G'ayratov | HuquqBro

Bu oddiy foydalanuvchilar uchun ham koʻrinadi. Premium shart emas.

Iste’molchilarni himoya qilish qoʻmitasi taomnomani davlat tilida taqdim etmagan oshxonaga ta’sir chorasi qoʻllabdi.

Fuqaro E.N. Navoiy shahrida joylashgan “NAVOIY-SAXOVAT MANZILI” MCHJga tegishli umumiy ovqatlanish maskanida iste’molchilar huquqlarini cheklash holatlari mavjudligi sababli tegishli chora ko‘rish yuzasidan Raqobat qo‘mitasining Navoiy viloyati hududiy boshqarmasiga murojaat qilgan.

Oʻrganish davomida iste’molchilar uchun jamiyatning to‘liq nomi va soliq to‘lovchining identifikatsiya raqami (STIR) hamda ushbu ma’lumotlarni skanerlash imkonini beruvchi maxsus QR-kod, ish rejimi to‘g‘risidagi ma’lumotlar va mahsulotlarda narxnomalar qo‘yilmaganligi, shuningdek umumiy ovqatlanish mahsulotlarining tayyor taomlari to‘g‘risidagi ma’lumotlar iste’molchiga davlat tilida taqdim etilmaganligi holatlari aniqlandi.

“Iste’molchilarning huquqlarini himoya qilish to‘g‘risida”gi Qonuni hamda Vazirlar Mahkamasining 75-sonli qarori bilan tasdiqlangan “O‘zbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish Qoidalari” talablari buzilishi alomatlari bilan ish qo‘zg‘atilib, qonunbuzilishi holatini bartaraf etish va kelgusida yo‘l qo‘ymaslik yuzasidan bajarilishi majburiy bo‘lgan ko‘rsatma berildi.

Shuningdek, jamiyat mas’uliga nisbatan ma’muriy bayonnoma rasmiylashtirilib, tegishli sud organiga yuborildi.

@HuquqBro

Xitoy tovarlarini, gʻoyalarini yomon koʻrish/baykot qilish mumkin.

Lekin, fuqarolariga nisbatan toqatsiz boʻlish, millatchilik qilish notoʻgʻri va qonunga zid.

@HuquqBro

Bank siri qaysi ma'lumotlarni qamrab oladi?

Bank siri bank tomonidan muhofaza qilinadigan quyidagi ma’lumotlardan iborat:

o‘z mijozlarining (vakillarining) operatsiyalari, hisobvaraqlari va omonatlariga doir ma’lumotlar;
bank o‘z mijoziga (vakiliga) bank xizmatlari ko‘rsatishi munosabati bilan mazkur mijoz (vakil) to‘g‘risida olgan ma’lumotlar;

mijozning (vakilning) bank seyflari va binolarida saqlab turilgan mol-mulki, uning xususiyati va qiymati haqidagi ma’lumotlar;

mijoz (vakil) topshirig‘iga binoan yoki uning foydasini ko‘zlab amalga oshirilgan banklararo operatsiyalar va bitimlar to‘g‘risidagi ma’lumotlar;

bank sirini tashkil etuvchi ma’lumotlarning banklar o‘rtasida muomalada bo‘lishi natijasida ma’lum bo‘lib qolgan, boshqa bankning mijoziga (vakiliga) doir ma’lumotlar;

jamg‘arib boriladigan pensiya tizimining ishtirokchilari, pensiya badallarining miqdori va summalarining harakati, fuqarolarning shaxsiy jamg‘arib boriladigan pensiya hisobvaraqlaridagi pensiya jamg‘armalari to‘g‘risidagi ma’lumotlar.

@HuquqBro

Ichki ishlar organi xodimi jarimaga tortdi, lekin bundan narozisiz. Bu holatda nima qilish kerak?

Javob: Qaror chiqargan xodimni oʻziga joyida shikoyat yozib berishingiz mumkin. Shikoyatni xodimni oʻzi yuqori turuvchi organga yoki sudga taqdim etishga majbur.

