Doktorantlar va ilmiy izlanuvchilar | PhD, DSc

Қишлоққа чақирди отам кўп бора
“Болангни етаклаб келиб кет”, деди
Бошлиққа айтишга ҳаддим сиғмас ҳеч,
Тугамаган ишлар жуда кўп эди.

Харжларни ўйлардим, борди-келдини,
6 соатлик йўл, интернет, ишим,
Баҳона излаш-ла ўтаверарди
Кўп баҳорим, ёзим, кузларим, қишим.

Отам “Кел, олдимга бир ўтир”, дерди,
Анов жўрам бор деб кўргани кетдим.
“Кел, энди бугун мен билан ёт”, деса
Ҳижолатман бўламан, ўзимни тортдим.

Кўнгилдан гаплашиб ололмадим ҳеч,
Ичида не сирлар асради отам.
50 минг ташласам телефонига,
Суюнчи олардим ўзимча ҳотам.

“Ҳаётинг яхшими?” дер эди баъзан,
“Пулинг борми?” дея сўрарди бот-бот.
Қийналиб турсам ҳам “тўкисман”, дея,
Қаддини эгмасин дер эдим ҳаёт.

Билсам бўлар экан баъзан истисно,
Тушунаркан ахир айтса бошлиққа.
Ҳамма ишни ташлаб ўз ҳолига жим,
Отамни кўмгани кетдим қишлоққа...

©️Нуриддин Зиё

каналга уланиш👇
@ILM_NUR_2020

Таълим ва илмий соҳага оид қидирув тизимлари:

www.science.gov – АҚШ расмий давлат қидируви портали. 200 миллиондан ортиқ мақолалар индексацияланган.

www.refseek.com – академик илмий ресурслар қидирув тизими. Бир миллиарддан ортиқ манбалар: энциклопедиялар, монографиялар ва журналлар.

https://link.springer.com – 10 миллиондан ортиқ илмий адабиётлар базаси: китоблар, мақолалар, тадқиқот ишлари.

www.worldcat.org – 20 минг жаҳон кутубхонлари доирасидаги қидирув тизими. Энг ноёб адабиётлар манбаи.

каналга уланиш👇
@ILM_NUR_2020

‼️Диссертацияни ҳимояга тақдим этиш ва Кенгашда ҳимоя қилиш

Диссертация бажарилган муассасада диссертация дастлабки экспертизадан муваффақиятли ўтганидан сўнг уни кўриб чиқиш учун муассаса раҳбарининг кузатув хати билан тегишли Илмий кенгашга юборилади.

Диссертация ихтисослиги ёки тегишли фан тармоғи бўйича Илмий кенгаш бўлмаган тақдирда, диссертация бажарилган муассаса диссертацияни дастлабки экспертизадан ўтказиб, диссертация ихтисослигига яқин келувчи Илмий кенгашга, бундай Илмий кенгаш бўлмаганда эса, тўғридан-тўғри ОАКга Бир марталик илмий кенгаш тузишни сўраб мурожаат қилади.

Илмий ва таълим ташкилотларининг раҳбарлари ва уларнинг ўринбосарларига ўзлари ишлаётган жойда тузилган Илмий кенгашларда, вазирлик, идораларнинг раҳбарларига ўз ташкилотларига қарашли муассасаларда тузилган Илмий кенгашларда диссертация ҳимоя қилишига рухсат берилмайди. Бунда уларнинг диссертация ҳимоя қилиши билан боғлиқ масалалар ОАК томонидан ҳал этилади.

ОАK аппарати ходимлари ОАК раҳбарияти рухсати билан диссертацияларини ҳимоя қилишлари мумкин.(шу жойи маззами)

Диссертацияни Илмий кенгашда дастлабки кўриб чиқиш, ҳимояга қабул қилиш ва диссертациянинг ошкора ҳимоясини ўтказиш ҳамда диссертация ва аттестация ишини ОАКга тақдим этиш Илмий даражалар берувчи илмий кенгаш тўғрисидаги низомга (рўйхат рақами 2893, 2017 йил 23 июнь) мувофиқ амалга оширилади.

Манба

✅Ps: маълумотларни бошқа илмий доираларга ҳам юбориб қўйинг.

