Kecha va bugun bizni tabriklagan va ezgu niyatlar bildirgan barchaga raxmat🙂!Juda ko'p
savollar berildi: qaysi davlatga, qaysi dastur orqali, qancha muddatga, biz ham topshirsak bo'ladimi va hokazo.
Ushbu savollarga quyida javob berib o'tamiz.Vazirlar Mahkamasining
551-son qarori bilan Oliy taʼlim muassasalarida
xalqaro munosabatlar sohasida tahsil olayotgan talabalarning ishlab chiqarish amaliyotini Oʻzbekiston Respublikasining
xorijdagi muassasalarida tashkil etish toʻgʻrisidagi nizom tasdiqlangan.
1. Xalqaro munosabatlar deyilganda qaysi universitet va qaysi yo'nalish tushuniladi? Ya'ni kimlar ushbu amaliyot dasturida qatnasha oladi?👉
Xalqaro munosabatlar deganda – “Siyosatshunoslik”, “Xalqaro munosabatlar”, “Xalqaro iqtisodiyot va menejment (mintaqalar va faoliyat yoʻnalishlari boʻyicha)”, “Yurisprudensiya (xalqaro huquqiy faoliyat)”, “Xorijiy mamlakatlar iqtisodiyoti va mamlakatshunoslik (mamlakatlar va mintaqalar boʻyicha)” hamda “Jahon iqtisodiyoti va xalqaro iqtisodiy munosabatlar (mintaqalar va faoliyat turlari boʻyicha)” bakalavriat taʼlim yoʻnalishlari tushuniladi.
✍ Yanada aniqroq aytadigan bo'lsak,
Toshkent davlat yuridik universiteti (Xalqaro huquq va qiyosiy huquqshunoslik fakulteti),
Jahon iqtisodiyoti va diplomatiya universiteti, Toshkent iqtisodiyot universiteti va Sharqshunoslik universitetining tegishli yo'nalish talablari orasidan saralab olinadi.
2. Tanlov qanday tartibda amalga oshiriladi?Amaliyot
2 bosqichda amalga oshiriladi.
1⃣
Birinchi bosqichda OTM tomonidan xorijiy tillarni mukammal oʻzlashtirgan iqtidorli
3-kurs talabalarining roʻyxati tuziladi hamda ularga berilgan tavsiyanomalar bilan birga har yili 1-iyuldan kechikmagan holda, Tashqi ishlar vazirligiga taqdim etiladi.
👉
CEFR tizimining kamida C1 darajasiga mos keladigan chet tilini bilish toʻgʻrisidagi
milliy yoki unga mos darajadagi
xalqaro sertifikatga ega boʻlishi;
👉
umumiy reyting (oʻzlashtirish) koʻrsatkichlari 80 ball va undan yuqori boʻlishi, fanlardan qarzdorligi mavjud boʻlmasligi talab etiladi.
2⃣
Ikkinchi bosqichda nomzodlar Tashqi ishlar vazirligida qabul qiluvchi tashkilot talablari va ehtiyojlaridan kelib chiqqan holda taqsimlanib, 20-iyulgacha
suhbatdan oʻtkaziladi.
3. Amaliyot qancha muddat davom etadi?🗓 Amaliyot bir oʻquv yilida bir marta 10 kundan kam boʻlmagan va 30 kundan koʻp boʻlmagan muddatlarda oʻtkaziladi.
4. Amaliyot qayerda amalga oshiriladi?Oʻzbekistonning xorijiy davlatlardagi diplomatik vakolatxonalari, konsullik muassasalari yoki xalqaro tashkilotlar huzuridagi vakolatxonalarida.
O'zingizni qiziqtirgan savollaringizni izohlarda qoldirishingiz mumkin!@KhushnazarJuraev
