ЧИНОЗ ЁШЛАРИ | РАСМИЙ КАНАЛ

Toshkent viloyati Ichki ishlar Bosh boshqarmasi tarkibiy va hududiy bo‘linmalarida bo‘sh bo‘lgan safdorlar tarkibi lavozimlari uchun
tanlov e’lon qilinadi.

Tanlov tadbirlari O‘zbekiston Respublikasi Prezidentining 2017-yil 29-noyabr kunidagi PQ-3413 son Qarori hamda Ichki ishlar vazirligining 2023-yil 02-noyabr kunidagi 601-sonli buyrug‘i talablari asosida tashkil etiladi.
Xizmatga tanlov asosida, sog‘lig‘ining holati va jismoniy tayyorgarligi bo‘yicha xodimning xizmat majburiyatlarini bajarishga qodir bo‘lgan shaxsiy, ishbilarmonlik va kasbiy fazilatlariga ega nomzodlar qabul qilinadi.

Tanlovda ishtirok etish istagini bildirgan nomzodlarga talablar:

- O‘zbekiston Respublikasi fuqarosi bo‘lgan erkaklar;
- Doimiy yashash joyi bo‘yicha Toshkent viloyatida ro‘yxatda turgan;
- Harbiy xizmatni o‘tagan (muddatli yoki safarbarlik chaqiruvi rezervida);
- Yoshi 18 yoshdan kichik va 30 yoshdan katta bo‘lmagan;
- Bo‘yi 165 (bir yuz oltmush besh ) santimetrdan past bo‘lmagan;
- Oliy ta’lim muassasalarini tamomlagan oliy ma’lumotga ega bo‘lganlar shuningdek IIV Akademik litseylari va harbiy akademik litseylar bitiruvchilari, Profilaktika inspektorining jamoat tartibini saqlash bo’yicha yordamchilari;


Arizalar kb.iiv.uz sayti orqali faqat onlayn tarzda joriy yilning
21-yanvar kunidan 31-yanvar kuniga qadar qabul qilinadi.
Belgilangan kunlardan oldin yoki keyin murojaat qilgan nomzodlar ro‘yxatga olinmaydi.


Qo‘shimcha ma’lumotlarni Toshkent viloyati Ichki ishlar boshqarmasining rasmiy sayti, yoki 70-762-21-46 telefon raqami orqali olishingiz mumkin.