Shahobiddinovna | Shaxsiy Blog

@Madina_Shahobiddinovna

Channel's geo and language: Uzbekistan, Uzbek

Category: Telegram

Istak, harakat, natija!
O'rgandingmi, o'rgat!
Kanal boti: @Rahmatova_aloqa_bot
Bog'lanish: @Shahobiddinovna_M

Related channels

Channel's geo and language

Uzbekistan, Uzbek

Shahobiddinovna | Shaxsiy Blog

4 Jan, 17:45

Hammasi mukammal, faqat qog'ozda

Ko'pchilik hamma narsani qog'ozda a'lo qilishga harakat qilishadi-yu, amalda qanchalik sifatli bo'lishi bilan hech ishi yo'q.

Bir tanishim - o'zbek qizi turk yigitga turmushga chiqyapti. FXDYO'dan ro'yhatdan o'tib, rasman turmush qurishlari uchun tarjimon kerakligini aytishibdi va meni chaqirishdi.

Aslida, kelin ham, kuyov ham bir-birini tushunadi. Lekin rasmiyatchilik uchun tarjimon kerak deb qolishdi. Tarjimonning ishi faqatgina ularning roziligini o'z tilida so'rab berish va imzo qo'yib guvohligini tan olish ekan.

Turkiya odati haqida gapirib qolishdi, faqatgina kelin-kuyov uchun guvoh yetarli, hech qanaqa ortiqcha tarjimon yoki boshqa kishi kerak emas, vaqti kelsa, ikkalasi bir-biriga guvoh ham bo'la olishini aytishdi.

O'zbekistonda esa, aynan Farg'onadagi holat bo'yicha: belgilangan vaqtdan 1 soat o'tib ish boshlashdi, qog'ozbozlik ishlari, sovuq xonalar, odamlarning bir-biriga bo'lgan sovuq muomalasi, xullas, to nikohdan o'tishgunga qadar yuzga yaqin hujjat to'ldirildi, ochiq chehrada kelgan ikki yosh ham, u darajada ko'ngli to'lib chiqmadi.

(Aslida, qaysidir jihatdan ishchilarni AI ga aylantirilayotgani hozirgi holatga mos, har holda robotgai o'xshagan muomalani robotni o'zidan olgan ma'qulroq, manimcha.)

Xulosa shuki, biz o'zimizni qog'oz bilan aldab yuribmiz (o'qishda ham ta'limdan ko'ra, nima bo'lsa ham diplom bo'lsa bo'ldi), biz uchun qog'ozdagi sifat a'lo bo'lsa bo'ldi. Amaldagisi esa...

#shaxsiy_fikr
@Madina_Shahobiddinovna

36 0 0 2

Shahobiddinovna | Shaxsiy Blog

28 Dec 2024, 10:57

Xatolar albatta yomon. Lekin xatolar qilmaslikni o'rganish uchun ham xato qilish kerak.

#shaxsiy_fikr
@Madina_Shahobiddinovna

143 0 1 1

Shahobiddinovna | Shaxsiy Blog

26 Dec 2024, 20:37

Hayot bu g'alaba, hayot bu tajriba!

Yozish haqida ko'p gaplar bo'lgan, yozsang, sayqallanasan, degan xulosaga ham keldim, to'g'risi.

O'tgan yili yil sarhisobini ilk marta yozma shakllantirdim. Rosa 1 yil avval, shunday paytlarda. O'qib chiqib hozirgi fikrlarim bilan solishtirdim, o'zgarish anchagina. Yozing, fikrlashingiz o'sadi.

Bu yil ancha barakali yil bo'ldi, ming shukur. Ko'p yutuqlarga erishdim, yutqazganlarim bilan tajribalarga.

Bu yil o'zimni qaytadan kashf qildim. Oldinlari tasavvur ham qilmagan qirralarim ochildi.

Turk tili o'qib, eng yuqori natijani oldim. Shu bilan birga turk adabiyoti haqida qarashlarim o'zgardi, sara durdona asarlar bilan tanishdim. Til ustozimga rahmat.

