"Yoʻq" deyishni oʻrganing!
Oflayn ishlaysizmi, frilansdami farqi yoʻq. Doim qat'iy ish soatiga amal qiling. Aniq ishlash vaqtingiz boʻlsin. Ayniqsa frilans ishlaydiganlarda ish beruvchi tarafidan mensimaslik, ishni istalgan payt qildirish holati koʻp boʻladi. Kechqurun 9-10 da ham biror vazifa berib bajartirishga harakat qilishadi.
Nima qilish kerak?
— Ish beruvchi bilan boshidan kelishib oling. Oyiga qancha miqdorda, soat nechidan nechigacha ishlaysiz. Shoshilinch vazifalar tartibi qanday boʻladi.
— Ish vaqtini qat'iy kelishing. 8 yoki 9 soat. Shu ish soati ichida qancha vazifa bajar olasiz. Ish vaqtidan tashqari holatlarda ishlamaslik haqida ogolantiring. Dam olish kunlaringizni ham belgilab oling. Yoʻqsa yakshanbada ham telegram tinmaydi.
— Biror loyiha boʻyicha kelishsangiz aniq vazifalaringizni belgilab oling. Siz kelishgan oylikka nimalarni bajarasiz. Yoʻqsa loyihadan va rejadan tashqari ishlarga ham koʻmib yuborishadi.
Koʻpchilikni xatosi kelishuv qilmaydi, vaqtga rioya qilmaydi. Oqibatda ishdan charchash, zerikish, malollanish yuzaga keladi.
Oʻzingizga ham, boshqalarga ham zulm qilmang. Ishingizni maza qilib bajarishingiz uchun vaqtida dam olishni ham yoʻlga qoʻying. Dizayner ham odam)
@siddikovdesign