Hayit odoblari9-aprel, seshanba (30-kun)
Iftorlik vaqti:
18:59 (Toshkent vaqti)
#hadis #ramazon
Abu Hurayra roziyallohu anhu aytadi:
«Rasululloh sollallohu alayhi vasallam dedilar: «U (Ramazon)ning oxirgi kechasida ro‘zadorlarning gunohlari kechiriladi», dedilar. Ular: «Ey Allohning Rasuli, u Qadr kechasimi?», deb so‘rashdi.
Rasululloh sollallohu alayhi vasallam: «Yo‘q, lekin ishchi ishini ado etganidan so‘ng ajri – haqi to‘la qilib beriladi», dedilar.
Imom Ahmad rivoyat qilgan.
Diniy manbalarimizda hayit kunlariga
doir odob va ahkomlar batafsil bayon qilingan. Biz hozir faqat Ramazon hayitiga tegishli odob va ahkomlar haqida so‘z yuritamiz.
✅ Ramazon hayiti kuniga eson-omon yetib kelgan har bir musulmon kishi quyidagi amallarni bajaradi:
1. Iyd kechasini ibodat bilan o‘tkazish;
2. Hayit namozi uchun g‘usl qilish;
3. Tishlarni misvok
yoki tish pastalari yordamida tozalab olish;
4. Iyd uchun yasanish;
5. Xushbo‘ylik surtish;
6. Namozga chiqishdan oldin biror y
egulik tanovul qilib olish;
7. Fitr sadaqasini berish (2024-yil uchun fitr miqdori);
8. Takbir aytish (takbir aytish deganda, «Allohu akbar», deyish
tushuniladi);
9. Hayit namoziga chiqish;
10. Iyd namoziga ertaroq, piyoda, viqor bilan, takbir aytgan holda borish;
11. Hayit namozga bir yo‘l bilan borib, boshqasidan qaytish;
12. Xonadon ahliga kengchilik, serobchilikka sharoit yaratish;
13. Qarindosh-urug‘, qo‘ni-qo‘shnilarni ziyorat qilish, beva-bechoralarning holidan xabar olish, ularga xursandchilik ulashish;
14. Bolajonlarga hayitlik berish, ularga ushbu bayramning shukuhini ko‘rsata bilish;
15. Tanish-bilish, yoru do‘st va har bir ko‘ringan musulmon kishini hayit bilan tabriklab, ularga xursandchilik va shodlik izhor qilish;
16. Hayit kuni odob doirasida, harom va man qilingan narsalarni aralashtirmagan holda ayrim ko‘ngilxushi ma’nosidagi o‘yin-kulgilar ham qilish mumkin;
❌ Hayit kuniga doir odoblar to‘la-to‘kis bo‘lishi uchun, ushbu kunda qilish
durust bo‘lmagan ayrim narsalar haqida ham to‘xtalib o‘tish darkor.
Iyd kuni quyidagi ishlardan saqlanish lozim:1. Ro‘za tutish.
2. Iyd namozidan oldin yoki keyin nafl o‘qish.
3. Gunoh sodir qilish.
4. Hayit kunlari ayollarning qabristonlarga borishi yaxshi emas.
5. Hayit kunlarini azaga aylantirib olish.
Manba: "Hayit odoblari", Hasanxon Yahyo Abdulmajid, IslomUz portali.