Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

Telegram Analytics

Subscribe to stay informed about TGStat news.
img
ad

TGStat Bot

Bot to get channel statistics without leaving Telegram
img
ad

Дилмурод Акбар (Дил Мурод) шеърлари канали

@DilmurodAkbar
Channel's geo and language: Uzbekistan, Uzbek
Category: Books

Dilmurod Akbarning ijodiy ishlar telegram kanali. Mualliflik huquqi himoyalangan.
Murojat uchun: @Dil_Murod1

Related channels
Channel's geo and language
Uzbekistan, Uzbek
Category
Books
Statistics
Is this your channel? Confirm Канал в реестре блогеров РКН? Confirm Channel history
Posts filter

Дилмурод Акбар (Дил Мурод) шеърлари канали

19 Jan, 17:58

Open in Telegram Share Report
Бунда бор шаҳри Қўқон,танигай жумла жаҳон,
Нодирабегим номи барча тилларда достон.
Худоёрхон музейи сўзлар кўҳна тарихдан,
Мозийнинг битиклари қувонч,ғам,бахт ва армон.

Довруғи олам кезар Марғилоннинг атласи,
Инчунин,дунё аҳлин келар доим ҳаваси.
Қува анорларининг таърифига ожиз сўз,
Донаси дур марварид ярашар қилсанг кўз-кўз.

Риштон ҳунармандлари лойга берганда жило,
Асосин гил демассан буюмлар мисли тилло...
Бизнинг Рапқон,Бешариқ машҳур меваси билан,
Кирарсан жаннат дея бу боғга деб "Бисмилло".

Шундай толе,шундай бахт,саодатга кон макон,
Ғурур билан баралла айтсам ҳур Ўзбекистон.
Номингдан ўргилай мен Ўзбекистон Ватаним,
Хар бир гўшанг чаманзор,хар бир гўшанг бир бўстон.

Келажаги порлоқ юрт,то абад қаддингни тут,
Бағрингда бор барчани ризқи,насибаси бут.
Бахтингга кўз тегмасин,доим озод,обод бўл,
Аллоҳнинг паноҳида янада зўр бахтга тўл.

Дилмурод Акбар (Дил Мурод) шеъри

Bunda bor shahri Qoʻqon,tanigay jumla jahon,
Nodirabegim nomi barcha tillarda doston.
Xudoyorxon muzeyi soʻzlar koʻhna tarixdan,
Moziyning bitiklari quvonch,gʻam,baxt va armon.

Dovrugʻi olam kezar Margʻilonning atlasi,
Inchunin,dunyo ahlin kelar doim havasi.
Quva anorlarining taʼrifiga ojiz soʻz,
Donasi dur marvarid yarashar qilsang koʻz-koʻz.

Rishton hunarmandlari loyga berganda jilo,
Asosin gil demassan buyumlar misli tillo...
Bizning Rapqon,Beshariq mashhur mevasi bilan,
Kirarsan jannat deya bu bogʻga deb "Bismillo".

Shunday tole,shunday baxt,saodatga kon makon,
Gʻurur bilan baralla aytsam hur Oʻzbekiston.
Nomingdan oʻrgilay men Oʻzbekiston Vatanim,
Xar bir goʻshang chamanzor,xar bir goʻshang bir boʻston.

Kelajagi porloq yurt,to abad qaddingni tut,
Bagʻringda bor barchani rizqi,nasibasi but.
Baxtingga koʻz tegmasin,doim ozod,obod boʻl,
Allohning panohida yanada zoʻr baxtga toʻl.

Dilmurod Akbar (Dil Murod) sheʼri


https://t.me/DilmurodAkbar
Дилмурод Акбар (Дил Мурод) шеърлари канали
Dilmurod Akbarning ijodiy ishlar telegram kanali. Mualliflik huquqi himoyalangan. Murojat uchun: @Dil_Murod1
880 1 3 9
Дилмурод Акбар (Дил Мурод) шеърлари канали

19 Jan, 10:32

Open in Telegram Share Report
Ўзгалар ҳаққини ўзлаштирасиз,
Нафсни шайтон билан дўстлаштирасиз,
Ёлғонни рост қилиб, юзлаштирасиз,
Худодан қўрқинг эй, одамлар.

