"EVRIKA" O'QUV MARKAZI

❗️1-iyuldan shaxsni tasdiqlovchi va boshqa hujjatlarning elektron shakli ham tan olinadi

Bu bo‘yicha Vazirlar Mahkamasining qarori qabul qilinadi

Unga ko‘ra, "Raqamli hukumat" tizimi idoralararo integratsiyalashuv platformasi doirasida shaxsiy hujjatlarning unifikatsiyalangan raqamli servislari joriy etiladi.

Bunda banklarda, notarial idoralarda, aeroportlarda ichki reyslarni ro‘yxatdan o‘tkazishda va O‘zbekiston hududidan o‘tuvchi poyezdlarga chiqishda, davlat, korporativ va boshqa xizmatlarni ko‘rsatish, shu jumladan, elektron xizmat ko‘rsatish hamda fuqarolarni qabul qilishda tegishli hujjatlarni taqdim etishni talab qiladigan davlat organlari va boshqa tashkilotlarda quyidagi hujjatlarning qog‘oz shakli talab etilmaydi:

🔹O‘zbekiston fuqarosining biometrik pasporti;
🔹O‘zbekiston fuqarosining identifikatsiyalovchi ID-kartasi;
🔹haydovchilik guvohnomasi;
🔹tug‘ilganlik haqida guvohnoma;
🔹nikoh qayd etilganligi haqida guvohnoma;
🔹nikohdan ajralganlik haqida guvohnoma;
🔹transport vositasining ro‘yxatdan o‘tkazilganligi to‘g‘risida guvohnoma (texnik pasport, texnik talon);
🔹pensiya (nafaqa) guvohnomasi;
🔹fuqaroligi bo‘lmagan shaxsning yashash guvohnomasi (ID-kartasi);
🔹nogironlik to‘g‘risida ma’lumotnoma;
🔹transport vositasining majburiy sug‘urta (fuqarolik javobgarligi) bo‘yicha sug‘urta polisi;
🔹oliy, o‘rta maxsus, kasb-hunar va professional ta’lim olganlik to‘g‘risida davlat namunasidagi rasmiy hujjat;
🔹talabalik guvohnomasi;
🔹yakka tartibdagi tadbirkorning davlat ro‘yxatidan o‘tkazilganligi to‘g‘risida guvohnoma;
🔹o‘zini o‘zi band qilgan shaxs sifatida ro‘yxatdan o‘tganligi to‘g‘risida ma’lumotnoma;
🔹turar joy obyektlarining kadastr pasporti;
🔹jismoniy shaxsning shaxsiy avtomototransport vositasini boshqa shaxslarga boshqarish huquqini beruvchi ishonchnoma.

Ushbu hujjatlarning portaldagi elektron shakllari ham tan olinadi.


👉 @xushnudbek 👈

Ogohlik!
Assalomu alaykum hurmatli ota-onalar, o’quvchilar va kanalimiz kuzatuvchilari. Bugun 6-yanvar, bizda hali o’quvchilarimizning 50% dekabr oyi kurs to’lovlarini bermagan, markaz ustozlari hatto ta’til vaqtida sizning bolangiz bilan kuni bilan shug’ullanib, bilim bersa-yu, haqini ololmasa. Darsdan chiqarib yuborsam yoki kurs to’lovini so’rasam, ota-ona telefon qilib, bolamdan kurs to’lovi so’ramang, bolamni sinfda pul so’rab uyaltirmang, qachon topsak beramiz desa. Muammo bir bo’lar, ikki bo’lar, endi surunkali bo’lsa bizda nima gunoh, sizning muammolaringiz sabab o’qituvchi haqini ololmasligi kerakmi. Avvalo muammosiz inson yo’q. Sizda bor muammo bizda yo’qmi? Yangi yil bahona ko’p xonadonlarda mehmonda bo’ldim, lekin o’sha muammosi bor ba’zi insonlarning dasturxonida qush sutidan boshqa hamma narsa bor edi. Nega ustozning haqini vaqtida ado etmaymiz.
Ba’zi o’quvchilarimiz ikkita fandan sertifikat olib, yulduzlik kasaliga chalindi, go’yo ular talaba bo’lib bo’ldi, majburiy fanni ol deb uqtirolmayapmiz ,hali jo’ja kuzda sanaladi. Yoki ikkita fandan sertifikatni olib, kurslarni yig’ishtirib, ustozning roziligini olmasdan maktablarda kurslar ochib olishgan, lekin uni shu darajaga yetkargan ustoz bexabar, baraka topgur ilmni emas, moddiyatni ketidan quvib, ustozning roziligisiz ish boshlab hech kim baraka topmagan.
Ba’zi o’quvchilarimiz darsga kelmay ota-onaga darsga ketdim deb archaga borib yuribdi, dars tugar vaqtida go’yo kursdan borganday.
Hurmatli ota-onalar, markazda har bir guruh ustozi ota-onalar majlisi chaqirsa, vaqtingizni ayamay kelishingiz so’raladi, ogohlik -davr talabi, farzandingiz kelajagiga befarq bo’lmang hamda farzandingiz bilimi uchun tikilgan sarmoyani ro’yxatingiz oxiriga kiritmang!