Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Botirjon ERGASHEV | rasmiy

@Botirjon_Ergashev
Channel's geo and language: Uzbekistan, Uzbek
Category: not specified

Ushbu o'zanda siz
✒️ shoir Botirjon Ergashev ijodidan namunalar;
📌 ijtimoiy munosabatlar;
📺 ko'rsatuvlar;
🎙️ qo'shiqlar
🎬 video va audiolar hamda ko‘plab boshqa qiziqarli yangiliklardan bahramand bo'lib borasiz!
Murojaat uchun: @Botirjon_Ergashev1975

Related channels  |  Similar channels
Channel's geo and language
Uzbekistan, Uzbek
Category
not specified
Statistics
Is this your channel? Confirm Канал в реестре блогеров РКН? Confirm Channel history
Posts filter

Botirjon ERGASHEV | rasmiy

13 Feb, 09:55

Open in Telegram Share Report
ЙЎҚНИ ЙЎНДИРИБ ЯША

Бетаъсирга дарс беролмас минг ибратли қисса ҳам,
Ҳаётингга қўшилмасин улардан бир ҳисса ҳам.
Жон сақлай деб чекинмагин, майли сувни кечавер,
Ўтма номард кўпригидан сув сени оқизса ҳам.

Омад қушин ўз бошингга ўзинг қўндириб яша,
Номардларнинг нақди қурсин, йўқни йўндириб яша.

Хизматингга рағбати йўқ ёки бирор раҳмати,
Илондан ҳам хатарлидир ундайларнинг иллати.
Оч бўлсанг оч юравергин, юпун бўлсанг шундай ўт,
Бир корингга яраб қолса, тугамайди миннати.

Тўлмаган шу ярим кўнглинг, ўзинг тўлдириб яша,
Номардларнинг нақди қурсин, йўқни йўндириб яша.

Ёмонингни йиллаб сақлар, яхшингни тез унутар,
Юз бор хўп деб, бир йўқ десанг келиб ёқангдан тутар.
Иззатталаб, ҳурматталаб, ғурбатталаб бу каслар
Эл ичинда унга таъзим қилиб юришинг кутар.

Уларнинг бу нафс ўтини ёқмай, сўндириб яша,
Номардларнинг нақди қурсин, йўқни йўндириб яша.

Кўзи кибр қамчисидир бўйсун деб талаб қилар,
Юриб турган ўнг йўлингни шайтон мисол чап қилар.
Тўй-хашамми ё бир йиғин, тўртта одам тўпланса,
Худо берган шуҳратингни “мен бердим” деб, гап қилар.

Ботир ўзни шу тақдирга энди кўндириб яша,
Номардларнинг нақди қурсин, йўқни йўндириб яша.

2012. 30. 09

✍ Ботиржон ЭРГАШЕВ

@Botirjon_Ergashev
311 0 3 2 22
Botirjon ERGASHEV | rasmiy

10 Feb, 12:20

Open in Telegram Share Report
ОНАЖОНИМ

Дардингиздан шам йиғлайди,
Ғамингиздан ғам йиғлайди.
Кўзингизда ёмғир тинмас,
Юзингда нам йиғлайди,
Бор-бисотим, хонумоним –
Сиз йиғламанг, онажоним!

Фарзанд доғи тоғдан оғир,
Куйиб кетар жисму бағир,
Оҳ, сизда бир жон кам ахир,
Бундан барча кам йиғлайди,
Эй, ҳаётим, жисму жоним –
Сиз йиғламанг, онажоним!

Кимки ноҳақ, ўша ҳақдир,
Чарчамади синаб тақдир,
Тақдир, деб сиз хушчақчақдир,
Ўтган барча дам йиғлайди,
Хуш забоним, хуш замоним –
Сиз йиғламанг, онажоним!

Дадам кетиб, келди алам,
Бағрим ўйиб, ёзар қалам,
Биз армонга бўлдик қарам,
Энди ҳамма жам йиғлайди,
Хокисорим, ҳам осмоним –
Сиз йиғламанг, онажоним!