Ҳалолми, харомми фарқи йўқ,
Қоринга жойлайсиз бўлар тўқ,
Виждонни ўлдирган қандай ўқ,
Худодан қўрқинг эй, одамлар.

Чўнтакка пул солиб олар йўл,
Порахўр қўйнига солиб қўл,
Шу икки тоифа жуда мўл,
Худодан қўрқинг эй, одамлар.

Ўзимиз жаннатдан қувилган,
Ер бизга омонат бир Ватан,
Дунёси қолади ҳаммадан,
Худодан қўрқинг эй, одамлар.

Оқни оқ, қорани қора деб,
Хатодан юрагим пора деб,
Кечиргин Аллоҳу таоло деб,
Худодан қўрқинг эй, одамлар.

Ружуда олтин-у, маъданга,
Хиёнат қилманг бу Ватанга,
Ажр бор юртини севганга,
Худодан қўрқинг эй, одамлар.

Дилмурод Акбар шеъри


https://t.me/DilmurodAkbar
Дилмурод Акбар (Дил Мурод) шеърлари канали
Dilmurod Akbarning ijodiy ishlar telegram kanali. Mualliflik huquqi himoyalangan. Murojat uchun: @Dil_Murod1
1.2k 2 5 11
Дилмурод Акбар (Дил Мурод) шеърлари канали

17 Jan, 08:53

Open in Telegram Share Report
Forward from: Дилмурод Акбар (Дил Мурод) шеърлари канали
Беш вақт намоз ичида, олтмиш тўртта саждада,
Бўлай деб алмийсоқда, сенга берганман ваъда.
Гоҳи дунё ишлари, рўзғорим ташвишлари,
Бўлиб қолмоқда нетай ибодатимга парда...

Ё Рабб, астағфируллоҳ, мен адашган бир гумроҳ,
Вафоси йўқ дунё деб, йиғиб терганим гуноҳ.
Бурчим, вазифам, фарзим, қанча қазойи қарзим,
Афу этмасанг э, воҳ, зиёндаман ё Аллоҳ.

Қадамларимда хато, ҳар дамларимда хато,
Мафтункор бу дунёнинг жилваси бўлмас адо.
Эрта, индин, кейин деб, нафсларимнинг ғамин еб,
Намозимни унутдим яна вақт қилдинг ато...

Энди менга бу имкон, едирмасин пушаймон,
Вақтимга барокотлар ато қилгин эй, Раҳмон.
Бажариб фарзларимни, узайин қарзларимни,
Амалимда шаъриат, қалбимда бўлсин Қуръон.

Беш вақт намоз ичида, олтмиш тўртта саждада,
Бўлай деб алмийсоқда сенга берганман ваъда.
Дунёга келибман-у, дунёга ром бўлибман,
Афу эт, икки дунё қилма Роббим шарманда...

Дилмурод Акбар шеъри

Besh vaqt namoz ichida, oltmish toʻrtta sajdada,
Boʻlay deb almiysoqda, senga berganman vaʼda.
Gohi dunyo ishlari, roʻzgʻorim tashvishlari,
Boʻlib qolmoqda netay ibodatimga parda...

YO Rabb, astagʻfirulloh, men adashgan bir gumroh,
Vafosi yoʻq dunyo deb, yigʻib terganim gunoh.
Burchim, vazifam, farzim, qancha qazoyi qarzim,
Afu etmasang e, voh, ziyondaman yo Alloh.

Qadamlarimda xato, har damlarimda xato,
Maftunkor bu dunyoning jilvasi boʻlmas ado.
Erta, indin, keyin deb, nafslarimning gʻamin yeb,
Namozimni unutdim yana vaqt qilding ato...

Endi menga bu imkon, yedirmasin pushaymon,
Vaqtimga barokotlar ato qilgin ey, Rahmon.
Bajarib farzlarimni, uzayin qarzlarimni,
Amalimda shaʼriat, qalbimda boʻlsin Qurʼon.

Besh vaqt namoz ichida, oltmish toʻrtta sajdada,
Boʻlay deb almiysoqda senga berganman vaʼda.
Dunyoga kelibman-u, dunyoga rom boʻlibman,
Afu et, ikki dunyo qilma Robbim sharmanda...

