Jamol Nosirov

#хотира

"Топмоқ — йўқотмоқдир,
Йўқотмоқ — топмоқ.
Сен сўлиб, Мен яшаб,
Тўлишимга боқ.
Сенсиз топганимдан
Кўпроқ йўқотдим —
Сен мени юпатдинг,
Сени йиғлатдим.
Сен мени яратдинг,
Сени тугатдим.
Уялмай ОНА деб,
Келишимга боқ!"

Муҳаммад Юсуф — шеъриятга самимият ва муҳаббат руҳини олиб кирган, халқнинг дарду армонлари билан яшаган ардоқли шоирларимиздан бири. У қайси мавзуда ижод қилмасин, шеърларидаги оддий ва самимий мисралар қалбингизни тўлқинлантиради.

Бугун, 26 апрел —  Муҳаммад Юсуф таваллуд топган кун (1954-2001)

Ўзбекистон халқ шоирининг хотираси қалбларда абадий қолади.

Тўқимачи Бозоридан – Яшил Маскангача

Ушбу расмда илгари собиқ Тўқимачи деҳқон бозори жойлашган ҳудудда барпо этилган Наршахий истироҳат боғи тасвирланган.

Бухоро шаҳрининг Мустақиллик кўчалари кесишмасида жойлашган ушбу очиқ ва узоқ вақт бўш турган ер майдонида бугунги кунда катта ўзгаришлар рўй берди.

Ҳозирда бу ҳудудда 1,7 гектар майдонни эгаллаган замонавий истироҳат боғи ташкил этилиб, 1000 тупга яқин манзарали дарахтлар, гулзорлар ва яшил майдонлар барпо этилди. Боғ ҳудудида пиёдалар йўлаклари, дам олиш масканлари ҳамда болалар майдончалари қурилган.

Кейинги босқичда, раҳбарлар Вобкент туманидаги ғишт ишлаб чиқариш заводида бўлишди.

Заводда чанг ва газ тозалаш ускуналарининг ўрнатилганлиги текширилди, ва бу ускуналарнинг самарали ишлашини таъминлаш зарурлиги таъкидланди.

Ғишт ишлаб чиқариш жараёнидаги экологик хавфларни камайтириш ва ресурсларни тежаш бўйича қўшимча тавсиялар берилди.

Махсус ускуналар орқали ифлослантирувчи газ ва чангнинг атмосферага чиқарилиши олдини олиш, шу билан бирга ишлаб чиқариш самарадорлигини оширишга оид чора-тадбирлар кўрилди.

Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров, вилоят прокурорининг ўринбосари Жамшид Аҳмедов ҳамда тегишли масъуллар томонидан Вобкент туманида ўрганиш ишлари олиб борилди.

Дастлаб, раҳбарлар тумандаги Давлат Ўрмон Хўжалигида бўлиб, ходимлари билан мулоқот қилдилар. Дарахт кўчатларини етиштиришда вилоятнинг иқлим шароитига мос, чидамли ўсимлик турларини танлаш ва кўпайтириш бўйича таклифлар муҳокама қилинди.

Шунингдек, ўрмон хўжалиги фаолиятини янада самарали ташкил этиш, яшил ҳудудларни кўпайтириш ва экологик барқарорликни таъминлаш учун қўшимча чоралар белгиланди.

Куннинг иккинчи ярмида  Жамол Носиров Шофиркон тумани ҳокими ҳамроҳлигида ободонлаштириш ишлари билан танишди.

Ўрганишлар давомида “Яшил макон” умуммиллий лойиҳаси доирасида амалга оширилган ишлар, хусусан, экилган дарахтлар ҳолати ва уларни суғориш тизимлари кўздан кечирилди.

Жойлардаги мавжуд муаммолар ва таклифлар тингланди. Ободонлаштириш ишлари самарадорлигини ошириш, яшил ҳудудларни кенгайтириш бўйича зарур тавсиялар берилди.

Шофиркон туманида экологик масалалар бўйича сайёр қабул ўтказилди

Бугун, 23 апрель куни, Шофиркон туманида ўтказилган сайёр қабулда фуқаролар экологик муаммолар билан мурожаат қилишди. Сайёр қабулда Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров ва Шофиркон туман ҳокими А.Файзиллоев иштирок этди.

Сайёр қабул давомида фуқаролар қуйидаги масалалар бўйича мурожаат йўллади.

🔹 Дарахт кўчатлари экиш – яшил майдонларни кўпайтириш ва табиий муҳитни яхшилаш бўйича таклифлар.

🔹 Чиқиндиларни бошқариш – чиқиндиларни тўплаш ва утилизация қилишни яхшилаш, пластик чиқиндиларни қайта ишлаш.

🔹 Ер ресурсларини тиклаш ва рекультивация қилиш масалалари.

Мурожаатлар тингланиб, тегишли ечимлар берилди.