Lazizbek's blog (mando) Free Palestine and East Turkistan

Шахсийга келган хабар:

Оиламни фарзандларим билан бирор паркка ёки ресторанга обормоқчи бўлсам, кундузи чиқолмаймиз. Улар намозларини ўйлашади, келгунимизча қазо бўлиб қолади, деб.
Ё шомдан кейин чиқамиз ёки ресторан таомларини уйга айтаман.

Уйда доим болаларга қараб, уй ишларини қилиб ўтирадиган аёллар асабий бўлиб қолади. Шу асабийликларни чиқариб ташлаш учун энг оддий, ҳамма оила қила оладиган иш — уларни кўчага айлантириб келиш. Лекин ҳолат шундай, чиқса намози қазо бўлади. Ҳолбуки, бу намоз шаръий жиҳатдан унинг эътиқодининг мажбурияти, ҳуқуқий жиҳатдан эса эътиқод эркинлиги тақозоси. Шу мажбуриятини адо қилиб, ҳуқуқидан фойдалана олмаган бир кишига биттагина қарор (қонун ҳам эмас аслида) тушов бўлиб туради.
Энди шундай аёл (эркак масжид топиб ўқиб олар) қандай қилиб давлатни яхши кўрсин, қандай қилиб болаларини ватанпарвар қилиб тарбияласин, қандай қилиб фарзандларининг келажагини шу ватанда тасаввур қилсин?!

Энг ачинарлиси шундаки, сизнинг намоз ўқишингизга ҳеч бир парк ёки ресторан, ёки ишхона ходими асло қарши бўлмайди. Улар бажонудил рози ўқишингизга. Лекин минг хижолат билан узр айтишади. Қизиқ-а? Сиз намозхонсиз, жой эгаси камида намозга қарши эмас, ҳеч қандай иш жараёнига ёки хавсизликка ва ёки халқаро меъёрларга зид бўлмаган амални бажаришингизга битта қарор билан тўсиқ қўйиб қўйишади!

Жамиятдаги тоқатсизликнинг, одамлар, айниқса, диндорлар билан давлат орасидаги ишончсизликнинг катта сабабларидан бири шудай элементар нарсалар холос ўзи.
Бир кишинг намози кимга нима юк бўлиб қолди, ҳайронман!

Мен оилали фуқаро сифатида аниқ айта оламан, ўзимага ҳам, фарзандларимга ҳам ватанпарвар бўлишимиз учун 10 та шу мавзудаги китоб ўқитишдан, 100 та баландпарвоз тадбирларда қатнашишдан кўра шундай шароит қилиб беришса, (қилиб беришлари ҳам шарт эмас, ўзимиз қилиб оламиз) 100 карра кучли таъсир қилади.

#Botirjon SherMuhammad

Давлатимиз ўз қадрини билганида, Ташқи ишлар вазирлигимиз бир-икки жиноятчи билмасдан ёки қасд қилмасдан ўлдириб қўйган бир жуҳуд учун "Исроиил" давлатига (элчиси тимсолида) таъзия билдирмас эди! Агар у жуҳуд давлатнинг айби билан ўлиб қолса, бу бошқа масала. Ҳолбуки, эшитишимизча, можаро у раввин жуҳуд бўлгани учун эмас, дўкони борлиги, бой бўлгани учун чиққан.

Ўз қадрини билган давлат чет элларда халқ хўрланганида, ҳақоратланганида, камситилганида, миллат ва давлат шаъни ерга урилганида, мамлакат мустақиллигига таҳдид этилганида дарҳол орага киради ва тегишли тартибда тегишли чораларни кўради!

Бир ёқда қанақадир жиноятчиларнинг тасодифий қотиллиги учун катта бошини кичик қилиб, қаддини букиб узрнамо таъзия билдирса-да, бу ёқда бутун бошли миллат итга чиқарилганида миқ этмай туравериши нафақат давлатнинг, балки бутун бошли халқнинг бошини эгади.