Dilmurod Akbar sheʼri
105 0 2 11
Дилмурод Акбар (Дил Мурод) шеърлари канали

17 Jan, 08:53

Open in Telegram Share Report
Forward from: Дилмурод Акбар (Дил Мурод) шеърлари канали
Бандасан таслим бўл,эмган сутинг хом,
Дунёда бир бутун саодат йўқдир...
Эй,инсон чиранма қидириб ором,
Намозингдан ўзга ҳаловат йўқдир...

Юракни ғам босса ,эртани ўйлаб,
Ўртанма беҳуда гапларни сўйлаб
Зикр ва дуога ўргатиб қўй лаб...
Намозингдан ўзга ҳаловат йўқдир...

Ўтмишга бир қара,ким бўлди устун,
Хатто подшоҳларнинг бахти йўқ бутун...
Хозир бўл,абадий охират учун,
Намозингдан ўзга ҳаловат йўқдир...

Такбир ҳаром қилгач дунё молини,
Ошиқ бўл кўрмоққа Ҳаққ жамолини,
Ибодат яшнатар дил камолини,
Намозингдан ўзга ҳаловат йўқдир...

Беҳуда хаёллар қуршовидан чиқ,
Гуноҳга тавба қил,савобингни йиғ,
Маҳшарда қисматинг бўлмасин аччиқ,
Намозингдан ўзга ҳаловат йўқдир...

Банданинг аслида бурч,вазифаси,
Намоз ўқиб яшаш билсанг акаси...
Умрнинг шу билан бор баракаси...
Намозингдан ўзга ҳаловат йўқдир

Шайтон Одам учун ғайирли бўлган,
Беш вақт намоз Ҳаққдан тайинли бўлган,
Икки дунёнг учун хайрли бўлган,
Намозингдан ўзга ҳаловат йўқдир...

Дилмурод Акбар шеъри

2023 йил 12 июль

Bandasan taslim boʻl,emgan suting xom,
Dunyoda bir butun saodat yoʻqdir...
Ey,inson chiranma qidirib orom,
Namozingdan oʻzga halovat yoʻqdir...

Yurakni gʻam bossa ,ertani oʻylab,
Oʻrtanma behuda gaplarni soʻylab
Zikr va duoga oʻrgatib qoʻy lab...
Namozingdan oʻzga halovat yoʻqdir...

Oʻtmishga bir qara,kim boʻldi ustun,
Xatto podshohlarning baxti yoʻq butun...
Xozir boʻl,abadiy oxirat uchun,
Namozingdan oʻzga halovat yoʻqdir...

Takbir harom qilgach dunyo molini,
Oshiq boʻl koʻrmoqqa Haqq jamolini,
Ibodat yashnatar dil kamolini,
Namozingdan oʻzga halovat yoʻqdir...

Behuda xayollar qurshovidan chiq,
Gunohga tavba qil,savobingni yigʻ,
Mahsharda qismating boʻlmasin achchiq,
Namozingdan oʻzga halovat yoʻqdir...

Bandaning aslida burch,vazifasi,
Namoz oʻqib yashash bilsang akasi...
Umrning shu bilan bor barakasi...
Namozingdan oʻzga halovat yoʻqdir

Shayton Odam uchun gʻayirli boʻlgan,
Besh vaqt namoz Haqqdan tayinli boʻlgan,
Ikki dunyong uchun xayrli boʻlgan,
Namozingdan oʻzga halovat yoʻqdir...

Dilmurod Akbar sheʼri

2023 yil 12 iyul
98 0 3 6
Дилмурод Акбар (Дил Мурод) шеърлари канали

14 Jan, 12:05

Open in Telegram Share Report
Yurtimizdagi barcha sohadagi Vatan posbonlari uchun

Erkin nafas olib yashaymiz,
Osuda, tinch bu yurt osmoni.
Parvozidan mag'rur qushdaymiz,
Siz bor uchun Vatan posboni.

Samoga bo‘y cho‘zar bor nihol,
Yaproqlari qanot barkamol,
Kurtaklari kelgusi jamol,
Siz bor uchun Vatan posboni.