Til bo'yicha, tarjima ishini boshladim, hali birortasi nashriyotga berilmagan bo'lsa ham, asosiysi yaxshi bir insonga shogird bo'lib, ancha ko'p narsa o'rgandim. Tarjimon ustozimga rahmat.

Xalqaro maqola olimpiadalarida qatnashdim. Maqolalarim sonini ko'paytirdim, nufuzli jurnallarda chop etdik. Ilmiy ish bo'yicha ancha yaxshi xulosalarga erishdim. Ilmiy rahbarimga rahmat.

Til va ilmiylik jihatdan Wikipediada maqola tayyorlashni o'rgandim, bir nechta 'maqolacha' chiqardik. O'rgatgan insonga rahmat.
"Yil talabasi" tanloviga qatnashdim, 4-o'rin bo'lib, g'oliblikka chiqa olmadim, lekin ungacha bo'lgan jarayonda ko'p narsa o'rgandim, ilmiy va hayotiy jihatdan. Bunda ham sabr bilan batafsil yordam qilishdi, rahmat.

Bundan tashqari, boshqa bir qancha kichik tanlovlarda qatnashdim, g'olib bo'ldim, sovg'alar oldim. Barchasi uchun rahmat.

Har xil tarafdan tanishlar, ustozlar orttirdim: zakovat, til kurslari, tanlovlar, tarjima, kitobxonlik, hatto chet eldan (Turkiya, Bosniya, Ukraina, Ozarbayjon va b.) ham ustozlar va boshqa yaxshilar bilan tanishib, yaqin bo'ldik. Hammalariga rahmat.

Albatta, asosiylarini saralagan holda shuncha yozdim, yozilmaganlari hali anchagina. Ming shukur, shunday hayot uchun, g'alabalar, mag'lubiyatlar uchun ming shukur....

#fikrlash #hayot
@Madina_Shahobiddinovna

140 0 1

Shahobiddinovna | Shaxsiy Blog

26 Dec 2024, 17:42

Forward from: Asarcha | Khamdijonov

Qaychi va qilich, maymun va bo‘ri, olma va tarvuz... – adabiyotga kim nima bilan kirib kelgan?

Abdulla Qahhor adabiyotga qaychisi bilan kirib kelgan, degan qanotli ibora yuradi. Bunday o‘ylab qaralsa, har bir yozuvchi-shoir haqida shunga o‘xshash payrov qilish mumkin ekan. Payrovki, andak hazil, andoq haqiqat…

Adabiy makonga Murod Muhammad Doʻst o‘rkach-o‘rkach dasht-u dalalar oshib, Xurshid Davron Samarqandning minora-yu gumbazlarini orqalab, Xurshid Do‘stmuhammad “Jajman” bilan eski shahar bozorini oralab, Luqmon Bo‘rixon jaziramada cho‘l-u biyobon kezib, Isajon Sulton bitik toshlarni, Anvar Suyun esa Gʻo‘bdintog‘ni ortmoqlab kirib kelgan.

Erkin A’zam pakana oshiq, Yoʻldosh Eshbek yigʻlayotgan qiz, Nurilla Chori bir guruh qariyalar bilan adabiyotni zabt etgan.

Adabiyotga biror hayvon bilan kirib kelganlar talaygina ekan: Said Ahmad qoplon (it) bilan, Husniddin Sharipov oddiy baliq, Abdulla Oripov esa tilla baliq bilan (mitti yulduz varianti ham bor), Tog‘ay Murod tarlon (ot), Usmon Azim karvon (tuya), Azim Suyun burgut, Sirojiddin Sayyid qaldirg‘och, Nazar Eshonqul maymun bilan, Zulfiya Moʻminova va Adiba Umirova oq ilon, Xolyor Safar jiyron (ot), Najmiddin Ermat ko‘k bo‘ri bilan.

Tabiat shaydolari: adabiyot bog‘iga Oybek na’matak, Mirtemir majnuntol, Asqad Muxtor chinor, Muhammad Yusuf terak, Uygʻun Roʻzi atirgul ekkan bo‘lsa, Gʻafur Shermuhammad esa quduq qazgan. Bunga Shavkat Rahmonning gullagan toshi ham qo‘shilib, bamisoli landshaft dizayni hosil bo‘lgan.

