Пахтаобод тумани ,, Имматали Хожи ,, жомеь масжиди .

НИМА САБАБДАН ТАҲОРАТЛИ ЮРИЛАДИ?

Ҳар доим таҳоратли юринг. Тариқатимизнинг одобларидан бўлгани учун ҳам таҳоратли юришингиз лозим.

Нима сабабдан таҳоратли юрилади? Чунки Расулуллоҳ соллаллоҳу алайҳи васаллам ва у кишининг саҳобалари ҳар доим таҳоратли юришга жиддий аҳамият берар эканлар. Шу даражада диққат қиларканларки, у пайтлар уйларида хожатхона бўлмаган, олисда, таҳорат бузилган жойда сув, шароит бўлмагани учун уйга келиб таҳорат олишар экан. Лекин уйга келгунча ҳам таҳоратсиз юрмаслик учун таяммум қилар эканлар. Яъни орадаги қисқа муддатда  ҳам таҳоратсиз юришни ўзларига эп кўрмаганлар.

Пайғамбаримиз соллаллоҳу алайҳи васаллам шу қадар улуғ бир инсон бўлатуриб, таҳоратсиз юрмаганликлар «бунинг бир сабаби, бир фойдаси бор» деб, буюкларимиз ҳам таҳоратли юрганлар. Шайхларимизнинг, авлиёларнинг ҳаётларини ўқиганимизда  шунга амал қилишганини кўрамиз. Бир қатор инсонлар ҳаётида ҳам буни кўрдим. Доим таҳоратли юрар, сувсиз жойда, таҳорат бузилса, сув топгунга қадар таяммум қилар эканлар...

Нима учун? Таҳоратли инсонга шайтон таъсир қилмайди, васваса қилмайди. Таҳорат инсоннинг маънавий томондан муҳофаза қилинишига сабабчи бўлади. Инсоннинг савоб иш қилиши осон, гуноҳ иш қилиши қийин бўлади. Чунки шайтон ёнига яқинлаша олмайди. Хайру барака, савобу ажр кўп бўлади.

Бир инсон таҳоратли юрса, кечаси таҳоратли ётса, фаришталар атрофида тўпланиб ҳаққига дуо қилишади.
Демак, таҳоратли юриш яхши бир одат. Доимо бу одатга амал қилиш керак. Улуғларимиз бу одатга амал қилганлар, сиз ҳам ҳар доим амал қилинг, таҳоратли юринг.

"Ислом ва ахлоқ" китобидан олинди.

🌱 Aссалому алайкум. Ражаб ойи. Пайшанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   01 .02.2025 -й (Январь ойи )
02.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:10
🕌 Шом       - 17:00
🕌 Хуфтон   - 18:20


     🌙 НАМОЗ ВАКТЛАРИ☀️

⏰ Бомдод -- 6:50
⏰ Пешин   -- 13:00
⏰ Аср         -- 15:25
⏰ Шом       -- 17:00
⏰ Хуфтон   -- 18:35
27-Декабрьдан 03-Январьгача
🕌 НАМОЗГА ШОШИЛИНГ...

Набий алайҳиссаломнинг ражаб ойини кўрганда қилган амаллари

Ражаб ойи ҳақида Набий соллаллоҳу алайҳи васалламдан саҳиҳ санад ила собит бўлган қуйидаги ҳадис мавжуд:

عَنْ أَنَسِ بْنِ مَالِكٍ رَضِىَ اللَّهُ عَنْهُ قَالَ كَانَ النَّبِيُّ صَلَّى اللَّهُ عَلَيْهِ وَسَلَّمَ إِذَا دَخَلَ رَجَبٌ، قَالَ: "اللهُمَّ بَارِكْ لَنَا فِي رَجَبٍ، وَشَعْبَانَ، وَبَلِّغْنَا رَمَضَانَ".

Анас ибн Молик розияллоҳу анҳудан ривоят қилинади:
«Ражаб ойи кирса, Набий соллаллоҳу алайҳи васаллам: «Аллоҳумма баарик ланаа фий ражабин ва шаъбана, ва баллиғнаа ромазона», дер эдилар» (Байҳақий ривоят қилган).

Маъноси: «Аллоҳим! Ражаб ва шаъбон ойларида бизга барака бергин ва Рамазон ойига етказгин».

