadi. Ikki kunda bir marta ma‘lum vaqtda 15 tadan har xil mavzuda quiz testlar ishlanadi.

✅ Har testdan keyin jadval tuzilib ballar hisoblanib boriladi. Testda har kunlik 3 ta o‘ringa 5-4-3 balldan beriladi ya‘ni quyidagicha ko‘rinishda
●1-o‘rin:5
●2-o‘rin:4
●3:o‘rin:3
Bu shartda ham ballarga qarab 2 ta g‘olib aniqlanadi.

📌 Ro‘yhatdan o‘tganlar 1-shartni bajarishlari mumkin. 2-shart ro‘yhatdan o‘tish tugagandan keyin boshlanadi InshaAlloh. Sovg‘larni ham tez orada e‘lon qilaman 😍

Ro‘yhatdan o‘tish bu yerda...

🌐 || Telegram: https://t.me/+jNASCV32qzo4YjNi

🌐 || Instagram: https://www.instagram.com/mening_koinot1m?igsh=bWhyMXJ6NnJhdnc2

📌 Infantil bo‘lishning nimasi yomon?
#2_qism
#psychology

🔴 Ba’zi bolatabiat kishilar uchun asosiy muammolardan biri shundaki, ular chinakamiga baxtli bo‘lolmaydi. Ular hayotdan aslida nimani istayotganini bilmaydi, chunki shu vaqtgacha uning uchun boshqalar qaror qabul qilgan. Agar kimningdir omadi chopib, o‘z ishini chindan ham yoqtirsa, yaxshi. Lekin ko‘pchilik bu borada omadsiz, yillar davomida o‘zi yoqtirmaydigan ishni qilishga majbur bo‘ladi, chunki ish joyini yoki kasbini o‘zgartirishga jur’ati yetmaydi.

Oilaviy hayotda ham shu holat kuzatiladi — turmush o‘rtog‘i bo‘lishiga qaramay, bolatabiat kishi o‘zini juda yolg‘iz his qilishi mumkin. Sabablari: o‘ziga turmush o‘rtoq emas, balki hamma narsani o‘zi istagancha bajaruvchi ota-onasining o‘rnini bosadigan odam bilan yashaydi. Ikkinchidan, infantil u bilan o‘z qaroriga ko‘ra yashayotgani ham dargumon: uning uchun boshqalar qaror qilgan.

🔇 Hikoyamiz qahramonlari ichki muammo va qo‘rquvlardan qochishga urinadi, chunki aynan shu vaziyatda boshqalar ular uchun qaror qabul qilolmaydi. Lekin bu kabi muammo va qo‘rquvlar hech qayerga yo‘qolmaydi, balki kuchayadi.

📍Infantilizmning kelib chiqish sabablari

🟩 Ma’lumki, shaxsiyatga xos ko‘plab xususiyatlar bolalikda shakllanadi. Ijtimoiy va psixologik infantilizm ham bundan mustasno emas. Boz ustiga, bu aksar hollarda aynan ota-onaning tarbiya jarayonida xatolarga yo‘l qo‘yishi bilan bog‘liq. Eng ko‘p uchraydigan sabab — g‘amxo‘rlikni haddan oshirib yuborish, doimo bolaning ko‘ngliga qarash istagi, uni barcha muammo va tashvishlardan himoya qilish, u hatto so‘ramasa ham, yordam berishga oshiqish. Doimiy aybdorlik hissi — ota-onaning xatosi tufayli paydo bo‘ladigan yana bir noxush holat.

Bolaning fikr va his-tuyg‘ulariga umuman e’tibor bermaslik, u uchun barcha qarorlarni qabul qilish (qanday kiyinish, nimani o‘ynash va nima qilish kerakligi), qiz yoki o‘g‘il orqali o‘zi erisholmagan orzularni amalga oshirishga urinish bolaning kelajagiga salbiy ta’sir qiladi.

🔔 Bola shaxsiy rivojlanishda emas, balki pasportda ulg‘ayishining boshqa sabablari ham bor. Lekin tarbiya juda katta mavzu bo‘lib, uni alohida ko‘rib chiqish lozim. Eng asosiysi: ota-onalar bolaning qarorlarini, orzularini, intilishlarini, istaklarini, ambitsiyalarini, his-kechinmalarini, niyatlarini muntazam ravishda va ayovsiz “kaltaklab” turishi natijasida u oxir-oqibat fikrlash va qaror qabul qilishni butunlay to‘xtatadi.

Hamma narsa onasi yoki otasi aytganiday bo‘lsa, o‘zini qiynashdan nima foyda? Shu sababli rivojlanayotgan shaxsda shakllanish va kamolga yetish jarayoni buziladi va natijada u go‘dakligicha qolib ketadi.


💭 Voyaga yetgach, bunday odam o‘zi odatlangan qulaylikni saqlab qolish uchun qo‘lidan kelganicha harakat qiladi — ya’ni hech nimani mustaqil hal qilmaslik, qiyinchiliklardan qochish, boshqalar ko‘magiga qaramlik. Buning ham o‘ziga yarasha afzalliklari bor. Lekin salbiy tomonlari-chi? Salbiy tomonlari anchagina ko‘p bolishi mumkin.

Davomi bor...☑️

🪩 || Telegram: https://t.me/+jNASCV32qzo4YjNi

🪩 || Instagram: https://www.instagram.com/mening_koinot1m?igsh=bWhyMXJ6NnJhdnc2

#shaxsiyat 🪄

〽️ Inson umri davomida, boshqa hech narsa bilan solishtirib boʻlmaydigan, hech narsaga oʻxshamaydigan, har qanday vaziyatda ham oʻzgarmaydigan juda buyuk bir ishni qila oladi.

Bu oʻz shaxsiyatini barpo qilish, oʻz ustida tinimsiz ishlash, ilm oʻrganish, hayrli amallarda doimiy oʻshish va rivojlanish, yuqori darajadagi axloq va goʻzal odob egasiga aylanish.

☑️ Bu bizning tanlovimiz.
Hech kim kelib, bizning dangasaligimiz va mas’uliyatsizligimizni oʻz yelkasida koʻtarib, zulmatdan yorugʻlikka olib chiqib qoʻymaydi.
Bu tanlov—Allohning huzuriga borganda oʻzimiz bilan olib bora oladigan yagona narsadir.

Hozircha, isloh qilish kerak boʻlgan narsalar ustida ishlash uchun vaqtimiz bor. Alloh har doim bizga xatolarimizni koʻrsatib qoʻyadi. Bizni oʻrab turgan sinovlar—aslida juda katta rahmatdir. Boshiga sinov kelmagan banda shunchaki oʻz Yaratuvchisini unutib qoʻyadi.

📚 Alloh bandasini yaxshi koʻrishining yana bir belgisi uni foydali ilm va amal bilan mashgʻul qilib qoʻyadi.
Bu xuddi-ki, choʻkib ketayotganimizning bir onida yuqoriga bir marta chiqib, chuqur nafas olishga oʻxshaydi. Toʻyolmaysiz, yana johiliyatda choʻkib ketish qoʻrquvi paydo boʻladi, oʻsha onda siz, yashayotganingizni his qilasiz. Bu esa dunyodagi eng ajiyb his.

#Manba: Farohun ©

🌐 || Telegram: https://t.me/+jNASCV32qzo4YjNi

🌐 || Instagram: https://www.instagram.com/mening_koinot1m?igsh=bWhyMXJ6NnJhdnc2