🚀Каналга уланишни унутманг
@ILM_NUR_2020

Стажёр-тадқиқотчилик — ишлаб чиқаришдан ажралган ҳолда тегишли ихтисослик бўйича илмий ва илмий-ижодий изланишларни олиб бориш ва фалсафа доктори (PhD) илмий даражасини олиш учун изланувчини тайёрлаш шакли;

таянч докторантура — фалсафа доктори (Doctor of Philosophy (PhD) илмий даражасига даъвогар изланувчилар учун ишлаб чиқаришдан ажралган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли;
докторантура — фан доктори (Doctor of Science (DSc) илмий даражасига даъвогар изланувчилар учун ишлаб чиқаришдан ажралган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли;
мустақил изланувчилик — фалсафа доктори (Doctor of Philosophy (PhD) ёки фан доктори (Doctor of Science (DSc) илмий даражаларига даъвогар изланувчилар учун ишлаб чиқаришдан ажралмаган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли;
стажёр-тадқиқотчи — илмий ташкилот ёки таълим муассасаларига стажёр-тадқиқотчиликка белгиланган тартибда қабул қилинган шахс;
докторант — илмий ташкилот ёки таълим муассасаларига таянч докторантура ёки докторантурага белгиланган тартибда қабул қилинган шахс;
мустақил изланувчи — илмий ташкилот ёки таълим муассасаларига мустақил изланувчиликка белгиланган тартибда қабул қилинган шахс;
изланувчи — фалсафа доктори (PhD) ёки фан доктори (DSc) илмий даражасини олиш учун докторлик диссертациясини тайёрлаётган шахс.

Каналга уланиш
@ILM_NUR_2020

Қирқ яшар мактаб ўқитувчиси саратон хасталигигига чалинди. Шифокорлар узоғи 1 йил умрингиз қолди дейишди...

Ўқитувчини бир савол қийнарди: ўлганимдан кейин хотиним ва қизларим қандай кун кўради?

У инглиз тили ва адабиётидан дарс берарди, бестселлер бўладиган роман ёзиб, муаллифлик ҳуқуқини оиласига мерос қолдиришдан бошқа жўяли режа хаёлига келмади. Аввал умрида ҳеч асар ёзмаган бўлса ҳам, ҳозирги аҳволи ва қолган камгина вақти нуқтаи назаридан бошқа бирон бизнес бошлашга имкони ҳам йўқ эди. Хуллас, у роман ёза бошлади.

Мақсади юксад адабий дурдона яратиш эмас, шунчаки оммабоп асар ёзиш эди. Жон-жаҳди билан киришди. Шу даражадаки, ҳаётини фақат бир йилу битта хонадан иборат деб тасаввур қилди. Ҳар куни асари устида ишлади, ҳеч нимани ўйламади: на касалини, на тузалишни. Муддат тугагунича ишни якунлай олса бас.

У бўлажак романи ўқувчиларини худди мактабдаги ўзининг ўқувчиларидек тасаввур қилди. Асари қаҳрамонларини ҳам ўқувчи болалардек деб билди, улардан илҳомланди, бутун ўқитувчилик тажрибаси давомида болалар билан бўлган мулоқоти, таъсирлари ва хулосаларидан фойдаланди.

Ўзига шартли равишда берилган йил ниҳоясига етар-етмас роман битди. Қаҳрамонимиз қўлёзмани нашриётга топшириб, шифокор қабулига борди. Шифокор эса рентген суратлари, қон таҳлиллари ва бошқа текширувлар натижаларини қайта-қайта кўриб, кўзларига ишонмади – саратон чекинганди! Бемор соғая бошлаганди.

Ўша ўқитувчи – ҳозирда жаҳонга машҳур ёзувчи Энтони Бёрджес эди, унинг “Уйғотувчи апельсин” романи ҳақиқий бестселлер бўлди. Асар асосида кейинчалик Стенли Кубрик суратга олган фильм катта шов-шув ва жанжалларга сабаб бўлди, ҳатто бир муддат тақиқлаб ҳам қўйилди
(бу бошқа тарих).

Бёрджес ўша романдан кейин яна 50 дан ортиқ китоб ёзди. Бу ҳам камдек мусиқа ёза бошлади: 175 та мусиқа асари яратди! Ҳатто симфоник оркестр ҳам Бёржерсга мусиқа буюртма қилган...

Ёзувчи мудҳиш ташхисдан кейин яна 34 йил яшади ва 1993 йилда ўпка саратонидан вафот этди (тақдир). Аммо бир саратондан бошқасигача у дунёга машҳур ижодкор бўлиб яшашга улгурди.

Ижод, севимли касб шундай – даволайди, юксалтиради. Ишга оёғингизни судраб келсангиз, истамай ишласангиз, ҳафсаласиз шуғуллансангиз – касб сизни емиради, ейди! Ҳар кимсага кўнглига ёққан касб билан шуғулланиш ва ундан манфаат кўриш бахти насиб этсин.