Сиз кўрмаган дард қолмади,
Чангу тўзон, гард қолмади,
Гирдингизда мард қолмади,
Барча боши хам йиғлайди,
Тўмарисим, Бибихоним –
Сиз йиғламанг, онажоним!

@Botirjon_Ergashev
515 0 6 12 29
Botirjon ERGASHEV | rasmiy

9 Feb, 13:04

Open in Telegram Share Report
Navoiyga havas

Sizdek buyuk bo'lmoqni mudom
O'ylab, tunlar kelmaydi uyqu.
Nima yozmay, bari sayoz, xom,
Topolmayman tuzukroq mavzu.

Mavzu kelmas xayolga dadil,
So'z izlayman doim uxlamay.
O'tibdiki, mana shuncha yil,
Qolmoqdaman sizga o'xshamay.

Tinmayman hech o'xshay deb sizga,
Umrim o'tib bosmoqda qayg'u.
She'riyatga shoh bo'lib bizga
Qoldirmabsiz birorta mavzu.

Sizday bo'lmoq tushga kirsa baxt,
Bilsam hamki dilni qistadim.
Aslida men, ey ulug' Hazrat,
Poyingizdan bir joy istadim.

Bir yupanchim qilar xotirjam,
Bo'yim osmon shu shodligimdan.
Qulluq qilay Tangrimga har dam,
Sizday Zotga аvlodligimdan.

1999 yil

@Botirjon_Ergashev
917 0 4 3 33
Botirjon ERGASHEV | rasmiy

9 Feb, 09:52

Open in Telegram Share Report
ШОҲ НАВОИЙ

Бу диёрда тўрт фасли ҳам баҳор бўлган, боғ Навоий,
Руҳи поки ҳуррам икки дунёси ҳам чоғ Навоий.

Хокисорликда ул зотдан қуйи турмиш киши йўқдур,
Вале инсон чиқолмас бир осмонўпар, тоғ Навоий.

Юксакларда шамоллару, довулларга бас келмоқ бор,
Эл бахти-чун бир жонига чекди минг бир оҳ Навоий.

Давр низомидан айри Низом-ул Мулклари бисёр,
Улар фитнасидан бағри доғ Навоий, доғ Навоий.

Оқил киши йўл топгайдир турли феъл, турфа тилларга,
Девонага девонаваш, соғлар ичра соғ Навоий.

Зўрга Ботир бўлиб, зорга ғариб бўлгин ҳазрат каби,
Раъиат хизматида қул, шеъриятга шоҳ Навоий.

✍Ботиржон ЭРГАШЕВ

@Botirjon_Ergashev
716 0 3 1 26
Botirjon ERGASHEV | rasmiy

7 Feb, 19:41

Open in Telegram Share Report
Video is unavailable for watching
Show in Telegram
900 0 11 1 44
Botirjon ERGASHEV | rasmiy

7 Feb, 06:08

Open in Telegram Share Report
ТЎХТАМ

Келма, келганингдан энди нима наф,
Ахир, аҳдларингдан қайтиб бўлгансан?!
Қолмаган ўртада айтилмаган гап,
Сен ҳамма гапингни айтиб бўлгансан.

Келма, кутмаяпман энди ҳеч кимни,
Келиб, аҳволимни сўрмоқчимисан?
Ё сенсиз ҳазондек эзилганимни,
Келиб, ўз кўзинг-ла кўрмоқчимисан?

Келма, фақат раҳминг келсин бир бора,
Ёвуз хотиралар ютмоқда китдай.
Ҳеч йўқ бир лаҳзага унутсам зора,
Қолиб кетганимни ташландиқ итдай.

Келма, келсанг ҳамки, ўнлабми, юзлаб,
Барибир келма, деб айтаман такрор.
Бусиз ҳам юрагим ётибди музлаб,
Яна нега керак бу совуқ дийдор?!

