Turfa | Faktlar 💡

​​😷 Gaz niqobi - protivogaz

Protivogaz – nafas olish organlarini, ko‘z, hamda yuz terisini havoda mavjud bo‘lishi mumkin bo‘lgan zaharli gazlar va toksik moddalardan himoya qiluvchi shaxsiy himoya vositasidir.

Protivogazlarning ikki turi, ya’ni, filtrlovchi hamda, izolyatsiyalovchi turlari farqlanadi.

Filtrlovchi protivogazlar odamni o‘zi turgan havo muhitidagi zaharli gazlardan himoya qiladi va bu turdagi gaz niqoblarini kiygan holda uzoq muddat ish bajarish, zaharli havo muhitida ishlashda va yurishda davom etish mumkin emas. Chunki, o‘z nomiga ko‘ra, bu turdagi protivogaz, nafas olinayotgan havo muhitidagi zaharli gazlarni filtrlab ushlab qoladi va nafas olish uchun faqat kislorod gazini o‘tkazib beradi. Bunda, kislorod ham aynan o‘sha muhitning o‘zidan olinadi. Shu sababli ham, bunday protivogazni taqqan holda uzoq turib bo‘lmaydi.

Chunki uning filtri zaharli gaz bilan to‘yinib qolib, kislorodni o‘tkazmay qolishi mumkin. Filtrlovchi protivogazdan foydalanish faqat to‘satdan gaz xavfi paydo bo‘lganda, tezkorlik bilan gaz niqobni kiyib, ushbu zaharlangan havo muhitini tark etish uchun tavsiya etiladi. Filtrlovchi protivogazning filtr qutisini himoya qobiliyati vaqt o‘tishi bilan yo‘qolishi sababli, uni davriy almashtirish (yangilash) zarur bo‘ladi. Filtrlovchi protivogazlar havo muhitida erkin kislorod miqdori 18% dan kam bo‘lmagan va zaharli gazlar miqdori 0,5% dan ko‘p bo‘lmagan holatlarda qo‘llaniladi. Chunki, aytib o‘tilganidek, bunday protivogazda kislorod bevosita odam turgan muhitdagi havoning o‘zidan olinadi filtr uni qo‘shimcha kislorod bilan boyita olmaydi. Agar havo muhitidagi erkin kislorod miqdori 18% dan kam bo‘lsa, bu odamda nafas yetishmovchiligiga olib keladi va hushdan ketish, yoki, yanada og‘ir oqibatlarga olib kelishi mumkin.

👉@Diverse_facts - Ishonish qiyinammo haqiqat bo'lgan olam..

​​⚖️ Kim qancha tosh bosadi yoxud biomassa haqida...

Odamzot o‘zini Yer sayyorasining egasi deb o‘ylaydi. Ko‘pchilikning g‘aliz tushunchasiga ko‘ra, biz - Yerdagi eng asosiy mavjudotmiz. Bir qarashda bu mutlaqo to‘g‘ri va yaqqol haqiqatdek ko‘rinadi: qayoqqa qaramang, har tarafda inson omili, uning faoliyati taʼsirini ko‘rish va kuzatish mumkin. Lekin, vaziyatga xolis baho beradigan bo‘lsak, biz Yerda unchalik ham asosiy mavjudot emasmiz...

Ayniqsa, biz Yerdagi biomassa nuqtai nazaridan qaralganda, hech vaqo emasmiz. Biomassa deganda - Yerda yashayotgan barcha-barcha tirik organizmlarning umumiy massasi nazarda tutiladi. Yer biomassasini aniq raqamlar bilan hisoblab chiqish juda mushkul. Lekin, dag‘al yaxlitlash orqali hisoblangan maʼlumotlarga ko‘ra, bakteriyalarni inobatga olmaganda, bugungi kunda Yerda 1,7 trillion tonna tirik biomassa mavjud. Ushbu biomassaning hayratlanarli darajada katta ulishi o‘simlik dunyosi hissasiga to‘g‘ri keladi. o‘simliklar, Yerdagi tirik organizmlarning 99% qismini tashkil qiladi. Qolgan barcha tirik mavjudotlar - hayvonlar, baliqlar, hashoratlar va hokazolar jumlasidan Odamzot ham qo‘shib hisoblaganda, biomassaning atiga 1% qismini tashkil etadi xolos!

O‘sha atiga 1% mavjudotlar tarkibida ham, Odamzot (IV) juda kam ulushni - atiga 350 million tonnani tashkil qiladi xolos. Shunga ko‘ra, hali beri umumiy diyetaga o‘tirishimizga biroz erta . Yirik chorva, yaʼni, mollarning (II) umumiy vazni 520 million tonna; baliqlar (VIII) esa 4200 mln tonna tosh bosadi. Kutilmagan raqam chumolilarga (I) tegishli: bu mitti jonzotlar 2700 million tonnadan ziyodroq umumiy vaznga ega ekan!

Yuqoridagi hisob-kitoblarda bakteriyalar inobatga olinmagan. Olimlarning tekshirishlariga qaraganda, bakteriyalarning (IX) umumiy biomassasi, qolgan barcha tirik organizmlarning biomassasiga yaqindir. Ular umumiy holda 1,3 trillion tonna tosh bosadi. Boshqacha aytganda, Yerdagi har bir odamga 4 tonna bakteriya to‘g‘ri keladi.

So‘z boshida har tarafda inson faoliyati taʼsirini kuzatish mumkinligiga urg‘u bergan edik. Taassufki, inson faoliyati taʼsiri natijasida biomassadagi ulkan ulushidan mosuvo bo‘lgan jonivorlar ham mavjud. o‘tmishda qachonlardir 36 million umumiy biomassa tashkil qilgan ko‘k kitlar, shafqatsiz ravishda ovlanishi sababli 72 barobarga kamayib ketdi va hozirda qirilib ketish xavfi ostida turibdi. Bugungi kunda ko‘k kitlarning umumiy biomassasi atiga 500 ming tonnani tashkil qilmoqda xolos...

👉@Diverse_facts - Ishonish qiyinammo haqiqat bo'lgan olam..