Mijozning muammosi - biznes muammosi#motivatsiya
ℹ️ Kanalimiz yo'nalishiga unchalik mos bo'lmasa ham
@bektoshkhatamov kanalida ancha oldin e'lon qilingan va meni o'ylanishga undagan bir hikoyani sizlar bilan bo'lishmoqchi edim:
1978 yilda General Motors korporatsiyasining Pontiac bo‘limiga mana bu mazmunda xat keladi:
“Tushunaman, sizning nazaringizda ahmoqday ko‘rinishim mumkin, lekin hozir yozayotganlarim bor haqiqat. Biz oilamiz bilan har oqshom muzqaymoq yeymiz, har oqshom ovqatlanib bo‘lgach men muzqaymoq olgani do‘konga ketaman, hamma qaysi turdagi muzqaymoq yeyishini oldindan aytadi.
Muammo men yangi Pontiac avtomobili sotib olganimdan keyin boshlandi.
• har safar sutli muzqaymoq sotib olganimda avtomobil umuman yurmay qoladi, motorni qancha harakat qilsam ham o‘t oldira olmayman.
• agar muzqaymoq qulupnayli, shokoladli yoki boshqa turdagi bo‘lsa, motorni tezda o‘t oldiraman.
Ahmoqona tuyulishi mumkin, lekin Pontiac modelida muzqaymoq bilan bog‘liq qandaydir allergiya bo‘lishi mumkinmi deb o‘ylab qoldim.
Mijozlarni qo‘llab-quvvatlash bo‘limida bu narsaga dastlab g‘alati qarashdi, ammo keyin joyiga borib tekshirib ko‘rishdi. Rostan ham xuddi shunday voqea sodir bo‘lmoqda, sutli muzqaymoqda motor o‘t olmaydi, qolgalarida o‘t oladi.
Muhandislar har tomonlama avtomobilni tekshirib ko‘rishadi, lekin hech qanday ayb topisha olmaydi, keyin muhandislardan biri sezib qoladiki, sutli muzqaymoqqa talab katta bo‘lgani uchun u do‘konning boshida turgan, qolgan muzqaymoqlar esa do‘konning oxirida turgan.
Sutli muzqaymoqni sotib olish boshqalariga qaraganda tezroq amalga oshgan, bu vaqt oralig‘ida esa dvigatel sovishga ulgurmagan va karbyuratorda benzindan qolgan qoldiqlar probka hosil qilgan. Mana shu voqea tufayli General Motors korporatsiyasi karbyuratorni aynan shu jihatini takomillashtirgan.
💭
Xulosa: Istalgan sohada bo'lsa ham mijoz yoki o'quvchilarning fikrini inobatga olish va ularga ko'mak berish orqali biznesda katta yutuqlarga erishish mumkin. Men ham kanalni yaxshi bo'lishida sizlarning talab va istaklaringizni doimo amalga oshirishga intilaman, balki shu sababli ham Allohning marhamati bilan shunday chiroyli "davra"da hammamiz jamlangandirmiz.
💻 Kompyuterni birga o'rganamiz ⤵️
Telegram I @ka_rasmiy2' rel='nofollow'>YouTube