21-son maktabida Alisher Navoiy tavalludiga bag‘ishlangan ma’rifiy tadbir o‘tkazildi
Xalqimizning buyuk siymolaridan biri, o‘zbek adabiyotining yirik namoyandasi Alisher Navoiy tavalludining 584 yilligi munosabati bilan Hazorasp tumanidagi 21-son maktabida “Olis yulduz shu’la taratar” nomli ma’rifiy tadbir bo‘lib o‘tdi.
Tadbirda Navoiyning boy adabiy merosi, uning g‘azallaridagi hikmat va insoniylik tarannumi keng yoritildi. O‘quvchilar va ustozlar tomonidan Navoiy asarlaridan namunalar o‘qildi, sahna ko‘rinishlari namoyish etildi.She’riyat va ma’naviyatga bag‘ishlangan bu tadbir barchaga unutilmas taassurot qoldirdi.
Bunday tadbirlar yosh avlodning ma’naviy tarbiyasida muhim o‘rin tutib, ularga milliy qadriyatlar va adabiyotimizning bebaho durdonalarini yanada chuqur anglash imkonini beradi.
Hazorasp tumani Maktabgacha va maktab ta'limi bo'limining Matbuot xizmati