Mehmonlar “BYD Uzbekistan” va “ADM Jizzakh” korxonalari faoliyati bilan yaqindan tanishdilarHayʼat yigʻilishi aʼzolari ushbu korxonalarida boʻlib, ularda dual ta’lim tizimi asosida yo‘lga qo‘yilgan o‘quv jarayonini ko‘zdan kechirdilar.
Bugungi kunda “BYD Uzbekistan Factory” yiliga 50 ming dona elektromobil ishlab chiqarish quvvatiga ega. Korxona Jizzax politexnika instituti bilan imzolangan hamkorlik memorandumi asosida malakali mutaxassislar tayyorlashni boshlab yuborgan. Dual ta’lim tizimi doirasida talabalar ishlab chiqarish jarayoni bilan bevosita tanishib, amaliy mashg‘ulotlarni o‘tash imkoniyatiga ega boʻlmoqdalar.
Bundan tashqari, hamkorlik doirasida avtomobil qismlarini ishlab chiqarishni mahalliylashtirish darajasini oshirish, elektromobillarni mahalliy iqlim va yoʻl sharoitiga moslashtirish uchun muhandis va malakali texnik mutaxassislar tayyorlash, ilmiy tadqiqotlar natijalarini ishlab chiqarishga joriy etish, amaliyotga yoʻnaltirilgan tadqiqotlarga eʼtibor qaratish hamda ilmiy-amaliy loyihalarni moliyalashtirishni kengaytirish boʻyicha ishlar olib borilmoqda.
“ADM Jizzakh” korxonasi ham dual ta’lim tizimini joriy etib, talabalarga zamonaviy avtomobil ishlab chiqarish texnologiyalari bilan tanishish imkonini bermoqda. Hozirda korxona Haval, Chery va Kia kabi taniqli brendlar uchun avtomobillar ishlab chiqarib, bozorda o‘z o‘rnini mustahkamlashga intilmoqda.
Ushbu hamkorlik nafaqat malakali kadrlar tayyorlash, balki O‘zbekiston avtosanoatini xalqaro darajaga olib chiqishda muhim o‘rin tutadi. Dual ta’lim orqali talabalar nazariy bilimlarini amaliy ko‘nikmalar bilan boyitib, kelajakda mamlakat iqtisodiyotiga hissa qo‘shish imkoniyatiga ega bo‘lmoqda.
Bizni kuzating
Facebook | Instagram | YouTube | Telegram
