Fotiha.Uz

Ҳоҳлаган нарсангизни сўранг!

Бир кун Расулуллоҳ соллаллоҳу алайҳи васаллам Оиша розияллоҳу анҳодан хурсанд бўлиб, “Эй Оиша, мендан хоҳлаган нарсангизни сўранг” дедилар. Оиша розияллоҳу анҳо жуда ҳам зийрак аёл эдилар, бу фурсатни қўлдан бой бермаслик учун энг яхши нарсани сўрашни қасд қилдилар ва “Бу борада отам билан маслаҳатлашсам” дедилар.
Чунончи Абу Бакр розияллоҳу анҳунинг ҳузурларига бориб воқеъани баён қилдилар.
Абу Бакр розияллоҳу анҳу:
- “Расулуллоҳ соллаллоҳу алайҳи васаллам меърожга чиққанларида Аллоҳ таоло у зотга сирларни айтган. Ўшалардан бирини айтиб беришларини сўра” дедилар.
Оиша онамиз розияллоҳу анҳо ўша нарсани сўрадилар. Расулуллоҳ соллаллоҳу алайҳи васаллам
: - “Роббим менга меърож кечасида “Менинг наздимда мўминнинг даражаси шу даражада юқорики, қайси бир мўмин бошқа бир мўминнинг қалбига хурсандчилик солса, албатта жаннатий бўлади” деди”, дедилар.
Оиша розияллоҳу анҳо хурсанд бўлиб Абу Бакр Сиддиқ розияллоҳу анҳуга бу гапни етказган эдилар Абу Бакр қаттиқ йиғладилар. Оиша розияллоҳу анҳо:
- “Нега йиғлайсиз, ахир бу хурсандчилик хабар эмасми” деганларида, “Бу, мўминнинг қалби Аллоҳ таолонинг наздида шу даражада қадрлики, ким унга озор етказса, дўзахийдир”, дегани бўлади – дедилар.


Азизлар! Савоб ва ажр бўлсин, дўстларингизга ҳам улашинг.
Каналга аъзо бўлиш: 👇🏻👇🏻👇🏻
https://t.me/+VN-tzZPd3ic4MTRi

ISLOM TARIXIDA O‘TGAN XALIFALAR HAQIDA
#islom_tarixi

❓SAVOL: Islom dinida o‘tgan xalifalar haqida to‘liq ma’lumot bersangiz?

💬 JAVOB: Bismillahir Rohmanir Rohim. Islom tarixida xalifalik asosan to‘rt ulug‘ xalifa, roshid xalifalar bilan boshlangan. Ular Abu Bakr Siddiq, Umar ibn Xattob, Usmon ibn Affon, Ali ibn Abu Tolib roziyallohu anhumlardir. Xalifa so‘zi o‘rinbosar ma’nosida bo‘lib, sahobalar xalifatur rasul – Rasuli akram alayhissalomning xalifalari, o‘rinbosarlari, keyinchalik esa xalifa so‘zining o‘zini qo‘llaganlar. Xalifalik asosan mana shu to‘rt buyuk sahobiy davrida bo‘lgan. Keyingi davrlarda ham garchi xalifalik deb nomlansada, podshohlikka asoslangan holda ish yuritilgan. Zero payg‘ambarimiz sollallohu alayhi vasallam quyidagicha marhamat qilganlar:
الخلافة في أمتي ثلاثون سنة ثم ملك بعد ذلك (رواه الإمام الترمذي رضي الله عنه عن سفينة رضي الله عنه)
ya’ni: “Ummatim ichida xalifalik o‘ttiz yildir. Undan keyin podshohlikdir” (Imom Termiziy rivoyatlari).
Keyinchalik Umaviylar xalifalikka o‘tirib, hijriy 41-yildan boshlab, hijriy 132-yilgacha 91-yil hukmronlik qildilar. Umaviy nomi mashhur sahoba Muoviya ibn Abu Suyon roziyallohu anhumoning ismlaridan kelib chiqqan. Bu davr mobaynida jami 14 ta xalifa hukmronlik qilgan. Oxirgi umaviy xalifa Marvon II hisoblanadi.
Umaviylardan keyin Abbosiylar xalifaligi davri boshlandi. Ushbu nom Payg‘ambarimiz alayhissalomning amakilari Abbos ibn Abdulmuttalib roziyallohu anhuning ismi bilan bog‘liqdir. Bularning hukmronlik yillari ko‘proq davom etdi. Taxminan 132 hijriy (524 milodiy) yilda boshlanib 656 hijriy yilda yakuniga yetdi. Jami 37 ta xalifalar hukmronlik qilib, birinchisi Abul Abbos as-Saffoh, oxirgisi Mu’tasim-billoh hisoblanadilar.
Bulardan keyin Usmoniylar xalifaligiga asos solindi. Usmoniy nomi uning birinchi rahbarlari Usmon ibn Ertug‘rul bilan bog‘liqdir. Usmoniylar 600-yildan ortiq Islom olamini boshqardilar. Ular hijriy 697-1343-yillarda, milodiy 1290-yildan 1924-yilgacha hukmronlik qildilar. Jami 37 xalifa bo‘lib, oxirgi xalifa Abdulmajid II hisoblanadi. Bular haqida batafsil ma’lumotni Islom tarixiga oid kitoblardan, xususan, Shayx Muhammad Sodiq Muhammad Yusuf rahmatullohi alayhning “Islom tarixi” kitoblaridan topish mumkin. Vallohu a’lam.