Batafsil:

Ma’muriy huquqbuzarlik to‘g‘risidagi ish yuzasidan chiqarilgan qaror xususida shikoyat berish tartibi

Ma’muriy huquqbuzarlik to‘g‘risidagi ish yuzasidan qaror ustidan yuqori turuvchi organga (mansabdor shaxsga) yoki jinoyat ishlari bo‘yicha tuman (shahar) sudiga shikoyat berilishi mumkin.

Shikoyat ma’muriy huquqbuzarlik to‘g‘risidagi ish yuzasidan qaror qabul qilgan organ (mansabdor shaxs) orqali yoki bevosita shikoyat yo‘llangan sudga yuboriladi.

Ma’muriy huquqbuzarlik to‘g‘risidagi ish yuzasidan qaror chiqargan organ (mansabdor shaxs) shikoyatni olgach, uni uch sutka ichida ish bilan birga ushbu moddaga muvofiq shikoyatni ko‘rib chiqish huquqiga ega bo‘lgan organga (mansabdor shaxsga) yuboradi.

Ma’muriy huquqbuzarlik to‘g‘risidagi ish yuzasidan chiqarilgan qaror xususida shikoyat bergan shaxs davlat boji to‘lashdan ozod etiladi.

Shikoyat berish muddati

Ma’muriy huquqbuzarlik to‘g‘risidagi ish yuzasidan chiqarilgan qaror xususida shu qarorning nusxasi olingan kundan e’tiboran o‘n kun ichida (o'n ish kuni emas!) shikoyat berilishi mumkin, bundan sud qarori mustasno.

Mazkur muddat uzrli sabablar bilan o‘tkazilib yuborilgan taqdirda, bu muddat shikoyatni ko‘rib chiqishga vakolatli organ (mansabdor shaxs) tomonidan qayta tiklanishi mumkin.

@HuquqBro

Tazyiq va zo‘ravonlikdan jabrlangan xotin-qizlarga himoya orderini berish tartibi haqida

Himoya orderi jabrlangan shaxsning yoki boshqalarning murojaati bo'yicha berilishi mumkin.

Himoya orderi Profilaktika inspektori tomonidan beriladi.

Himoya orderi o‘ttiz kun muddatgacha beriladi va ushbu order rasmiylashtirilgan paytdan e’tiboran kuchga kiradi. Shaxs arizasiga ko'ra muddat bir yilgacha uzaytirilishi mumkin.

Himoya orderida quyidagi cheklovlar nazarda tutilishi mumkin:

tazyiq o‘tkazishni va zo‘ravonlik sodir etishni taqiqlash;

tazyiq o‘tkazgan yoki zo‘ravonlik sodir etgan shaxsning tazyiq va zo‘ravonlikdan jabrlanuvchilar bilan aloqasini taqiqlash (ish joylarida va ta’lim muassasalarida tazyiq va zo‘ravonlikdan jabrlanuvchining tazyiq o‘tkazgan va zo‘ravonlik sodir etgan shaxs bilan bilvosita aloqasiga yo‘l qo‘yiladi);

tazyiq o‘tkazilgan va zo‘ravonlik sodir etilgan taqdirda tazyiq va zo‘ravonlikdan jabrlanuvchining hamda tazyiq o‘tkazgan va zo‘ravonlik sodir etgan shaxsning bir xonada birga bo‘lishini taqiqlash;

tazyiq o‘tkazgan va zo‘ravonlik sodir etgan shaxsning zimmasiga tazyiq va zo‘ravonlikdan jabrlanuvchini davolash, unga maslahat berish, uni tazyiq va zo‘ravonlikdan jabrlanuvchilarga yordam ko‘rsatish bo‘yicha maxsus markazga joylashtirish uchun xarajatlarning, yetkazilgan moddiy zararning o‘rnini qoplash, shuningdek, ma’naviy ziyonni kompensatsiya qilish majburiyatini yuklash;

tazyiq o‘tkazgan va zo‘ravonlik sodir etgan shaxsning qurolni (bundan xizmat quroli mustasno) saqlash va olib yurish huquqini himoya orderining amal qilishi yoki unda ko‘rsatilgan muddat davrida cheklash yoxud taqiqlash, shuningdek, qurol sotib olish uchun ruxsatnoma olishga doir huquqini taqiqlash.

