Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Baxriddinoff | Blog

@Baxriddinoff_Blog
Channel's geo and language: Uzbekistan, Uzbek
Category: Quotes

Xayollarini haqiqatga aylantirish yo’lida bo’lgan yigit!
P/S. Kanalga xohlagan payt, xohlagan narsa yoziladi!
Find me: @Baxriddinoff_Mini

Related channels
Channel's geo and language
Uzbekistan, Uzbek
Category
Quotes
Statistics
Is this your channel? Confirm Канал в реестре блогеров РКН? Confirm Channel history
Posts filter

Baxriddinoff | Blog

1 Jan, 06:05

Open in Telegram Share Report
Boshlanishi yomon emas

2025-yilda shaxsiy brendimni rivojlantirish, o’sish va katta maqsadlarni bajarishni reja qildim.

Yilning ilk kunlaridanoq maqsad sari sekin-asta harakatni boshladim. Endi bu kanalda ko’proq aktiv bo’laman.

Butun yilni aynan mana shu kanal va Instagram blogimda yoritib borishga harakat qilaman, kuzatib boring )

@Baxriddinoff_Blog
37 0 0 2
Baxriddinoff | Blog

31 Dec 2024, 18:56

Open in Telegram Share Report
2024-yil — men uchun

2024-yil — Oldingilaridan butkul farqli ravishda haqiqiy xulosalar, ularning tasdig’i yili bo’ldi men uchun.

2024-yil — Hech kimga bog’lanib qolmaslik, u inson ketishi mumkinligini anglash yili bo’ldi men uchun.

2024-yil — Yilning katta qismini stressda o’tkazib, yaxshi bo’lishiga umid qilish yili bo’ldi men uchun.

2024-yil — Shtatdagi ishdan chiqish fikridan qayta shtatga kirish fikrida tugash yili bo’ldi men uchun.

2024-yil — Nima bo’lishidan qat’i nazar, oila eng birinchi o’rinda ekanini anglash yili bo’ldi men uchun.

2024-yil — Insof/vijdoni uyg’oq insonga bu hayotda yashash qiyin ekanini tushunish yili bo’ldi men uchun.

2024-yil — Qadrini bilmaslik o’zini arzon-garov insonga chiqarib qo’yishini o’rganish yili bo’ldi men uchun.

2024-yil — Hammasi yaxshi yoki yaxshilikka bo’lishini nisbatan yaxshiroq anglash yili bo’ldi men uchun.

2024-yil — Kim nima desa desin, pul ko’p narsani hal qilishini ko’zim bilan ko’rish yili bo’ldi men uchun.

2024-yil — Eski qadrdon do’stlar vaqtlar o’tib begonalashib borishiga guvoh bo’lish yili bo’ldi men uchun.

2024-yil — Freelancer bo’lishning bizga aytilmagan qonun-qoidalari borligini bilish yili bo’ldi men uchun.

2024-yil — Odatlar bizni boshqarishi, holatimiz odatlar zanjiri ekanini tushunish yili bo’ldi men uchun.

2024-yil — Shaxsiy brendimni rivojlantirishga e’tibor bermaganimdan afsuslanish yili bo’ldi men uchun.

2024-yil — Qadar haqidagi tushunchalarim haqiqatda isbot topish yili bo’ldi men uchun.

2024-yil — 2025-yilda xatolarga yo’l qo’ymaslik uchun kerakli xulosalar chiqarish yili bo’ldi men uchun.

2024-yil — siz uchun? 👇

@Baxriddinoff_Blog
64 0 1 21
Baxriddinoff | Blog

14 Dec 2024, 03:00

Open in Telegram Share Report
1 oylik pauza

Na Telegram, na Instagram bu o’tgan 1 oydan ortiqroq vaqtda meni aktiv bo’lishga unday olmadi.

Shaxsiy va proyektdagi ishlar bilan band bo’ldim. Juda unaqa aytarli ishlar qilib tashlamadim.

Deyarli 20 kun bir varoq bo’lsa-da kitob o’qimadim. Aniq sabab ko’rsatolmayman bunga.

Lekin yaqindan kitob o’qishga qaytdim. Yil oxirigacha o’qishni maqsad qilgan kitoblarim bor.

1 oylik pauzadan keyin o’zimga aytadiganlarim:

• Seni har qanday vaziyatda faqat oilang qabul qiladi
• Sen o’z harakatlaringga mas’ulsan, natijaga emas
• Iloji boricha yaqin tanishlaring bilan hamkorlikda ishlama
• Ish boshlashdan oldin vazifa va to’lovni aniq kelishib ol
• Senda o’xshamayapti degani umuman o’xshamaydi degani emas
• Faqatgina qo’lingdan keladigan ish bilan shug’ullan
• Qayerga qarab ketayotganingni o’zingga eslatib tur
• Har kuni 1 varoq bo’lsa-da kitob o’qi
• Hamma narsada o’zingni ayblashni bas qil
• Bu hayot o’tkinchi ekanligini unutib qo’yma


1 oyga juda ko’pdek, to’g’rimi? Aslida bu xulosalarni oldinroq olib bo’lganman, bu esa eslatma.

Yil oxiriga 2 haftadan ko’proq vaqt qoldi. 2024-yildagi maqsadlarni bajarishda davom etamiz.

@Baxriddinoff_Blog
220 0 1 4
Baxriddinoff | Blog

14 Nov 2024, 18:08

Open in Telegram Share Report
Hech kimdan hech narsa kutma!

