Oʻtgan ishlarga qaygʻurmang!

Nohushliklarga koʻz yosh toʻkish foyda bermaydi. Birovlarning munosabatlaridan kuladiganlar esa oʻzlariga jabr qiladilar. Koʻzadagi toʻkilgan sutga ayyuhannos solgandan koʻra, uning oʻrnini qoplash payida boʻling .

Bu borada Rosululloh sallallohu alayhi vasallamning mana bu muborak soʻzlarini doim yodimizda tutaylik:

" Senga biror ish sodir boʻlsa, "agar bunday qilganimda, mana bunday boʻlardi-da" deya koʻrma, faqatgina "Alloh taqdir qilgan ekan, Oʻzi xohlagani boʻldi" deb aytgin. "Agarda " shaytonga yoʻl ochib beradi".

Nafsingizni yaxshi gumon qilishga oʻrgating! Zero, yaxshi gumonda boʻladiganlar tunda osmonga tikilib , oyning nazokatini ham koʻra oladilar. Badgumonlar esa samoga tashlagan nazari ortida zulmatdan boshqa narsani koʻra olmaydilar.

-Yaxshilikka yoʻyuvchilar boshqalarning muhabbatiga sazovor boʻladilar.
- Badgumonlar esa oʻz atrofidagilarni goʻyo quvib -soladilar.