Келма, юравергин ўз йўлингда жим,
Қолмади чархи дун сенсиз бузилиб.
Бундай бўлади деб ўйламагандим,
Осмон ҳам тушмади сенсиз узилиб.

Келма, келганингдан энди нима наф...

© Ботиржон Эргашев

@Botirjon_Ergashev
888 0 15 7 48
Botirjon ERGASHEV | rasmiy

6 Feb, 07:44

Open in Telegram Share Report
КИТОБ ЎҚИНГ!

Яхши яшаш учун керак заҳмат, чидам,
Ана шундан сўнг роҳатда савлат тўкинг!
Тўйиб ичинг одамийлик чашмасидан,
Гар ичолмай қолдингизми, китоб ўқинг?!

Эсли одам ўйламайди бугунини,
Эсли одам безаб яшар ҳар кунини.
Ҳаёт шундай – муаммолар тугунини
Гар ечолмай қолдингизми, китоб ўқинг?!

Шох, барг, мева безагайдир ҳар дарахтни,
Билим билан безанг сиз ҳам УМР – вақтни.
Қучинг олийжаноб омад билан бахтни,
Гар қучолмай қолдингизми, китоб ўқинг?!

Китоб ичра мартабангиз, тахтингиз бор,
Омад унда, унда яна бахтингиз бор,
Кўкка учинг, сизнинг шунга шаҳдингиз бор,
Гар учолмай қолдингизми, китоб ўқинг?!

Йўламанг ҳеч нодонликнинг эшигига,
Бойлангайсиз йўқса, афсус бешигига.
Кечинг ундан, ўйнаманг нафс қўшиғига,
Гар кечолмай қолдингизми, китоб ўқинг?!

Ишонинглар, сўзларимда йўқ эҳтирос,
Бахтга фақат яхши билим бўлгай асос.
Қалбингизга маърифатдан бичинг либос,
Гар бичолмай қолдингизми, китоб ўқинг!

Китоб очинг – сизга икки қанот бўлгай,
Китоб чигал йўллар ичра нажот бўлгай,
Ботир кафил, китоб – гўзал ҳаёт бўлгай,
Китоб ўқинг, китоб ўқинг, китоб ўқинг!

✍Ботиржон ЭРГАШЕВ

@Botirjon_Ergashev
1.8k 0 28 5 47
Botirjon ERGASHEV | rasmiy

2 Feb, 21:25

Open in Telegram Share Report
⚽ Арсенал 5 : 1 Ман Сити

Яхшиям Абдуқодир Ҳусанов тушмади. Тушганда Ситининг савиясиз ўйинида айбдор бўлиб қолиши мумкин эди.

@Botirjon_Ergashev
1.3k 0 3 10 43
Botirjon ERGASHEV | rasmiy

1 Feb, 17:50

Open in Telegram Share Report
💦💦💦💦💦💦💦💦💦💦💦💦💦💦💦💦💦

АССАЛОМУ АЛЕЙКУМ, МУҲТАРАМ АДАБИЁТ ВА ШЕЪРИЯТ ШИНАВАНДАЛАРИ!!!

СИЗЛАРНИ

👉2025-ЙИЛ 1-ФЕВРАЛЬ, КЕЧКИ СОАТ 21:00 ДА 👈

МАЗКУР "БЕНАЗИР ИЖОДКОРЛАР" НОМЛИ ГУРУҲИМИЗДА БЎЛИБ ЎТАДИГАН ЯНА БИР АЖОЙИБ БАДИИЙ - АДАБИЙ ИЖТИМОИЙ ОНЛАЙН ЧАТ ДАСТУРИМИЗГА ТАКЛИФ ЭТАМИЗ !

ДАСТУРИМИЗ АЗИЗ МЕҲМОНИ ЭСА, ЎЗБЕКИСТОН ЁЗУВЧИЛАР УЮШМАСИ АЪЗОСИ , ЎЗБЕК ШЕЪРИЯТИ ЎЗАНИДА ЎЗ МУҲТАШАМ ЎРНИГА ЭГА БЎЛГАН ВА ЭЛ СЕВГАН ШОИР БОТИРЖОН ЭРГАШЕВ БЎЛАДИЛАР !

