TOPIK with 은혜 선생님

Suhbat imtihoningiz qanday o’tdi? Biz bilan bo’lishing~

@TopiKoreanBot

✅ Suhbat jarayonidagi texnik muammolar (onlayn)

Odatda suhbat onlayn tarzda bo’ladi. Bunda “kutilmagan” (aslida e’tiborsizlik sabab) muammolar paydo bo’lib qolishi tabiiy hol. Elektr ta’minotining uzilib qolishi yoki WiFining o’chishi kabi real texnik sabablarni chetga surgan holda boshqa muammolar haqida gaplashamiz.

• Belgilangan vaqtdan kech qolish - o’ta qo’pol xato (turli baxonalar to’qishni xayolingizga ham keltirmang, siz shunchaki mas’uliyatsiz odamsiz)! Bu siz haqingizdagi ilk taassurotni shunchaki rasvo qiladi ~
• Shovqin joyda o’tirish. Bunda siz suhbatdoshingizning savollarini eshitmaysiz va savolni qayta-qayta so’rashingizga to’g’ri keladi. Bu holatni esa professor katta ehtimol bilan savolimni tushunmayapti, deb qabul qiladi.
• Suhbatdan oldin repetitsiya qilib olmaslik. Suhbat paytida narigi tarafdagi ekranda qanday ko’rinyapsiz, ovozingiz qanday boryapti - bularni avvaldan tekshirib olmaslik suhbat paytida zararingizga ishlashi mumkin.

✅ Savol-javob paytidagi xatoliklar

Suhbatdan oldin professorlar siz haqingizda ma’lumotga ega, tayyorlagan hujjatingiz qo’lida bo’ladi. Ularning ishi abiturient o’sha universitet va fakultetga mos yoki yo’qligini aniqlashdir. Bunda ular ko’pgina omillarga e’tibor berishadi.
Demak, bu bo’limda aynan suhbat jarayonidagi xatoliklar haqida gaplashamiz.

• Ayni sohaga oid bilim, ko’nikma va dunyoqarashning yetishmasligi. Kamiga so’zlashayotgan tilni yetarli darajada bilmaslik. Menimcha, bunga ortiqcha izohning keragi yo’q.
• Fikrni aniq lo’nda ifodalab bera olmaslik. Ba’zilar yangi fikr uyoqda tursin o’zi Study planga yozgan narsasini ham eplab aytib berolmaydi (bunga ham izoh kerakmas).
• Tund qiyofa, o’ta jiddiylik, o’ta hayajonlanish (dovdirash) - hammasi ZARAR.
• Oddiy odob qoidalarini bilmaslik, tashqi ko’rinishga e’tibor qilmaslik va hk.

✅ Suhbatda o‘zini qanday tutish kerak?

Chiroyli xulq-atvor insonni har qanday vaziyatda ham bezab turadi. Bu, ayniqsa, jiddiy suhbatlarda muhim omildir. Demak, bu qismda suhbatga kiruvchi suhbat jarayonida o‘zini qanday tutishi lozimligi haqida gaplashamiz.

Birinchisi, ozoda va orasta bo‘ling, jiddiy va tartibli kiyining. Bunga alohida e'tibor berish shart! Sarg‘aygan tishlar, tartibsiz sochlar o‘sgan soqol, g‘ijim ko‘ylak, olinmagan tirnoqlar, bo‘lmag‘ur krasofkalar va shippaklardan saqlaning. Siz anchagina baland mansabdagi inson bilan uchrashuvga ketyapsiz, ishlash uchun emas. Demak, o‘zingizni va boshqalarni hurmat qilgan holda shunga mos kiyinish kerak. Kiyimlaringizni 1kun oldin tayyorlab taxt qilib qo‘ying. O‘zingizni tartibga soling. Bir ko‘rganda havas qilgudek bo‘lvoling. ☺️ Ps: o‘ta o‘tkir atirlar sepish shart emas. Uchrashuv deganda yoqtirgan insoningiz nazarda tutilmadi. 😉

Ikkinchisi, belgilangan vaqtdan aslo kech qolmang. 15-20 daqiqa oldin yetib borib kutib turganingiz ma'qul. Chunki shoshib-pishib xansirab kirgandan ko‘ra vaqtliroq kelib hovliqmasdan, nafas rostlab olib hotirjam kirganingiz ming marta yaxshi.

