DENOV YANGILIKLARI

Узунлик миришкорлар пахта режасини республикада биринчи бўлиб бажарди

Мамлакатимизда биринчи бўлиб, Узун тумани миришкорлари жорий йилги пахта топшириш шартномавий режасини бажаришди. Тумандаги 135 та фермер хўжалиги томонидан 2 475 гектар майдонда ғўзанинг «Султон», «Наманган-77» ва «Равнақ» навларидан мўл ҳосил етиштирилиб, 9 105 тоннадан ортиқ пахта хирмони бунёд этилди. Бу белгиланган режанинг 100,1 фоизини ташкил қилади.

Ҳозирга қадар териб олинган ғўза майдонларида ўртача ҳосилдорлик 38-39 центнерни ташкил этмоқда. Туманнинг илғор фермер хўжаликлари, “Жўрабек Сафаров барака«, »Зилола Камола омад« ва »Қурбонова Хожарой" каби фермер хўжаликлари томонидан ўртача 42-46 центнер ҳосил етиштирилди.

Йиғим-терим ишлари давом этмоқда.

📨 @Denov_Yangiliklari_666

Шўрчи туманига янги ҳоким тайинланди

Бугун Шўрчи туманида ҳам Халқ депутатлари туман Кенгашининг навбатдан ташқари сессияси ўтказилди. Унда Сурхондарё вилояти ҳокими Улуғбек Қосимов иштирок этиб, Шўрчи туманини ижтимоий-иқтисодий ривожлантириш борасида олиб борилаётган ишлар, эришилган натижалар ҳамда йўл қўйилган камчиликларга тўхталди.

Вилоят раҳбари шу вақтга қадар туман ҳокими вазифасида ишлаб келган Улуғбек Зокиров бошқа ишга ўтиши муносабати билан лавозимидан озод этилганлигини билдириб, Ишмурзоев Акбарали Абдужабборович номзодини Шўрчи тумани ҳокими этиб тайинлаш таклифини билдирди. Номзод депутатлар томонидан бир овоздан маъқулланди.

Акбарали Ишмурзоев 1982 йилда Денов туманида туғилган. 2003- ва 2009 йилда Термиз давлат универстетини тамомлаган. Маълумоти бўйича мутахассислиги – транспорт воситаларидан фойдаланиш, молия.

Фаолияти давомида ижро ҳокимияти органларида турли лавозимларда, хусусан, Узун ва Ангор тумани ҳокимининг ўринбосари вазифасида меҳнат қилган. Тайинловга қадар А.Ишмурзоев 2023 йилдан буён Денов тумани ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари вазифасида фаолият юритиб келаётган эди.

Вилоят раҳбари янги ҳокимга туманни ижтимоий-иқтисодий ривожлантириш борасида амалга оширилиши лозим бўлган вазифаларни белгилаб берди ҳамда фаолиятида муваффақиятлар тилади. Фаоллар ҳамда мутасаддилардан янги ҳоким атрофида бирлашиб, туман ривожи учун самарали меҳнат қилишни сўради.

📨 @Denov_Yangiliklari_666

Музработ туманига фермер ҳоким этиб тайинланди

Шу вақтга қадар туман ҳокими вазифасида ишлаб келган Абдурашид Исмаилов бошқа ишга ўтиши муносабати билан лавозимидан озод этилди.

Қурбонов Алишер Қурбонович номзодини Музработ тумани ҳокими этиб тайинланди.

Алишер Қурбонов 1973 йилда Музработ туманида туғилган. 1995 йилда Тошкент қишлоқ хўжалиги институтини, 2005 йилда Тошкент давлат юридик институтини тамомлаган. Маълумоти бўйича мутахассислиги – иқтисодчи-ташкилотчи, юриспруденция.

Фаолияти давомида Ички ишлар органларида турли лавозимларда ҳамда хусусий секторда меҳнат қилган.

Тайинловга қадар А.Қурбонов «Амирқулбобо КАА» фермер хўжалиги раҳбари бўлиб фаолият юритиб келаётган эди.