Қолаверса, ҳар биримизнинг ичимизда ҳали ўзимиз билмаган бир истеъдод мудраб ётган бўлиши мумкин.
Машҳур рассом Гоген 40 ёшидан кейин рассомчилик билан шуғуллана бошлаганини биласиз. Аслида ёш жуда шартли нарса, агар ўзингизда куч ва иқтидор сезсангиз, фаолият турини ўзгартириш учун 40-50-60 ёш ҳам кеч эмас.

Каналга уланиш
@ILM_NUR_2020

Sharafiddin Ali Yazdiy

"Zafarnoma"

Илмий, оммабоп кутубхона
@centerasia_library

Хитой сунъий интеллектга жиддий эътибор қаратмоқда: Шанхайдаги Асосий моделлар инновация марказига Си Цзиньпин ташрифи ҳақидаги муҳим хулосалар

2025-йил 29-апрель куни Хитой Халқ Республикаси Раиси Си Цзиньпин Шанхайда жойлашган Асосий моделлар инновация марказига ташриф буюрди. Бу марказ 100 дан ортиқ корхоналарни ўз ичига олади ва Хитойнинг сунъий интеллект стратегиясида янги босқични бошлаётганидан дарак беради.

Бу ташриф Хитой Коммунистик партияси сиёсий бюросининг сунъий интеллектга бағишланган ўқув сессиясидан сўнг амалга ошди. Бу эса шундан далолат берадики, AI — фақатгина технологик ташаббус эмас, балки миллий устувор йўналишга айланган.

Қуйида ушбу ташрифдан чиқарилган 5 муҳим хулоса келтирилган:

1. AI – Миллий стратегия сифатида: Сунъий интеллект Хитойнинг иқтисодий ва геосиёсий кун тартибининг марказига айланган. Бу 14-беш йиллик режа ва 2035 йилгача ривожланиш стратегиясида ўз аксини топган. Си Цзиньпиннинг чиқишлари AI’ни мамлакатни модернизация қилиш жараёнига чуқур интеграция қилинишини кўрсатади.
2. Бутун миллат миқёсида ёндашув: Ҳукумат, саноат ва академиялар ўртасидаги ҳамкорлик орқали Хитой асосий моделлар атрофида мустақил ва кучли AI экотизимини яратишни мақсад қилган.
3. Шанхай — пешқадам марказ: 2024 йилда Шанхайдаги AI саноати ҳажми 55 миллиард доллардан ошди. 2025 йилга келиб уни жаҳон даражасидаги AI марказига айлантириш мақсади — катта ва реал. Си Цзиньпиннинг ташрифи Шанхайнинг глобал AI тадқиқот ва бошқарув маркази сифатидаги ролини мустаҳкамлайди.
4. Глобал бошқарув ва “юмшоқ куч”: AI’ни “глобал оммавий неъмат” сифатида тарғиб этиш орқали Хитой Жанубий давлатларга ёрдам таклиф қилмоқда ва бир вақтнинг ўзида технологик рақобатчи ҳамда халқаро меъёрлар яратувчиси бўлиб чиқмоқда.
5. Босимлар шароитида барқарорлик: Ташқи технологик чекловларга қарамай, Си Цзиньпин Хитойнинг ички инновация салоҳиятига ишонч билдирди. Tesla ва Microsoft каби ҳамкорлар билан стратегик алоқаларни таъкидлади.

Хулоса: Хитой сунъий интеллект бўйича глобал пойгада ўзига хос марказлашган ва кенг қамровли модел билан иштирок этмоқда. Бу ташриф шундай хабар берди: AI — бу фақат келажак эмас, бу — Хитойнинг бугуни.

©️В.Норов

Каналга уланиш
@ILM_NUR_2020

Мирзо Улуғбекдан сўрадилар:
— Сиз нега сиёсатни қўйиб, илм билан машғул бўлдингиз?
Мирзо жавоб бердиларки:
— Мен илмнинг қудратини бобомдан билдим. Бир сафар мен бобомнинг тиззасида ўтирар эдим, шу пайт ҳузурига бир киши кирди, бобом шошиб унинг истиқболига ўрнидан турди — мен тиззасидан тушиб кетдим. Кейин билсам, у зот олим экан, бобомнинг пири комили экан. Илмнинг обрў-нуфузини мен ана ўшанда кўрдим.

"Шарқ ҳикоят ва ривоятлари" китобидан

@ILM_NUR_2020

Тошкентлик Руслан Салоҳутдинов — АҚШдаги сунъий интеллект соҳасидаги етакчи тадқиқотчилардан бири бўлиб, Meta компаниясининг ушбу йўналишдаги вице-президенти ҳисобланади.

У Siri тизимини ишлаб чиққан ва бугунги кунда ChatGPT каби тизимларни такомиллаштириш устида ишламоқда. Тошкентда туғилган Руслан, 2000-йилдан бери АҚШда яшайди.

