Baxtishod Xoʻjakeldiyev | Shaxsiy blog

Bismillahir rohmanir rohiym

📚 Mahsuldor Muslim!

- Bilasiz, bir necha Yevropa kitoblari bilan qisqacha tanishib chiqdim. Kamchilik: Kitoblar - "jonsiz". "Xuddi mualliflar kabi".

"Productive Muslim" kitobi esa - boshqa dunyo. Bu kitobni "Deepstash"dan topdim va quyida sizlar uchun 2 ta xulosa yozyabman:

1. Fokus + Energiya + Vaqt = Muvaffaqiyat!

Bir qatorda bir olam mazmun.

• 3 element birlashuvi: Paygʻambarimiz sallallohu alayhi vasallam kechalari, namozda, qoim boʻlganlar.

2. Biz robot emasmiz. Vaqtni, tanamizni, uyqumizni boshqaraman deb, quyidagi 3 narsadan ayrilyabmiz:
1. Hayotimizning asl maqsadi
2. Qadriyatlarimiz
3. Ruhimiz.

* Ha, "oʻyga tolish"ning ayni vaqti.

Ilm, Navoiy senga maqsud bil,
Emdiki, ilm oʻldi, amal aylagil.

#deepstash

Bismillahir rohmanir rohiym

📚 Prinsplar!

- Muvaffaqiyatga erishishimiz uchun oʻz shaxsiy qoidalarimiz, chegaralarimiz boʻlishi kerak, albatta.

Bizda asosiy dushmanlar aniq: nafs va shayton. Ular aytganiga quloq solarkanmiz - "odam boʻlishimiz qiyin"!

Demak, mana shu - prinsplar ahamiyatini belgilab beradi.

Menimcha, prinsplarimizni aniqlashda quyidagi ikki falsafa katta yordam koʻrsatadi:

1. Men orzularim uchun barcha sabablarni qilaman!
2. Oʻsha orzularim uchun keraksiz ishlarni qilmayman!

➡️ Prinsplar aniqligi:
Men ozish uchun doim harakat qilaman ❌
Men har kuni, tong sahar 6:00 da yugurishga chiqaman ✅
Men ishimni oʻz vaqtida tugatishga harakat qilaman ❌
Boshlagan ishimni oxirigacha tugataman ✅
Men chekmaslikka harakat qilyabman ❌
Kashanda emasman ✅

* Albatta, ojiz inson doim ham yutib chiqolmaydi. Shuningdek, prinsplar "99%" buzilmaydi.

Ilm, Navoiy senga maqsud bil,
Emdiki, ilm oʻldi, amal aylagil.

#deepstash

Bismillahir rohmanir rohiym

***

Soʻzlagaymiz, soʻzimizning qadri yoʻqdir,

Ishlagaymiz, ishimizning tayini yoʻqdir.

Bu sinovga bir bor kelib, bir bor ketib,

Yashagaymiz, yashashimiz magʻizi yoʻqdir.

Bismillahir rohmanir rohiym

- Goʻzal bir misol yodimga tushib ketdi: Abdulloh ibn Muborak (rahmatullohi alayh) hazratlari ham doim biron birodarlari bilan ovqatlanishga harakat qilgan ekanlar. Hattoki ba'zida, shuning sababidan 2-3 kunlab och qolib yurar ekanlar.

Bismillahir rohmanir rohiym

📚 Yolgʻiz ovqatlanmang!

- Har qanaqa muhitda, ayniqsa biznesda rivojlanish - insonlar bilan birga ishlashda boʻladi. Ularga qarshi kurashish bilan emas.

- Kitobda maslahat berilishicha: sizga hozir foydasi tegadimi, yoʻqmi - insonlar bilan yaxshi munosabat oʻrnatavering. Balki, muammoga yoʻliqqaningizda aynan oʻshalardan birining yordami tegar.

* Xalq tilidayam zoʻr gap bor: "Mendan qaytamasa, Oʻzidan qaytsin".

• Tanishlaringiz qancha koʻp boʻlsa - shuncha yaxshi. Muloqot koʻnikmalaringiz shu darajada rivojlanadi.

- Hozirgi zamonda muvaffaqiyat ma'lumot almashish bilan boʻladi, uni yashirish bilan emas.

- Kitob va iqtiboslar muallifi: Keit Ferrazzi

Ilm, Navoiy senga maqsud bil,
Emdiki, ilm oʻldi, amal aylagil.

#deepstash

Bu xabarni dushanba kuni koʻrgan boʻlsangiz kech boʻlibdi 😄

* Negadir bu kanalni "birgalashib" kuzatmaysizlar. Mayli, boriga shukr :))

Bismillahir rohmanir rohiym

- Qisqa aytganda: kitobxonlarni marafonimizga taklif qilamiz. Bilamiz, "telegram olami"da, kitoblar yoʻnalishida ancha yolgʻizsiz. Biz ham :)

➡️ Demak, yechim: "Mutolaa" marafoni!

