PISA testini natijalarini koʻrib chiqyapman, maʼlumotlar qiziq. Har xil daromad haqida ham savollar bor. Masalan, taxminan 10% maktab oʻquvchilarini uyida xolodilnik yoʻq ekan.
Xuddi shu koʻrsatkich, Tailandda 3% ekan. Yaʼni maktab oʻquvchilari bor Tailanddagi xonadonlarni taxminan 3%da xolodilnik yoʻq boʻlsa, oʻzbek xonadonlarini oʻndan birida yoʻq ekan.
Bizni statistika qoʻmitaga koʻra esa, har yuzta xonadonga 103ta sovutgich va muzlatgich toʻgʻri kelar ekan. Hali 2018 yilda shunday edi.
Tailand rasmiy statistikasiga qarasam ularda 93% foiz uy-xoʻjaliklarida xolodilnik bor deb koʻrsatilgan.
Shaxsan men maktab bolalarini soʻrovnomasiga koʻproq ishonaman va oʻylaymanki, bizda rostdan ham 10% uy xoʻjaliklarida xolodilnik yoʻq.
Yana bir ikki raqamlar.
6.4% uylarda birorta kitob yoʻq ekan
32% uylarda 10tadan kam kitob bor ekan
14.6% uylarda kitob javoni yoʻq ekan
42% uylarda hech qanday kompyuter yoʻq ekan, na laptop va na desktop
10.6% uylarda yuvinish uchun dush yoki hammom (vanna) yo'q ekan
97% uylarda televizor mavjud
Menga oʻqish ogʻriqliroq qismi:
“Oxirgi 30 kun ichida ovqat sotib olishga pul yetishmagani uchun necha marta ovqatlanmadingiz?”
(In the past 30 days, how often did you not eat because there was not enough money to buy food?)
Degan savolga javoblar:
Hech qachon yoki deyarli hech qachon — 72.71%
Taxminan haftada bir marta — 8.48%
Haftada 2-3 marta — 4.81%
Haftada 4-5 marta — 2.01%
Har kuni yoki deyarli har kuni — 11.99%
Demak, maktab bolalarini 27% dan koʻproq qismi pul boʻlmagani uchun haftada bir marta boʻlsa ham ovqatlanishdan oʻzini tiyilib turar ekan.
Lekin eng qoʻrqinchlisi, taxminan 12 foiz maktab bolalari — “har kuni yoki deyarli har kuni” pul yetarli boʻlmagani uchun ovqatlanmasdan yurishga majbur boʻlishar ekan. Bu 12% raqam boshqa oziqlanish raqamlariga ham yaqin. Har xil hisob-kitoblarga koʻra, ovqatlanish va oziqlanish bilan muammosi bor aholi bizda qariyb 17%ni tashkil qiladi. Bu 12% maktab bolalari orasidagi soʻrovnoma natijalari. Millionlab vatandoshlarimiz har kuni ovqat sotib olishdan qiynalishmoqda.
@sobirjanov_blog
![](data:image/svg+xml;charset=utf-8,<svg width="640" height="640" style="background-color:%2344badc;font-family:Nunito,sans-serif" viewBox="0 0 100 100" preserveAspectRatio="xMidYMid meet" xmlns="http://www.w3.org/2000/svg">
<text font-size="30" x="50%" y="50%" dy="5" fill="white" dominant-baseline="middle" text-anchor="middle">EY</text>
</svg>)