O‘g‘illari, qizlari quvnoq,
Barcha millat do‘st bari inoq,
Bu o‘lkadan g‘animlar yiroq,
Siz bor uchun Vatan posboni.

Ajdodlarning pok ruhlari shod ,
Bu yurtning bor anduhlari ort...
Kundan kunga hur diyor obod,
Siz bor uchun Vatan posboni...

Dilmurod Akbar she‘ri

Юртимиздаги барча соҳадаги Ватан посбонлари учун

Эркин нафас олиб яшаймиз,
Осуда, тинч бу юрт осмони.
Парвозидан мағрур қушдаймиз,
Сиз бор учун Ватан посбони.

Самога бўй чўзар бор ниҳол,
Япроқлари қанот баркамол,
Куртаклари келгуси жамол,
Сиз бор учун Ватан посбони.

Ўғиллари, қизлари қувноқ,
Барча миллат дўст, аҳил, иноқ,
Бу ўлкадан ғанимлар йироқ,
Сиз бор учун Ватан посбони.

Аждодларнинг пок руҳлари шод,
Бу юртнинг бор андуҳлари орт...
Кундан кунга ҳур диёр обод,
Сиз бор учун Ватан посбони.

Дилмурод Акбар шеъри

https://t.me/DilmurodAkbar
1.2k 1 5 12
Дилмурод Акбар (Дил Мурод) шеърлари канали

9 Jan, 22:36

Open in Telegram Share Report
Иймон асос бўлган гўзал ҳаёт бор,
Ҳар икки дунёнинг кўрки,залвори...
Ғаними шайтонда эса лаънат бор,
Одамларнинг қалби унинг шикори...

Ким қандай яшайди,ихтиёрида,
Хоҳласин Исломда,хоҳласин зидда...
Ўлжага айланса ёв шикорида,
Сўнги жаҳаннамга йўлдир тобутда...

Дил Мурод шеъри

Iymon asos boʻlgan goʻzal hayot bor,
Har ikki dunyoning koʻrki,zalvori...
Gʻanimi shaytonda esa laʼnat bor,
Odamlarning qalbi uning shikori...

Kim qanday yashaydi,ixtiyorida,
Xohlasin Islomda,xohlasin zidda...
Oʻljaga aylansa yov shikorida,
Soʻngi jahannamga yoʻldir tobutda...

Dil Murod she'ri


https://t.me/DilmurodAkbar
193 1 2 12
Дилмурод Акбар (Дил Мурод) шеърлари канали

9 Jan, 19:14

Open in Telegram Share Report
Худо ўзи қўлласа,
Ҳеч ким сендан ғолибмас.
Ҳар ишингни ўнгласа,
Олтин бўлар тутсанг хас...
            
       Дил Мурод шеъри

Xudo oʻzi qoʻllasa,
Hech kim sendan gʻolibmas.
Har ishingni oʻnglasa,
Oltin boʻlar tutsang xas...

       Dil Murod she'ri

https://t.me/DilmurodAkbar
Дилмурод Акбар (Дил Мурод) шеърлари канали
Dilmurod Akbarning ijodiy ishlar telegram kanali. Mualliflik huquqi himoyalangan. Murojat uchun: @Dil_Murod1
1.2k 1 3 8
Дилмурод Акбар (Дил Мурод) шеърлари канали

7 Jan, 18:26

Open in Telegram Share Report
Forward from: Дилмурод Акбар (Дил Мурод) шеърлари канали
O'zbekiston Respublikasi Chegara qo'shinlarining norasmiy madhiyasi

✅ CHEGARA QO'SHINLARI ✅

Vatan ostonasida,
Kunduzlari, tunlari...
Yurt bo'lsin deb osuda
Chegara qo'shinlari
Sheryurak-lochinlari.

Baquvvat bilaklari,
Ezgulik tilaklari,
Vatanning keraklari,
Chegara qo'shinlari,
Sheryurak-lochinlari.

Chegaramiz qo'shinlari,
Sheryurak-lochinlari.
Vatanni keraklari
Chegara qo'shinlari.

Yerda, suvda, samoda,
O'z axdida vafoda,
Xizmatlari ifoda,
Chegara qo'shinlari.
Sheryurak -lochinlari.

