YONIMGA KEL
Ketib qolma tong otmasdan,
Sogʻindim deb kelgin asta.
Quyosh bugun botmasidan,
Yonimga kel sen bir pasga.
Tugamagan dunyo ishi,
Chiqaverar, kun tashvishi,
Toʻxtamas hatto mish-mishi,
Yonimga kel sen bir pasga.
Seni kutar intizor bor,
Yoʻq boʻlsang gar dunyolar tor,
Ketib qolsam boʻlmagin zor
Yonimga kel sen bir pasga.
Balkim jonga tekkandirman,
Bilmay boshing ekkandirman,
Nima qilay telbadirman,
Yonimga kel sen bir pasga.
Erkalasang boray uchib,
Baxt quvonchlar birga quchib,
Xursand boʻlsam ketma choʻchib,
Yonimga kel sen bir pasga.
Nadomatlar chekmagin hech,
Birga yashab boʻlaylik tinch,
Tezroq kelgin boʻlmasdan kech,
Yonimga kel sen bir pasga.
✍️ Solihabegim
Dilafuruz Shahrixoniy