Himoya orderi talablariga amal qilmagan shaxs javobgarlikka tortiladi.

Himoya orderi uchun my.gov.uz sayti orqali ariza yuborish mumkin:
https://my.gov.uz/oz/service/1022

Yoki 102 qisqa raqamiga murojaat etish mumkin holat boyicha

@HuquqBro

8-mart

Barchaga bayram muborak boʻlsin!

Oʻylagan narsalarimni yoza olmadim. Bizga ishonib oila qurgan ayollarni asraylik, baxtli qilaylik. Hayoti qiyinchilikda oʻtishiga, qiynalishiga sababchi boʻlmaylik.

@HuquqBro

Advokat boʻlish uchun kerak:

1) Oliy yuridik ma’lumot
2) Litsenziya
3) Oʻzbekiston Respublikasi fuqaroligi

@HuquqBro

120-modda(bezoqolbozlik)da belgilangan jinoiy javobgarlik nikoh qurganlik uchun emas.

Bu javobgarlik erkak bilan erkak jinsiy aloqa qilganligi uchun belgilangan. Nikohdan oʻtib, jinsiy aloqa qilmasa jinoiy javobgarlik kelib chiqmaydi.

Er-xotin soʻzlariga toʻxtalsam. Er, xotin bu status. Ya’ni buni jinsi yoʻq. Jinsiga aniqlik kiritilmagan.

Faqat bitta qoida bor konstitutsiyada:
Nikoh O‘zbekiston xalqining an’anaviy oilaviy qadriyatlariga, nikohlanuvchilarning ixtiyoriy roziligiga va teng huquqliligiga asoslanadi.

P.s. “An’anaviy oilaviy qadriyat” aynan shu bir jinsli nikohni cheklashi mumkin. Qadriyat oʻzgarsa bu norma ishlamaydi. Yana qarab koʻringlar balkim taqiq bordir. Boʻlsa ulashsangiz xursand boʻlaman.

@HuquqBro

Savol:
Oʻzbekiston Respublikasi qonunchiligida ayol bilan ayol yoki erkak bilan erkak nikoh tuzishini taqiqlovchi norma bormi?

Javob:
Taqiq, cheklov yoki qandaydir qoidani men topa olmadim.

Faqat, jinoiy javobgarlik mavjud. Lekin, bunda boshqa narsa nazarda tutilgan:
JK 120-modda. Besoqolbozlik
Besoqolbozlik, ya’ni erkakning erkak bilan zo‘rlik ishlatmasdan jinsiy ehtiyojini qondirishi —

bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.

P.s. Jinoiy javobgarlik erkak bilan erkak nikoh qurgani uchun emas.

@HuquqBro

Oila qurish uchun koʻp pul kerak emas)

Toʻy qilish uchun va boshqa urf-odatlar uchun koʻp pul kerak boʻladi.

Nikohni qayd etganlik uchun davlat boji miqdori BHM 20 foizini tashkil etadi.

Yangi gerbli guvohnomalar berganlik uchun gerb yig‘imi bazaviy hisoblash miqdorining 15 foizi miqdorida undiriladi.

BHM=375 000 so'm

@HuquqBro

Nikoh tuzish muddatini qisqartirish

Qisqa muddatda nikohdan o'tish ayrim holatlarda kerak bo'lib qolishi mumkin. Bu haqida ma'lumot quyida:

FHDY organi mudiri uzrli sabablar bo‘lganda hamda arizachilarning iltimoslariga ko‘ra bir oylik muddatni qisqartirishi mumkin.

Bunda uzrli sabablarni tasdiqlovchi — bolalarining tug‘ilganligi haqidagi guvohnomalari, tibbiyot muassasasining kelinning homiladorligi yoki bir tarafning kasalligi haqidagi ma’lumotnomasi, xizmat safari to‘g‘risidagi guvohnoma va shu kabi hujjatlar ko‘rsatiladi.

@HuquqBro