📨 @Denov_Yangiliklari_666

Фарзандингизни узоқни кўра олмаслик касаллигидан асранг

▫️Ҳар куни болага кўз ўткирлиги учун машқ қилишни одат қилдиринг.
▫️Бунинг учун ўнг ва чап кўз ёрдамида навбатма-навбат китоб ўқиш лозим.
▫️Бола кунига 15 дақиқадан ортиқ телевизор кўрмаслиги, мониторга тикилиб ўтирмаслиги керак.
▫️Китобни жажжи ўқувчининг қаршисига тик ҳолатда қўйинг.
▫️ Бола ҳарфларни бемалол кўра оладиган 35 см. узоқликда ўтирсин.
▫️Танаффус пайтида ва уйқу олдидан кўзларини юмиб, кўз соққасини айлантириши зарур.
▫️Таомномасида ёнғоқлар,
ўсимлик ёғлари, аскорбин кислотали, витамин ва антиоксидантларга бой маҳсулотлар, мевалар бўлиши лозим.

📨 @Denov_Yangiliklari_666

Денов туманига 1.5 трлн сўм ажратилди

Президент мана шу 15 та туман(шаҳар)га 2024-2025 йиллар учун 1,5 трлн сўм ажратишга қарорқилди. Жадвалда Денов тумани ҳам бор.

📨 @Denov_Yangiliklari_666

Президент қарорига кўра, Нодира Нодиржоновага «Chazor» нархидан кўпроқ пул берилиши керак эди

2022 йилги президент қарорида бутунжаҳон шахмат олимпиадаси ўйинларида медал қўлга киритган спортчилар тақдирланиши белгилаб қўйилган. У ерда жамоавий деган гап йўқ.

Агар қарорга амал қилинса, Нодира Нодиржоновага камида 340 млн сўм пул мукофоти берилиши керак эди. BYD «Chazor» автомобилининг энг қиммат комплектацияси эса 315,2 млн сўмни ташкил қилади.

📨 @Denov_Yangiliklari_666

«Шахматчи қизларга автомашина берилмаганидан, албатта, хафаман. Ёзги Олимпиада иштирокчиларини яхши тақдирлашди, паралимпиячиларни ҳам яхши тақдирлашди. Кумуш медални олишим осон бўлмади, бор кучим ва энергиямни бериб, ҳаракат қилдим»

Нодира Нодиржонова, Бутунжаҳон шахмат олимпиадаси кумуш медали соҳиби. Фақат эркак шахматчиларга машина берилгани ҳақида.

📨 @Denov_Yangiliklari_666

⚡️Алимент тўловлари ошади

Мажбурий ижро бюроси маълум қилишича, алимент ундируви 2024 йил 1-сентябрдан бошлаб, қарздорнинг нафақасига қаратилган ижро ҳужжатлари бўйича тўланадиган алимент миқдори 15 фоизга, 1 октябрдан бошлаб, қарздор педагог ходимларнинг иш ҳақига қаратилган ижро ҳужжатлари бўйича тўланадиган алимент миқдори 15 фоизга, хусусий сектор ва буджет ташкилотларида фаолият юритувчи қарздорларнинг иш ҳақига қаратилган ижро ҳужжатлари бўйича тўланадиган алимент миқдори эса 10 фоизга ошади.

Бундан ташқари, 2024 йил 1 октябрдан ишсиз алимент тўловчилар томонидан тўланадиган алимент миқдори ҳам ўртача 10 фоизга ошади.

❗️Маълумот учун: агар алимент тўловчи шахс ишламайдиган бўлса ёки унинг иш ҳақи ва даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда Ўзбекистондаги ўртача ойлик иш ҳақи миқдори бўйича ҳисоблаб чиқилади.

📨 @Denov_Yangiliklari_666

‼️‼️‼️

Маҳалладаги хотин-қизлар фаоллари штати қисқартирилади.

Қарорга асосан 3 686 нафар хотин-қизлар фаоллари қисқартирилиши белгиланди.

❗️Хотин-қизлар фаоли, ҳоким ёрдамчиси, ёшлар етакчиси, ижтимоий ходим, маҳалла солиқчиси лавозимлари ҳаммаси вақтинчалик. Барчасини қисқартириб юборса, бюджет анча енгил тортарди.

📨 @Denov_Yangiliklari_666