Qurol ko‘tarib kelganlar: Shukur Xolmirzayev yashil “Niva”da ov miltigʻi, Chori Avaz tortilgan kamon, Faxriyor oybolta, Qoʻchqor Norqobil tanka bilan. Shavkat Rahmon sermagan qilichni bugun Shahriyor Shavkat ham o‘qtalib yuribdi.

Soz chalib kelganlar: Eshqobil Shukur sibizgʻa, Rustam Musurmon doʻmbira, Aziz Said chiltor, Shodmonqul Salom chanqovuz bilan.

Hasharotlar bilan: Toʻxtamurod Rustam kapalak, Jasur Kengboy esa chigirtka bilan uchib kirgan adabiyot derazasidan.

Avval taom, bad’az kalom, deydiganlar: Erkin A’zam bir savat jaydari olma, Sobir Oʻnar katta tarvuz, Jontemir esa may bilan kirgan.

Zamonaviyroq narsa-buyum ko‘targanlar ham bor: Xayriddin Sulton plastinka, Nabijon Boqiy “delo”, Abduqayum Yoʻldosh mix, Salim Ashur telefon, Fozil Farhod jeton olib kirgan adabiyotga. Shoir Elyor Murod esa “Matiz” bilan kirib, “Malibu” bilan chiqib ketgan.

Yana, O‘tkir Hoshimov adabiyotga tushda kirgan. Shuhrat shineli bilan, Shuhrat Orif Shuhrat Daryo bilan, Alisher Ibodinov olov bilan…

Elshunos shoir Rustam Musurmon haqida ustoz Mahmud Sa’diy aytgan hazilni eslaganlar ham ko‘p bo‘ldi. Ammo ro‘yxatga kiritishga ma’naviyatimiz yo‘l bermadi.

Manba: Oyina.uz

| @asarcha

96 0 0

Shahobiddinovna | Shaxsiy Blog

21 Dec 2024, 14:57

#til_izoh

Ancha-muncha yoki uncha-muncha: ikkalasi sinonimmi?

Ancha-muncha - anchagina, talaygina.

Misol: Chorbog'dagi daraxtlar ham ancha-muncha bo'ldi. ("Yoshlik" jurnali)

Uncha-muncha - ozroq miqdorda, biroz, sal-pal.

Misol: O'zi ham uncha-muncha narsa yig'ib qo'ygan. ("Narvon" S. Nurov)

• O'rta darajadagi, oddiy, jo'n ma'nolarini ham uncha-muncha so'zi ifodalaydi.

Misol: Siz uncha-muncha odamning ishini oydinda oyog'ingiz bilan qilib qo'yasiz. ("Uch ildiz" P. Qodirov)

@Madina_Shahobiddinovna

164 0 0

Shahobiddinovna | Shaxsiy Blog

19 Dec 2024, 19:53

Forward from: Ulug’bek To’lqinov 3.0

Kimgadir vazifa yuklaymiz, lekin vazifa chala bo'ladi yoki umuman bajarilmaydi.

Buning ko'p sabablari bo'lishi mumkin.

Balki topshiriq yuklatilgan odam buni nima uchun qilish kerakligini bilmas.

Balki qilishga sababni bilsa ham, qanday qilishni bilmas.

Balki bu ikkisini ham bilib turib, unchalik dolzarb deb o'ylamas.

Ishni bajardi ham deylik, lekin doimiy bir me'yorda davom ettirolmas.

Haa. Har xil parametrlar bor.

Demak, vazifa yuklashda 3-4 ta muhim bosqichga e'tibor berishimiz kerak.

Vazifani nima uchun bajarilish kerakligini obdon anglatishimiz (1), bu ishni qanday qilishni boshdan-oyoq tushuntirishimiz (2), dolzarbligini ko'rsatish uchun muxlat (deadline) belgilashimiz (3), ish bajarilgach esa, doimiy nazorat qilib borishimiz (4) kerak bo'ladi.

- Sababini tushuntirish;
- Qanday qilishni o'rgatish;
- Muxlat berish;
- Nazorat qilish.

Xodimlar bilan ishlash oson emas, ayniqsa, asosan topshiriqlar taqsimlashga va bu jarayonni nazorat qilishga javobgar bo'lsak.