«Рамазон ойига етказгин», деб дуо қилиш Рамазон ойига муштоқ бўлишдир.

Ушбу дуо Набий соллаллоҳу алайҳи васалламдан саҳиҳ санад билан собит бўлгандир.

🌱 Aссалому алайкум. Ражаб ойи. Чоршанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   01 .01.2025 -й (Январь ойи )
01.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:10
🕌 Шом       - 17:00
🕌 Хуфтон   - 18:20


     🌙 НАМОЗ ВАКТЛАРИ☀️

⏰ Бомдод -- 6:50
⏰ Пешин   -- 13:00
⏰ Аср         -- 15:25
⏰ Шом       -- 17:00
⏰ Хуфтон   -- 18:35
27-Декабрьдан 03-Январьгача
🕌 НАМОЗГА ШОШИЛИНГ...

ИСТИХОРА НАМОЗИ

"Истихора" сўзи луғатда "хайрни талаб қилиш" деган маънони англатади. Мусулмон киши икки ишдан қайси бирини қилишини билмай қолганда, хайрлисини танлаш учун истихора намози ўқийди. Бу намозни ҳар бир мубоҳ ишдан олдин ўқиш мустаҳабдир.

Жобир розияллоҳу анҳудан ривоят қилинади:
"Набий соллаллоҳу алайҳи васаллам бизга ҳамма ишларда истихора қилишни ҳудди Қуръондан сурани ўргатгандек ўргатар эдилар. У зот:

"Қачон бирортангиз бир иш қилмоқчи бўлса, фарз намоздан бошқа икки ракъат намоз ўқисин. Сўнг "Аллоҳим! Албатта, мен Сендан илминг ила истихора киламан. Сенинг қудратинг ила қудрат сўрайман. Сендан улуғ фазлингдан сўрайман. Албатта, Сен қодир бўлурсан, мен қодир бўлмасман. Сен билурсан, мен билмасман. Сен ғайбларни ўта яхши билувчи Зотсан. Аллоҳим! Агар ушбу иш менга динимда, тирикчилигимда ва ишим оқибатида (ёки ҳозирги ишимдаю келгусида) яхши эканлигини билсанг, уни менга тақдир қилгин, менга осон қилгин, сўнгра уни мен учун баракали қилгин. Агар ушбу иш мен учун динимда, тирикчилигимда ва ишим оқибатида (ёки ҳозирги ишимдаю келгусида) ёмон эканлигини билсанг, уни мендан буриб юбор, мени ундан буриб юбор. Ва менга қаерда бўлса ҳам яхшиликни тақдир қил. Сўнгра мени унга рози қил", десин ва ҳожатини айтсин", дедилар".
Бешовларидан фақат Муслим ривоят қилмаган.

Ушбу намозни ўқигандан кейин мазкур иш ҳақида ўйламай, Аллоҳ таоло ихтиёр қиладиган нарсани кутиб юради. Кейин кўнглига тушиб, ўзига маъқул бўлиб, қилгиси келиб қолса, шу ишни қилади. Бу ҳақда туш кўриши ҳам мумкин. Агар иш бир тарафга бўлмай туриб қолса, истихора намозини яна қайтадан ўқийди.

⬆️Қайта ўқиш етти мартагача бўлади.

⬆️Истихора намозининг биринчи ракъатида Фотиҳа сурасидан кейин Каафирун сурасини, иккинчи ракъатда Ихлос сурасини ўқийди.

Шайх Муҳаммад Содиқ Муҳаммад Юсуф
"Кифоя, 1-жуз" .

РАЖАБ ОЙИ ВА УНИНГ ФАЗИЛАТИ

❓CАВОЛ: Ражаб ойи ва унинг фазилати ҳақида маълумот берсангиз. Унда қандай ибодатлар қилинади?