"БЕНАЗИР ИЖОДКОРЛАР" ГУРУҲИ ТОМОНИДАН ЎЗ ОВОЗИ ВА НУФУЗИГА ЭГА БЎЛГАН ИЖОД ВА САНЪАТ ДАРҒАЛАРИ ИШТИРОКИДА ТАШКИЛЛАШТИРИБ БОРИЛАЁТГАН ЭКСКЛЮЗИВ ВА ИДЕАЛ ДАСТУРЛАРИМИЗНИ КУЗАТИШДА ДАВОМ ЭТИНГЛАР, АЗИЗЛАР !!!

БАРЧА ХИЗМАТЛАРИМИЗ ВА АЖОЙИБ ДАВРА СУҲБАТЛАРИМИЗ ФАҚАТГИНА СИЗ АЗИЗЛАР УЧУН ТАҚДИМ ЭТИЛАДИ !!!

ДАСТУР СУҲАНДОНИ : ШОИРА ВА СОҲИР ОВОЗ СОҲИБАСИ - СОЛИҲАБОНУ

ИЖОДКОР ИЖОД ЎЗАНИ МАНЗИЛИ:
https://t.me/Botirjon_Ergashev

БИЗНИНГ МАНЗИЛИМИЗ :

https://t.me/ijodkorlar_9

ЭҲТИРОМ ИЛА ГУРУҲ ТАШКИЛОТЧИСИ : УМИДЖОН ХАЙИТОВ.

💦💦💦💦💦💦💦💦💦💦💦💦💦💦💦💦💦
1.3k 0 2 1 9
Botirjon ERGASHEV | rasmiy

1 Feb, 17:47

Open in Telegram Share Report
ҚАДРЛИ ДЎСТЛАР!

БУГУН СОАТ 21:00 ДА ЮҚОРИДАГИ "БЕНАЗИР ИЖОДКОРЛАР" ГУРУҲИДА ШОИР БОТИРЖОН ЭРГАШЕВ БИЛАН ЖОНЛИ МУЛОҚОТ ТАШКИЛ ЭТИЛМОҚДА.ЎТКАЗИБ ЮБОРМАЙСИЗ, ДЕГАН УМИДДАМИЗ.

@Botirjon_Ergashev
1k 0 0 12
Botirjon ERGASHEV | rasmiy

1 Feb, 17:46

Open in Telegram Share Report
1.2k 0 4
Botirjon ERGASHEV | rasmiy

1 Feb, 06:34

Open in Telegram Share Report
МЕН СЕНИ СЕВАМАН

“Мен сени севаман”, бу бир жумла, гап,
Учта сўздан ҳосил қилинган – маъно.
Сананг, ўн тўрт харф турибди саф-саф,
Ва унинг ортида мингта муаммо.

Мингта муаммони ҳал қилса бўлар,
Барибир кўнгилнинг жоми тўлмайди.
“Мен сени севаман” айтилмаса гар,
Ишонинг, бу дунё, дунё бўлмайди.

© Ботиржон ЭРГАШЕВ
@Botirjon_Ergashev
1.2k 0 25 4 38
Botirjon ERGASHEV | rasmiy

29 Jan, 07:27

Open in Telegram Share Report
Forward from: ICRICH
Video is unavailable for watching
Show in Telegram
🗣Behbudiydek bo’lmoq sharaf!

#anjuman #Behbudiy #BotirjonErgashev

🌐 Telegram | 🌐 Facebook | 🌐 Instagram | 🌐 YouTube
1.2k 0 5 9 36
Botirjon ERGASHEV | rasmiy

29 Jan, 06:26

Open in Telegram Share Report
ОНА ТИЛИМ

Онам дея гар суйса ким,
Сени суйсин, Она тилим.
Мадҳинг учун тургувчи жим,
Диллар куйсин, Она тилим.

