"Kattaqo'rgʼon tongi" gazetasi

Kattaqo‘rg‘on shahrida loyihalar yarmarkasi o‘tkazildi

⚡️Kattaqo‘rg‘on shahar “Ishga marhamat!” Monomarkazida shahrimizda faoliyat yuritayotgan Biznesni rivojlantirish banki, Ipoteka bank, Agrobank, Asaka bank,Transbank, Xalq banki kabi tijorat banklari tomonidan “Loyihalar yarmarkasi” tashkil etildi.

Mazkur yarmarka orqali mahallalarda aholi o‘rtasida tadbirkorlikni rivojlantirish, ularni yangi loyihalarini qo‘llab-quvvatlab, o‘z bizneslarini yo‘lga qo‘yishda yaqindan ko‘maklashish hamda shu yo‘nalishdagi qo‘shimcha ish o‘rinlarini tashkil etish maqsad qilingan.

🔹Yarmarkada shahar aholisi, yoshlar hamda Respublika ishchi guruhi vakillari ham ishtirok etib, bo’sh aholi uchun yaratilayotgan imkoniyatlar bilan yaqindan tanishishdi.

#Ogohlik
#Profilaktika_kuni

G‘OLIB JAVOBGARLIKKA TORTILADIMI?

G‘olib yetkazuvchilik xizmati bilan shug‘ullanadi. U har doimgidek o‘zi yaxshi tanimagan odamdan buyurtma olib, ikkinchi tomonga yetkazish chog‘ida huquq-tartibot organlari xodimlari tomonidan qo‘lga olindi. Maʼlum bo‘lishicha, G‘olib surishtirmasdan yetkazayotgan buyum tarqatilishi  qonunga xilof bo‘lgan mahsulot bo‘lib chiqdi...
Nima deb o‘ylaysiz, G‘olib javobgarlikka tortiladimi, yo‘qmi?...

Real voqelikka asoslanmagan ushbu holat bo‘yicha qonunda aniq meʼyorlar bor, biroq talaba-yoshlarimiz bilishi shart bo‘lgan ish OGOHLIK!

SamDU Kattaqo‘rg‘on filialida profilaktika inspektori va Pedagogika va tillarni o‘qitish fakulteti tyutorlari tomonidan giyohvandlik va narkojinoyatlarga qarshi kurashishga bag‘ishlab o‘tkazilgan profilaktik tadbirda shu haqda so‘z yuritildi. Talabalar giyohvand va turli psixotrop moddalar isteʼmolchisi yoki ularning tarqalishida ishtirokchi bo‘lib qolishdan ogoh etildi.

Yaxshi va yomon

Luqmonning xojasi jonliq qurbonlik qilib, soʻyilgan qoʻyning eng yaxshi aʼzosini pishirib kelishni buyuribdi.

Luqmon qoʻy yuragi va tilidan taom tayyorlab kelibdi.

Ertasiga xojasi unga endi qoʻyning eng yomon aʼzolaridan pishirib kelishni aytibdi. Luqmon bu gal ham uning oldiga pishirilgan yurak va tilni qoʻyibdi.

- Aytganim yodingdan koʻtarilganga oʻxshaydi, - achchigʻi chiqibdi xojasining. - Nega menga yana qoʻyning kechagi aʼzolarini pishirib kelding?

- Yoʻq, nima buyruq qilganingiz yaxshi esimda, - javob qilibdi Luqmon. - Yurak beʼmani feʼl atvorga izn bermasa, nojoʻya soʻz tilga olinmasa, ulardan yaxshi aʼzoni topa olmaysiz. Agar buning teskarisi boʻlsa, bulardan yomon aʼzo yoʻq.

Jaloliddin RUMIY.

Xalqaro ta’lim kuni arafasida men O‘zbekistonning bu yo‘nalishdagi islohotlari samarasini, muvaffaqiyatlarini faxr bilan e’tirof etmoqchiman. Biz ta’lim — farovonlik poydevori ekaniga qat’iy ishonamiz va har bir bola uchun o‘z salohiyatini ro‘yobga chiqarish imkoniyatini taʼminlashga intilamiz.

Bugun xalqaro hamkorlarimiz — UNICEF, UNESCO, UNDP, IHTT, Jahon banki va boshqalar bilan muhim uchrashuv o‘tkazdik. Muloqot davomida ta’lim masalasiga yangi yondashuvlarni — innovatsiyalar, zamonaviy metodikalar va jahon tajribasiga asoslangan yechimlarni muhokama qildik.

Birgalikdagi saʼy-harakatlarimiz natijasida sifatli taʼlim olish imkoniyatidan barcha erkin foydalanishi uchun zarur sharoit yaratishga erishamiz.

_

В преддверии Международного дня образования я с гордостью отмечаю успехи реформ Узбекистана в данной сфере. Мы твёрдо убеждены, что образование — это фундамент процветания, и мы продолжим прилагать все усилия, чтобы каждый ребёнок имел возможность раскрыть свой потенциал.

Сегодня состоялась важная встреча с нашими международными партнёрами: UNICEF, UNESCO, UNDP, ОЭСР, Всемирным банком и другими. Вместе мы обсудили новые подходы к образованию, основанные на инновациях, современных методиках и глобальном опыте.

Вместе мы сможем создать условия, в которых качественное образование станет доступным для каждого.