Jizzax viloyat MMTB Axborot xizmati| Rasmiy kanal

✅✅✅✅

Vazir poytaxtdagi maktablar va tuman bo‘limlaridagi shart-sharoitlarni o‘rgandi

✅ Bugun Maktabgacha va maktab ta’limi vaziri Hilola Umarova Toshkentdagi ta’lim muassasalari faoliyati bilan yaqindan tanishdi.

➖ Dastlab vazir Mirzo Ulug‘bek tuman Maktabgacha va maktab ta’limi bo‘limida bo‘ldi. Unda tuman hokimligi va sektor rahbarlari bilan birgalikda xodimlar uchun sharoitlarni yaxshilash yuzasidan kelishib olindi.

📍Shundan so‘ng, Shayxontohur tumanidagi 85-maktabda ustozlar va o‘quvchilar bilan uchrashdi. Unda o‘quvchilarning sifatli ta’lim olishlari uchun sharoitlarni yaratish, muassasa faoliyatini takomillashtirish, o‘quv xonalarini ko‘paytirish haqida mas’ullarga tegishli topshiriqlar berildi.

📍 O’rganish davomida, vazir Uchtepa tumanidagi 236-maktabda ham bo‘ldi.

Ushbu maktab 1969-yilda qurilgan bo’lib, hozirgi kunda 902 nafar o‘quvchi ta’lim olmoqda.

Vazir maktabdagi mavjud sharoitlar bilan yaqindan tanishdi hamda kelgusida 55 yillik ushbu maktab binosini mukammal ta’mirlab, o‘quvchilarning bilim olishlari uchun sharoitlarni yaxshilash bo‘yicha topshiriq berdi.

Bundan tashqari, o’qituvchilarning kasbiy mahoratlarini oshirish bo‘yicha “Uchtepa tajribasi”ni o‘rganish va uni ommalashtirish masalalari muhokama qilindi.

Uchtepa tuman hokimi Bunyod Mamajonov bilan tumandagi maktablar moddiy-texnik bazasini mustahkamlash bo‘yicha kelishib olindi.

📍 Tashrif so‘ngida, Hilola Umarova Shayxontohur tuman Maktabgacha va maktab ta’limi bo‘limida ham bo‘lib, jamoa bilan suhbatlashdi va tuman pedagoglari salohiyatini oshirish bo‘yicha rejalar bilan yaqindan tanishdi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin