ISFI Jarayon

ISFI mezbonligida yana bir ilmiy anjuman.

2025 yil 22 fevral kuni “Bilim Karvoni” nodavlat ilmiy muassasasi o’zining navbatdagi ilmiy seminarini o’tkazadi. Seminar mavzusi: “O’zbekiston tashqi siyosat konsepsiyasi”.
O’zbekiston tashqi siyosat konsepsiyasi 2012 yilda qabul qilingan bo’lib, u yopiq xarakterga ega. Ayni vaqtda yangi Konsepsiya ustida ishlar olib borilyapti. “Bilim karvoni” NNIM ilmiy doirada O’zbekistonning tashqi siyosati muammolari va takomillashtirish yo’nalishlariga oid masalalarni muhokama qilishni taklif etadi. Seminar natijalari asosida tahliliy ma’ruza (policy-brief) tayorlanadi.

Seminarda ishtirok etmoqchi bo’lganlar quyidagi telefonlar orqali murojaat qilishi mumkin: 90 945 0211 (Nargiza Umarova); 91 422 9774 (Sanjat Saidov)

Seminar manzili: Ijtimoiy va siyosiy fanlar instituti, Toshkent sh., Shivli 2-tor ko’chasi, 1/3 (isfi.uz )
Tadbir vaqti: 11:00-13:00.

"Jaholatga qarshi maʼrifat" - mavzusidagi davra suhbati.

17-fevral kuni Ijtimoiy va siyosiy fanlar institutida «Jaholatga qarshi maʼrifat va giyohvandlikka qarshi kurash» mavzusida soha mutaxassislari bilan uchrashuv boʻlib oʻtdi.

Din ishlari bo‘yicha qo‘mitaning Axborot xizmati rahbari I.I.Ma’rupov oʻz nutqida Muqaddas dinimiz, anʼana va qadriyatlarimizga boʻlayotgan tashqi xurujlar hamda xalqimizga dinni toʻgʻri yetkazishda olib borilayotgan ishlar haqida maʼlumotlar berdi.
Shuningdek tadbirda soʻz olgan
Yunusobod tumani IIO FMB TQKB terrorizmga qarshi kurashish bo‘limi boshlig‘i H.S.Shonazarov yoshlar oʻrtasida oshib borayotgan giyohvand moddalar isteʼmoli va jinoyatchilik haqida toʻxtalib, yoshlarni ogohlikka chaqiradi.

● Facebook ● Telegram ● Instagram ● Isfi.uz

🏛 Hurmatli ljtimoiy va siyosiy fanlar instituti professor-o'qituvchilari va talabalari! Sizlarni mumtoz haftalik doirasida "Kiyinish madaniyati, ommaviy madaniyatmi?" mavzusida bo'lib o'tadigan davra suhbatiga lutfan taklif etamiz!
⏰ Davra suhbati 13-fevral, soat 13:30da №-303 auditoriyada boshlanadi.

Alisher Navoiyning 584 yilligi.

🖋 Bugun 9-fevral — buyuk shoir, mutafakkir, atoqli davlat va jamoat arbobi Alisher Navoiyning 584 yilligi nafaqat yurtimizda balki koʻplab davlatlarda ham keng nishonlanmoqda.

Ushbu sana munosabati bilan ijtimoiy va siyosiy fanlar institutida ham adibning hayoti va ijodiy faoliyatiga atalgan badiiy kecha oʻtkazildi.

Yoshlarning Navoiy ijodiga qiziqishini oshirish maqsad qilingan ushbu tadbirda soʻz olganlar adibning gʻazallari va ruboiylaridan oʻqidilar. Sahnalashtirilgan chiqishlar va kuy-qoʻshiqlar yigʻilganlarda iliq taassurot qoldirdi.

● Facebook ● Telegram ● Instagram ● Isfi.uz

"Trampdan kim, nimani kutyapti?"

Ijtimoiy va siyosiy fanlar instituti xalqaro munosabatlar kafedrasining navbatdagi seminari boʻlib oʻtdi.

Ushbu seminarda Ijtimoiy va siyosiy fanlar instituti katta oʻqituvchisi, Fazliddin Madiyevning "Trampdan kim, nimani kutayapti?" mavzusidagi maʼruzasi tinglandi.

Amerikaning 47-prezidenti sifatida ish boshlagan Donald Tramp olib borayotgan ichki va tashqi siyosatining dunyo davlatlari, mintaqamiz hamda Oʻzbekistonga taʼsiri haqida boʻlib, oʻtgan maʼruza yigʻilganlarda katta qiziqish bilan kutib olindi. Seminarning yakuniy savol-javoblar qismida talabalar va qatnashuvchilar oʻzlarini qiziqtirgan koʻplab savollariga javoblar olishdi.

● Facebook ● Telegram ● Instagram ● Isfi.uz

ISFIda milliy liboslar kuni.

Milliylikni targ‘ib qilish maqsadida Toshkent shahar hokimligi tomonidan e’lon qilingan «Milliy liboslarimiz barchaga yarashadi» shiori ostida haftaning har juma kuni «Milliy liboslar kuni» deb belgilandi.
Ushbu kun Ijtimoiy va siyosiy fanlar institutida ham ko‘tarinkilik bilan o‘tdi. Yuqoridagi suratlarda ko‘rish mumkinki, bu tashabbus ta'lim muassasamizning hodimlari, o'qituvchi professorlar va talabalarimiz tomonidan iliq kutib olindi.

● Facebook ● Telegram ● Instagram ● Isfi.uz