Сенга боққач кўп "ола кўз",
Чин дўстинг ҳам бўлмади дўст,
Ҳар сўзида бир ғайри сўз,
Тиллар куйсин, Она тилим.

Порлагач ҳурлик офтоби.
Қочгани рост ёвлар тоби.
Юзингга сурилган оби -
Гиллар куйсин, Она тилим.

Қанча каслар йўлинг тўсар,
Йўқ қилишга ҳисса қўшар -
Боғингда ёт бўлиб ўсар -
Гуллар куйсин, Она тилим.

Кўрдим, тополмай бир ҳабиб,
Хаста ётдинг хўп бетабиб,
Сенсиз ўтган ул мустабид -
Йиллар куйсин, Она тилим.

Шукур айта туғилгансан,
Қайта-қайта туғилгансан,
Сени ҳануз олмаган тан -
Силлар куйсин, Она тилим.

Онам дея гар суйса ким,
Сени суйсин, Она тилим.
Мадҳинг учун тургувчи жим,
Тиллар куйсин, Она тилим.

✍Ботиржон Эргашев

@Botirjon_Ergashev
1.3k 0 2 2 23
Botirjon ERGASHEV | rasmiy

28 Jan, 06:30

Open in Telegram Share Report
ДУНЁ!

Ҳеч тушиниб бўлмайди феъл-атворингга,
Гоҳ тошқин сой, гоҳ сокин кўлдирсан, дунё.
Яраб-ярамаса ҳам бирор корингга,
Яхши-ю ёмон ўтар йўлдирсан, дунё!

Яна мезонларинг бор, ойли, йиллисан,
Ҳам меҳр ҳам қаҳрли – икки диллисан,
Бири бол, бири заҳар, икки тиллисан,
Икки юзли, найранги мўлдирсан, дунё!

Бир юзингда кулгу бор, бирисида муз,
Бир тарафинг баҳор-у, бир томонинг куз,
Баъзан шакар тутасан ва баъзида туз,
Ҳам илиқ кафт, ҳам муштли қўлдирсан, дунё!

Битта ўғлинг олимдир, золим бир ўғлинг,
Яхшиси ўнта бўлса, ёмони минг-минг,
Ҳаммасини кўриб ҳам деёлмайсан “ғинг”
Не қилишни билмаган гўлдирсан, дунё!

Қучоғинг шод этар гоҳ ғашга тегадир,
Булбуллар зор гулларга, зоғлар эгадир.
Ишларинг ҳам тескари нуқул негадир,
Сўлларга ўнг, ўнгларга сўлдирсан, дунё!

Меҳрибонми, қаҳратон сени не атай,
Бағринг турфа безакли нурсиз хонадай.
Фарзандлари кўп, бироқ, жулдур онадай –
Ярми гулзор ва ярми чўлдирсан, дунё!

✍Ботиржон ЭРГАШЕВ

@Botirjon_Ergashev
1.3k 1 15 5 27
Botirjon ERGASHEV | rasmiy

23 Jan, 06:36

Open in Telegram Share Report
ХОТИРА

Хотира - қалбимнинг тор хужрасида,
Мудраб ётган кекса, улуғ мўйсафид.
Бир он кўзим юмсам хаёл сасида,
Уйғониб, борлигин қилади таъкид.

Ногаҳон нотаниш жойлардан чиқиб,
Таниш қиёфалар учрайди гоҳо.
Ҳурлик келар ёққа илҳақ, кўз тикиб,
Интизор туради Қодирий бобо.

Юрак типирчилар раҳмимни емас,
Синиб кетгудайин кўксим қафаси.
Шўх эсган шабода, шабода эмас,
У Усмон Носирнинг ўксик нафаси.

Хотира - ўтмишнинг қайтиши деган -
Нафис ташбеҳлардан порлагувчи бахт.
Хотира - тириклар улуғлайдиган,
Ва руҳлар шод бўлар энг муборак вақт.

