HURRIYAT_UZ_РАСМИЙ_ КАНАЛ

Қизни номусига теккан номуссизларга қандай чора кўрилади?



Аssalomu aleykum. Savolim quyidagicha: 2021 yilda 10-sinfda o'qiydigan bir qizni  maktabdan qaytayotganda(u paytda 17 yosh bo'lgan) bir bola uyinga olib borib qo'yaman deb moshinasiga chiqarib, ovloq joyga olib borib moshinani qulflab, urib o'zini bilmas holatga keltirib nomusiga tekkan, undan keyin ham bir necha marta hammaga aytaman deb qo'rqitib  jinsiy aloqa qilishga majburlagan,senga o'zim uylanaman deb, boshqa qizlar bilan yurib ketgach bu qiz u bola bn aloqalarni uzgan. endi esa u bola senga uylanaman deb kelganda qiz uni rad etgan. u yigit rasm videolaring bor tegmasang tarqatib yuboraman deb qo'rqitmoqda. qizni ko'chada yurgani ham qo'ymaydi. Poylab o'tiradi qiz uyidan chiqishi bilan yoniga kelib do'q po'psa qilib kelmoqda. qiz esa bu haqda hech kimga aytolmayabdi. Ruhiy tushkunlikka tushib qolgan, Ushbu masalada qaysi davlat organiga murojaat qilgan ma'qul. Xotin qizlar masalalari bilan shug'ullanuvchi alohida organlar bormi?

ЮРИСТ ЖАВОБИ:

❗️Бу ҳолатда туман прокуратурасига зудлик мурожаат қилиш лозим.

Жиноят кодекси 118-моддасига асосан Номусга тегиш, яъни зўрлик ишлатиб, қўрқитиб ёки жабрланувчининг ожизлигидан фойдаланиб, жинсий алоқа қилиш,
🔘 беш йилдан саккиз йилгача озодликдан маҳрум қилиш билан жазоланади.

Шунингдек, ушбу кодекс 119-моддасига кўра Зўрлик ишлатиб, қўрқитиб ёки жабрланувчининг ожизлигидан фойдаланиб, жинсий эҳтиёжни ғайритабиий усулда қондириш,
🔘беш йилдан саккиз йилгача озодликдан маҳрум қилиш билан жазоланади.

‼️Шунга кўра сизга нисбатан юқоридагилар бири бўлган тақдирда, зудлик билан прокуратурага ариза беришингиз керак.

✨ 𝐓𝐞𝐥𝐞𝐠𝐫𝐚𝐦 | @HURRIYAT_UZ

Валюта қимматликлари савдоси билан шуғулланиб келган шахслар ушланди

Бош прокуратура ҳузуридаги Департаментнинг Бухоро шаҳри бўлими ва вилоят ИИБ ходимлари ҳамкорлигида ўтказилган тезкор тадбирларда валюта айирбошлаш билан шуғулланиб келган фуқаролар Ж.С. фуқаро А.Ж.дан 4 200 АҚШ долларини 53,6 млн сўмга сотиб олган вақтида, фуқаро Ш.А. фуқаро З.Б.дан 3 700 АҚШ долларини 47,4 млн сўмга сотиб олган вақтида ашёвий далиллар билан ушланганлар.

Шу каби, Департаментнинг Хоразм вилояти бошқармаси ва вилоят ИИБ ходимлари ҳамкорлигида Урганч шаҳрида ўтказилган тезкор тадбирларда валюта айирбошлаш билан шуғулланиб келган фуқаролар И.Б. фуқаро М.Х.дан 4 000 АҚШ долларини 50,9 млн сўмга сотиб олган вақтида, фуқаро Х.К. эса фуқаро М.Ш.дан 4 000 АҚШ долларини 50 млн сўмга сотиб олишга келишиб, шундан 15 млн сўмини банк пластик картасига ўтказган вақтида ашёвий далиллар билан ушланганлар.

Департаментнинг Қуйичирчиқ тумани бўлими томонидан “Ибрат” МФЙ ҳудудида ўтказилган тезкор тадбирда валюта айирбошлаш билан шуғулланиб келган фуқаро М.М. фуқаро У.Б.га 3 500 АҚШ долларини 45 млн сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

✨ 𝐓𝐞𝐥𝐞𝐠𝐫𝐚𝐦 | @HURRIYAT_UZ

#TEZKOR
ДХХ Хоразм вилояти бўйича бошқармаси томонидан Тожикистон Республикасидан келтирилган наркотик моддалар савдосига чек қўйилди.
Хоразм вилоятида олиб борилган тезкор тадбирларда Тожикистондан олиб келинган гиёҳвандлик воситаларининг вилоят ҳудудида сотилишига чек қўйилди. Жумладан, Самарқанд вилоятининг Ургут туманида яшовчи, 1964 йилда туғилган муқаддам гиёҳвандлик воситаларини соттш билан шуғуллангани учун 2 маротаба судланган шахс Урганч шаҳрида ушланиб, унинг қўл сумкасида бўлган 989 гр “опий” моддаси тегишли тартибда ҳужжатлаштириб олинган. Бошқа ҳолатда эса “Сурхондарё-Хоразм” йўналишида ҳаракатланаётган Cоbalt автотранспорт воситаси Тупроққалъа туманида тўхтатилиб, кўздан кечирилганда, автомашинада йўловчи сифатида кетаётган Денов туманида яшовчи, 1957 йилда туғилган фуқаро ҳамда унинг 1990 йилда туғилган келинидан 993 гр “гашиш” моддаси олиниб процессуал тарзда расмийлаштирилган.