💬 ЖАВОБ: Бисмиллаҳир Роҳманир Роҳим. Ражаб ойи қамарий ойларнинг еттинчиси бўлиб, “ражаб” сўзи луғатда “улуғлаш”, “ҳурмат бажо келтириш” маъноларини англатади.
   Саҳобаи киромлар ва улардан кейинги салафи солиҳларимиз Ражаб ойи келганда, Рамазонга соғ-саломат етишни сўрар эдилар. Бу ҳақида Анас ибн Молик разияллоҳу анҳудан ривоят қилинади: “Ражаб ойи кирса, Набий саллаллоҳу алайҳи васаллам: “Эй Аллоҳ! Ражаб ва Шаъбон ойларида бизга барака бергин ва Рамазон ойига етказгин”, дер эдилар” (Имом Ибн Асокир ва Имом Байҳақий ривоят қилган).
   Дуонинг ўқилиши: “Аллоҳумма баарик ланаа фий Ражабин ва Шаъбана ва баллиғнаа Рамазона”.
   Машҳур тобеинлардан бўлган Абу Қилоба раҳимаҳуллоҳ Ражаб ойи фазилати ҳақида шундай деган: “Ражаб ойида рўза тутувчилар учун жаннатда бир қаср бор” (Имом Байҳақий ривояти).
   Мазкур ҳадисдан Ражаб ойи бошқа ойлардан фазилатли экани, унда тутилган нафл рўзаларнинг ажри кўпайтириб берилиши маълум бўлмоқда.
   Демак, биз Ражаб ойидан Рамазон ойига тайёргарликни бошлаб, имкон борича нафл намозлар, рўзалар, хайру эҳсон ва шу каби яхшиликларни кўпайтиришимиз айни муддао бўлади. Ражаб ойида ҳам бошқа ойларда бўлгани каби нафл рўза ва намозлар бирор кунга белгиламасдан ўқилаверади. Валлоҳу аълам.

Ўзбекистон мусулмонлари идораси
Фатво маркази.

Ният.

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Қурайшдан бир киши маккалик Умму Қайс исмли аёлга совчи қўйди. Умму Қайс мусулмон бўлиб, Мадинага ҳижрат қилган эди. Муслима аёл у кишига Мадинага ҳижрат қилсагина турмушга чиқишини айтди. Маккалик киши Умму Қайсга уйланиш ниятида Мадинага ҳижрат қилди. Кейин Мадина аҳли унга «Умму Қайснинг муҳожири» деб лақаб қўйишди!

Мана шу қисса Расулуллоҳ соллаллоҳу алайҳи васалламнинг машҳур «Амаллар ниятларга боғлиқдир. Ҳар бир киши ниятига яраша олади. Кимнинг ҳижрати Аллоҳ ва Расули учун бўлса, демак, у Аллоҳ ва Расули учун ҳижрат қилган бўлади. Кимнинг ҳижрати дунёга эришиш учун бўлса, унга эришади, аёлга никоҳланиш учун бўлса, унга никоҳланади. Ким нима учун ҳижрат қилса, ҳижрати ўша учун!» деган машҳур ҳадисларининг айтилишига сабаб бўлган.

Амал Аллоҳнинг ҳузурида мақбул бўлиши учун унда икки шарт топилиши лозим. Агар улардан бири бўлмаса, ибодат ботил бўлади: Аллоҳга ихлос ҳамда амалнинг шариатга мувофиқ бўлиши.

Масалан, ким пешинни Аллоҳга яқинлашиш умидида беш ракат ўқиса, унинг намози қабул қилинмайди. Бунда унинг ният ва ихлоси дуруст бўлса-да, қилган иши шариатга мухолифдир. Ким одамларга яхши кўриниш учун фақирга садақа қилса, садақаси қабул қилинмайди. Унинг иши шариатга мувофиқ бўлса-да, ихлоси йўқ чунки. Бошқа ибодат ва амалларни ҳам шунга қиёс қилсак бўлади!

Ҳамма мазмун «ҳар бир кишига ниятига яраша»нинг ичидадир!

Ҳатто фаришталар ҳам ниятларни била олмайди. Фақат Аллоҳ субҳанаҳу ва таологина бизни ичимиздан кўра олади. Фақат Унинг Ўзи қилаётган амалларимиз ортида нима мақсад борлигини билади. Биз инсонларнинг фақат зоҳирига қараб ҳукм қилишимиз мумкин. Аммо уларнинг ниятларини ниятлар эгасига топшириб қўяверишимиз лозим!

Икки йигит масжидга боряпти. Уларнинг бири Аллоҳнинг розилигини истаб, бошқаси эса, ўзи совчи бўлиб бораётган қизнинг отасига яхши кўриниш учун. Иккиси ҳам ниятига ярашасини олади!