Биттаси биз ўзбекларни ит деб атабди.
Бундай дейишлари янгилик эмас. Бу исқиртлар бизни илгари ҳам ит деган, ҳозир ҳам шундай дебди, бундан кейин ҳам айтаверади.
Тўғри, илгари, яъни бундан юз йигирма беш-юз ўттиз йил бурун айни "ит" демаган, "ит" сўзини ишлатмаган, бироқ итга тенглаштирган, ит ўрнида кўрган! Яна ҳам тўғрироғи, ит ўрнида ҳам кўрмаган!
Ўрисия Туркистонни босиб олганидан кейин Тошкентда бир боғ қуриб, дарвозаси пештоқига кўрга ҳассадай қилиб: "САРТАМ И СОБАКАМ ВХОД ЗАПРЕЩЁН!" деб ёзиб қўйишган эди. Ўша замонда босқинчилар маҳаллий ўзбекларни "сарт" деб атаганини эсласак, дарвозадаги ёзув: "БУ БОҚҚА ЎЗБЕКЛАР ВА ИТЛАР КИРИШИ ТАҚИҚЛАНАДИ!" дегани бўлади.
Бугун улар ўзгарган, муносабатлари яхши бўлиб қолган деб ўйлайсизларми?!
Нима дейишларини кутяпмиз улардан?
Шер десинларми? Арслон десинларми? Ёки, ҳеч бўлмаса, бўри десинларми?
Биз у исқиртларга шерлигимизни, арслонлигимизни, бўрилигимизни кўрсатиб қўйибмизми, улардан буни кутсак. Аксинча, илгари ҳам, ҳозир ҳам итдай хизматларини қилиб юрибмиз: ҳовлиларини супуриб, ҳожатхоналарини тозалаб!
Мамлакатда қолганлар ҳам мардикорлардан қолишмаймиз: қаршиларида қаддимизни букиб, тилимизни осилтириб, думимизни ликиллатиб, ўлиб-тирилиб уларга ёқишга, кўнгилларини овлашга тиришиб ётибмиз.
Эй юртдошлар! Жазавага тушмайлик, ўзимизнинг аҳволимизга боқайлик. Бизни бошқалар шер, арслон, бўри дейишларини истасак, ШЕР БЎЛАЙЛИК, АРСЛОН БЎЛАЙЛИК, БЎРИ БЎЛАЙЛИК! Шаънимизни ўзимиз кўтарайлик!

Дўстлар,

Исроил давлати ва унинг куч-қувватига ҳаддан зиёд алданадиган бўлманглар. Ҳарбий-сиёсий воқеаларни бугунини эмас, ўтмиши ва келажагига ҳам назар солинглар. Кеча Исроилнинг даъвоси нима эди-ку, бугун нимани илтимос қилиб сўради, қаранглар. Ҳадеб, конспирологияга берилиб, умидсизланманглар.

Агар ҳамма нарса Исроил режасидек бўлганида, бугунги аҳволга тушган бўлмасди. Улар қачон уруш оловини ёқса Азиз зот уни ўчирур. Бу ҳақиқатдир.

Яқин Шарқдаги жараёнлар ҳали тугамади, ундан ҳам катта фитналар бўлади. Бироқ, қисқа жараёнларнинг ўзини олганда бу урушда Исроил ютқазди, Фаластин ютди.

Исроилликлар ўйлаганидек, Фаластинликлар Ғазони ташлаб қочмадилар, Ҳамасга лаънат ўқимадилар, уни ёлғиз қолдирмадилар. ҲАМАС уруш бошланишидан аввалги талаби қандай бўлган бўлса, сулҳда ҳам ўша талабга эришди.

Ғазоликлар ўз юртини ҳимоя қилиш учун 50 мингга яқин қурбон бердилар ва ундан ҳам ортиқ қурбон беришга рози эдилар. Буни ўз юртини ҳимоя қилиш учун сабр қилолмайдиган руҳиятлар тушунмайди.

Афғонистон АҚШга қарши урушда ундан ҳам катта талофотларга дуч келган бўлса-да, ниҳоят ғалаба қозонди. Ғаза феномени тарихни бурадиган феномен бўлиб, яқин келажакда жамиятшунос ва сиёсатшунос олимлар томонидан кўплаб тадқиқ қилинади. Унинг бу қаҳрамонлиги ва сабри ортидаги омиллар ўрганилади. (Ва албатта унинг душманлари бу омилларни чўктириш йўлларини қидиради).

Уни тушуниш учун Ғаззада яшаш керак. Сулҳнинг ғалаба ёки мағлубият эканлигини Ғаззаликлар белгилайди. Улар эса ғолиб ҳиссиётидадирлар. Исроил қавмида бундай ҳиссиёт йўқ.

Ғаззаликлар ўз диёрларини ҳимоя қилиш учун 50 минг йўқотишга рози эдилар, ҳатто ундан ҳам кўпига тайёр эдилар. Шунинг учун улар бундай муқаддас йўқотишлар мағлубият деб билмайдилар. Улар ўз юртини асраб қолдилар. Уни янада обод қиладилар янада кучли миллатга айланадилар.

Мени ўйлантирадиган нарса, эса биз ўз юртимизни ҳимоя қилиш учун нималарга тайёрмиз. Биз Ўзбекистонни эҳтимолий душмандан ҳимоя қилиш учун қандай қийинликларга розимиз? Чидаймизми?

Аслида, Ғазза ҳақида эмас, мана шу оғриқ ҳақида қайғуришимиз керак.

Ғазза ҳануз қамалда. Унга кириб-чиқиш Исроил назоратида. Сувдан, ҳаводан ва ердан бўғилган. Шунга қарамай Ғазза ғаззаликлар қўлида. Буни муқаддас Ватан тушунчасига эга бўлмаганлар тушунмайди.

Дунё ғаззаликларнинг матонатига ҳали кўп ҳавас қилади, ундан ўрнак олади, китоблар ёзилади.