Sarhadlardagi posbon,
Yengilmagan pahlavon,
Vatanim degan inson,
Chegara qo'shinlari,
Sheryurak -lochinlari.

Bobosi Amir Temur,
Manguberdi, Shoh Bobur,
Alpomishdek mard, jasur,
Chegara qo'shinlari,
Sheryurak-lochinlari.

Dovrug' yozib jahonga,
Erishgan sharaf,shonga,
Faxr O'zbekistonga,
Chegara qo'shinlari,
Sheryurak-lochinlari.

Dilmurod Akbar she'ri
Ulug'bek Xamroyev musiqasi
Gulshan va Ulug'bek ijrosi

Kanalga ulanish:👇
https://t.me/joinchat/AAAAAENs9jVLhqZ3SuMkdg
220 0 3 10
Дилмурод Акбар (Дил Мурод) шеърлари канали

7 Jan, 18:26

Open in Telegram Share Report
O'zbekiston Respublikasi Chegara qo'shinlarining norasmiy madhiyasi

© Dilmurod Akbar she'ri
Ulug'bek Xamroyev musiqasi
Gulshan va Ulug'bek ijrosi

Kanalga ulanish:👇
➢ http://Telegram.me/islohotuz
181 1 2 8
Дилмурод Акбар (Дил Мурод) шеърлари канали

7 Jan, 18:26

Open in Telegram Share Report
Forward from: Дилмурод Акбар (Дил Мурод) шеърлари канали
Қанча кўп топсанг ҳам мол билан мулкни,
Йўқотмасдан яша одоб-у, ҳулқни.
Ўйла, мозийга боқ, ер емай қўймас,
Яшаш учун келган бирор маҳлуқни...

Дил Мурод
167 0 2 12
Дилмурод Акбар (Дил Мурод) шеърлари канали

4 Jan, 15:23

Open in Telegram Share Report
Forward from: Muzaffar Mamadaliyev
ҲИКМАТ

Муаллиф: Дилмурод Акбар.

Ижрода: Музаффар Ҳафизович.


t.me/Muzaffar_Xafizovich1975

t.me/Muzaffar_Xafizovich
230 0 0 7
Дилмурод Акбар (Дил Мурод) шеърлари канали

4 Jan, 08:51

Open in Telegram Share Report
Манзил тупроққача,
Ҳаракат бор чоҳгача.
Вақтинг етса,баҳтинг шу,
Ош тўла товоққача...

Тақдирдан қилма зарда,
У сенга берса зарба,
Дунё қуруқ арава,
Бошидан оёққача...

Ўйласанг кўп муаммо,
Бари ҳал бўлмас аммо,
Ғам чекмасдан аввало,
Бор уни ечмоққача...

Қўтонга қилса ҳужум,
Қашқирлар судраб дум,
Қочади тумтарақум,
Қўй,қўзи,улоққача...

Хафа бўлма дунёдан,
Қолади у ҳаммадан,
Асли ер ости Ватан,
Гадосидан шоҳгача...

Дилмурод Акбар (Дил Мурод) шеъри

Manzil tuproqqacha,
Harakat bor chohgacha.
Vaqting yetsa,bahting shu,
Osh toʻla tovoqqacha...

Taqdirdan qilma zarda,
U senga bersa zarba,
Dunyo quruq arava,
Boshidan oyoqqacha...

Oʻylasang koʻp muammo,
Bari hal boʻlmas ammo,
Gʻam chekmasdan avvalo,
Bor uni yechmoqqacha...

Qoʻtonga qilsa hujum,
Qashqirlar sudrab dum,
Qochadi tumtaraqum,
Qoʻy,qoʻzi,uloqqacha...

Xafa boʻlma dunyodan,
Qoladi u hammadan,
Asli yer osti Vatan,
Gadosidan shohgacha...

Dilmurod Akbar (Dil Murod) sheʼri

https://t.me/DilmurodAkbar
1.1k 1 5 13
Дилмурод Акбар (Дил Мурод) шеърлари канали

30 Dec 2024, 22:39

Open in Telegram Share Report
Онглар заҳарланди, бузилди диллар,
Аслиятга қарши тарғибот билан...
Ва тўлди оламга нафсига қуллар,
Нимаям фарқи бор ҳайвонот билан...