Uchinchisi, yaxshi taassurot qoldiring. Koreyslarda 첫 인상 끝 인상! degan gap bor, bu birinchi taassurot oxirgisi ham bo‘ladi, deganidir. Bu xuddi mashhur Coco Chanelning "Birinchi taassurot uchun sizda ikkinchi imkoniyat bo‘lmaydi" degan gaplariga o‘xshab ketadi. Umuman olganda koreyslar uchun birinchi taassurot juda-juda muhim. Aynan shu taassurot sizga bog‘liq ko‘p narsani hal qilishi mumkin. Shuning uchun yaxshi taassurot qoldirishga urining. Bunga o‘zingizni odobli va madaniyatli tutish orqali erishasiz.
Sizga ko‘rsatilgan joyga o‘tirganda qaddingizni tik tuting. Yelkalaringizni tekislang, stulga yastanib olmang, suyaniiiib bemaloool bo‘lish xunuk ko‘rinadi. O‘tirganda ASLO oyoqlaringizni chalishtirib olmang! Bu o‘ta hurmatsizlik hisoblanadi.
Qo‘llaringiz tizzalar ustida bo‘lgani ma'qul, shunda ortiqcha harakatlar qilmaysiz. Odam asabiylashganda o‘zi bilmagan holda ma'lum harakatlar qiladi. Bu esa uni yanada asabiy qilib ko‘rsatadi. Buni ko‘rgan koreys suhbatdoshingiz siz haqingizda biror narsa haqida yolg‘on gapiryapti yoki o‘ziga ishonmaydi, degan xulosaga boradi.
Eshikni ochish yopishga to‘g‘ri kelsa taraqlatmaslikka, asta ochib-yopishga urining.

To‘rtinchisi, tabassum qiling. Koreyslar insonning yuz ifodasiga juda e'tibor berishadi. Yuz ifodasidan o‘sha odam haqida ko‘p narsani bilsa bo‘ladi, deb hisoblashadi. Bundan hattoki shunday xulosalar chiqarib yuborishadiki, asti qo‘yaverasiz. 😂 Shuning uchun yuzingiz tund, g‘amgin, tushunarsiz, be'mano holatda bo‘lmasin. Qoshlaringizni chimirmang, qovog‘ingizni uymang, juda jiddiy bo‘lib olmang. Aks holda bu turishingizdan suhbatdoshingiz sizga nimadir yoqmayapti yoki qandaydir salbiy xayollar bor, degan fikrga boradi. Ochiq chehra orqali siz suhbatdoshingiz bilan uchrashib turganingizdan naqadar bahtiyor ekanligingizni bildirasiz. Nim tabassum sizni yanada samimiy ko‘rsatadi. Ishoning, bu koreyslar bilan muloqotda juda muhim. Koreyslarda kulmayotgan tinch holatda ham lab chekkalarining biroz tepaga qarab turishini istovchilar ham yetarligina, buning uchun hattoki plastik operatsiya qildirayotganlar ham bor. 🤦‍♀
Umuman olganda inson tabassumi bilan har qanday davraning aziz mehmoniga aylanadi. Shuning uchun Baron Myunxauzen aytganidek, tabassum qilinglar, janoblar, tabassum :)

✅ Savollarga javob berish

Shubhasiz suhbatga kirgandagi savollar va ularga to‘g‘ri javoblarni hech kim aniq bilmaydi. Suhbatda sizga ISTALGAN SAVOLni berishlari mumkin. Muhimi savolni eshitganda dovdirab qolmaslik, savolga aniq lo‘nda va ishonch bilan javob berishdir.

Shu bilan birga quyidagi narsalarni yaxshilab bilib oling👇
❗️Siz yozgan Study plan ularning qo‘lida turadi, o‘shandan savollar bo‘lishi mumkin. Shuning uchun study plan ni yaxshilab o‘rganib yodlab oling. Endi agar o‘zingiz yozgan plandan (har holda planni talabaning o‘zi yozgan deb hisoblashadi) so‘ralgan savolga javob berolmasangiz bu juda katta xato~~

❗️Borayotgan universitetingizni qay darajada bilasiz? Qaysi fakultetni tanlagansiz? U yo‘nalishda nimalar o‘rgatiladi? Bularni aniq bilishingiz shart)))

❗️Qaytganingizda O‘zbekistonda amalga oshirmoqchi bo‘lgan maqsadlaringiz haqida ham o‘ylab qo‘ying.

Muhim☝️

🔎 Gapirganda ko‘z aloqasi ham juda muhim, shuning uchun suhbatdoshingizga qarab javob bering. Osmonga qarab gapirsangiz xunuk ko’rinadi. 🙃
🔎 Asabiylashmang, shoshilmang, xovliqmang.
🔎 Gapirganda o‘ziga ishonch judayam katta ahamiyatga ega. Gaplaringiz dadil va ishonarli chiqsin.
🔎 O‘rinsiz xazillar qilmang.
🔎 Savolni yaxshi eshitmasangiz yoki tushunolmasangiz xato javob berishni boshlaysiz, shuning uchun bunday hollarda savolni qayta berishlarini odob bilan so‘rang.
🔎 Siz bilmaydigan narsani so‘rashdimi? Bilgandek o‘zini tutib sharmanda bo‘lgandan ko‘ra bilmaslikni chiroyli jumlalar bilan tan olgan yaxshi. Lekin ketidan bu haqida albatta o‘rganib bilib olaman, deyishingiz maqsadga muvofiq. Shunda suhbatdoshingiz "...bilmasa ham bilishga o‘rganishga istagi bor" deb o‘ylaydi.
🔎 Javoblarni cho‘zib o‘tirmang. Bog’dagi narsa uchun tog’dan kelish xato~ Savolga aniq-lo‘nda javob bergandan keyingina javobga qo‘shimcha qilishingiz mumkin.

