🔬Klinik laboratoriya | Клиник лаборатория 🔬

🦠 VIRUSLI GEPATITLAR BO'YICHA TESTLAR

Hozirgi kunda turli gepatitlar (A, B, C, D, E) organizmga salbiy ta’sir ko‘rsatib, jigar faoliyatini izdan chiqarishi mumkin. Ushbu testlar virusli gepatit infektsiyalarini aniqlash va davolash jarayonini kuzatish uchun muhim hisoblanadi. Quyida har bir gepatit turi uchun testlarning nomlari va ularning ahamiyati keltirilgan.
➖➖➖➖➖

💠GEPATIT A VIRUSI (HAV)
1. Anti-HAV IgM
- Turi: Antitana
- Ahamiyati: HAV infektsiyasining o'tkir bosqichini ko‘rsatadi (IgM sinfi).

2. Anti-HAV IgG
- Turi: Antitana
- Ahamiyati: HAVga qarshi immunitet shakllanganini yoki ilgari infeksiyaga uchralganini bildiradi (IgG sinfi).
➖➖➖➖➖

💠GEPATIT B VIRUSI (HBV)
1. HBs-Ag
- Turi: Antigen
- Ahamiyati: HBVning yuzaki (avstraliya) antigeni bo‘lib, infeksiya mavjudligini ko‘rsatadi.

2. Anti-HBs
- Turi: Antitanalar
- Ahamiyati: HBVga qarshi immunitet shakllangan yoki emlashdan keyingi holat.

3. HBe-Ag
- Turi: Antigen
- Ahamiyati: Yuqori yuquvchanlikni bildiruvchi HBV parda antigeni.

4. Anti-HBe
- Turi: Antitanalar
- Ahamiyati: Virus faoliyati pasayganidan dalolat beradi.

5. HBc-Ag
- Turi: Antigen
- Ahamiyati: HBVning ichki (core) antigeni.

6. Anti-HBc
- Turi: Antitanalar
- Ahamiyati: Virusga qarshi umumiy antitanalar yig‘indisi (faol yoki o‘tmishdagi infeksiyani ko‘rsatadi).

7. Anti-HBc IgM
- Turi: Antitana
- Ahamiyati: O'tkir HBV infektsiyasi mavjudligini bildiradi (IgM sinfi).
➖➖➖➖➖

💠GEPATIT C VIRUSI (HCV)
1. Anti-HCV
- Turi: Antitanalar
- Ahamiyati: HCVga nisbatan umumiy antitanalar yig‘indisi (hozirgi yoki o‘tmishdagi infeksiyani ko‘rsatadi).

2. Anti-HCV IgM
- Turi: Antitana
- Ahamiyati: Faol infeksiyani yoki uning o'tkir fazasini bildiradi (IgM sinfi).
➖➖➖➖➖

💠GEPATIT D VIRUSI (HDV)
1. Anti-HDV
- Turi: Antitanalar
- Ahamiyati: HDV infeksiyasini aniqlash uchun umumiy antitanalar yig‘indisi.

2. Anti-HDV IgM
- Turi: Antitana
- Ahamiyati: O'tkir HDV infektsiyasini bildiradi (IgM sinfi).
➖➖➖➖➖

💠GEPATIT E VIRUSI (HEV)
1. Anti-HEV IgG
- Turi: Antitana
- Ahamiyati: HEVga qarshi immunitet shakllanganini yoki o‘tmishdagi infeksiyani ko‘rsatadi (IgG sinfi).

✉️ Savollaringiz bo‘lsa, izohda qoldiring!

✅ Bizni instagramda va youtubeda ham kuzatib boring:

💬 Instagram

📹 You tube

🔬 @Klinik_laboratoriya 🇺🇿

🎁🎁🎁🎁🎁 ✅
➗➗➗➗➗➗➗

🧪Fibrinogen – bu jigar tomonidan ishlab chiqariladigan oqsil bo‘lib, qonning ivishi jarayonida muhim rol o‘ynaydi. U qon ivish tizimining asosiy komponentlaridan biri hisoblanib, qon ivishi jarayonida fibringa aylanish orqali yara yoki kesik joylarda qon oqishini to‘xtatadi. Fibrinogenning plazmadagi darajasi koagulogramma tahlilida aniqlanadi va ivish jarayonining umumiy holatini baholashda yordam beradi.

👑Fibrinogen qachon aniqlanadi?

👑Qon ketishining ko‘payishi yoki to‘xtamasligi holatlari;
👑Yurak-qon tomir kasalliklarini aniqlash va monitoring qilish;
👑Tromb hosil bo‘lishi xavfi oshganida;
👑Jarrohlik amaliyotlaridan oldin;


🔵Sog‘lom odamlarda fibrinogen darajasi:

2,0 – 4,0 g/L (yo‘riqnomaga qarab farq qilishi mumkin).


📈Fibrinogen darajasining oshishi:
⚫️Yallig‘lanish jarayonlari: Inson organizmida yallig‘lanish bo‘lganida, fibrinogen darajasi oshadi, chunki bu oqsil yallig‘lanishga qarshi reaksiyada qatnashadi.
⚫️Infeksiyalar: Bakterial yoki virusli infeksiyalar vaqtida fibrinogen miqdori ko‘payishi mumkin.
⚫️Homiladorlik: Homiladorlik davrida fibrinogenning darajasi fiziologik ravishda oshadi, bu tug‘ruq vaqtida qon ketishining oldini olishga yordam beradi.
⚫️Travma yoki jarrohlik: Jarohat yoki jarrohlik amaliyotlaridan so‘ng, qayta tiklanish jarayonida fibrinogen darajasi ko‘tariladi.