Ustozimdan o'rganganlarim - yuqoridagi bosqichlar, shaxsan o'zimga anchagina yordam bergan.

Boshqaruv sohasida bo'lsangiz, sizga ham manfaatli bo'ladi degan umiddaman.

#management

153 0 0

Shahobiddinovna | Shaxsiy Blog

18 Dec 2024, 17:17

Oqibat bilan kurashgandan ko'ra, sababini o'rganib, sababi bilan kurashgan yaxshiroq.

©podcast
@Madina_Shahobiddinovna

140 0 1 5

Shahobiddinovna | Shaxsiy Blog

17 Dec 2024, 21:44

O'qish - tinglashdan ko'ra tezroq natija beradi. Bajarish - tomosha qilishdan tezroq.

The almanack of Raval Navikant | Erik Jorgenson

@Madina_Shahobiddinovna

188 0 1

Shahobiddinovna | Shaxsiy Blog

16 Dec 2024, 07:23

***

Marg'ilonda yog'ayapti qor,
u yerlarda qolmagan yumush.
Kelishimga bo'lib intizor,
yo'llarimni poylaydi Kumush...

Erkin Hojimuhammad

@Madina_Shahobiddinovna

176 0 1 4

Shahobiddinovna | Shaxsiy Blog

14 Dec 2024, 08:45

Kechikyaptimi, demak xayrlidir

Bir yildan beri o'z soham bo'yicha ish qidirib, juda ko'p markazlarga bordim. Ba'zilarida ishchi bor, ba'zilari menga yoqmadi, ba'zilariga men.

Keyin ilm olishga kirishdim, turk tili o'qidim. Astoydil kirishdim va shukurki, eng yuqori natijani oldim.

Doim xayolimda yurgan bir markaz bor va unga bir chetdan havas qilib yurardim. Bir tanishim tavsiya qilib qoldilar, turk tilidan vakasiya bor ekan, kirib ko'ring, dedilar.

Ungacha, ishlash niyatim bo'lgani uchun o'zimni ustozim ishga taklif qildilar. Rozi bo'ldim-u, ba'zi ijtimoiy sabablarga ko'ra, vaqt qilib borishim qiyin bo'ldi. Boraman deganimda doim nimadir yo'limni to'sdi.

Tavsiyaga ko'ra, boshqa joyga bordim. Hamma sabablar shu yerga undadi, yo'lim o'zidan o'zi ochildi, Shukur. Suhbat bo'ldi va joylashuv ishlari davom etyapti.

Ba'zan shunday ishlar bo'ladiki, ularning siz bilan sodir bo'layotganiga shukur qilasiz. Shunday holatda bo'lasizki, o'zingizga havasingiz kelib ketadi...

Bugun muhim kun. Registon tashkillanganiga 10 yil to'ldi. Aynan, shunday katta bir tadbir arafasida ajoyib jamoaning bir qismiga aylanayotganimga haligacha o'zim ishonolmayapman.

Va fikr yuritib, shunga amin bo'ldimki, nimadir kechikdimi, qandaydir istagimizga yetishda yo'limiz to'sildimi, demak undan-da ajoyibi, nasibamiz bizni kutyapti. Faqat harakatdan to'xtamaslik va niyatni to'g'ri qilish kifoya.

: bugungi premyerani kuzatish uchun - @registan_10

#shaxsiy_fikr #hayotiy
@Madina_Shahobiddinovna

201 0 0

Shahobiddinovna | Shaxsiy Blog

13 Dec 2024, 13:18

Forward from: 14-dekabr | Registon ta’lim loyihasi 10 yillik yubiley

Ertaga!

Registon ta’lim loyihasi 10 yilligini nishonlashga tayyormisiz?

Biz bilan birga bo‘lib, o‘tgan yillar davomida erishgan yutuqlarimizga guvoh bo‘ling!

Ertaga (14-dekabr), 10 nafar omadli o‘quvchi 3 oy davomida Registon o’quv markazining istalgan filialida bepul ta’lim olish imkoniyatiga ega bo‘ladi.

Bu imkoniyatni boy bermang va online tadbirimizda qatnashing!