📚 Quyidagi kitoblar 1 oy davomida oʻqib chiqiladi, inshaalloh:

• Diqqat
• Iymon
• Savdogarlar ustozi
• Bonu
• Hind sayyohining qissasi
• Mahbub Paygʻambar

* Sertifikat, kitoblardan muammo yoʻq. Koʻramiz, bularga loyiqmisiz yoki yoʻq?!

📋 Siz bilan marafonda gaplashamiz:

✍ Janoblar: @Xojakeldiyev_Baxtishod
✍ Xonimlar: @Kitobxonim07

Bismillahir rohmanir rohiym

📚 Oʻyindagi qurol!

* Kitob nomini yaxshi tarjima qilolmadim, uzr.

- Zamonaviylikning la'nati. Hozirgi eng dolzarb muammolardan biri bu: tushunmaganini gapirish!

Biz ma'lumotlarni shunchalik koʻp qabul qilyabmizki, oʻzimizga ortiqcha ishonib yuborib, bilmagan, tushunib, anglab yetmagan mavzularimizga ham bemalol qoʻshilib ketyabmiz.

* Hattoki buni jinoyat darajasiga chiqarib yuboryabmiz. Masalan: soxta treyderchilar, biznesmenlar, "muvaffaqiyatlar". Gapirayotgan sohalarida professionaldek koʻrinishadi, lekin asl professionalliklari niqob ortida, qalloblikda.

Bundan qutulish uchun oʻzimizga "Bu mavzuda gapirishga loyiqmanmi, amalim bormi oʻzi?", deb savol berishimiz yetarli boʻlsa kerak.

Yana bir muhim jihat: Biz insonlar oldida, fikrida, bahslarda emas, balki haqiqiy hayotda gʻalaba qozonishimiz kerak.

• Amalsiz, balandparvoz gaplar - hech qanday qiymatga ega emas.

Ilm, Navoiy senga maqsud bil,
Emdiki, ilm oʻldi, amal aylagil.

#deepstash

Bismillahir rohmanir rohiym

📚 Sabablar bilan boshla!

- Koʻpchilik kompaniyalar oʻz fokuslarini koʻpincha nimani, qanday qilishga qaratadilar. Lekin asosiy maqsad, sababga e'tibor qaratishmaydi.

Eng koʻp e'tibor berish kerak boʻlgan jihat ham aslida shu: Maqsad nima? (Buni nima maqsadda qilmoqchisiz(miz)? )

Ustozimga "Bizga biror ishni nima uchun qilishimiz kerakligini aytganingizda, oʻsha ishni yaxshiroq bajargan boʻlardik", deb aytganimda "Haa" deb qoʻygandilar. Chunki, ular koʻpincha e'tiborlarini faqat buyruq va uning ijrosiga qaratar edilar.

• Ta'limda: oʻquvchilarga nega uyga vazifa bajarib kelishlari haqida;

• Farzand tarbiyasida: Nega yomon ishlarni qilmasliklari, yaxshi ishlarni koʻpaytirishlari kerakligi haqida;

• Ishxonada: Chiqarayotgan qarorlar nega aynan oʻshanday chiqarilayotgani haqida... koʻproq gapirishimiz kerakdir, balki.

Kitobda aytilishicha, jamoada aynan biron marrani koʻzlab harakat qilish - xodimlarni kelajakka nisbatan ishonchlarini oshirib, yanada birdamroq harakat qilishlariga yordam beradi.

Ilm, Navoiy senga maqsud bil,
Emdiki, ilm oʻldi, amal aylagil.

#deepstash

Bismillahir rohmanir rohiym

📚 Qiyomat

- Bu romanni 60-betigacha bora oldim. Keyin esa ora-orasidan oʻqib koʻrdim va yakunini ham (Bu maqtaniladigan va yoki ibrat oladigan harakat emas, albatta).

Vaxshiymiz! "Buyuk" ongimiz borligi haqida oʻylab, istalgan hayvonga ozor beraveramiz.

Mol, qoʻy kabi hayvonlar-ku halol, goʻshtini yeyaveramiz. (Bu degani ularni asrayabmiz degani ham emas, yemagan tayoqlari qolmaydi, bechoralarni) Lekin...

Mushuklarni qiynaymiz, devorga otamiz, oʻldiramiz. Kuchuk soʻyamiz, goʻshtini yeymiz, "isinamiz" yovvoyi maxluqdek. Oʻz yonimizdagi, xonaki hayvonlarimiz tagʻin ular.

