HADISLAR TOPLAMI

#Ҳадис_1130📔

Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Ғийбат нималигини биласизларми?» дедилар.
«Аллоҳ ва Унинг Расули билгувчирок», дейишди. «Биродарингни у ёқтирмайдиган нарса ила зикр
қилишинг», дедилар.
«Айтинг-чи, биродаримда мен айтган нарса бўлса-
чи?»
«Агар унда сен айтган нарса бўлса, уни ғийбат қилган бўласан.
Агар ўша нарса унда бўлмаса, унга бўҳтон қилган бўласан», дедилар».

(Муслим, Абу Довуд ва Термизий ривоят қилишган.)

📝Шарҳ:

🔷Демак, бир одамни орқасидан, ўзи йўқ пайтида, ўша одамга ѐқмайдиган гаплар билан эслаш ғийбат бўлади.

🔶 Ғийбат гуноҳи кабира, катта гуноҳлар қаторига киради.

🔷Ғийбатчига тайин қилинган азобларни эшитган одамнинг ҳам вужуди титраб кетади.

🔶Бўҳтон эса, бир кишини айблаш учун унинг ўзида йўқ иллатлар билан айблаш экан.

🔷Энди бу нарса ғийбатдан неча марта катта гуноҳ эканини тасаввур қилиб олса, бўлади.

@HADISLAR_TOPLAMIII📚

#Ҳадис_1000📘

ШАВВОЛДАН ОЛТИ КУН РЎЗА ТУТИШ

Абу  Айюб  ал-Ансорий  розияллоҳу  анҳудан  ривоят қилинади:
«Набий  соллаллоҳу  алайҳи  васаллам: «Ким  Рамазон  рўзасини  тутиб,  кетидан  Шавволдан олти  кун  рўза  тутса,  йил  бўйи  рўза  тутгандек  бўлади», дедилар».

✍(Бешовларидан  фақат  Бухорий ривоят  қилмаган).

📝Шарҳ: 

Рамазон  ойидан  кейин  келадиган  Шаввол  ойида олти  кун  нафл  рўза  тутишга  тарғиб  қилиш  ўзига  яраша ҳикматга  эга. 
Аввало,  доимо  нафл  рўза  тутишга  тарғиб қилинади.
   Қолаверса,   Рамазон   бўйи  рўза  тутиб   юриб, Шавволда  бирдан  ўзини  овқатга  уриш  ҳам  яхши  эмас. Табиблар   ҳам   очликдан   чиққандан   кейин   овқат истеъмолини аста секин кўпайдиришни тавсия киладилар.

Манба:Хадис ва Хаёт 9📚

Алҳамдулиллаҳ бугун мана 1000 чи хадисга йетиб келибмиз биз билан бирга кузатиб ва хадисларни бошкаларга хам улашиб келаётган инсонлардан
Аллоҳ рози бўлсин

@HADISLAR_TOPLAMIII📚

#Ҳадис_1125📘

Ибн Аббос розияллоҳу анҳудан ривоят қилинади:
«Расулуллоҳ соллаллоҳу алайҳи васаллам фитр закотини рўзадор учун беҳуда гап-сўз ва ҳаракатлардан покланиш ва мискинлар учун таомланиш бўлсин, деб фарз қилдилар.
Ким уни намоздан олдин адо қилса, у мақбул закот бўлур.
Ким уни намоздан кейин адо қилса, садақалардан бир садақа бўлур».

✍(Абу Довуд, Ибн Можа ва ҳоким ривоят қилган ва «саҳиҳ» дейишган).

Шарҳ

📌Фитр садақаси ва фитр закоти бир-бирининг ўрнига ўтиши, садақа ва закот сўзлари бир-бирининг ўрнига ишлатилавериши айтиб ўтилган эди.
📌 Ушбу ривоятдаги «намоз»дан мурод, ийди фитр намозидир. Фитр садақасини ийди фитр намозидан олдин бериш зарур эканини шу ердан билиб оламиз.
📌Ҳанафий мазҳабида садақаи фитр вожиб ҳисобланади. У садақа Рамазондан фитр(оғиз очиқлиги)га чиқиш муносабати ила берилгани учун ҳам фитр садақаси номини олган. Фитр садақаси иккинчи ҳижрий санада жорий қилинган.
📌Бошқа садақалар молдан қилинса, бу садақа киши бошидан қилинади.