📅 Kun: 14-dekabr
⏰ Vaqt: 11:00

164 0 0

Shahobiddinovna | Shaxsiy Blog

12 Dec 2024, 14:52

Surat

Bekatda uch kishi:
Erkak, ayol va bola.

Erkakning qo'llari cho'ntagida,
Ayol bolakay qo'llarini tutgan.

Erkak g'amgin:
Xuddi, g'amgin qo'shiqlar kabi.

Ayol go'zal:
Xuddi quvonchli onlar kabi.

Bolakay esa:
Go'zal xotiralar kabi g'amgin,
G'amgin qo'shiqlar kabi go'zal...

©Cemal Süreya

@Madina_Shahobiddinovna

179 0 0

Shahobiddinovna | Shaxsiy Blog

8 Dec 2024, 07:54

#til_izoh

Pishakizi - yengil yog'gan qor. Mushuk ba'zi yerlarda pishak deb ataladi. Pishakizi esa yurganda mushuk izi ko'rinadigan darajadagi mayda, yupqa qor.

Misol: Bu yoqda esa paxta tugagan, lekin bir-ikki pishakizi qor ham tushdiki, hali
javob yo’q. (Ahmad A'zam "Tugmachagul")

Bundan tashqari, so'z - kichik, mayda, yengil, yuzaki, qo'l uchida bajarilgan ishlarga nisbatan ham qo'llaniladi.

Misol: ishni tugatgandan keyin pishak izi ham qoldirma. - mayda narsa ham qolmasin, ma'nosida

P.s: bir qancha izohli lug'atlardan qidirib ko'rdim, hech qanday natija chiqmadi. Asarga tayangan holda izohladim. Agar kimdadir asosli manba bo'lsa, ulashishingizni so'rayman.

@Madina_Shahobiddinovna

229 0 0

Shahobiddinovna | Shaxsiy Blog

2 Dec 2024, 14:20

Niyatingizni to'g'ri qo'ying.

Bir voqea bo'ldi. Yaqin dugonamdan bir iltimos qildim: Toshkentga yetib kelgan xalqaro turk tili sertifikatimni olib, Marg'ilonga pochtadan berib yuborishini so'radim.

Qo'llariga olgach, bir narsa aytdilar. Yil avvalida 2024-yil davomida erishmoqchi bo'lgan maqsadlarini yozib chiqqan, ular orasida "sertifikat turk tili" ham yozilgan edi.

Deyarli hamma rejalari amalga oshgan, lekin yil davomida turk tili o'qilmagan xolos.

Allohning qudratini qarang, rejalarida turk tili sertifikat olish bor edi va kirib shu sertifikatni olib chiqdilar.

Yana bir voqea, aynan turk tilidan C1 sertifikat bilan o'zim yoqtirgan joyda ishlashni, ajoyib ish jamoasi safida bo'lishni niyat qilardim. Xudo xohlasa, bu ham ayni vaqtda amalga oshyapti.

Hamma narsa shunday, niyatlaringizga bog'liq. Xudo beraman desa hech gap emas. Siz faqat niyatingizni to'g'ri qilsangiz bas.

#fikrlash
@Madina_Shahobiddinovna

305 0 0 2

Shahobiddinovna | Shaxsiy Blog

1 Dec 2024, 19:30

Berishingizga e'tibor qiling.

Sotish uchun meva olib chiqdingiz. Mahsulotga qanchadir mablag' qo'ydingiz, lekin beradigan mevangiz shu mablag'ga yarasha (yangi, toza, shirin..) ekaniga qarang.

Mevali daraxt ekdik. Bir necha yilda hosilini ko'p, sifatli, shirin bo'lishini kutyapmiz. Kutganimizga yarasha parvarish ham qilishimiz kerak.

Kasal bo'lsak, tuzalmayapmiz deyishdan avval, yetarlicha davo qila olyapmizmi, deyishni ham bilish kerak.

Kimgadir oz pul berib, ko'p olishni ko'zlamang. Ko'p olish uchun berishingiz ham shunga yarasha bo'lishi kerak.