#Саид Комил

#Тилдан_сабоқлар

ЎЗБЕКЧА ГАПИРАЙЛИК

"Приз" эмас, соврин, совға.
"Замҳоким" эмас, ҳоким ўринбосари.
"Министр" эмас, вазир.
"Замминистр" эмас, вазир ўринбосари.
"Сохранить" эмас, сақлаш.
"Поделиться" эмас, улашиш.
"Локация" эмас, қўним.
"Геолокация" эмас, жойлашган ери, қўними.

"Уйингизнинг геолокацияси яхши экан" деди бир ўзбек.
"Геолокация" сўзининг ўзигинамас, балки гапнинг қурилиши ҳам, ифода йўсини ҳам ўзбекчага бегона!!! Яъни битта ёт сўз тилимизга шунчаки кириб келмади, балки фикрлаш тарзимизни, тилимизнинг табиатини, қурилишини, ифода йўсинини ҳам бузиб юборди!
Ўзбекчаси бундай бўлади: "Уйингиз яхши ерда жойлашган экан"!

Тилимизга озгина ҳамиятли бўлайлик, миллатдошлар!
Агар ҳамият қолган бўлса, албатта...

Давлат ахборот эркинлигини тўсмаслиги керак

Аҳоли дунёқараши ортиб бораётгани бу яхшилик белгиси. Душман ОАВлар фитналарини фарқлай оладиган бўлади келажакда…

Давлат эса ахборот эркинлигини тўсмаслиги керак. Мана Ғайрат Дўстовдан кейин одамлар кўчага чиқмадику… Давлатни ҳам, Ғайратни ҳам тўғри қабул қилди, ким томонда туришини кўрсатди, лекин оми халқдек ўзини тутмади

Қанча ҳукумат ахборот эркинлигини тўсиб қўйса, шунча одамлар чет эл манбаларидан ҳақиқат қидиради. Танқиддан қўрқмаслик керак, хатто, энг ривожланган АҚШда ҳам танқид асосий ўринда…

Чунки танқид бор жойда ривожланиш бўлади. Танқид бўғиб қўйилган давлатларга бир эътибор беринг бирортаси ҳам ривожланмаган, халқ қашшоқ, давлати кучсиз!

Зоҳиджон Абдужалил ўғли

👉 @Uzanticor

Payg‘ambarimiz s.a.v Vatanni himoyasi haqida shunday deganlar: “Ikki ko‘zni (ko‘z egalarini) do‘zax o‘ti kuydirmaydi. Biri Allohdan qo‘rqib yosh to‘kkan ko‘zni, ikkinchisi Vatan himoyasida uxlamay bedor bo‘lgan ko‘zni”.

Shu zamin sarhadlarini ko‘z qorachig‘idek qo‘riqlab kelayotgan barcha vatandoshlarimizni tanu-jonlarini salomat, qilayotgan barcha xayrli ishlarida Yaratgan yor va madodkor bo‘lsin!

14-yanvar - "Vatan himoyachilari kuni" muborak bo‘lsin!

@tarixchini_kundaligi

Hamma maqtayotgan Temu brendi uygʻurlar yoshi evaziga qurilgan

Xitoyning tez rivojlanayotgan onlayn savdo platformasi bo‘lib, u majburiy mehnat, xususan, uyg‘urlarni ishlatish bilan bog‘liq jiddiy tanqidlarga uchramoqda. AQSh Kongressining Xitoy bo‘yicha maxsus qo‘mitasi hisobotiga ko‘ra, Temu o‘zining ta’minot zanjirlarida majburiy mehnatni oldini olish uchun yetarli choralarni ko‘rmaydi. Kompaniya o‘z mahsulotlarini AQShga "de minimis" (ahamiyatsiz) qoidasi orqali bojxona tekshiruvlarisiz yetkazib beradi, bu esa majburiy mehnat orqali ishlab chiqarilgan mahsulotlarning AQSh bozoriga kirishiga imkon yaratadi.

Bundan tashqari, Temu o‘z yetkazib beruvchilarini majburiy mehnatga oid qonunlarga rioya qilishini ta’minlash uchun samarali monitoring tizimiga ega emas. Kompaniya faqat uchinchi tomon sotuvchilaridan majburiy mehnatdan foydalanmaslikni talab qiluvchi umumiy shartlarga rozi bo‘lishni so‘raydi, ammo bu talablarning bajarilishini tekshirmaydi. Bu holat, ayniqsa, Xitoyning Shinjon mintaqasida uyg‘urlarni majburiy mehnatga jalb qilish bilan bog‘liq xavotirlarni kuchaytiradi.

Shu sababli, inson huquqlari tashkilotlari va xalqaro hamjamiyat Temu kabi kompaniyalarni o‘z ta’minot zanjirlarida majburiy mehnatni oldini olish uchun qat’iy choralar ko‘rishga chaqirmoqda. Bu chaqiriqlar Xitoyning Shinjon mintaqasida uyg‘urlar va boshqa etnik ozchiliklarga nisbatan inson huquqlari buzilishlarini to‘xtatishga qaratilgan global harakatlarning bir qismidir.

Xullas Temuni boykot qilish uchun sabab yetarlicha. Iloji bolsa undan umuman foydalanmang.