Аёл бўлар сунъий қанча йигитлар,
Жинсин ўзгартирар қанча аёллар...
Одамга жуфт ҳатто мушуклар, итлар,
Қиларини қилиб бўлди шоқоллар...

Осмон зулмат билан қопланган онлар,
Порлаб ёйилмаган нурлари ҳам бор...
Аслини унутиб қўйган инсонлар,
Инсон бўлиб қолар дейишиб такрор...

Ерга талашади ер озуқаси,
Ҳасаддан кашф қилган ихтиро билан...
Одамнинг бу кунги бола чақаси,
Ўйнашар қўрмасдан ядро билан...

Кўз нафсга айланган, ошқозон-мия,
Икки оёғи бор ақлли ҳайвон.
Энди бу жонзотни қайси химия,
Қайтадан кашф этиб, қиларкан инсон...

Дилмурод Акбар (Дил Мурод) шеъри

Onglar zaharlandi, buzildi dillar,
Asliyatga qarshi targʻibot bilan...
Va toʻldi olamga nafsiga qullar,
Nimayam farqi bor hayvonot bilan...

Ayol boʻlar sunʼiy qancha yigitlar,
Jinsin oʻzgartirar qancha ayollar...
Odamga juft hatto mushuklar, itlar,
Qilarini qilib boʻldi shoqollar...

Osmon zulmat bilan qoplangan onlar,
Porlab yoyilmagan nurlari ham bor...
Aslini unutib qoʻygan insonlar,
Inson boʻlib qolar deyishib takror...

Yerga talashadi yer ozuqasi,
Hasaddan kashf qilgan ixtiro bilan...
Odamning bu kungi bola chaqasi,
Oʻynashar qoʻrmasdan yadro bilan...

Koʻz nafsga aylangan, oshqozon-miya,
Ikki oyogʻi bor aqlli hayvon.
Endi bu jonzotni qaysi ximiya,
Qaytadan kashf etib, qilarkan inson...

Dilmurod Akbar (Dil Murod) sheʼri


https://t.me/DilmurodAkbar
799 1 5 8
Дилмурод Акбар (Дил Мурод) шеърлари канали

28 Dec 2024, 22:30

Open in Telegram Share Report
Forward from: Muzaffar Mamadaliyev
ҲИКМАТ

Муаллиф: Дилмурод Акбар.

Ижрода: Музаффар Ҳафизович.


t.me/Muzaffar_Xafizovich1975

t.me/Muzaffar_Xafizovich
220 0 0 7
Дилмурод Акбар (Дил Мурод) шеърлари канали

25 Dec 2024, 08:48

Open in Telegram Share Report
Оила

Дунёда энг буюк бахт,
Энг бебаҳо тож-у, тахт,
Азалдан ва ҳамма вақт,
Оила

Қувонч-у ғамда ширин,
Кўзида нам яширин,
Дарслари бор бир қийин
Оила

Ватаннинг дебочаси,
Кўркамнинг зебочаси,
Юрагимнинг барчаси,
Оила

Меҳрнинг чин макони,
Қалбларнинг хонадони,
Келажаги бўстони,
Оила

Дилнинг ота онаси,
Ака-ука,опаси,
Севар ёри,боласи,
Оила

Табассумга кон дунё,
Орзумга макон дунё,
Кичкина жаҳон дунё,
Оила

Ўсса ўссин бўй чўзиб,
Ғамлар ўтмасин бузиб,
Инсон учун муносиб,
Оила

Яшашни чин маъноси,
Руҳнинг об-у, ҳавоси,
Бахтнинг танҳо самоси,
Оила

Соғинч ёздирган шеърим,
Узоқда она ерим,
Ягона бахтим дерим,
Оила!