Бугунги кунда у Meta (Facebook, Instagram) компаниясининг сунъий интеллект бўйича илмий тадқиқотлар вице-президенти ва компютер фанлари бўйича дунёнинг етакчи университетларидан бири ҳисобланган Карнеги Меллон Университетининг профессори.

У илмий фаолиятини 2005-йилда Канададаги Торонто Университетида бошлаган, у ерда замонавий нейрон тармоқларнинг асосчиларидан бири, Нобель мукофоти соҳиби Жоффри Хинтон раҳбарлигида ишлаган.

2016-йилда Apple компаниясининг сунъий интеллект бўлими директори лавозимини эгаллаб, автоном автомобиллар учун объектларни аниқлаш технологияларини ишлаб чиқиш билан шуғулланган. У машинали ўрганиш ва нейрон тармоқлар бўйича 250 дан ортиқ илмий мақола эълон қилган.

“Университетда мен математика ва компютер фанларини ўрганганман, лекин охирги курсимда сунъий интеллектга жуда қизиқиб қолдим. Ўшанда мен Стюарт Рассел (Беркли Университети профессори) ва Питер Норвиг (Google компаниясининг етакчи мутахассисларидан бири) томонидан ёзилган “AI: A Modern Approach” китобини қўлга киритдим. Бу жуда қизиқарли бўлиб чиқди ва мен бу мавзуни мустақил ўрганишга киришдим.

Университет бу китоб асосида сунъий интеллект бўйича мустақил курсни таклиф қилган эди. Ўша пайтда сунъий интеллект ҳали тор соҳа эди, чунки кўплаб машинали ўрганиш технологиялари ишламаган. Бу илмий тадқиқот соҳаси эди. Кейинчалик мен Торонто Университетининг докторантурасига қабул қилиндим ва у ерда машинали ўрганишни чуқур ўргана бошладим”, — дейди интервьюсида Руслан.

Каналга уланиш
@ILM_NUR_2020

‼️ Ustozimiz professor Mamatov Mashrab aka olamdan o‘tibdilar. Joylari jannatda bo‘lsin.

Ilm nur kanali jamoasi marhumning oilasi va yaqinlariga chuqur hamdardlik bildiradi.

#Биласизми

✅ Математика соҳасида фундаментал ва амалий илмий изланишлар натижаларига кўра амалиётдаги муайян муаммонинг ечимини таклиф этган олимлар Муҳаммад Ал-Хоразмий номидаги халқаро мукофот билан якка тартибда тақдирланади.

⏩ Мукофот 50 минг АҚШ доллари эквивалентидаги бир марталик пулдан иборат бўлиб, 2 йилда бир марта Президент томонидан Фан ва технологиялар бўйича республика кенгашининг таклифига кўра 3 та йўналиш (фундаментал соҳадаги тадқиқот, ёшлар ўртасидаги тадқиқот ва иқтисодиётнинг реал секторидаги муаммонинг ечимини таъминлаган тадқиқот) бўйича берилади.

Каналга уланиш
@ILM_NUR_2020

‼️Ko‘plab kanal obunachilari bepul jurnal so‘rashadi, shu maqsadda barcha fan tarmoqlari bo‘yicha dunyo miqyosida yuqori baholangan jurnallar taqdim etilmoqda.

🎓Tadqiqotchilar, professor - o‘qituvchilar, magistrantlar uchun ixtisosliklar kesimida maxsus tayyorlandi.

01.00.00 - Fizika-matematika fanlari

02.00.00 - Kimyo fanlari

03.00.00 - Biologiya fanlari

04.00.00 - Geologiya-mineralogiya
fanlari

05.00.00 - Texnika fanlari

06.00.00 - Qishloq xoʻjaligi fanlari

07.00.00 - Tarix fanlari

08.00.00 - Iqtisodiyot fanlari

09.00.00 - Falsafa fanlari

10.00.00 - Filologiya fanlari

11.00.00 - Geografiya fanlari

12.00.00 - Yuridik fanlar

13.00.00 - Pedagogika fanlari

14.00.00 - Tibbiyot fanlar

15.00.00 - Farmatsevtika fanlari

16.00.00 - Veterinariya fanlari

17.00.00 - Sanʼatshunoslik fanlari

18.00.00 - Arxitektura fanlari

19.00.00 - Psixologiya fanlari

21.00.00 - Xarbiy fanlar

22.00.00 - Sotsiologiya fanlari

23.00.00 - Siyosiy fanlar

24.00.00 - Islomshunoslik fanlari

↗️Ma'lumotlarni saqlab qo‘ying hamda ilmiy guruhlarga yuborishni unutmang

✅Yanada batafsil: @ILM_NUR_2020 🔗