📉Fibrinogen darajasining pasayishi:
🟣Jigar kasalliklari: Jigar funksiyasining buzilishi fibrinogen ishlab chiqarilishini kamaytiradi.
🟣DIC-sindrom: Bu holatda fibrinogen tez sarflanadi va uning miqdori sezilarli pasayadi.
🟣Genetik kasalliklar: Gipofibrinogenemiya va afibrinogenemiya kabi genetik buzilishlarda fibrinogen yetishmovchiligi kuzatiladi.


🔗Boshqa testlar bilan bog‘liqligi:
Fibrinogen miqdori ko‘pincha PT (protrombin vaqti), TT (trombin vaqti), va APTT bilan birgalikda baholanadi. Ularning birgalikdagi natijalari qon ivish tizimining har bir bosqichini aniqlashda muhimdir.

✉️ Savollaringiz bo‘lsa, izohda qoldiring!

✅ Bizni instagramda va youtubeda ham kuzatib boring:

💬 Instagram

📹 You tube

🔬 @Klinik_laboratoriya 🇺🇿

🎁🎁🎁🎁🎁 ✅
➗➗➗➗➗➗➗

🧪 Gram usulida bo‘yash

Xujayra devorining tuzilishiga ko‘ra Gram (+) va Gram (-) mikroorganizmlar farqlanadi.

⏺ Gram (+) bakteriyalar bo‘yalishda: texoyev kislotasi va Mg ionlari ishtirokida gensian binafsha bo‘yog‘i bilan spirtga chidamli kompleks hosil qiladi. Keyinchalik fuksin bilan bo‘yalganda, ikkinchi bo‘yoqni qabul qilmaydi, chunki birinchi bo‘yoq bilan bo‘yalgani sababli boshqa rangni o‘zlashtirmaydi.

⏺ Gram (-) bakteriyalar xujayra devori yupqa bo‘lib, tarkibida 10-20% gacha peptidoglikan saqlaydi. Peptidoglikan tarkibida texoyev kislotasi bo‘lmagani uchun bu bakteriyalar gensian binafsha bo‘yog‘i bilan kompleks hosil qilmaydi. Spirt bilan bo‘ylaganda esa, birinchi bo‘yoqni yo‘qotadi va fuksin (ikkinchi bo‘yoq) ta'sir etgandan so‘ng, fuksinning qizil rangini oladi.

1. Gensian binafsha bo‘yog‘i bilan bo‘yash (2 daqiqa). 🕓
2. Lyugol yodi eritmasini surtmaga tomizish (1 daqiqa). 🕓
3. 96º S etil spirti bilan yuvish (30 soniya). 🕓
4. Toza suv bilan yuvish. 🧪
5. Fuksinning suvli eritmasi bilan bo‘yash (3 daqiqa). 🕓
6. Toza suv bilan yuvish va quritish. 🧪

🔬 Tayyorlangan surtma quritilib mikroskop ostida ko‘riladi.

⏺ Gram (+) bakteriyalar — binafsha rangda,
⏺ Gram (-) bakteriyalar — qizil rangda bo‘yaladi.

✉️ Savollaringiz bo‘lsa, izohda qoldiring!

✅ Bizni instagramda va youtubeda ham kuzatib boring:

💬 Instagram

📹 You tube

🔬 @Klinik_laboratoriya 🇺🇿

🎁🎁🎁🎁🎁 ✅
➗➗➗➗➗➗➗

🧪 Trombin Vaqti (TT) — qon ivish jarayonini baholovchi test!

Trombin Vaqti (TT) — fibrinogenning trombin ta’sirida fibringa aylanishini o‘lchaydigan ko‘rsatkich. U qon ivish jarayonidagi oxirgi bosqichni baholash uchun ishlatiladi va turli patologiyalarni aniqlashga yordam beradi.

👑 Test qachon tavsiya etiladi?
- Qon ketish yoki to‘xtamaslik muammolari.
- Antikoagulyant (Geparin) terapiyasi kuzatuvi.
- DIC-sindrom monitoringi.
- Jigar kasalliklari.

💉 Qon qanday olinadi?
Qon ko‘k rangli (natriy sitratli) probirkaga yig‘iladi va sentrifugadan o‘tkazilib, plazma ajratiladi.

📊 Normativ ko‘rsatkichlar:
TT normasi odatda 12-18 soniya atrofida bo‘ladi. (Yo‘riqnomaga qarab farq qilishi mumkin.)

📈 TT oshish sabablari:
1. Fibrinogen yetishmovchiligi.
2. Antikoagulyant dorilar qabul qilinishi.
3. Jigar kasalliklari.
4. DIC-sindrom (ikkinchi bosqich).
5. Fibrinogen parchalanishi.

📉 TT pasayish sabablari:
1. Fibrinogen miqdorining ko‘payishi.
2. Antifibrinolitik dorilar ta’siri.
3. DIC-sindrom (birinchi bosqich).

🔗 Boshqa tahlillar bilan bog‘liqligi:
TT testi, PT (Protrombin vaqti) va APTT (Faollashtirilgan qisman tromboplastin vaqti) bilan birgalikda amalga oshiriladi. Ushbu testlar umumiy koagulogramma yordamida qon ivish tizimining barcha bosqichlarini tekshirishga imkon beradi.

✉️ Savollaringiz bo‘lsa, izohda qoldiring!

✅ Bizni instagramda va youtubeda ham kuzatib boring:

💬 Instagram

📹 You tube

🔬 @Klinik_laboratoriya 🇺🇿

🎁🎁🎁🎁🎁 ✅
➗➗➗➗➗➗➗