Дилмурод Акбар (Дил Мурод) шеъри

Oila

Dunyoda eng buyuk baxt,
Eng bebaho toj-u, taxt,
Azaldan va hamma vaqt,
Oila

Quvonch-u gʻamda shirin,
Koʻzida nam yashirin,
Darslari bor bir qiyin
Oila

Vatanning debochasi,
Koʻrkamning zebochasi,
Yuragimning barchasi,
Oila

Mehrning chin makoni,
Qalblarning xonadoni,
Kelajagi boʻstoni,
Oila

Dilning ota onasi,
Aka-uka,opasi,
Sevar yori,bolasi,
Oila

Tabassumga kon dunyo,
Orzumga makon dunyo,
Kichkina jahon dunyo,
Oila

Oʻssa oʻssin boʻy choʻzib,
Gʻamlar oʻtmasin buzib,
Inson uchun munosib,
Oila

Yashashni chin maʼnosi,
Ruhning ob-u, havosi,
Baxtning tanho samosi,
Oila

Sogʻinch yozdirgan sheʼrim,
Uzoqda ona yerim,
Yagona baxtim derim,
Oila!

Dilmurod Akbar (Dil Murod) sheʼri
779 1 4 9
Дилмурод Акбар (Дил Мурод) шеърлари канали

24 Dec 2024, 15:11

Open in Telegram Share Report
Forward from: Muzaffar Mamadaliyev
ЎЛИМ ВАҚТИДА...

Муаллиф: Дилмурод Акбар.

Ижрода: Музаффар Ҳафизович.


t.me/Muzaffar_Xafizovich1975

t.me/Muzaffar_Xafizovich
240 0 1 6
Дилмурод Акбар (Дил Мурод) шеърлари канали

22 Dec 2024, 23:00

Open in Telegram Share Report
Томиринг тортишиб қақшайди бадан,
Оловда ёнганга ўхшайди бадан,
Кечирим сўрагинг келар ҳаммадан,
Ортингга боққанда ўлим вақтида...

Товонингдан сизиб чиқар экан жон,
Қоринга келганда оғрийди ёмон,
Оғизга келганда қанча пушаймон,
Ортингга боққанда ўлим вақтида...

Нимага келдим-у, нималар қилдим,
Мақсад қолиб, қайси йўлга интилдим,
Дейсан адашибман оҳ бугун билдим...
Ортингга боққанда ўлим вақтида...

Сўзим аччиқ, нафсга ёқмайди бироқ,
Ким қалбга ёқар ким ёқмайди чироқ,
Ўлмасингдан бурун ортингга бир боқ,
Ортингга боққунча ўлим вақтида...

Алқисса йўқдан бор қилган Қудрат,
Ўзини танишга берди қисқа вақт,
Дилмурод умрингдан чекма надомат,
Ортингга боққанда ўлим вақтида...

Дилмурод Акбар (Дил Мурод) шеъри

Tomiring tortishib qaqshaydi badan,
Olovda yonganga oʻxshaydi badan,
Kechirim soʻraging kelar hammadan,
Ortingga boqqanda oʻlim vaqtida...

Tovoningdan sizib chiqar ekan jon,
Qoringa kelganda ogʻriydi yomon,
Ogʻizga kelganda qancha pushaymon,
Ortingga boqqanda oʻlim vaqtida...

Nimaga keldim-u, nimalar qildim,
Maqsad qolib, qaysi yoʻlga intildim,
Deysan adashibman oh bugun bildim...
Ortingga boqqanda oʻlim vaqtida...

Soʻzim achchiq, nafsga yoqmaydi biroq,
Kim qalbga yoqar kim yoqmaydi chiroq,
Oʻlmasingdan burun ortingga bir boq,
Ortingga boqquncha oʻlim vaqtida...

Alqissa yoʻqdan bor qilgan Qudrat,
Oʻzini tanishga berdi qisqa vaqt,
Dilmurod umringdan chekma nadomat,
Ortingga boqqanda oʻlim vaqtida...

Dilmurod Akbar (Dil Murod) sheʼri
433 1 5 9
Дилмурод Акбар (Дил Мурод) шеърлари канали

18 Dec 2024, 18:32

Open in Telegram Share Report
Forward from: Muzaffar Mamadaliyev
ОТАМ-ОНАМ

Муаллиф: Дилмурод Акбар.

Ижрода: Музаффар Ҳафизович.


t.me/Muzaffar_Xafizovich1975

t.me/Muzaffar_Xafizovich
219 0 2 10
Дилмурод Акбар (Дил Мурод) шеърлари канали

18 Dec 2024, 08:32

Open in Telegram Share Report
Меҳнаткаш мухожир,мусофир одам,
Ушалсин энг эзгу қалб армонлари...
Бир сўз билан айтсам улар чинакам,
Бугунги замоннинг қахрамонлари...