O‘zbekiston musulmonlari idorasi
Fatvo markazi. https://t.me/+VN-tzZPd3ic4MTRi

Ҳазрати Али ибн Абу Толиб розияллоҳу анҳудан ривоят қилинади: "Ким жума куни Расулуллоҳ соллаллоҳу алайҳи васалламга юз марта салавот айтса, қиёмат куни у юзида бир нур билан келади" (Имом Байҳақий ривояти).


الصَّلَاةُ وَالسَّلَامُ عَلَيْكَ يَا رَسُولَ اللَّهِ

1️⃣ "Ас-солату вас-салааму ъалайка йаа Расулаллоҳ"

الصَّلَاةُ وَالسَّلَامُ عَلَيْكَ يَا حَبِيبَ اللَّهِ

2️⃣ "Ас-солату вас-салааму ъалайка йаа Ҳабибаллоҳ"

الصَّلَاةُ وَالسَّلَامُ عَلَيْكَ يَا خَلِيلَ اللَّهِ

3️⃣ "Ас-солату вас-салааму ъалайка йаа Халилаллоҳ"

الصَّلَاةُ وَالسَّلَامُ عَلَيْكَ يَا خَيْرَ خَلْقِ اللَّهِ

4️⃣ "Ас-солату вас-салааму ъалайка йаа хойра холқиллаҳ"

الصَّلَاةُ وَالسَّلَامُ عَلَيْكَ يَا نَبِيَّ اللَّهِ

5️⃣ "Ас-солату вас-салааму ъалайка йаа Набиййаллоҳ"

اَلصَّلَاةُ وَالسَّلَامُ عَلَيْكَ يَا صَفِىَّ اللَّهِ

6️⃣ "Ас-солату вас-салааму ъалайка йаа Софиййаллоҳ"

الصَّلَاةُ وَالسَّلَامُ عَلَيْكَ يَا سَيِّدَ الْأَوَّلِينَ الْآخِرِينَ

7️⃣ "Ас-солату вас-салааму ъалайка йаа саййидал аввалийна вал ахирийн"

الصَّلَاةُ وَالسَّلَامُ عَلَيْكَ يَا رَحْمَةً لِلْعَالَمينَ

8️⃣ "Ас-солату вас-салааму ъалайка йаа роҳматан лил ъаламийн"

♻️ Улашинг https://t.me/+VN-tzZPd3ic4MTRi

ORALIQ VA YAKUNIY NAZORAT ISHLARINI YOZIB BERGANIMGA HAQ OLISHIM HALOLMI?
#halol_harom

❓475-SAVOL: Men universitetda o‘qiyman. Kursdoshlarimning oraliq va yakuniy ishlarini yozib, topshirib beraman. Ularning o‘zlari darslarni yaxshi o‘zlashtira olmaydi va imtihonlardan o‘ta olmaydi. Natijada kursdan kursga qolib, o‘qishdan haydalishadi. Men o‘sha yordamimga pul olaman. Ustozlarga ham buni aytganmiz. Mening shu yordamim uchun olgan pulim halol bo‘ladimi?

💬 JAVOB: Bismillahir Rohmanir Rohim. Bunday ishlar aldov, ilmga, butun boshli xalqqa xiyonat va gunoh hisoblanadi. Aldov orqali topilgan mol halol emas. Chunki ishning egasi boshqa, bajargan boshqa. Bir sohada o‘qib, ana shu sohani bitirgan talabaga shu sohaning mutaxassisi degan diplom beriladi va unga o‘z sohasi bo‘yicha biror ish topshiriladi. Imtihonlarni aldov yo‘li bilan topshirib diplom olgan talaba, sohasining mutaxassisi bo‘lmagani uchun unga topshirilgan sohani orqaga tortadi, jamiyatga, insonlarga foydadan ko‘ra zarar yetkazadi.
Bu holatda mas’ul ustozlar o‘zlarini ko‘rmaganga olishlari yoki ruxsat berishlari ham katta xiyonat. Har bir kishi Qiyomatda o‘ziga topshirilgan vazifa yuzasidan so‘raladi, u yerda esa aldov va yolg‘onlar o‘tmaydi. Abu Hurayra roziyallohu anhudan rivoyat qilinadi, Rasululloh sollallohu alayhi vasallam:
من غشّنا فلَيسَ مِنَّا. (رواه مسلم) .
“Kim bizni aldasa, u bizdan emas”, deganlar (Imom Muslim rivoyatlari).
Siz haqiqatda kursdoshlaringizni kursdan kursga qolib ketmasligini g‘amini qilayotgan bo‘lsangiz, imtihonlargacha ularga yordam bering, tushunmayotgan mavzularini tushuntiring, ularni ham yetuk mutaxassis bo‘lib chiqishida o‘z yordamingizni ayamang.
To‘g‘ri, hamma ham kompyuterda ishlashni bilmaydi yoki kompyuteri bo‘lmaydi. Sizga tayyor ma’lumotlarni olib kelinsa, u ma’lumotlarni tahrir qilib, texnik xatolarini to‘g‘rilab berganingiz uchun yoki daftarga yozilgan ma’lumotlarni kompyuterga kirgizib berganingiz uchun mehnat haqqi olishingiz mumkin.
Darhaqiqat, bilimingiz sizning ma’naviy boyligingiz. Doimo uni to‘g‘ri sarflab, halol pul topish harakatida bo‘ling. Vallohu a’lam.

O‘zbekiston musulmonlari idorasi
Fatvo markazi.

https://t.me/+VN-tzZPd3ic4MTRi