O‘zLiDeP Mirzo Ulug‘bek tuman Kengashi

O’zLiDeP бошланғич партия ташкилотининг навбатдаги ҳисобот-сайлов йиғилиши бўлиб ўтди

Мирзо Улуғбек туманидаги фаолият юритаётган “Ўзагросуғурта” АЖ қошида
ташкил этилган O’zLiDeP бошланғич партия ташкилотининг навбатдаги ҳисобот-сайлов йиғилиши бўлиб ўтди. Ушбу қуйи бўғин яқинда февраль ойида ташкил топишига қарамасдан бир қатор амалий ишларга ҳам қўл урди ва партия билан доимий ҳамкорликда ишлаб келмоқда. Йиғилиш жараёнида 2025 йил "Атроф-муҳитни асраш ва “яшил” иқтисодиёт йили"да амалга оширишга оид давлат дастури”даги белгиланган вазифалардан келиб чиқган ҳолда БПТнинг иш режаси белгилаб олинди.

Байрамингиз муборак бўлсин азиз аёллар!
Ҳаётимизнинг файзи ва кўрки бўлган опа-сингилларимиз, нуроний онахонларимизни 8 март – Халқаро хотин-қизлар куни – гўзаллик ва нафосат байрами билан самимий муборакбод этаман.
Тилагим— оилангиз, фарзандларингиз, эл-юртимиз бахтига ҳамиша соғ-омон бўлинг! Нафосат ва гўзаллик, лобарлик, зеболик Сизларни ҳеч қачон тарк этмасин!

Депутат фуқароларни қийнаётган муаммоли масалаларни ўрганди

Халқ депутатлари Мирзо Улуғбек тумани Кенгаши депутати Ойдин Данярходжаева “Жасорат”, “Сарбон” маҳаллалари ҳудудида истиқомат қилаётган аҳоли билан учрашди. Учрашув жараёнида фуқароларни қийнаётган муаммолар муҳокама қилинди. Хусусан, кўчаларда ёриткичлар йуқлиги, болалар ўйин майдончаларига сунъий қоплама ётқизилиши таклифи, ёшлар спорт майдончасини тугатиш муаммоси, коммунал ва бошқа муаммолар тингланди. Бу борада чора-тадбирлар ишлаб чиқилди ва тегишли ташкилотлар масьулларига муаммоли масалалар етказилди. Тадбир сўнгида депутат ўз тавсияларини бериб ўтди.

OʻzLiDeP Тошкент шаҳар Кенгаши "Аёллар муаммоларини ўрганиш ва ташаббусларини қўллаб қувватлаш" бўлими, Мирзо Улуғбек туман Кенгаши ва Юнус Ражабий номидаги Ўзбек миллий мусиқа санъати институти билан ҳамкорликда “Зулфия қизлари” лойиҳаси доирасида “Олима аёлларнинг жамиятдаги ўрни” мавзусида очиқ мулоқот ташкил этилди.
Таъкидланганидек, юртимизда хотин-қизларнинг ижтимоий-сиёсий фаоллигини ошириш, уларнинг турли соҳаларда имкониятларини рўёбга чиқариши учун барча шароитлар яратилиб, муносиб рағбатлантирилмоқда.
Тадбирда қизларнинг замонавий билим ва касб-ҳунарларни эгаллашига ёрдам бериш, мустақил ҳаётга тайёрлаш, ижтимоий фаоллиги ва маънавиятини ошириш, эътиборга муҳтож қизлар билан манзилли иш олиб боришда совриндор қизларнинг салоҳиятидан кенг фойдаланиш, уларни давлат ва жамият ҳаётида фаол иштирокини таъминлашга алоҳида эътибор қаратиш, бу борада қизларнинг ўзлари ҳам доимо ташаббускор бўлишлари ҳақида таклиф ва мулоҳазалар билдирилди

Мир Алишер Навоий ҳазратларидан нафақат бетакрор ва бебаҳо ижод дурдоналари, балки Ватанни севиш ва ардоқлаш, юксак инсонпарварлик фазилатлари ҳам мерос бўлиб қолди.

OʻzLiDeP Тошкент шаҳар Кенгаши "Аёллар муаммоларини ўрганиш ва ташаббусларини қўллаб қувватлаш" бўлими, Мирзо Улуғбек туман Кенгаши ва Юнус Ражабий номидаги Ўзбек миллий мусиқа санъати институти билан ҳамкорликда буюк аждодимиз таваллуд топган кун муносабати билан “Навоий ғазалларида аёлга эҳтиром” мавзусида адабий-бадиий, маданий-маърифий тадбир ташкил этилди.

Улуғ мутафаккир таваллудига бағишланган шеърият кечасини Халқ депутатлари Тошкент шаҳар Кенгаши депутати, фан доктори, профессор Жамила Шермуҳаммедова Навоий ҳаёти ва ижодий фаолиятига оид маъруза билан очиб берди.

Билим даргоҳининг иқтидорли талабалари ғазал мулкининг султони, ҳазрат Навоий ижодидан намуналар ўқиш билан бирга куй қўшиқлар ижро этишди.