Javlon Rashidovich

AQSH Registon maydoni arxitekturasini saqlab qolish uchun 500 ming dollar ajratdi

13-noyabr kuni Vashingtonda boʻlib oʻtgan AQSH-Oʻzbekiston strategik sheriklik muloqotida Davlat departamenti Samarqand shahridagi Registon maydonidagi arxitektura konservatsiyasi ishlari uchun 500 ming dollar mablagʻ ajratilishini eʼlon qilgan. Moliyalashtirish “AQSH elchilarining madaniy merosni asrash” jamgʻarmasi orqali beriladi.


✈️ @JavlonRashidovich

⚡️ Shavkat Mirziyoyev 2025-yilni yurtimizda “Atrof-muhitni asrash va “yashil” iqtisodiyot yili” deb e’lon qilishni taklif qildi. Yig‘ilganlar ushbu tashabbusni to‘liq qo‘llab-quvvatladi.

#Prezident #OliyMajlis #Hukumat


✈️ @JavlonRashidovich

Bugun Oliy Majlis Qonunchilik palatasining majlisi bo‘lib o‘tdi. Unda O‘zbekiston Respublikasi Prezidenti Shavkat Mirziyoyev ishtirok etib, nutq so‘zladi.

Prezident o‘z nutqida bugun mutlaqo yangi vakolat va vazifalarga ega bo‘lgan Hukumat shakllanayotganini qayd etdi. Shavkat Mirziyoyev tomonidan bosh vazir lavozimiga Abdulla Aripov nomzodi taqdim etildi. Yashirin ovoz berish yo‘li bilan deputatlar Abdulla Aripovni O‘zbekiston Respublikasi Bosh vaziri lavozimiga ma’qulladi.

#OliyMajlis #Hukumat


✈️ @JavlonRashidovich

❗️Ogoh bo‘ling! Telegram'da firibgarlar «Premium obunasi» koʻrinishida virus tarqatmoqda

Kiberxavfsizlik markaziga koʻra, «agar mazkur havolani bossangiz profilga virus yuklanadi hamda katta ehtimol bilan qurilmangizni boshqaruv huquqi firibgarlar qoʻliga oʻtib ketishi mumkin».


✈️ @JavlonRashidovich

Hurmatli hamkasblar va men uchun qadrli bo‘lgan SamDAQU jamoasi a’zolari!

Bugun men sizlarga o‘z sohamni o‘zgartirish va yangi ishga o‘tish haqidagi qarorimni yetkazmoqchiman.

Mirzo Ulug‘bek nomidagi Samarqand davlat arxitektura-qurilish universitetida matbuot kotibi lavozimida ishlash davomida ko‘plab qimmatli tajribalar va bilimlar orttirdim. Sizlarning qo‘llab-quvvatlashingiz va hamkorligingiz uchun chuqur minnatdorman.

Bu qarorni qabul qilish men uchun oson bo‘lmadi, chunki o‘tgan yillar ichida men universitetda ishlash davomida sizlarning har biringizning hissangiz va yordamingiz tufayli, biz ko‘plab yutuqlarga erishdik. Buning hammasi sizlarning qo‘llab-quvvatlovingizdan deb hisoblayman.

Mehnat faoliyatim davomida 2019-yildan boshlab oliy ta’lim muassasamizda Axborot xizmatini yangittan yo‘lga qo‘ydik. Samarali mehnatimiz tufayli ijtimoiy tarmoqlarda shu kunga qadar 31345 ta foto va videolardan iborat sifatli kontentlar bilan jamoatchilikka muhim axborotlarni yetkazdik.

2023-yilda Oliy ta’lim muassasasida amalga oshirilayotgan ishlarni keng targ‘ib qilish, media makondagi har qanday holatga tezkor va xolis munosabat bildirish, shuningdek, vazirlik Axborot xizmati bilan hamkorlikda sohadagi islohotlarning OAV va ijtimoiy tarmoqalarda tezkorlik bilan yoritilishini ta’minlash borasidagi amaliy ishlarni hamda Axborot xizmati faoliyatini na’munali yo‘lga qo‘yganimiz uchun – oliygohimiz Oliy ta’lim, fan va innovatsiyalar vaziri tomonidan TASHAKKURNOMA bilan taqdirlandi.

Biz rahbariyat ishonchi bilan 2023-yilda Axborot xizmatiga yosh kadrlarni qabul qildik, yangi jamoa yaratdik. Axborot xizmatining yangi maktabini yo‘lga qo‘ya oldik. Hozirgi kunda yoshlar haqiqiy professionallar jamosi bo‘lib shakllana oldi. Men ular bilan faxrlanaman. O‘ylaymanki bu maktab hali uzoq yillar davomida o‘z faoliyatini davom ettiradi.

Inson hayotida doimo olg‘a intilishga, o‘sishga va yuqori cho‘qqilarni zabt etishga harakat qilarkan, bugun menga ham yangi chaqiriq, yangi jamoada rahbarlik lavozimi taklif etildi. Men buni uzoq o‘ylab, oilam bilan maslahat qilib, kelajakda ilmiy ishimni davom ettirish maqsadida qaror qabul qildim.

Shu o‘rinda meni ilk bor oliygoh dargohiga ishga qabul qilgan ustozlarim Sulton Ilyosovichga, Orif Xaitovga, Vazirlik Axborot xizmati vakillaridan Farxod Babashevga, Bahriddin Shayvaliyevga, Mo‘min Ibodovga, Nazokat Abduqunduzovaga, Zafar Amirqulovga, Eldor Bozorovga, OAV vakillariga, hamkasblarim – Oliy ta’lim matbuot kotiblaridan iborat katta armiyaga, shuningdek O‘zbekiston Respublikasi Prezidenti huzuridagi Davlat boshqaruv akademiyasi, Yoshlar muammolarini oʻrganish va istiqbolli kadrlarni qayta tayyorlash institutida menga dars bergan ustozlarimga rahmat deyman.

Sizlar bilan birga ishlash, shogird tushib o‘qib-o‘rganish men uchun katta sharaf bo‘ldi. Qadrli jamoa, sizlarga va universitet jamoasining kelajakdagi ishlariga muvaffaqiyatlar tilayman! Barchasi uchun minnatdorman, eng yaxshi xotiralarimni o‘zim bilan olib ketaman! Xayrlashmaymiz Ko‘rishguncha azizlar ✌🏻

Cheksiz hurmat va samimiyat bilan @JavlonRashidovich


#SamDAQU #MyTeam #Forever #MatbuotdaKuch #Press