Ҳозирда мазкур шахсларнинг барчасига нисбатан жиноят ишлари қўзғатилиб, қамоқ эҳтиёт чораси қўлланилган.

✨ 𝐓𝐞𝐥𝐞𝐠𝐫𝐚𝐦 | @HURRIYAT_UZ

👆 Биздан нима қолади албатда боғ қолади. Афсус шунча мевали кўчатлар нобуд бўлибди.

✨ 𝐓𝐞𝐥𝐞𝐠𝐫𝐚𝐦 | @HURRIYAT_UZ

ДХХ: Қашқадарё, Сирдарё, Хоразм вилоятлари ва Тошкент шаҳрида Тожикистон Республикасидан келтирилган наркотик моддалар мусодара қилинди

Давлат хавфсизлик хизмати ва Ички ишлар вазирлиги ходимлари ҳамкорлигида Тошкент шаҳрининг Учтепа туманида ўтказилган тезкор тадбирда, 1996 йилда Навоий вилоятида туғилган шахснинг вақтинчалик яшаш манзилидан 1 кг. 995 гр. “героин” моддаси, 143 гр. “Мефедрон” ҳамда 3 литр суюқ “Мефедрон” синтетик наркотик, қадоқлаш воситалари, электрон тарози ва бошқа ускуналар олинди.
Шунингдек, мазкур шахс томонидан мижозларга сотиш мақсадида Тошкент вилоятининг Юқоричирчиқ тумани ҳудудидаги хуфия жойларга яшириб кетилган 6 та закладкалардан жами 1 кг. 296 гр. “Мефедрон” ҳам олинди.

Маълум бўлишича, ушбу гиёҳвандлик воситалари қозоғистонлик ва тожикистонлик наркосавдогарлар томонидан контрабанда йўли билан мамлакатимизга етказиб берилган.

Бошқа ҳолатда эса “Самарқанд-Тошкент” йўналишида ҳаракатланаётган “Нексия” русумли автомашина Сирдарё вилоятининг “Сирдарё” ЙПХ масканида тўхтатилиб, кўздан кечирилди.
Натижада унда йўловчи сифатида кетаётган Тошкент вилоятининг Зангиота туманида яшовчи, 1979 й.т., муқаддам гиёҳвандлик воситалари савдоси билан боғлиқ жинояти учун судланган шахсга тегишли 1 кг. 641 гр. “гашиш” моддаси борлиги аниқланиб, процессуал тартибда расмийлаштириб олинди.
Терговга қадар текширув давомида, у наркотик моддани Самарқанд вилоятининг Ургут туманида яшовчи, 1979 й.т., муқаддам гиёҳвандлик воситалари савдоси билан шуғулланганлиги учун судланган фуқародан 10 минг АҚШ долларига сотиб олганлиги аниқланиб, у ҳам қўлга олинди.

Сирдарё вилоятининг Боёвут туманида кузатилган ҳолатда, Тошкент вилоятининг Бекобод туманида истиқомат қилувчи, 1960 й.т. шахс Тожикистондан келтирилган 901 гр. “опий” моддасини 8 минг АҚШ долларига сотаётган вақтида Давлат хавфсизлик хизмати ва божхона органлари ходимлари томонидан ашёвий далиллар билан ушланди.
Таъкидлаш лозимки, мазкур шахс муқаддам гиёҳвандлик воситалари савдоси билан боғлиқ жинояти учун узоқ муддатга озодликдан маҳрум этилиб, жазо ўтаган бўлсада, ўз хатосидан тўғри хулоса чиқармаган.

ДХХ Қашқадарё вилояти бўйича бошқармаси ходимлари томонидан ўтказилган тезкор тадбирда, Сурхондарё вилоятининг Денов туманида яшовчи, 1989 й.т. шахс бошқарувидаги “Ласетти” русумли автотранспорт воситаси Кўкдала туманидаги “Умакай” ЙПХ масканида тўхтатилиб, кўздан кечирилди.
Натижада, автомашинанинг орқа ўриндиғи остига Тожикистондан контрабанда йўли билан олиб келинган 265 гр. “опий” ва 1 кг. “гашиш” гиёҳвандлик воситалари яшириб қўйилганлиги аниқланди.

Бу йўналишда ДХХ Хоразм вилояти бўйича бошқармаси ходимлари ҳам божхона ва ички ишлар органлари билан ҳамкорликда тезкор тадбирлар ўтказиб, Тожикистондан олиб келинган гиёҳвандлик воситаларининг вилоят ҳудудида сотилишига чек қўйишди.

Жумладан, Самарқанд вилоятининг Ургут туманида яшовчи, 1964 й.т., муқаддам гиёҳвандлик воситалари сотганлиги учун 2 маротаба судланган шахс Урганч шаҳрида ушланиб, унинг қўл сумкасида бўлган 989 гр. “опий” моддаси тегишли тартибда ҳужжатлаштириб олинди.

Бошқа ҳолатда эса “Сурхондарё-Хоразм” йўналишида ҳаракатланаётган “Кобальт” русумли автотранспорт воситаси Тупроққалъа туманида тўхтатилиб, кўздан кечирилди.
Натижада автомашинада йўловчи сифатида кетаётган Денов туманида яшовчи, 1957 й.т. фуқаро ҳамда унинг 1990 й.т. келинидан 993 гр. “гашиш” моддаси олинди.

Ҳозирда мазкур шахсларнинг барчасига нисбатан жиноят ишлари қўзғатилиб, қамоқ эҳтиёт чораси қўлланилган.

✨ 𝐓𝐞𝐥𝐞𝐠𝐫𝐚𝐦 | @HURRIYAT_UZ