Икки киши беморни зиёрат қилгани боришди. Уларнинг бири Аллоҳнинг розилигини истаб борди. Иккинчиси эса, нуфузли беморга яқинлашиш учун, унинг обрўйидан фойдаланиш учун, тамаъ қилиб борди. Иккисига ҳам ниятига ярашаси бўлади!

Икки киши қариндошларини уйига меҳмонга чақирди. Бири силаи раҳмни боғлашни, қалбларни улфат қилишни, оилани жамлашни истади. Иккинчиси эса уйини, молини мақтаниш учун чақирди. Уларнинг қилаётган иши бир хил, аммо ниятлари бошқа-бошқа. Иккисига ҳам ниятига ярашаси бўлади!

Бундан минг йиллар олдин Зулайҳо Юсуф алайҳиссаломни зинога чақирди. Юсуф алайҳиссалом кўнмадилар. Ундан қочиш учун эшик томон югурдилар. Динларини, иффатларини сақламоқчи бўлдилар. Зулайҳо ортларидан югурди, у кишини қайтармоқчи бўлди. Улар иккиси ҳам эшик томон югуришди. Яъни, амал бир хил, аммо ният икки хил: бири гуноҳдан қочаётган, иккинчиси гуноҳ томон югураётган эди.

Амаллар ниятга боғлангандир. Ҳар кимга ниятига яраша бўлади
!
«Набавий тарбия» китобидан.

🌱 Aссалому алайкум. Жумадус соний ойи. Сешанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   31. 12.2024-й (Декабрь ойи )
30.1446-й (Жумадус сони ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:10
🕌 Шом       - 17:00
🕌 Хуфтон   - 18:20


     🌙 НАМОЗ ВАКТЛАРИ☀️

⏰ Бомдод -- 6:50
⏰ Пешин   -- 13:00
⏰ Аср         -- 15:25
⏰ Шом       -- 17:00
⏰ Хуфтон   -- 18:35
27-Декабрьдан 03-Январьгача
🕌 НАМОЗГА ШОШИЛИНГ...

Аллоҳ йўлидаги кундалик


Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бақувват ва бўйи узун бир киши Набий соллаллоҳу алайҳи васалламнинг олдиларидан ўтиб кетди. У зот саҳобалар билан бирга ўтирган эдилар. Саҳобалар унинг куч ва қувватидан ҳайрон қолиб дейишди:
– Эй Аллоҳнинг Расули! Қани энди унинг мана шу кучи Аллоҳнинг йўлида ишлатилганида эди?! Расулуллоҳ соллаллоҳу алайҳи васаллам уларга дедилар:
– Агар у гўдак болалари учун кўчага чиққан бўлса, Аллоҳнинг йўлидадир. Агар у қари ота-онаси учун кўчага чиққан бўлса, Аллоҳнинг йўлидадир. Агар у риё ва фахрланиш учун кўчага чиққан бўлса, шайтоннинг йўлидадир!
Инсонлар фақатгина жангга қилич яланғочлаб чиқишни жиҳод деб ўйлашади. Қолган нарсалар уларнинг наздида гўё бир маромдаги оддий урф-одатлар. Тўғри, жанг қилиш Аллоҳ йўлидаги ишлар рўйхатининг аввалида туради. Аммо негадир «Аллоҳнинг йўлида» дейилса, энг аввал мияга жиҳод келади. Ҳолбуки, ҳалол тирикчилик қилиш ҳам Аллоҳнинг йўлидаги иш!
Саҳобалар инсоннинг кучи ва қуввати фақат Аллоҳнинг йўлидаги жиҳодда ишлатилиши керак деб ўйлашди. Расулуллоҳ соллаллоҳу алайҳи васаллам уларнинг тушунчаларини тўғрилаб қўйдилар. Уларга киши хотини ва бола-чақасининг ташвишида кўчага чиқса, ота-онасининг хизмати учун кўчага чиқса, уйланиш учун маҳрга яроқли нарса топиш илинжида учун кўчага чиқса, у ҳам Аллоҳнинг йўлида юрганини англатдилар!
Аллоҳ йўлида қилган ҳар бир ҳалол амалингизнинг ажрини тасаввур қилиб кўринг! Фарзанд ва аёлингиз яхши еб, яхши кийиниши учун кўчада, уйингиз тартибли бўлиши учун уйингизда ишлашингиз оддийгина одатий иш эмас, Аллоҳ йўлидаги кундалик жиҳоддир!
Ота-онангизни шифохонага олиб боришингиз оддий иш эмас. Бу яхшилик Аллоҳ йўлидаги амалингиздир!
Бир беморни кўргани боришингиз оддий инсоний бурч эмас. Бу Аллоҳ йўлидаги кўнгил олишдир!
Бировнинг отаси ёки онаси вафот қилганида бориб таъзия билдиришингиз оддийгина ижтимоий кўриниш эмас. Бу Аллоҳ йўлида бир-бирига қилинадиган раҳм-шафқатдир!
Тоат, яхшилик ва маъруф ишда ҳаёт кечириш барчаси Аллоҳ йўлида ҳаёт кечиришдир. Бу ишлардаги ажрни тасаввур қилсак, Аллоҳ йўлидаги кураш бизга енгил кечади!

