Germaniyada mutaxassis sifatida ishlash uchun qanday hujjatlar kerak?
Ariza berayotgan vaqtingizda quyidagilarga e’tibor bering:
a) Mutaxassisligingiz Siz istayotgan faoliyatni yuritishga mos keladimi yoki yo’qmi? Bu Federal mehnat agentligi tarafidan tekshiriladi.
b) Agar axborot va kommunikatsiya texnologiyalari sohasida yorqin va kasbga taalluqli yuqori malakaga ega bo’lsangiz, mutaxassislik bo’yicha mahalliy yoki xorijiy kasbiy yoki oliy ta`lim haqidagi hujjatsiz ushbu sohada ishlashga viza so’rash mumkin.
Arizani asoslovchi hujjatlar
✅ Imzolangan mehnat shartnomasi yoki lavozim, oylik maosh, ish vaqti, muddati ko`rsatilgan aniq ish joyi taklifi
✅ To`ldirilgan mehnat munosabatlari haqida bayonnoma (Erklärung zum Beschäftigungsverhältnis) ASL NUSXADA
✅ Akademik va kasbiy faoliyat sanab o’tilgan, jadval shaklidagi tarjimai xol va uning nemis tiliga tarjimasi
✅ arizachining o’zi tomonidan mustaqil yozilgan va imzolangan motivatsiya xati va uning nemis tiliga tarjimasi
✅Ariza topshirish paytida 45 yoshdan oshgan bo’lsangiz va Sizning yillik daromadingiz 46.530 yevrodan kam bo’lsa, qarilikda moliyaviy jihatdan ta`minlanganlikning isboti sifatida avval mehnat qilgan Davlatingizdan qonuniy pensiya sug’urtasi, xususiy pensiya yoki hayot sug’urtasi, ko’chmas mulk yoki boshqa mulk hujjatlari
📌Oliy ma´lumotli mutaxassislar:
✅ Germaniya oliy o’quv yurti yoki tan olingan xorijiy oliy o’quv yurtini tamomlaganlik haqida tasdiqnoma va uning baholar ilovasi
✅ Agar faoliyat (masalan shifokor, dorixonachi, o’qituvchi kabi) tartibga solingan kasbda olib borilishi lozim bo’lsa: kasbiy faoliyat uchun ruxsatnoma yoki kasbiy faoliyatga ruxsatnoma berilishi haqida kafolat. Bir qator kasblar uchun nemis tilini kamida B2 darajada bilishi haqida hujjat taqdim etilishi lozim (Sog’liqni saqlash sohasidagi kasblar)
📌Kasbiy ta`limga ega mutaxassislar:
✅Germaniya malakali kasbiy ta`lim yoki kamida ikki yillik ta`lim muddatini o’z ichiga olgan xorijiy kasbiy ta`lim haqida tasdiqnoma: diplom va baholar ilovasi bilan
✅Xorijiy kasbiy ta`limning ekvivalentligi haqida qaror (Gleichwertigkeitsbescheid)
✅ Aniq ish taklifiga qo'shimcha ravishda, hamshiralar §2PflBG ga muvofiq kasbiy unvondan foydalanishga ruxsatnoma va B2 darajasidagi til ko'nikmalari haqida hujjatni ham taqdim etishlari kerak
✅ Agar faoliyat (masalan shifokor, dorixonachi, o’qituvchi kabi) tartibga solingan kasbda olib borilishi lozim bo’lsa: kasbiy faoliyat uchun ruxsatnoma yoki kasbiy faoliyatga ruxsatnoma berilishi haqida kafolat. Bir qator kasblar uchun nemis tilini kamida B2 darajada bilishi haqida hujjat taqdim etilishi lozim (Sog’liqni saqlash sohasidagi kasblar)
Kasbiy malakalarning mutanosibligini baholash va kasbiy unvondan foydalanishga ruxsatnoma viza arizasi topshirilganda mavjud bo'lishi kerak va Germaniyaning Toshkentdagi elchixona zimmasiga yuklanmaydi
📌Mahalliy yoki xorijiy kasbiy yoki oliy ta`lim haqidagi hujjatiga ega bo’lmagan IT sohasi mutaxassislari:
✅Oxirgi yetti yilda oliy ta`lim yoki axborot va kommunikatsiya texnologiyalari sohasidagi malakali kasbiy ta`lim bilan qiyoslanuvchi, kamida uch yillik kasbiy malaka va ko’nikmaga ega bo’lganingiz haqida hujjat
✅Yillik daromad kamida brutto 50.760 yevroni tashkil etuvchi, aniq ish joyi taklifi
✅Nemis tilini B1 darajasida bilish haqida tasdiqnoma. Nemis tilini bilish haqida tasdiqnoma ba`zi xollarda talab etilmaydi, masalan ma`lum faoliyat turini yuritish uchun ingliz tili talab etilsa va Siz uni bilsangiz.
Ba`zi xollarda qo’shimcha hujjatlar talab qilinishi mumkin.
Ijobiy qaror qabul qilinsa, viza berilishidan avval tibbiy sug’urta haqidagi tasdiqnomani taqdim etishingiz lozim.❗️
Hujjatlar to’liqliligiga e`tibor bering. To’liq bo’lmagan arizalar jarayonni sekinlashtiradi va rad javobiga olib kelishi mumkin.‼️
