Ortiq yordam bermayman…1 Bilasiz, men bilan bog’lanish uchun pochta-bot mavjud. Shunga juda ko’p odam maslahat so’rab yozadi. Hattoki Koreya va koreys tiliga aloqador bo’lmagan shaxsiy, oilaviy masalalar bo’yicha ham. To’g’risini aytsam, bundan hayron bo’laman. Chunki men psixolog yoki oilashunos emasmanki mendan bu borada maslahat so’rashsa… Shunda ham javob beraman, har tomonlama o’ylab keyin yozaman. Lekin ularning ko’pi javob olgach baribir o’zinikini ma’qullab turaveradi. Eng qizig’i bir safar siz bu borada nimaniyam bilardingiz, degan pisanda ham eshitganman (unda nimaga menga yozding, jin ursin..?)).
Shunday ekan, buyog’iga bunday “maslahat bering” xabarlarga javob yozmayman~ Maslahat so’rashga sizni yaxshi biladigan oilangiz ota-onangiz bor. Shulardan maslahat oling~
2 Bir safar bir qiz universitetga kirolmadim, topshirgan inshoyim(personal statement, motivational letter)ning xatolarini ko’rib bering, deb so’radi. Men esa oldingilar insholarini tekshirtirib rahmatni ham nasiya qilib ketganini aytdim. U esa qayta-qayta iltimos qilaverdi. Oxiri ha mayli deb ko’rib xatolarini aytdim. Keyin esa rahmat uyoqda tursin hech qanday javob kelmadi.
3 Yaqinda bir yigit Koreyaga o’qishga hujjatlarim o’tgan, suhbat qolgan lekin 말하기 yaxshimas yordam bering, deb yozdi. Qisqa muddat ichida ulgurmaysiz baribir hozir vaqtim ham yo’q desam qayta-qayta so’rayverdi. Boshqa universitet suhbatidan yiqildim bundan ham yiqilsam ancha pulimga kuyaman, deb iltimos qilgani uchun shug’ullanishga rozi bo’ldim. Ikki marta suhbat qildik. Keyin imtihonga kirib chiqqach natijasi haqida albatta yozing dedim. Lekin xizmat haqi uyoqda tursin imtihon qanaqa o’tgani haqida ham yozgani yo’q)
Bunaqa misollar juda ko’p~ Hammasini yozib chiqishga vaqt ham imkon ham yetmaydi. Shunchaki aytib qo’ymoqchi bo’lganim yuqoridagi holatlar sabab boshqa hech kimga yordam bermaydigan bo’ldim. Iltimos, mendan endi yuqoridagi narsalarda yordam berishimni so’ramang~
Juda kerak bo’lsa pullik konsultatsiyamga yoziling. Boshqa holatlarda bir-birimizni bezovta qilmaylik~ Rahmat~
@Uzbek_Eunhye
