Muhimi Ixtiyor beribdilar-a?

O'zbek segmentidagi bookblogerlarni onda - sonda fikrlarini o'qib turaman, ko'p holatda achinaman.

Bular orasida bir qadar ko'p kuzatadiganim va tahlili, saviyalisi Muhiddin Nido va Salimov deb bilaman, bu subyektiv.

Jahon adabiyotidan ta'sirlanganlarni aksariyatida parishonlik bor, zohiran dadil, aslida esa piyoda. Bir mavzu borasida yetarlicha bilimim bo'lmasa jim turaman, harna qolganlarga foyda deyman-da. Johillar jim turganida hayot go'zallashib boradi deganlaridek...

Bular bildiradigan fikrlarni bir oyog'i O'zimizda, ikkinchisi qayda?

Bu safar ancha bo'rttirish bilan "g'alati" post yozibdilar...

Sal oldin O'lmas Temur(turk adabiyoti) , endi bu kishim)

Bookblogerlar "dohiysi" fikricha "badiiyati yuksak adabiyot o'qigan a'lo ekan". Xayrulla Hamidov biror marta shoirlik da'vo qilmadi, ammo xalqchil ifodalar va dardlarni ochgani uchun ko'p tinglanadi. Usmon Azimni juda hurmat qilaman, ammo uni tushunish uchun avval "Xayrulla Hamidovlar" dovonidan o'tish kerak. Filning bir luqmasi chumolini halok qiladi, bugungi kitobxonda avval kitobga qiziqishdek ulkan vazifa bor va kuchli filter shakllantirib, keyin ixtiyoriy adabiyotdan o'ziga keragini olaveradi. Meni ham kulgili gaplarga ko'zim tushadi : "Dostevskiy o'qimaganni kitobxon bilmayman", "Remarkni o'qimagan kitobxonmi?" - deya o'z mezonlariga solishmoqchi bo'lishadi...

Jahon adabiyotidan "Iloh" yasash va turk adabiyotidan "xo'rlangan it" yasashni bas qilib fikrni qaysi qatlam uchun bildirayotganizni bildirsangiz yaxshi bo'lardi.

Xo'p qaysi adabiyot o'qiylik deb so'rasangiz patnisda "tresh bo'lmagan klassikani" tortiq qilishadi.Subnimal ko'rinishida zabarjad mediani aytib postlarida va..tadbirlar orqali Mirzohid Muzaffar (Bobil kutubxonasi)ni olib kirishdi, kuchli tarjimon deb...Gap so'z yo'q mayli kuchli bo'lsin, ammo uni ozuqasi qayerdan? Chet tovarlarni tiqib mana oxirgi postida 18+ ni odatiy holat sifatida qabul qildiryaptilar...Adabiyot maqsadi adab emasmidi? Bu kishim tarbiyachi emasman deyaptilar...

Xullas, telefon ham boshqa quvvatlagich ("zaryadchik") orqali yo buzilib, yo yaxshi quvvat olmaganidek biz ham o'zimizdan(ildizimizdan) kelib chiqmasak  yoshlarni kuydirib qo'yamiz...

Bu uchun sotsiologik so'rovnomalar qilinsa, kayfiyati bilinsa keyin bundan kelib chiqib yo'nalsami...

Har tugul men doim ko'rmuridlikka qarshiman. Ibn Xaldun aytganidek "insonni himoya qilgan qul, fikrni himoya qilgan hur bo'ladi". Aytmoqchimanki, men shaxsni emas fikrni tahlil qilaman.

Filter shakllanmay, ma'lum bir darajaga chiqmay turib klassikani o'qishga shaxsan qarshiman!

Umumiy xulosam: Turk adabiyotini tarjima qilinayotganlarini ko'pini oqlamayman, ammo bu turk yozuvchilari yozishni bilmaydi, ular havaskor va no'noq yozuvchilar degani emas! "Men" kitobi borasida fikrim esa ruhiy tarbiya yo'nalishida va ma'rifiy qiyin kitoblar o'qib tahlil qilgan kishi sifatida Fotih Dumanni o'sha kitobi umumiy kartina uchun yaxshi yozilgan.

Professor olim Ibrohim Haqqul adabiyotda Navoiy, Ogahiy, So'fi Olloyorning ijodi haqida gapirarkan (o'zim yaxshigina o'qiganman) ular aynan insonlarni xotirasida yaxshi qolishi uchun ham baytlarga solishgani va bosh maqsad ma'rifat tashishligini aytgan. Navoiy haqida esa adabiyotning poytaxti deya ta'riflaydi. Bizga mafkuraviy adabiyot uchun chinakam filter bu -  Navoiy ijodi. Tahlillarini o'qib, yaxshilab tanishib chiqing, keyin ko'rasiz.

Navoiy murakkablik qilishi bor gap, ammo o'sha ijodni tushunishga qaratilgan adabiyotlarni bosqichma- bosqich tarjimonlar tarjima qilsin, adabiyotchilar ijod qilsin, media olib chiqsin.Ammo...


Xullas, Tolstoy aytganidek : "Hozirgi holatingizdan kelib chiqib kitob o'qing"

Kitobni Salimov yo boshqasi aytgani uchun emas, hozirda sizga qay darajada muhimligi va o'z darajangizdan kelib chiqib o'qing.

Media asosan marketingga asoslangan.

Ichimda takror bayt esa:

Kun kelib bizda ham bir bahor boʻlsa...

Qoʻlingdan kelarlik biror kor boʻlsa,
Mardlari birlashar bir shior boʻlsa...

Maqsad: Kitobga qiziquvchilarni ajratish emas birlashtirish bo'lsin deyman-da..

ChoriyevAmirbek