✅Ушбу садақа нима учун шариатимизда жорий қилинганининг сабаби, ҳикмати юқоридаги ривоятдан очиқ-ойдин кўриниб турибди.
📌 Рўзадор учун беҳуда гап-сўз ва ҳаракатлардан покланиш бўлсин, мискинлар учун таомланиш бўлсин, деб жорий қилинган.
📌 Рўзадор одам Рамазон ойида рўза тутар экан, гоҳида билиб-билмай турли гаплар оғзидан чиқиб кетган бўлиши, шунингдек, баъзи ноқулай амалларни қилиб қўйган ва шу сабабдан кўнгли ғаш юрган бўлиши мумкин.
📌 Ана ўша ғашликларни ювиб юбориш учун садақаи фитр тўлаш жорий қилинган.
📌Фитр садақаси мискинларга берилади, улар уни таом қилиб ейдилар, хурсанд бўладилар.
📌 Ийд кунлари қувончларига қувонч қўшилади.
📌 Шунинг учун ҳам ҳар ўлкада ўша ернинг энг кенг тарқалган таомидан садақаи фитр берилсин, дейилган.
📌 Шунда энг кўп одам манфаат олган бўлади.
📌Фитр садақаси ҳуру қул, эркагу аѐл, ѐшу қари, бою камбағал, ҳамма-ҳаммага вожиб бўлади.
📌 Ўзида йўқларнинг номидан уларга нафақа бериш лозим бўлган кишилар беради. Ҳанафий мазҳаби бўйича пули ва моли нисобга етган кишигина садақаи фитр бериши вожиб бўлади.
📌Лекин амалда жумҳурнинг моли нисобга етмаганлар ҳам беравериши керак, деган сўзи жорий бўлган. Ривоятларда баѐн этилишича, Пайғамбаримиз соллаллоҳу алайҳи васалламнинг замонларида фитр садақаси хурмо, арпа, майиз, қурт ва буғдойдан берилган.
📌Мазкур таомнинг қийматини берса ҳам бўлади.
✅Аввал айтиб ўтилганидек, фитр садақаси рўзадан чиқиш муносабати ила бериладиган садақадир.

@HADISLAR_TOPLAMIII📚

#Ҳадис_591📘

#Таомга_дават_қилса.
#Рамазон24

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Қачон сиздан бирингиз таомга даъват қилинсаю у рўзадор бўлса, мен рўзадорман, деб айтсин», дедилар».
Бошқа ривоятда: «Қачонки бирингиз даъват қилинса, ижобат этсин. Бас, агар оғзи очиқ бўлса, таомлансин. Агар рўзадор бўлса, намоз ўқисин», дейилган.

✍(Бешовларидан фақат Бухорий ривоят қилмаган).

Шарҳ:

Ушбу ҳадисда нафл рўза ҳақида гап кетаётганини олдиндан айтиб қўйганимиз маъқул.

Бу ҳадиси шарифга биноан, рўзадор инсонни бир киши таомга–маросимга даъват қилса, мен рўзадорман, деб узрини айтиши керак.
Даъват қилувчи унинг ҳолини тушуниб, узрини қабул қилса, даъват жойига бормайди.
Агар даъватчи вазиятни тушунмай, боришни талаб қилиб туриб олса, узрини қабул қилмаса, боради.
У ерда бошқалар таом еганда намоз ўқиб, даъват эгаси ҳаққига дуо қилади.
Агар рўза нафл бўлмаса, қазо ёки назр бўлса, шундоқ қилади.

Агар нафл рўза бўлса, даъват эгаси унинг таомидан еса хурсанд бўлса, егани маъқул.

Манба : Ҳадис ва Ҳаёт 9📚

@HADISLAR_TOPLAMIII📚

#Ҳадис_589📗


#Жума_куни
#Рамазон22

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Бирортангиз жума куни рўза тутмасин. Магар ундан олдин ёки кейин тутсангиз майли», дедилар.

✍(Бешовлари ривоят қилганлар).

Шарҳ:

Ушбу ҳадиси шарифга биноан, ёлғиз жума кунини ажратиб олиб, рўза тутиб бўлмайди. Жума кунидан олдин бир кунни қўшиб ёки кетидан бир кунни қўшиб тутса бўлади.
Чунки жума куни ҳафталик байрам куни.
Шунинг учун йиллик байрамлар куни рўза тутмаганидек, у кунда ҳам рўза тутмаган маъқул.

Шу маънода Пайғамбаримиз соллаллоҳу алайҳи васалламдан ҳадис ҳам ворид бўлган.
Бунинг устига яҳудийлар ўзларининг ҳафталик байрамлари шанба куни рўза тутар эканлар.
Агар мусулмонлар ҳам ўзларининг ҳафталик байрамлари жума куни рўза тутсалар яҳудийларга ўхшаган амални қилган бўлиб қоладилар.

Манба: Ҳадис ва Ҳаёт 9📚


#Эслатма:Шанба куни ҳам ҳослаб тутишдан қайтарилганмиз.
Ўҳшаш ҳадис учун алоҳида ҳадис қилиб каналга ташламадим камменга ташлаб қўйилди.

@HADISLAR_TOPLAMIII📚