Shahobiddinovna | Shaxsiy Blog

Bizni vaziyatlar boshqaradi.

Ko'pchilik bolaligidan ustozlik kasbini tanlaydi. Kichik yoshlaridan boshlab ustoz bo'lishga, ma'lum insonlarga o'xshashga, ba'zilarga o'xshamaslikka harakat qiladi.

Boshlang'ich sinfda o'qiyotganimda xuddi ustozimday holatda dars o'tishni xohlaganman. Bolalar uchun, turli metodlar bilan.

O'rta sinfga o'tgach, ustozlarimni, maktab tizimini ko'rib ustoz bo'lmaslikka qaror qilganman.

Abituriyentlik davrimda, maktabda ustoz bo'lib, darslikni to'liq emas, oliy ta'limga kirish imtixonlariga moslab, ma'lumotlarni yodlatib o'tishni reja qilardim.

Talabaligimning ilk paytlarida maktabga emas, oliy ta'limga ishga kirmoqchi bo'ldim. Maqsadlarim o'zgara boshladi.

Ayni paytda, barcha vaqtlardagi maqsadlarimni o'ylab ko'rdim. Hammasida faqat o'sha vaqtdan kelib chiqib fikrlaganman. Balki hozir ham shundaydir. (Hozirgi maqsadim boshqa masala)

Lekin fikrlab, olgan xulosam shuki, har qanday qaror qabul qilishda aynan o'sha vaziyatimizdan kelib chiqib o'ylaymiz. Bizni vaziyat boshqaradi.

Balki, ma'lum jihatdan qarorlarimiz foydali bo'ladi, lekin vaziyat o'zgarganida, bizga zararga ishlashi mumkin. Qaror qabul qilishda har qaysi holatga tushib ko'rish, keyinini o'ylab qaror qilish muhimroq.

Vaziyatlar bizni emas, biz vaziyatlarni boshqaraylik.

#fikrlash
@Madina_Shahobiddinovna

Kirib kelgan ramazon oyi barchamizga xayrli, barokatli bo'lsin. Barchamizga sabr-toqat, kuch quvvat bersin!

@Shahobiddinovna_blogi

Ijodkor bo'ling!

Oldingizda savatchada turli mevalar turibdi. Ularni olib boshqa insonlarning oldiga boricha qo'yib qo'ydingiz. Istagan oladi, istamagan yo'q.

Oldingizda savatchada mevalar. Ularni qandaydir shakllarga solib, fantaziyangiz bilan bezatib insonlarga tortiq qildingiz. Istamagan odam ham, istagan odam ham yegisi keladi va yeydi.

E'tibor bering. O'quvchiga ta'lim berish ham shunga o'xshaydi. Ilmni boricha oldiga qo'yib bersangiz, istagan oladi, istamagan yo'q. Ya'ni deyarli 10-30% o'quvchi siz bergan ilmni o'rganishi mumkin.

Ijodkorona yondashasiz. Turli xil o'yinlar orqali dars tashkillaysiz va ilm o'rgatasiz. Bu paytda xonadagi barcha sizga e'tibor qaratadi. Hamma sizga intiladi.

Har qanday ishda ham insonlarni o'zingizga qarata olish o'z qo'lingizda. Xohlasangiz mevalarni savatcha bilan tuting, xohlasangiz ijodkorona yondashing.

#shaxsiy_fikr
@Madina_Shahobiddinovna

Bu yorug‘ dunyodan yashab o‘taman,
Sevgiga to‘ymasdan, to‘ymasdan she’rga.
Bir tiniq tabassum bilan tutaman
Jonimni Allohga,
jismimni yerga…

***

Siz shoshilmang,
oshiqmang buncha,
Hali baho berishga erta.
Shoir
hamma kabi
buguncha
Kuymalanib yuribdi yerda.

Sabr qiling,
dunyodan o‘tib,
Singib ketgach tuproqqa jismi,
Dilingizni sog‘inchi tutib,
Tilingizga to‘ladi ismi…

✍Bahodir Iso

Nodirabegim Ibrohimova ham ta'kidlaganidek: Bahodir Iso jonini Allohga, jismini yerga topshirdilar

@Madina_Shahobiddinovna

"Fikrla'fobia"ga chalinyapmiz(mi?)

Inson fikrlab, shaxsiy fikrlarini ayta boshlaganda boshqalar darrov qarshi fikr bildira boshlashadi.

Ko'p bora qarshiliklarga, ko'p bora tanqidlarga uchragan inson esa kelasi safar shaxsiy fikrini bildirgisi kelmaydi. Bora bora fikrlamaydigan bo'lib qoladi.

Fobia nimadandir qo'rqish hissi. Borgan sari fikrlashdan qo'rqib bormaylik.

Qandaydir fikr bildirilsa, "dunyoni o'zgartirarmiding?" deyishadi.

Shunday deyishsa, "HA!" deng. Bugun bitta fikringizni shunday deb bo'lsa ham eshitishdimi, ertaga ikkinchi fikringizni ham tanqid qilib bo'lsa-da, eshitishadi.

Siz ommaga fikrlarni erkin bildirish mumkin ekanini ko'rsatib berasiz. Qachondir u inson ham kimgadir fikrini aytganida, sizday "Ha" deya keng fikr bildira olishni o'rganadi.

Bitta sizning fikringiz orqali jamiyat o'zgara olishi mumkin. Siz dunyoni o'zgartira olasiz.