Umuman olganda, siz suhbatdoshingizni o‘zingizning samimiy va yaxshi odam ekanligingizga, o’qishga ishtiyoqingiz juda balandligiga ishontira olishingiz lozim.

✅ Suhbatdan oldingi tayyorgarlik

GKS uchun suhbatdan o‘tish muhim voqea hisoblanadi. Lekin bu hayot-mamot masalasi emas. To‘g‘ri, bu suhbat hayotingizda ko‘p narsani hal qilishi mumkin. Biroq mabodo siz kutgan natija bo‘lmay qolgan taqdirda ham osmon uzilib yerga tushmaydi. Hayot to‘xtab ham qolmaydi. ☺️ Siz aynan shuni yaxshilab tushunib olishingiz kerak.

Lekin agar ishni hayot-mamot masalasiga aylantirib yuboradigan bo‘lsangiz bu sizga 2 barobar og‘ir vazifa bo‘lib tuyuladi. Natijada yanada kuchli bosim ostida qolasiz. Kuchli bosim ta'siridagi inson esa qattiq asabiylashadi. Bundan hatto ishtahasi va uyqusi yo‘qoladi. Bu esa o‘z-o‘zidan sog‘liqda jiddiy muammolar keltirib chiqarishi mumkin. Shu bilan birga odam qattiq asabiylashganda o‘zi istamagan xatti-harakatlarni (to‘satdan yig‘lab yuborish, hayajondan hushidan ketish, shoshganidan gapini topa olmaslik kabi) qilish ehtimoli ham oshadi.

Bu holatda yechim: vahima qilmaslik, ishni chuqurlashtirmaslik, uni "global" muammoga aylantirmaslik.
Nima qilish kerak? Chuqur nafas olish, hotirjam bo‘lish, ruhan yaxshi tayyorgarlik ko‘rish, bu ishni hayotdagi bir imkoniyat deb o‘ylab bundan foydalanib qola olaman, deb o‘ziga ishonish lozim)

Asosiysi, sizdan suhbat imtihonini olayotgan insonlarni sizga yaxshilik qilishni istovchilar deb qabul qiling, ular menga yordam berish uchun, meni shu stipendiyaga qabul qilish uchun o’tirishibdi, deb o’ylasangiz suhbat ancha yengil kechadi.

Suhbat qaysi tilda bo‘ladi? Koreys? Ingliz?

Bu odatda siz tayyorlagan hujjatlarga qarab farq qiladi. Masalan, siz Personal statement, Study plan ni koreyschada yozgan bo‘lsangiz koreyschada savollar berishadi (menda shunday bo‘lgan). Lekin orada ingliz tilida savol berib qolishlari ham mumkin. Menga bitta savolni inglizchada berishgan (bu embassy track NIIEDga suhbatda, universitetniki esa to'liq koreyschada).

Lekin dugonam hujjatlarini inglizchada tayyorlagan, unga intervyuni inglizchada boshlab fakulteti koreys tili bo'lgani uchun tap etib koreyschaga o'tib ketishgan ekan (universitet qabul komissiyasi bilan suhbatda)

Shuncha ma'lumot evaziga reaksiya qoldirsangiz xursand bo'lardim)

#GKS #EmbassyTrack #Suhbat

Umumiy savollar (taxminiy):

Koreys tilini qanday(qayerda) o‘rgangansiz?
Avval Koreyaga borganmisiz?
Nega aynan Koreya?
Nega aynan .... yo‘nalishi?
Koreyada qiyinchilikka duch kelsangiz nima qilasiz?
Koreyadagi hayotga o‘rganishga qiynalmaysizmi?
O‘qishni bitirgach nima qilmoqchisiz?
Uzoq yillik rejalaringiz haqida gapirib bering.
O‘qish tugagach O‘zbekistonga qaytasizmi?
Universitet professori sizga biror salbiy gap aytsa nima qilasiz?
Koreyadagi qonun-qoidalar sizni qoniqtirmasa nima qilasiz?