Togʻda yurgan, odamzotga "begona" boʻlganlarinichi? Tutib, oʻldirib yuboramiz. Shoxini, oʻzini, goʻshtini, yunggini ... pullaymiz, yeb yuboramiz (Ja mehrimiz oshib ketsa "zoo"larga, "jahannam"ga ravona qilamiz).

Qadimdan tabiatning farzandlari boʻlgan bu hayvonlarga qonga belanajak qoʻllarimizni tekkizamiz, azaliy tizimni ishdan chiqaramiz.

Oʻylab koʻrishga vaqt sarflamaymiz: Ular bogʻda-togʻda qanday kun kechirishyabdi, qanday oilalari bor, bolalarini bizchalik oʻylashadimi... Axir ular ham juft qilib yaratilgan-ku, ularda ham yurak urib turibdi-ku, yomonlik qilsak ma'yus koʻzlari bilan boqadi-ku, quvlasak qochadi-ku axir ularam. Ojizligidan. Maxluq quvlaydi ularni, maxluq - Inson, inson, inson!

Ular uchun haqiqiy QIYOMATni yaratib boʻlganmiz! Bu kun bizning ham peshonamizda bor, faqat hozir quturib turibmiz, vaqti-soatimiz keladi-ku bir kunmas, bir kun...

Hayvonni-ku hayvon dermiz, inson-insonga maxluqlik qilsa...

Mayli, yaratilishimiz xato boʻlmagan. Oʻsha jazoyimizni oladigan kunni orziqib kutaman. Koshkiydi, haqiqiy dunyoga qadam qoʻysak, adolat qaror topsa. Yer atalmish pishloqli qopqondagi berayotgan va tortayotgan azoblarimiz ham axiyri tugasa.

Hali hammasi yaxshi boʻladi. Sinovimiz ulugʻ ekan, haqiqiy muqaddimamiz ham ulugʻ boʻladi, inshaalloh. Yaxshi, odobli, hayvondekgina qul boʻlsak, kifoya - qanday ulugʻ baxt!

Ilm, Navoiy senga maqsud bil,
Emdiki, ilm oʻldi, amal aylagil.

Bismillahir rohmanir rohiym

📚 80% dunyoqarash, 20% mahorat!

- Keling, insonlarning 4 xil turini koʻrib chiqsak:

1. Yoʻqotuvchilar.
- Ular doim nimadandir nolishadi, pul muhim emas deb hisoblashadi, ishxonasiniyam, undagilarniyam yoqtirishmaydi.

2. Komfortchilar.
- Hammasiga... yengilroq qaraydiganlar. Bu turdagi insonlar foydali mashgʻulotlar bilan shugʻullanish, kitob oʻqish oʻrniga kinoga borishni, doʻstlar bilan koʻngilxushliklar qilishni afzal koʻrishadi. Oʻzimizni tilda aytganda: 5 kunlik dunyoda shunchaki yaxshi yashab qolishni koʻzlashadi. "Kitob oʻqish men uchun emas ekan", "Biznes qilishga katta pul kerak boʻladi", degan gaplar ham koʻpincha ulardan chiqadi.

3. Oʻrtachalar.
- Boshqa til bilan aytganda: Boshlaganini doimam tugatmaydiganlar. Ular yaxshi harakat, mehnat qilishadi. Ba'zida motivatsion videolar koʻrib, sportga qatnashadi, koʻplab kitoblar sotib olishadi, oʻqishadi. Faqat, har doim ham oxirigacha emas. Soʻrasangiz: Yaqinda tugataman, nasib. (30 iga chidab, 41 iga chidamaganlardanmiz, shekilli)

4. Toʻxtamaslar.
- Boshlaganini oxiriga yetkazadiganlar. Ular gʻalaba qozonishni yaxshi koʻrishadi, buni deyarli odat qilishadi. Oilasi bilan munosabatlari yaxshi, ammo ba'zida anchayin band. Qoʻshimcha, aql bilan oʻtkazilgan soatlar, kitoblar, seminarlar, katta maqsadlar, katta ishlar, "katta" insonlar... Boshlangʻich biznesga ega boʻlib, oʻziga koʻp ma'suliyatlar yuklaydiganlar. Ular ishlarini, hamkasblarini, rivojlanishni yaxshi koʻrishadi. Shu bilan birgalikda hayot bir tekis emasligini, oʻnqir-choʻnqirlarga boyligini ham yaxshigina tushunishadi. Muhimi doimo, tartib bilan oʻsishadi.

Men boshqacha emasman. Shunchaki, o‘z maqsadimga boshqalarga qaraganda ko‘proq sodiq tura olaman, xolos.

- Dev Gadxavi

* Menimcha, yagona xulosa va maqsad: 1-2-3 qadamlardan oʻtib, 4 ga erishish!

Ilm, Navoiy senga maqsud bil,
Emdiki, ilm oʻldi, amal aylagil.

#deepstash