Jamshidbek Axmedov | Blog

Har kimsa to’g’ridir, sen to’g’ri bo’lsang.
Hech kim to’g’ri bo’lmas, sen egri bo’lsang.

— Yunus Emro

@jamshidbek_axmedov

Vaqtlar keladi, keladi vaqtlar,
O’z jonimga rohat beradi ular.
Tinimsiz mehnatla o’tgan oy-yillar,
Bir kun natijasin oshkora qilar.

@jamshidbek_axmedov qalamidan

Qayerdaligingiz emas, qayerga borishingiz muhim.

@jamshidbek_axmedov

Atiga

Pul va vaqtga nisbatan “atiga” so’zini ishlata ko’rmang.

Pulga atiga shuncha degan odam boy bo’lmaydi.
Vaqtga atiga shuncha degan odam hech nimaga ulgurmaydi.

Atiga 50-60 ming so’m ekan deb pul sarflash oy davomida millionlarni yo’qotishingizga sabab bo’lsa, atiga yarim soat video ko’raman deb butun kuningizni o’tkazib yuborishingiz mumkin.

— @azizrakhimov_blog fikrlaridan ilhomlanib yozildi

@jamshidbek_axmedov

2025-yil barchamizga barakali bo’lsin.

Archani emas Ka’bani atrofida aylanadiganlardan qilsin.

Oila a’zolarimiz orasidagi mehr yanada kuchaysin.

Bo’ydoq yigit-qizlarga solih juft nasib qilsin (shu gap yoqib kettimi).

Alloh bizlarni yaxshiliklari bilan siylasin 🤲

@jamshidbek_axmedov

Dunyoda 3 xil hayvon bo’lar ekan:
1. O’t yeydigan
2. Go’sht yeydigan
3. Yetim-yesir, beva-bechora, kambag’al va qora xalqning haqqini yeydigan.

3-toifa hayvonlar eng xavflisi hisoblanadi.

— facebookdan olindi

@jamshidbek_axmedov

Sinov kelsa qo’shaloq keladi.
Shukur keltirib ajr olamiz.

@jamshidbek_axmedov

МАККАИ МУКАРРАМА ВА МАДИНАИ МУНАВВАРАДАГИ
ДУО ҚАБУЛ БЎЛАДИГАН ЎТТИЗ ЖОЙ
 
Фиқҳий китобларда Маккаи Мукаррамадаги йигирма бир жойда қилинган дуолар мустажоб бўлиши ҳақида ёзилган ва салафи солиҳлардан нақл қилингандир. Мадинаи Мунавварада ҳам дуо қабул бўладиган кўплаб жойлар бор. Дуо қилишга эътибор қаратиш лозим бўлган ўринлар қуйидагилардир:

🕋🕌
1. Байтуллоҳни илк кўрган пайтда;
2. Тавоф қилаётган пайтда;
3. Мултазамга осилган пайтда;
4. Раҳмат тарновининг остида;
5. Байтуллоҳнинг ичида;
6. Замзам сувини ичаётганда;
7. Мақоми Иброҳимнинг ёнида;
8. Сафо тоғининг устида;
9. Марва тоғининг устида;
10. Саъй қилаётганда;
11. Арафот майдонида;
12. Муздалифа майдонида;
13. Мино майдонида;
14. Тош отгандан кейин жамарот олдида;
15. Ҳатимнинг ичида (Фатҳул қодирда);
16. Рукни ямонийнинг олдида;
17. Савр ғорида;
18. Ҳиро ғорида;
19. Дорул Арқам жойлашган жойда;
20. Хадича розияллоҳу анҳонинг маконлари жойлашган жойда;
21. Мудъо мақоми, яъни Масжидул Ҳарамдан Жаннатул муъалло томон кетишда жойлашган жойда (Ғуниятун-носик);
22. Мадинаи Мунавварадаги Риёзул жаннада;
23. Оиша розияллоҳу анҳонинг устунлари ёнида;
24. Абу Лубоба устунлари ёнида;
25. Набий соллаллоҳу алайҳи васалламнинг меҳробларида;
26. Суффада;
27. Фатҳ масжидида;
28. Қубо масжидида;
29. Масжидул қиблатайнда (Икки қибла масжидида);
30. Масжидул ижобада.
 
Ушбу жойларга келиш насиб қилган ҳар бир киши Аллоҳ таолога тазарруъ ила дунё ва охиратдаги муродларини сўраши лозим. Бундай ўринларда самимий дуолар қилиб олишдан ғафлатда қолмаслик керак...

— устозлардан

@jamshidbek_axmedov

Bu dunyoda hech narsa sizni rizqingizchalik ortingizdan quvlamas ekan.

@jamshidbek_axmedov

Ilm olinmaydi, ilm yuqadi.

“Ustozni xizmatini qiling” deyilganda “voyvo o’rgangan bo’lsak pulini to’lab o’rganyapmiz, endi xizmatiniyam qilishimiz qoldi” qabilidagi fikrlarni eshitganman.

Fikrimni qabul qiladigan yaqinlarimni ahli ilmlarning xizmatini holis qilishga targ’ib qilaman. Albatta, meni ham targ’ib qilib kelishadi.

Ustoz har qanday yo’nalishda bo’ladi:
- fanda
- tilda
- dinda
- kasbda
- hayot yo’lida
- va boshqa ishlarda

Ustoz qalban rozi bo’lsa, ilm qanday kelib qolganini sezmay qolasiz.

Ilm oling, xizmatta bo’ling, ana endi ko’ringki sizga yetadigani bo’lmay qoladi.

Bundanda yaxshi formula bo’lsa menga ham o’rgating!

@jamshidbek_axmedov

Bir sirni ochaymi?

Har bir safar qilganingizda bir nimani ko’zlaysiz, biror natija kutasiz. Bu bo’lishi mumkin pul, ilm, tanish-bilish, hordiq, foydali yoki bo’lar-bo’lmas ishlar.

Nimaki bo’lmasin hayriyatni so’rang. Kichik sir esa “safar namozi”da.

Safarga chiqishingizdan oldin 2 rakatgina safar namozini o’qing. Va mana shu safardan yaxshiliklarni so’rang.

Ustozlarimning tavsiyalari bilan oxirgi vaqtlar amal qila boshladim. Natija nima bo’ldi deysizmi?
— Albatta, kutganimdan afzalroq.

Maslan, hozir 3 kunlik safar bilan Toshkentdaman. To’g’ri, ish sababidan keldim. Lekin, ishimdan unum, ilm va hayrli bo’lgan insonlarga yaqin qilishini so’rab safarga chiqtim.

Soat 04:00 da haligacha uxlamaganimning sababi ham shu. Yangi ilm miyyani portlatyapti, yangi g’oyalar energiya beryapti, yaqinlar bilan suhbat silayi rahmni mustahkamlasa, yangi tanishlar ish va hayotga bo’lga qarashni o’zgartiryapti.

So’ralgan hayriyatni berilgani shu emasmi?

Bu post maqtanish uchun bo’lmasin deyman, aks holda, aytib o’tilganlarning barakasi ketib qolishidan qo’rqaman.

Lekin, nechtadir postni o’qigan insonda yangi qarash va amal hosil qilsa bir yaxshilikka sababchi bo’lib qolaman, inshaalloh.

@jamshidbek_axmedov