«Набавий тарбия» китобидан.

🌱 Aссалому алайкум. Жумадус соний ойи. Душанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   30. 12.2024-й (Декабрь ойи )
.29.1446-й (Жумадус сони ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:10
🕌 Шом       - 17:00
🕌 Хуфтон   - 18:20


     🌙 НАМОЗ ВАКТЛАРИ☀️

⏰ Бомдод -- 6:50
⏰ Пешин   -- 13:00
⏰ Аср         -- 15:25
⏰ Шом       -- 17:00
⏰ Хуфтон   -- 18:35
27-Декабрьдан 03-Январьгача
🕌 НАМОЗГА ШОШИЛИНГ...

Ниятга яраша.

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Расулуллоҳ соллаллоҳу алайҳи васалламнинг даврларида бир қора аёл масжидни супуриб юрар эди. У вафот қилганида саҳобалар унинг вафотини унча катта бўлмаган бир иш деб, ўзлари намоз ўқиб кўмиб юборишди. Расулуллоҳ соллаллоҳу алайҳи васаллам унинг вафот этганини эшитгач саҳобаларга дедилар:
– Унинг вафот этганини менга айтсанглар бўлмасмиди? Менга қабрини кўрсатинг!
Саҳобалар у аёлнинг қабрини Расулуллоҳ соллаллоҳу алайҳи васалламга кўрсатишди. Расулуллоҳ соллаллоҳу алайҳи васаллам унинг қабри олдида жаноза намози ўқидилар ва шундай дедилар:
– Қабрлар зулматга тўладир. Менинг намозим туфайли Аллоҳ уни нурга тўлдиради!
Бугун биз мубтало бўлган ишлардан бири шуки, агар биздан бирор-бир бойроқ, нуфузлироқ ва амалдорроқ киши вафот этса унинг таъзиясига ҳамма боради. Агар фақир, оддийгина инсон вафот қилса унинг жанозасидаги кишиларни санаса бўлади. Ўлим ҳам манфаатли одатга айланиб кетди.
Ривоят қилинишича, қозилардан бирининг ходимаси вафот қилади. Унинг таъзиясига барча обрў-эътиборли кишилар, вазирлар ва аъёнлар ташриф буюришади. Қозининг ўзи вафот қилганида улардан ҳеч бири келмайди. Улар янги қозини бу нуфузли мансаб билан муборакбод қилгани кетишган эди.
Бу дин наздида муҳаббат ҳам ибодатдир. Кишиларнинг қалбингдан жой эгаллаши уларнинг Аллоҳга яқинлиги ёки узоқлигига қараб бўлмоғи лозим. Бойлик, мансаби ёки қандайдир нуфузига қараб эмас. Масжидни супуриб юрган у қора танли хотиннинг Расулуллоҳ соллаллоҳу алайҳи васалламнинг қалбларидан ўрин олишига унинг солиҳ амали, масжидга ва динга қилган хизмати сабаб бўлган.
Кишиларга қўлидаги бойлигига қараб баҳо беришдан дарҳол тўхташимиз лозим. Инсон қалби билан инсондир. Қаердан биласиз, эҳтимол масжидга намоз ўқиш учун асосига таяниб келадиган оддий отахон Аллоҳ наздида дунёнинг энг катта бойларидан яхшироқдир?! У ҳақиқий, кучли қаҳрамондир. Балки у отахон спорт залларида оғир тошларни кўтарадиган ёшлардан ҳам кучлироқдир. Қанча-қанча ёшлар бомдодга азон айтилганида устидаги кўрпасини кўтара олмайди.
Аллоҳнинг наздида кўча супуриб, оддий маошга ҳалол умр кечирадиган фаррошдан ҳаромхўр, порахўр вазир афзал деб сенга ким айтди?!
Жойнамози устида рукуъга эгилиб Аллоҳдан гўзал хотима сўраётган мунис онахондан телевизорда ярим-яланғоч кийиниб авратларини очиб чиқадиган хонанда афзал деб сенга ким айтди?!
Инсонларнинг қиймати бизнинг наздимизда уларнинг Аллоҳнинг динига қилаётган хизматига қараб, унинг Аллоҳга итоатгўйлигига қараб бўлмоғи керак. Солиҳ бой осий камбағалдан яхшироқдир. Солиҳ фақир осий бойдан яхшироқдир.
Суҳайб розияллоҳу анҳу бор молини Маккага ташлаб Мадинага келганида Расулуллоҳ соллаллоҳу алайҳи васаллам унга қараб: «Суҳайб фойда қилди» деган эдилар. Билол розияллоҳу анҳунинг оғир ҳарсангнинг остида «Аҳад-Аҳад» лафзини такрор қилганлари учун шаънлари улуғ бўлди. Салмон розияллоҳу анҳу ҳақ қидириб дунё кезганлари сабабидан Расулуллоҳ соллаллоҳу алайҳи васаллам томонларидан: «Салмон биздан, аҳли байтдан» деган унвонни олдилар.
Оддий фақир инсонлардан жирканманг. Эҳтимол, Роббимиз сизнинг бойга қилган ҳадянгиз туфайли эмас, фақирга қилган садақангиз туфайли сиздан рози бўлар! Эҳтимол, сиздан мансабдор, бой ва нуфузли инсонни эмас, оддийгина камбағал мўъминни бир боғлам гул ёки бир қутича ҳолва билан зиёрат қилганингиз учун рози бўлар!