Bugun siz fikrlay olyapsizmi, ertaga yana bir kishi fikrlay olishiga sababchi bo'ling. Shaxsiy fikrlar yo'qolmasin.

#fikrlash
@Madina_Shahobiddinovna

***

- Ona, men chumolini bosib o'ldirib qo'ydim.
- Bekor qilibsan, endi uning ham onasi xafa bo'ladi, yig'laydi.
- Yo'q, bu tarafini ham o'ylab, onasini ham o'ldirib qo'ydim.
...

Ushbu qisqa hikoya yoxud dialog uchun tushunganingizcha tahlil yoki fikr yozishingni istardim. Shunchaki erkin va shaxsiy fikrlar.

@Madina_Shahobiddinovna

❗️❗️❗️

Katta tarjimonlarga havas qilib, kichkina kanalcha ochib qo'ydim, qo'llavorasizlar endi, kanali borlar, reklama qilib bersangizlaram juda katta yaxshilik qilgan bo'lasizlar.

@Shahobiddinovna_blogi

♦️Tez orada esa katta yangilik bilan e'tiborlaringizga chiqamiz. Hozir esa qo'llab-quvvatlashni kanda qilmaysiz deb umid qilib qolamiz))

Hurmat bilan Shahobiddinovna!

Qachondir qayerdadir orttirgan dardingiz butun hayotingizni buzmasligi kerak.

Sizning ayni hozirgi vaqtlaringiz hech qachon qaytmaydi.

Bir vagon pul olib borib qo'ysangiz ham hech kimni baxtli qila olmaysiz.

Inson aynan hibsxonada bo'lmasa ham baribir nimagadir tutqun bo'ladi.

Inson oldidagi eng katta qo'rquv nimasidir o'xshamasligidan bo'ladi. Lekin nimadir o'xshamay qoldi degani o'lyapsan degani emas. Asosiysi ham shunda.

O'lish hammani qo'lidan keladi. Hammasiga jasorat qilib yashash esa unday emas.

©podcast: Sanjar Nazar

#podcast_f
@Madina_Shahobiddinovna

Katta o'zgarishlar tub ildizi kichkina joyda - ichimizda bo'ladi.

Dardning kalibri muhim. Insonni harakatga keltirib turadigan ham dard.
Har qanday farovonlik ostida ham albatta dard bor.

Ideal narsalar inson rakursidan tashqarida bo'ladi. Inson qatnashgan har qaysi narsada xato uchraydi.

Qayerdadir ideal oq bor, lekin biz uni tiniqlashtirish uchun, yana ham oqartirish uchun battar xiralashtiryapmiz.

Ba'zilar uchun muammolari yechilganida hamma narsa tugaganday tuyuladi, xuddiki hech narsa qolmaganday. Shuning uchun ham ba'zilar muammolarni yechishdan qo'rqishadi.

(davomi bor...)

©podcast: Sanjar Nazar

#podcast_f
@Madina_Shahobiddinovna

Men til yutib turganim bilan
So'zlar sukut saqlolarmidi?!
[Marsilius MARTINAYTIS]

Bir so'z izlayapman —
bir so'zki,
dunyoni titratib, to'zg'itmasa ham
borligin sezdirib turolsin o'zin,
uni his qilolsin har lahza olam.

Vujudimda oqsin
rangsiz,
ohangsiz,
(axir ular bari faqat o‘tkinchi.)
U anglatsin
erk — olinmas jangsiz,
ildizida yonsin Inson o'kinchi.

Quyoshdek qizitib qaynoq taftida,
tufrog'dek bag'rida Ishqni undirsin.
Bu so'z poklik tig'in olib kaftiga,
yovuzlik ko'ksiga sanchsin — o'ldirsin.

Men uni izlarman toki tanda jon,
mayli,
quvvatlarim bu yo'lda tolsin.
Men hatto tilimni yutib turgan on,
u sukut qafasin parchalay olsin.

✍Mirzohid Muzaffar

@Madina_Shahobiddinovna

Evini temiz tut misafir gelebilir, kendini temiz tut Azrail gelebilir.
___

Uyingni toza tut mehmon kelishi mumkin
O'zingni (qalbingni, ruhingni) toza tut Azroyil kelishi mumkin.

Turk xalq maqoli
©hamidovazamira

@Madina_Shahobiddinovna

Maskarad

Aslida, dunyo bir sahna. Hayot maskarad bazmi. Lekin undan yagona farqi, insonlar yonida juda ko'plab niqoblar mavjud.

Insonlar kerak paytida muloyim mushuk niqobini, kerak paytida vaxshiy bo'rini, kerak paytida ayyor tulki niqobini kiyib olishadi.

Shunday insonlar borki, har qanday niqob taqqan taqdirida ham ichidagi asl hayvon qaysi ekanini bildirib qo'yadi.

Shunday insonlar borki, haqiqatan niqobidagidek bo'ladi, ularni asl deb o'ylaysiz, hatto.

Lekin shunday holat borki, ba'zan birgina bo'ri katta-yu kichikka mehr bilan munosabat qiladi.

Ba'zan esa mehribon quyon qiyofasi esa har qanday tulkining ishini qila oladi.

Har qanday voqea ham insonga bir xulosa bera oladi:

Asling kabi ko'rin, yoki ko'ringaning kabi bo'l. (Rumiy)

#fikrlash
@Madina_Shahobiddinovna

Eng qiyin narsa istagan ishingni qilish emas, nimani istashingni bilishdir.

The almanack of Raval Navikant | Erik Jorgenson

@Madina_Shahobiddinovna