Юрагида умид,хадик ва қувонч,
Уни тутиб турар мустаҳкам ишонч,
Ойликдан ортириб тўплагани ганж...
Бугунги замоннинг қахрамонлари...

Шарафли инсонсиз,яхши инсонсиз,
Рўзғорни ўйлаган қадрли жонсиз,
Тангрим паноҳида бўлинг омон Сиз,
Бугунги замоннинг қахрамонлари...

Ватанни ҳаммадан кўпроқ севган,
Уйим,болам-чақам,оилам деган,
Келажак авлоднинг ғамини еган,
Бугунги замоннинг қахрамонлари...

Сиз шаъни тозасиз, меҳнати ҳалол,
Матонатингизга тўртта фасл лол,
Доим омон бўлинг ва топинг камол,
Бугунги замоннинг қахрамонлари...

Осонмас ўрнингиз ўзингизга хос,
Соғинч,қийинчилик - манзили эъзоз...
Ҳақнинг синовида юрибсиз бироз,
Бугунги замоннинг қахрамонлари...

Ҳаммаси ўтади келар яхши кун,
Ва ўз уйингизда бўласиз мамнун,
Дуойи хайрим бор мусофир учун,
Соғ бўлсин Илоҳим тани жонлари...
Бугунги замоннинг қахрамонлари...

Дилмурод Акбар шеъри

Mehnatkash muxojir,musofir odam,
Ushalsin eng ezgu qalb armonlari...
Bir soʻz bilan aytsam ular chinakam,
Bugungi zamonning qaxramonlari...

Yuragida umid,xadik va quvonch,
Uni tutib turar mustahkam ishonch,
Oylikdan ortirib toʻplagani ganj...
Bugungi zamonning qaxramonlari...

Sharafli insonsiz,yaxshi insonsiz,
Roʻzgʻorni oʻylagan qadrli jonsiz,
Tangrim panohida boʻling omon Siz,
Bugungi zamonning qaxramonlari...

Vatanni hammadan koʻproq sevgan,
Uyim,bolam-chaqam,oilam degan,
Kelajak avlodning gʻamini yegan,
Bugungi zamonning qaxramonlari...

Siz shaʼni tozasiz, mehnati halol,
Matonatingizga toʻrtta fasl lol,
Doim omon boʻling va toping kamol,
Bugungi zamonning qaxramonlari...

Osonmas oʻrningiz oʻzingizga xos,
Sogʻinch,qiyinchilik - manzili eʼzoz...
Haqning sinovida yuribsiz biroz,
Bugungi zamonning qaxramonlari...

Hammasi oʻtadi kelar yaxshi kun,
Va oʻz uyingizda boʻlasiz mamnun,
Duoyi xayrim bor musofir uchun,
Sogʻ boʻlsin Ilohim tani jonlari...
Bugungi zamonning qaxramonlari...

Dilmurod Akbar sheʼri

https://t.me/DilmurodAkbar
834 1 3 9
Дилмурод Акбар (Дил Мурод) шеърлари канали

18 Dec 2024, 08:18

Open in Telegram Share Report
Отам-онам

Отам-онам бошимдаги тожим менинг,
Улар омон осмонларда бошим  
менинг.
Ғамлар йироқ пешонамдан,давримда соз,
Отам,онам даврасида ошим менинг...

Отам,онам сабаб мингдир бир қувончим,
Паноҳида ер тишлайди алам,ранжим,
Меҳри дарё,меҳри осмон,ой,қуёшим,
Дилимдаги дунёлардан улуғ ганжим.

Эркаланар фарзандларим бобожон деб,
Эртак айтиб беринг азиз моможон деб.
Юрагим жўш уриб кетар ота-онам,
Боламни ҳам суйиб турса болажон деб.

Бахтимизга соғ саломат яшасин шод,
Хизматида ҳаётимиз бўлсин обод.
Дуолари хайрли зот отам онам,
Роҳатимни кўриб яшанг то умрбод...

Дилмурод Акбар (Дил Мурод) шеъри
https://t.me/DilmurodAkbar
699 1 6 6
20 last posts shown.