Maxsus savollar (taxminiy):

O‘qishni o‘tgan yili tamomlagan ekansiz, shu paytgacha nima bilan mashg‘ul bo‘ldingiz?
Qayerda ishlaysiz?
Koreyada nechchi marta bo‘lgansiz? Qancha muddat davomida yashagansiz? Qay maqsadda borgansiz?
Koreyada nimalar qiyinchilik tug‘dirgan, ularni qanday yengib o‘tgansiz?

#GKS #EmbassyTrack #Suhbat

Qanday savollar bo‘ladi?

Buni aniq aytish qiyin. Chunki intervyu qilayotgan insonga nima qiziq bo‘lishi qorong‘u. Umumiy savollar deb quyidagilarni ko‘rsatish mumkin:

O‘zingiz haqingizda qisqacha gapirib bering.
Kuchli va zaif tomoningiz nimada deb o‘ylaysiz?
Yaxshi va yomon tarafingiz nimada?
Nega bu yo‘nalishni tanlagansiz?
Kelajakdagi rejalaringiz qanaqa?

Shu bilan birga aynan sizning holatingiz bilan bog‘liq savollar ham bo‘lishi mumkin. Masalan, birga topshirgan dugonam oilali, farzandi bor. Unga shu haqida savol berishgan. Shuningdek, menda ham aynan ish faoliyatimga doir + tanlagan fakultetim bilan bog‘liq savollar ham bo‘lgan.

Yana bir jihat. Sizga ma'lum noodatiy savollar ham berishlari mumkin. Masalan, din, shaxsiy munosabatlar, koreys jamiyatiga munosabatingizga doir va hokazo. Ularga keskin javob qaytarmang. Misol uchun,
Koreya ovqatlariga moslashish qiyin bo‘lsa nima qilasan? Yoki tarkibida cho‘chqa go‘shti bo‘lsa yeysanmi? Bunga javoban bizga bu narsa mumkinmasligi haqida uzundan uzoq ma'ruza qilish shart emas. "Aslo yo‘q",  "ovqatlaringizni og‘zimga ham olmayman",  "ovqatlaringizga ko‘nikolmasam kerak hidi yoqimsiz" degan javoblar ham mumkinmas)) "Koreys taomlari ichida men yeya olishim mumkin bo‘lganlari ham ko‘p masalan 잔치국수 sabzavotlardan qilinadi...", "..moslashib keta olaman deb o‘ylayman chunki ovqat tayyorlash qo‘limdan keladi, o‘zbek ovqatlarini tayyyorlash uchun Koreyada barcha masalliqni topsa bo‘ladi, deb eshitganman.." javoblari ayni muddao. Siz bu bilan koreys madaniyati haqida ham o‘rganganingizni ko‘rsata olasiz va bu sizga katta + bo‘ladi.

Yoki o‘ta qaltis savollardan yana biri: "Koreysga turmushga chiqarmiding/uylanarmiding?" Bunga javoban "Voy dod, yo‘q! Dinsiz bilan oila qurmayman", "Albatta, bu azaliy orzuyim(🤦‍♀) deyish kerakmas. Chiroyli javob bilan vaziyatdan chiqish lozim: "Bu haqida avval jiddiy o‘ylab ko‘rmagan ekanman. Kelajakda qadriyatlari va dunyoqarashi menga mos insonni uchratsam albatta o‘ylab ko‘raman" va hk.

Muhimi siz suhbatda qanchalar keng va xolis fikrlashingizni, umuman o‘zga davlatda yaxshi yashab keta olishingizni hamda agar shu grantni qo‘lga kiritsangiz kelajakda yaxshi kadr bo‘lib yetishishingiz mumkinligini ko‘rsata olishingiz kerak~~

Qanday savollar tushishi mumkin?

“Assalomu alaykum, menga suhbat kuni belgilandi , 11- noyabr. Bu jarayonda ham yordamizga muhtojmiz”.


Albatta yordam beraman 🤗
Savollaringizni yozib qoldiring~

Shunaqa kuchli raqibingiz ham bor ekan 😁 Ataylab ismlarini ko’rsatmadim))))

Javob:

Va alaykum assalom ~
Ingliz tilidan sertifikatingiz borligi bu juda yaxshi chunki bu hujjatlar inglizchada tayyorlanganiga asos bo’ladi. Fakultetingizdagi darslar ham katta ehtimol bilan inglizchada bo’ladi. Shunday ekan, universitet qiladigan intervyu ham inglizchada bo’ladi (biroq baribir intervyu kuni aniq bo’lgach qabul komissiyasidan bu haqida albatta so’rang).

TOPIK sertifikati bo’lishi esa undanam zo’r chunki Koreyada yashash uchun sizga baribir koreys tili kerak. Shuning uchun orada koreyscha savollar ham bo’lishi mumkin. Ular unchalik qiyin bo’lmaydi, TOPIK 5 bilan u darajada qiynalmasangiz kerak)