Bo‘stonliq tumani hokimligi

#Boʻstonliq_tumani

🔹Bo‘stonliq tumani "Markaziy" mahalla fuqarolar yig‘inida yana bir zamonaviy ta’lim muassasasi – xususiy “Qo‘ng‘iroqcha” nomli maktabgacha ta’lim tashkiloti o‘z faoliyatini boshladi. Mazkur muassasa 75 o‘ringa mo‘ljallangan bo‘lib, bolalarning har tomonlama rivojlanishi uchun qulay sharoitlar yaratilgan. Ayniqsa, rus va ingliz tili to‘garaklarining yo‘lga qo‘yilgani bolajonlarning kelajakda til o‘rganish ko‘nikmalarini rivojlantirishga zamin yaratadi.

🔹Tashkilotning ochilish marosimida tuman hokimligi bosh mutaxassisi F. Yuldashev, tuman Maktabgacha va maktab ta’limi bo‘limi boshlig‘i I. Izzatulloyev, sohaga mas’ul mutasaddilar hamda keng jamoatchilik vakillari ishtirok etdi. Tadbir qatnashchilari muassasaning ichki va tashqi sharoitlari bilan yaqindan tanishib, ta’lim va tarbiya jarayonlari uchun yaratilgan qulayliklarni yuqori baholashdi.

🔹Bu kabi zamonaviy muassasalar maktabgacha ta’lim sifatini oshirish bilan birga, hudud aholisining farzandlari uchun qulay imkoniyatlar yaratib beradi.

Boʻstonliq tumani hokimligi Axborot xizmati

➡️Kanalga ulanish: https://t.me/Bustonliq_tuman_hokimligi

Web-site | Telegram | Facebook | Instagram

#Boʻstonliq_tumani
#seminar

“Kambag‘allikdan farovonlik” sari

🔹O‘zbekiston Respublikasi Prezidentining 2024-yil 25-noyabrdagi “Kambag‘allikdan farovonlik sari” dasturini amalga oshirishga faol nuroniylarni jalb etish chora-tadbirlari to‘g‘risida”gi PQ-405-sonli hamda Vazirlar Mahkamasining 2024-yil 27-dekabrdagi “Faol nuroniylarni kambag‘al oilalarga biriktirish hamda mahallada sog‘lom turmush tarzi va ijtimoiy-ma’naviy muhitni shakllantirishga jalb etish tartibi to‘g‘risidagi nizomini tasdiqlash haqida”gi 892-sonli qarorlari ijrosini ta’minlash maqsadida bugun, 2-sonli kasb-hunar maktabida seminar bo‘lib o‘tdi.

🔹Seminarda “Nuroniy” jamg‘armasi Toshkent viloyati bo‘limi raisi A.Nosirov, tuman hokimi o‘rinbosari X.Abduyusupov, “Nuroniy” jamg‘armasi tuman bo‘limi raisi A.Rismetova. tuman Kambag‘allikni qisqartirish va bandlikka ko‘maklashish bo‘limi bosh mutaxassisi A.Nigmatillayev, Mahallalar uyushmasi tuman bo‘limi boshlig‘i M.Ashurov hamda tumandagi 59 ta mahalla fuqarolar yig‘inidan uch nafardan tanlab olingan katta hayotiy tajribaga ega bo‘lgan faol nuroniylar ishtirok etdi.

🔹Tadbirda kambag‘al oilalarga biriktirilgan faol nuroniylarga qarorlarning mazmun-mohiyati bo‘yicha tegishli tushunchalar berib, ushbu borada joylarda amaliy ishlar yo‘lga qo‘yish bo‘yicha zaruriy ko‘rsatma va tavsiyalar berildi.

Boʻstonliq tumani hokimligi Axborot xizmati

➡️Kanalga ulanish: https://t.me/Bustonliq_tuman_hokimligi

Web-site | Telegram | Facebook | Instagram