Bolalar ombudsmani rasmiy telegram-kanali

#Finlyandiya #Bolalar_ombudsmani #hamkorlik #bola_manfaatlari

🇺🇿🇫🇮Bugun Yevropada xavfsizlik va hamkorlik tashkiloti (YXHT) ning O‘zbekistondagi vakolatxonasi hamrohligida Finlyandiya Bolalar ombudsmani Elina Pekkarinen xonim bilan onlayn-uchrashuv o‘tkazdik.

🖇️ Aytish kerakki, Finlyandiya Bolalar ombudsmani bolalar va yoshlarning huquqlariga rioya etilishini kuzatib borish, ular bilan muntazam ravishda aloqada bo‘lish orqali bolalarning ovozini hokimiyat organlariga yetkazishdan iborat.

📊 Finlyandiya bolalar farovonligi indeksi bo‘yicha jahonda 2-o‘rinni egallaydi.

🇺🇿🇺🇿🇺🇿 Uchrashuv davomida mamlakatimizda bola huquqlarini himoyalash sohasidagi ishlar, Bolalar ombudsmani mandati va vakolatlari hamda davlat organlari bilan yo‘lga qo‘yilgan hamkorlik mexanizmlari bo‘yicha ma’lumot berdik.

O‘z navbatida, Elina Pekkarinen xonim Finlyandiyada:

🔸Bolalar ombudsmani instituti qay tarzda faoliyat olib borishi;

🔹bola huquqlarini mustahkamlashga qaratilgan qanday qonunlar qabul qilinganligi;

🔸davlat organlari, shuningdek, fuqarolik jamiyati institutlari bilan o‘zaro ishlash tizimi qanday yo‘lga qo‘yilganligi;

🔹BMTning Bola huquqlari to‘g‘risidagi konvensiyasi ijrosi Finlyandiyada qanday amalga oshirilayotganligi bo‘yicha gapirib berdi.

📌 Shu bilan birga, Finlyandiya Bolalar ombudsmani o‘tgan 1 yil davomida O‘zbekiston Bolalar ombudsmani instituti faoliyatidagi yutuqlarni e’tirof etib, mamlakatimizda bola manfaatlarini himoyalash sohasidagi islohotlarni olqishladi.

Muloqot yakunida ikki davlat Bolalar ombudsmanlari o‘rtasida hamkorlikni amaliy mazmunda yanada chuqurlashtirishga kelishdik🤝.

Telegram|Facebook|Instagram

📌Kuni kecha Oliy Majlisning Bola huquqlari bo‘yicha vakilining YUNESKO xalqaro eksperti S.Ellis bilan uchrashuvi bo‘lib o‘tdi.

✅Dastavval Bolalar ombudsmani
O‘zbekistonda media-makonda bolalar xavfsizligi bo‘yicha olib borilayotgan tahlillar va bu borada ilgari surayotgan tashabbuslari, bolalarning internetdan foydalanish imkoniyatlari, ularni zararli media-kontentdan himoyalash jarayoni qanday yo‘lga qo‘yilganligi yuzasidan ma’lumot berdi.

🔈Saymon Ellisning alohida e’tirof etishicha, jahonning ko‘plab davlatlarida, xususan, 30 ta mamlakatda olib borgan keng qamrovli xalqaro tahlillari jarayonida ilk bor aynan O‘zbekistonda bolalarni zararli axborotdan himoyalash jarayonida bolalarning ovozini eshitishga tayangan tahlillar olib borilayotganining guvohi bo‘lmoqda.

✅O‘z o‘rnida, YUNESKOning O‘zbekistondagi vakolatxonasi
Bolalar ombudsmanining
bolalar raqamli savodxonligini oshirish borasidagi sa’i-harakatlarini qo‘llab-quvvatlashi va bu yo‘nalishda har tomonlama hamkorlikka tayyor ekanligi bildirildi.

📌Bolalar ombudsmani bola manfaatlariga oid masalalarda qabulga kelgan murojaatchilar bilan navbatdagi muloqotini o‘tkazdi.

🔴Ko‘rib chiqilgan murojaatlar turlicha bo‘lsada, ularning barchasi bola huquqlarini cheklanishiga oid holatlardir.

Xususan,

1️⃣Oiladagi nosog‘lom muhit o‘smir bolaning ruhiyatiga salbiy ta’sir ko‘rsatayotganligi, shuningdek,
ota-ona farzandining ta’lim olishiga to‘sqinlik qilishi va bolaga psixologik bosim o‘tkazayotganligi holati;

2️⃣Toshkent shahridagi umumta’lim maktabida o‘qituvchi tomonidan bolalarni kaltaklanayotganligi holati;

3️⃣Ota-ona qaramog‘idan mahrum bo‘lgan bolaning merosga bo‘lgan huquqi buzilishi bilan bog‘liq holat;

4️⃣Xususiy maktabdagi nizo sababli 2 nafar bola bir necha oydan buyon maktab darslariga qatnashiga yo‘l qo‘yilmagani natijasida ta’lim olish huquqi cheklanayotganligi holati;

5️⃣Oilaviy nizolar sababli farzandlari yashash joyi belgilanmaganligi, onaning bolalariga nisbatan sodir etilayotgan mutassil zo‘ravonligi sabab 3 nafar o‘g‘lini ota o‘z tarbiyasiga topshirilishida ko‘mak so‘rashiga oid;

6️⃣Onaning o‘z farzandlari tarbiyasiga befarq ekanligi, voyaga yetmagan va hali go‘dak bo‘lgan qizlarini muntazam kaltaklashi, oiladagi muhit nosog‘lom ekanligi sababli qiz farzandlar otaning qaramog‘iga o‘tkazilishini so‘rab qilgan murojaati va boshqa shikoyatlarga oid;

✅O‘rganilgan murojaatlarda bayon etilgan holatlarda bolaning buzilgan huquqlari tiklanishi bo‘yicha amaliy jarayon boshlandi.

Telegram|Facebook|Instagram

✍️Bugun Oliy Majlis Qonunchilik palatasining navbatdagi majlisida Bola huquqlari bo‘yicha vakil (Bolalar ombudsmani)ning 2024-yilda bola huquqlari to‘g‘risidagi qonunchilikka davlat organlari tomonidan rioya etilishi bo‘yicha ilk ma’ruzasi ko‘rib chiqildi.

📌Ma’ruzada mamlakatda bola manfaatlarini ta’minlash yuzasidan amalga oshirilgan islohotlar, davlat organlari tomonidan bola huquqlariga oid xalqaro standartlar va milliy qonunchilikka rioya etish holati, jumladan, BMTning Bola huquqlari to‘g‘risidagi Konvensiyasi, “Bola huquqlari kafolatlari to‘g‘risida” Qonun va boshqa qonunchilik xujjatlarining amalga oshirilishi, xususan bola huquqlari to‘g‘risidagi qonunchilikka davlat organlari, shu jumladan huquqni muhofaza qiluvchi organlar tomonidan rioya etilishi holati tahlili bayon qilingan.

✅Aytish joizki, O‘zbekistonda amalga oshirilayotgan islohotlar natijasida 2024-yilda davlat organlari faoliyatida bolalarning eng ustun manfaatlarini ta’minlash bo‘yicha jiddiy ijobiy yutuqlarga erishildi.

🇺🇿Bolalar ombudsmani bola manfaatlarini ta’minlash sohasidagi mavjud xavflarni oldini olish bilan birga xalqaro standartlarni milliy qonunchilikka samarali tatbiq etish jarayonini barqaror davom ettirish zarur, deb hisoblaydi.