KLINIK FANLARNI(SIKLDAGI) QANDAY OʻQISH KERAKBu post bir yil davomida oʻtilgan darslardan olgan xulosam boʻyicha yozildi.
Bilamiz 3 kurs yarmi yoki 4 kursda darslar klinikada oʻtila boshlaydi, biz uni "sikl" deb ataymiz. Siklda fanlar biroz farq qiladi, bir fan boshlansa uni tugatib keyin boshqa fanga oʻtiladi. Oʻrtacha davomiyligi fanlarga qarab (2-5-8....18kun) oʻzgaradi.
Avvalo 3 yil davomidagi fundamental fanlarni yaxshi oʻzlashtirishimiz kerak.
-Anatomiya va embriologiya
-Fiziologiya, Gistologiya
-Biokimyo
-Patologiya( Patofiziologiya va Patoanatomiya)
-Mikrobiologiya
-Farmakologiya
Tibbiyotni bir imorat desak uning poydevori va ustunlari hisoblanadi(fundamental fanlar). Bu poydevor mustahkam qurilmasa imorat koʻpga bormaydi.
SIKLDAGI fanlarga keladigan boʻlsak har kuni bitta fandan 70-80 bet oʻqishga toʻgʻri keladi, sizda esa bir kun vaqt bor holos shunda sizga fundamental fanlar yordamga keladi qanday deysizmi hozir koʻrasiz...
Bitta fanni olaylik Pediatriya sikli va uni ichidagi mavzu
Glomerulonefritlar mavzu katta oʻrtacha 60-70 betdan kam emas. Uni ertangi darsgacha tugatishimiz kerak biz esa darsdan 14:00 da keldik 5-6 soat qoladi agar boshqa ehtiyojlarni olib tashlasak.
Biz mavzuni boʻlib olishimiz kerak.
•Embriologiya, Anatomiyasini
•Normal fiziologiyasini
•Etiologiya(Mikrobiologiya)
•Patogenezi(Patofiziologiya)
•Klinik kechishi
•Davolash(Farmakologiya)
Yuqoridagi boʻlinish nimagadur oʻxshab ketdimi?, ha bu 1-3 kurs oraligʻidagi fanlar edi. Demak shunda biz fundamental fanlarni yaxshi oʻqigan boʻlsak skillarda qiyinchilik uchramas ekanmiz.
Yuqoridagi boʻlinish orqali siz hali kitobni ochmasdan oldin 40-50 betini oʻqib boʻldingiz, sizda qoldi klinik kechishi, differensial diagnostika, diagnostik tekshiruv usullari va operatsiyalar - 10-20 bet.
Biz vaqtdan
2-3 soatga yutdik, shu soatlarni oʻzimiz qiziqqan sohaga sarflasak va yuqoridagi klinik bilimlarimiz bilan eng yaxshisilaridan boʻlasiz.
Birorta tor sohaga qiziqsangiz
ustozga borishdan oldin nol boʻlib bormang, sal fundament bilan boring siz ham ustoz ham qiynalmaysizlar.
Hamma kursdoshlariz bilan boʻsh oʻtirganda siz bo'limni aylanib keling, hech narsa boʻlmaydi.
•HAMMA SIKLDAGI FANLARNI OʻQISH KERAKMI OʻZI -Ha, lekin hamma fanlarni toʻliq oʻqib tugatib boʻlmaydi sizga 36 soat bersa kam, yetmaydi. Unda qanday ulgurish mumkin?, siz shu fan boʻyicha
basic klinik bilimlarni olib ketishimiz kerak kamida. Ertaga oʻzingizni tor sohangiz bilan bogʻlay olish yoki toʻgʻri mutaxassisga yoʻnaltirishni bilasiz.
Boʻsh vaqtingiz boʻlsa tibbiyotdan tashqari hayot ham bor bilsangiz😅
Bu mening bir yil mobaynida olgan xulosalarim xato va kamchiliklari bor tavsiyamda oʻzizga yoqgan versiyani tanlang.Toshtemirov Diyorbek
07.02.2025
Urganch
