Biznes Imperia Uz | Biznes Olami

Doʻstlar, guruhga yozmaganimga ancha boʻldi.
Yil juda aktiv boshlandi: ish koʻp, maqsadlar va vazifalar undan ham koʻp. Ishlash kerak!😊
Hozirda sizga yana Stambuldan yozmoqdaman. Oʻz oʻquvchilarimning biri bilan ish olib borish uchun bu yerga yana bir necha kunga kelishimga toʻgʻri keldi. Aslida yaqinda kelib ketgandim. Lekin gap bunda emas. Yozishimdan maqsad- bu kelishim men uchun insaydlarga juda boy boʻlganligini sizga aytish edi.
Barcha eng yaxshi hodisalar oʻz- oʻzidan sodir boʻladi, degan gap bor, fikrlar ham bundan mustasno emas. Agar sezgan boʻlsangiz, eng qimmatli gʻoyalar ular haqida oʻylab ,kutib oʻtirganingizda emas, aksincha tinchlanib, holatni qoʻyib yuborganingizda sodir boʻladi. Menda aynan shunday boʻldi. Bir ikki ana shunday gʻoyalarimni siz bilan boʻlishmoqchiman. Birinchidan, menda bizning telegram - kanalimiz uchun yangi fikrlar tugʻildi. Vaʼda beramanki, bu barchangiz uchun qiziqarli va foydali boʻladi. Lekin bu haqida men Toshkentga borganimda batafsil soʻzlab beraman. ☺️
Va yana, bu yerda oʻzimning oʻquvchim turk biznesmeni bilan muloqotda boʻlganimda menda bir gʻoya tugʻildiki, u qandaydir juda katta narsa uchun asos boʻla oladi. Oddiy, lekin har doimgidek, barcha genial narsalar - juda oddiydir. Bu oʻquvchi ham barcha boshqa biznesmenlar kabi oʻsishni va masstablanishni istaydi. Lekin uning holati yana bir bora meni- koʻpchilik tadbirkorlar oʻz bizneslaridagi holat bilan tanish emaslar, degan fikrga keltirdi. Ular oʻz ishlaridagi na sonlar bilan tanishlar, na u yerdagi haqiqiy holatni biladilar. Va shu asnoda ular yildan yilga ishlab kelmoqdalar. Besh yil, oʻn yil...Va nima uchun bir joyda turib qolganliklari, baʼzi bizneslar esa umuman yopilib ketayotganligiga hayron boʻladilar. Javob esa ochiq kaftda yotibdi. Biz kurslarda oladigan nazariya foydali, lekin real hayotda qoʻllanila olmaganidan keyin u ish bermaydi. Bir qarashda miyada bilimlar koʻp, lekin ularni qoʻllab boʻlmaydi. Istamaymiz, yoki bilmaymiz. Keyin esa ortga qaytarib boʻlmaslik bosqichi boshlanadi. Yani, biznes qulay boshlaydi, va bu jarayonni toʻxtatishning iloji boʻlmaydi. Va mana shu yerda men oʻzim uchun parallel oʻtkazdim. Biznes - bu bemor, men va uning sohibi esa uning shifokorimiz. Toʻgʻri tashhis qoʻyish uchun, uning " kasallik tarixi"ni bilish yoki aniq tahlillariga ega boʻlmogʻimiz lozim. Faqat mana shu holdagina muammo nimada ekanligini aniqlash va toʻgʻri "davolash"ni belgilash mumkin. Biznesda ham xuddi shunday. Biz birgalikda uning "kasallik tarixi"ni oʻrganamiz,"tahlillar"ini koʻramiz(sonlar, koʻrsatkichlar) va zaif joylarini aniqlaymiz. Keyin men sizni qadamma- qadam oʻzgarishlar jarayonidan olib oʻtaman. Va bilasizmi eng muhimi nimada? Bu kursda men boshqaruvchilarning oʻzlarini va biznes sohiblarini oʻz "bemorlari"ni doim nazorat ostida tutishga oʻrgataman. Siz uning "kasal" boʻlishiga yoʻl qoʻymaysiz. Uning holatini oʻzingiz nazorat ostida ushlaysiz. Va sizga mening ham, boshqa odamning ham keragi boʻlmaydi. Biznesingiz "oyoqqa turganidan" soʻng biz shunday qilamizki, u "yugurib" ketadi. Va sizning toʻla nazoratingiz ostida yugurib ketadi.
Men sizni barcha raqam va biznesingizni nazorat ostida ushlashga, oʻrgataman . Siz uning oʻsishini va jadalligini shunday nazorat ostida tutasizki - u boshqalarga emas - sizga ishlaydi.
Muloqotda qoling! Yaqin orada sizga bundan ham qiziqroq narsalar haqida soʻzlab beraman.
Shu yerda boʻlganingiz uchun rahmat.