«Набавий тарбия» китобидан.

🌱 Aссалому алайкум. Жумадус соний ойи. Якшанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   29. 12.2024-й (Декабрь ойи )
.28.1446-й (Жумадус сони ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:10
🕌 Шом       - 17:00
🕌 Хуфтон   - 18:20


     🌙 НАМОЗ ВАКТЛАРИ☀️

⏰ Бомдод -- 6:50
⏰ Пешин   -- 13:00
⏰ Аср         -- 15:25
⏰ Шом       -- 17:00
⏰ Хуфтон   -- 18:35
27-Декабрьдан 03-Январьгача
🕌 НАМОЗГА ШОШИЛИНГ...

ШОШИЛМАНГ!
ҲАЛИ ҲАММАСИ ЯХШИ БЎЛАДИ...

Бамбук дарахтини экиб, бир йил тўлиқ кутасиз, лекин ҳеч нарса унмайди. Икки йил ўтса ҳам ҳеч
нарса кўринмайди.

Учинчи йил келади, уни парваришлашда, суғоришда, зараркунанда ҳашоратлардан ҳимоя қилишда давом этасиз. Аммо у ўсмай тураверади.

Ичингизда уни "таг-томири билан ердан суғириб ташласаммикин" деб ўйлайсиз, лекин тўртинчи йили ҳам кутишга қарор қиласиз. Аммо яна ҳеч қандай ўзгариш бўлмайди.
Шунда ўзингизга савол берасиз: "Нега шунча ҳаракат қилсам ҳам ўсмаяпти? Ахир ҳаммасини тўғри қилдимку?!".

Бешинчи йили эса кутилмаганда у ўса бошлайди. Ҳар куни 3 қарич ўсиб, бир ойда бўйи тўқсон қаричга етади.
Бамбук 5 йил давомида ер тагида томир отаётган бўлади.

Бамбук дарахти худди биз яшаётган ҳаётга ўхшайди! Бир ишни тўғри бажарсангиз-у самарасини кўрмасангиз, уни тарк этишга шошилманг, сабр қилинг!
Зеро, Расулуллоҳ соллаллоҳу
алайҳи васалламдан
"Қандай амал Аллоҳ учун энг
севимли?", деб сўрашганда
"Оз бўлса ҳам, давомлиси", деб
жавоб берганлар
(Имом Термизий ) ривояти.