Салом қадрлигим,
Қалби бир уммон,
Бугун янги кунга етказди АЛЛОҲ.
Шукр саломатдир яна тану жон,
Сизга Яратгандан сўрайман паноҳ.

Кўз очиб-юмгунча ўтмоқда ҳаёт,
Бир онда ўчмоқда милён юлдузлар.
Меҳр бер, муҳаббат бўлсин барҳаёт,
Фақат биздан қолар меҳрли сўзлар.

Сизга саодатлар тилайман жоним,
Митти юрагингиз уриб турса бас.
Фақат, эзгуликка тўлсин жаҳоним,
Яхшилик туйғуси бўлсин ҳамнафас.