Malaka oshirish Tarmoq markazi

Kengash avvalida, an’anaga binoan, institut rektori, professor Nodirbek Sayfullayev “Vokal” kafedrasidan Dilbar Malikova va "Estrada va ommaviy tomoshalar san’ati" kafedrasidan Jahongir Mamatqosimovlarga professor, “Cholg‘u ijrochiligi” kafedrasidan Sobir Madiyevga dotsent ilmiy unvoni guvohnomalarini topshirib, kelgusi ilmiy-ijodiy hamda pedagogik faoliyatlariga ulkan zafarlar tiladi.

Kengashda magistratura mutaxassisliklarida ta’lim olayotgan bitiruvchilarning magistrlik dissertatsiyalarini dastlabki himoyasi, institut Yoshlar ittifoqining faoliyati va uni yanada takomillashtirish bо‘yicha olib borilayotgan ishlar, talabalarni respublikada о‘tkaziladigan fan olimpiadalari, turli kо‘rik-tanlovlar, festivallar va kо‘rgazmalarga jalb qilish, institut professor-о‘qituvchilari tomonidan yozilgan adabiyotlarni Oliy ta’lim, fan va innovatsiyalar vazirligi huzuridagi Muvofiqlashtiruvchi Kengashda kо‘rib chiqish uchun yuborish va monografiyalarni chop qilishga tavsiya etish, О‘zbekiston davlat san’at va madaniyat instituti kafedralaridagi mavjud bо‘sh (vakant) о‘rinlarga “О‘zbekiston ovozi” gazetasining 2025-yil 19-martdagi 11-sonida berilgan tanlov e’lonlari, ilmiy unvon olish uchun Oliy attestatsiya komissiyasiga hujjatlarni yuborish, O‘zbekiston Respublikasi Vazirlar Mahkamasining 2024-yil 8-iyuldagi “Oliy ta’lim sifati, ilmiy va innovatsion faoliyat hamda tizimga ajratilgan mablag‘lardan samarali foydalanish masalalari to‘g‘risida”gi 64/5-sonli bayoni 19-bandi yuzasidan belgilangan vazifalar haqida, ijro intizomi kabi institut hayotiga aloqador bir qator masalalar muhokama qilindi.

Kengash yakunida “Madaniyat va san’at sohasi menejmenti” mutaxassisligi 1-kurs magistranti Nargiza Asatova, “Estrada aktyorligi” ta’lim yo‘nalishi 3-bosqich talabasi Nasiba Sodiqova, “Madaniyat va san’at sohasi menejmenti” ta’lim yo‘nalishi 2-bosqich talabasi Zohidjon Jumanazarov, “Kutubxona-axborot faoliyati” ta’lim yo‘nalishi 3-bosqich talabasi Izzatilla Olimovlarning nomzodlari Kengash a’zolari tomonidan bir ovozdan ma’qullangani e’lon qilinib, ularga Muhammad Yusuf ko‘krak nishoni tantanali topshirildi hamda kelgusi o’quv yilida stependiya bilan ta’minlanishi ma’lum qilindi.