✍Ботиржон Эргашев

@Botirjon_Ergashev
1.4k 0 3 3 23
Botirjon ERGASHEV | rasmiy

21 Jan, 20:29

Open in Telegram Share Report
Shoir Botirjon Ergashev bilan jonli efir qilsak, nima deysizlar?
Poll
  •   Yaxshi bo‘lardi 🙋‍♂️
  •   Menga farqi yo‘q 🤷‍♂️
  •   Shart emas 🙅‍♂️
104 votes
1.4k 0 0 17 28
Botirjon ERGASHEV | rasmiy

20 Jan, 21:17

Open in Telegram Share Report
Video is unavailable for watching
Show in Telegram
#Nihoyat

Angliyaning grant jamoasi bo‘lmish Manchester Sity hamyurtimiz, faxrimiz Abduqodir Husanovning transferini nihoyat eʼlon qildi.
Barchamizga muborak bo‘lsin! O‘zbek o‘g‘lonlari jahon maydonlarida ko‘payaversin!
Otangga rahmat, Abduqodir! Nimalarga qodir ekaningni ko‘rsat! Men bu jamoani hecham yoqtirmasdim, ayni daqiqalardan boshlab, sen sababli Man. Sity muxlusiga aylandim. Baraka top, senga havas qilgan ko‘zlarni quvontirib, g‘alabalarga erishaver! Unutma, sen buyuk tarix yozding va bu tarixni mustahkamlayver!
Men Barsaning muxlisiman, biroq, Sity bilan ChL finalida o‘ynab qolsang, ishon Sityga - senga muxlislik qilaman! Alloh madadkoring bo‘lsin!

@Botirjon_Ergashev
2.4k 0 7 11 39
Botirjon ERGASHEV | rasmiy

20 Jan, 06:12

Open in Telegram Share Report
ЛАББАЙ...

Қувончимни бир ўзим айтишимга,
Кучим етмас, ҳайқиришсин халойиқ.
Не бахтки, арзимас, кичик ишимга,
Катта рағбатларга кўрилдим лойиқ.

Бундан ортиқ не керак йигит учун,
Чорловингдан титраб кетди баданим.
Мени бошинг узра кўтариб бугун,
Шоир болам, деб чақирдинг, Ватаним.

Лаббай, ота, лаббай, она маконим,
Хизматингга белим маҳкам боғлайман.
Минг бор туғилмоққа бўлса имконим,
Минг бора боланг бўлишни хоҳлайман.

Лаббай, ота, лаббай, она маконим!

@Botirjon_Ergashev
1.5k 0 4 50
Botirjon ERGASHEV | rasmiy

17 Jan, 08:39

Open in Telegram Share Report
ЎЗИМИЗНИКИ

Ботирман, қўрқмагайман қаҳратоннинг қаҳридан,
Заҳрини сочса, сочар, қиш ҳам ўзимизники!
Рости, ўтиб қўйганман оғриқларнинг баҳридан,
Нишласа, кулиб дейман, ниш ҳам ўзимизники!

Бор гапдир ўзингники ўзагингни кесиши,
Саратонда шаббоданг ёт томонга эсиши,
Оддий ҳол кўкракдошинг, кўкрагингдан эзиши,
Жонимиз тишлаётган тиш ҳам ўзимизники!

Сенинг ризқингни менга бериб қўймайди тақдир,
Ҳар кимники ўзига атаб қўйилган нақддир.
Зиммамга бир вазифа юклангани бир ҳақдир,
Бу менинг корим, демак, иш ҳам ўзимизники!

Ўз умрингни яшайвер, ой мисол тўлавергин,
Бирга бир учрар ўлим, гал келса, ўлавергин,
Гўрингга ғишт қалашса, хотиржам бўлавергин,
Гўр ҳам ўзганинг эмас, ғишт ҳам ўзимизники!

Ботирман, қўрқмагайман қаҳратоннинг қаҳридан,
Заҳрини сочса, сочар, қиш ҳам ўзимизники!

@Botirjon_Ergashev
1.8k 0 18 8 54
20 last posts shown.