Ta'limda ham shunday. O'rganuvchidan yaxshi natija kutishdan avval berayotgan bilimingizni kutganingizday darajada qiling.

Ustozdan nimadir o'rganishda, o'z harakatingizni yaxshilang.

Ishga kirishda yuqori maosh so'rashdan avval ishingizga boringizni bera olishingizni ta'minlang.

Farzandingizdan (o'qish/tarbiya) nolishdan avval unga berayotgan bilim/tarbiyangiz yetarlicha ekaniga boqing.

Zotan, o'zingiz boringizni bermas ekansiz, kutganingizni olsangiz ham buyurmaydi.

#shaxsiy_fikr
@Madina_Shahobiddinovna

263 0 1

Shahobiddinovna | Shaxsiy Blog

29 Nov 2024, 14:23

256 0 0

Shahobiddinovna | Shaxsiy Blog

28 Nov 2024, 06:45

Forward from: Ulug’bek To’lqinov 3.0

Ustoz deb bilganingning ayrim kamchiliklariga ko’z yumasan yoki ilmsiz qolasan…

281 0 0 1

Shahobiddinovna | Shaxsiy Blog

27 Nov 2024, 10:27

Muomala

Ishga kirish uchun suhbatga chaqirishdi. Kelib birinchi bo'lib qabulxonaga uchradim, ochiq kayfiyatda, chiroyli muomala bilan kutib olishdi.

Menejer bilan suhbat bo'ldi. Oddiy suhbat bo'ldi, lekin muomalasi chiroyli, samimiy va bu ishda qolishim uchun jalb qila oladigan darajada edi. (Undan avvalroq ish uchun gaplashgan joyimdagi ilk muomala o'rtacha bo'lgan, lekin mas'uliyat va intizom, asosiysi meni olib qolishga jalb qila oladigan muomala bo'lmagan).

Har qanday insonni o'ziga jalb qilish, yaxshi taassurot qoldirishning oson va asosiy yo'li chiroyli muomala qilishda.

Suhbatga kelgan joyimda demo dars uchun chaqirishdi. Ataylab yarim soat ertaroq keldim va markaz faoliyatini qabulxonada turib kuzatdim.

Yarim soat ichida 20dan ortiq inson kurs so'rab keldi. Qabulxonadagi qizlar tabassum bilan hammani kutib olib, kelgan insonni ham tabassum qildirib chiqarishmoqda.

Ikki o'quvchi ota-onasi bilan kurs bo'yicha muammo bilan qabulxonaga kelishdi. Hech qanday ortiqcha gaplarsiz, samimiy chiroyli munosabat bilan hal bo'ldi.

Har qanday holatda ham insonga qilinadigan ilk murojaat muomalasi chiroyli bo'lishi kerak. Zotan shu birinchi muomala oxiriga qadar hamroh bo'ladi va ko'p narsani hal qiladi.

#shaxsiy_fikr
@Madina_Shahobiddinovna

292 0 0 4

Shahobiddinovna | Shaxsiy Blog

26 Nov 2024, 20:34

Yuk

Ertalab damasga chiqqanimda qo'limda komputer va alohida bir sumkam ham bor edi. Yonimga bir ayol o'tirdi, yonida hech narsasi yo'q, qo'lida faqat puli va telefoni bor. Oldimdagi bir opada esa ancha sumkalar bor edi.

Fikrladim. Hammaning qo'lidagi yuki har xil. Kimdadir ko'p, kimdadir kam. Kimdir qo'lidagi og'ir yukiga qanoat qiladi, kimdir esa yo'q.

Hayotda hammaga har xil shaklda yuk yuklatilgan. Yo'l davomida uni yengillatish yoki og'irlatish o'zimizga bog'liq.

Bir jumla o'qib qolgandim: har kimga ham g'alaba yoki sinovlar bir paytda berilmaydi. Ya'ni kimdir g'olib paytda, kimdir albatta mag'lub bo'ladi, kimdir sog' paytda, kimdir betob.

Alloh hech kimga ko'tara olmaydigan yuk bermaydi. Undan kerakli joyda foydalanib, yengil yoki og'irlashtirish o'zimizga bog'liq.

#shaxsiy_fikr
@Madina_Shahobiddinovna