Uzoq yo’l. Uni yo’lga chiqishingdan boshlab, to manzilga yetguningga qadar yolg’iz o’zing bosib o’tasan.

Yo’lingda yangi sheriklar uchraydi, ular bilan yaqinlashasan. Ba’zida ulardan nimadir kutishni boshlaysan.

Ammo sening va ularning manzili boshqa tomonda bo’lishi mumkin. Vaqti kelganida yana yolg’iz qolasan.

Ulardan kutgan ishlaringni o’zing qilishga majbur bo’lasan. Bu holat to manzilga yetguncha bo’lishi mumkin.

Kimdir keladi, sen undan nimadir kutasan. Kimdir ketadi, undan kutganlaringni sen o’zing qilishni boshlaysan.

Birgina to’g’ri qaror: hech kimdan hech narsa kutmaslik. Shunda kim kelishi yoki ketishi qiziq bo’lmaydi senga.

Yo’lni yolg’iz o’zing bosib o’tishing kerakligini qancha oldin anglasang, hayoting shuncha osonlashib ketadi.


@Baxriddinoff_Blog
247 0 1 5
Baxriddinoff | Blog

1 Nov 2024, 00:45

Open in Telegram Share Report
Oktyabr oyidagi o’qilgan kitoblar )

Davomiylik muhim. Istalgan ishni davomli qilish uni osonroq va tezroq qilishga olib keladi. Kitob o’qish ham shunday.

Bu yerdagi 2 ta kitobni o’qishni sentyabr oyining bir kunida boshlagandim, lekin tugatish oktyabr oyiga qolgandi.

Kitob o’qish odatini davom ettirish bo’yicha challenge e’lon qilganimdan beri natija yomon emas, kutilganidek bo’ldi.

To’g’ri, orada umuman o’qilmagan kunlar ham bo’ladi-yu, lekin bunaqa kunlar ko’paymasligi uchun harakat qilaman.

Nega ko’proq o’qishga harakat qilaman? Mana nima uchun:

1. Dunyoqarashim va fikrlash doiramni kengaytirish.

2. Yangi bilimlar olish, tegishli xulosalarni hayotda qo’llash.

3. Ba’zi bir hayot sinovlaridan o’zimni chalg’itish.

4. Vaqtimni behuda yumushlarga kamroq sarflash.

5. Nimanidir izohlash uchun argument bera olish.



Bilmadim, balki yuqorida yozgan sabablarim kim uchundir mos kelmas. Aslida mos kelishi ham shart emas.

Hamma nimani nima uchun qilayotganini o’zi yaxshiroq biladi. Shuningdek, menda ham shunaqa holat.

Aytgancha, kitoblar bo’yicha tavsiyalarni izohga yozib qoldirishingiz qadrlayman )

@Baxriddinoff_Blog
319 0 0 1
Baxriddinoff | Blog

31 Oct 2024, 00:33

Open in Telegram Share Report
Qisqa yo’llar xavfli bo’ladi

Yo’lda yurib ketyapsan, oldingda 2 xil tarafga ketuvchi, bir-biridan tubdan farq qiluvchi yo’llar chiqdi.

Biriga qisqa muddatga yetib borasan, biriga uzoqroq muddatda yetib borasan.

Ko’p holatlardagi tanloving qisqa muddatli yo’l bo’ladi. Lekin tushunmaysanki, bu o’z nomi bilan qisqa.

Taleb Nassim zo’r gap aytgan: «Uzun yo'llarni tanlang. Hayot qisqa yo'llarni kechirmaydi!»


Qisqa yo’llar xavfli bo’ladi. To’g’ri, manzilga qisqa muddatda yetib borishing mumkin. Lekin..

Lekin bu manzilda qisqa muddat bo’lib, yana yangi manzilga yo’lga chiqish ehtimoling yuqori.

Buni osonroq tushuntirish uchun oddiy hayotiy misol yetarli.

Kimdir Notcoin orqali katta pulga ega bo’lmoqchi, kimdir Giveawayda qatnashib, Malibu yutmoqchi.


Natijada esa hech vaqosiz qolishda davom etaveradi hayoti. Bu hozirgi davr asl haqiqati.

Davron Turdiev aytganidek: «Lotoreyani kimdir yutib oladi. Lekin u kimdir aniq sen emassan!»


Uzoqroq bo’lsa-da senga aniq foyda keltiradigan yo’ldan yur. Qisqa muddatli yo’llarga aldanma.

Sabr bilan harakat qil, yo’ldagi turli sinovlarga bardoshli bo’l. Shunda natija senga yaqinroq bo’ladi.

@Baxriddinoff_Blog
211 0 1
Baxriddinoff | Blog

30 Oct 2024, 03:13

Open in Telegram Share Report
Eslatma qilib qo’yay!

Kitob o’qish odatimni davom ettirish bo’yicha challenge boshlagandim. Challenge hali ham kuchida.

Blogimda shaxsiy fikrlarim bo’lganiga kitoblar bo’yicha sarhisob @challenge_kitob kanalida qilinadi.

Qaysi kitobni o’qiyapman, qaysi kitobni o’qib tugatdim, hammasi haqida hisobot yozib boryapman.

Kimgadir qiziq bo’lsa, kanalga qo’shilsin. Kitoblar haqida fikringiz, tavsiyangiz bo’lsa, izohga yozing )

@Baxriddinoff_Blog
170 0 0 3
Baxriddinoff | Blog

30 Oct 2024, 03:07

Open in Telegram Share Report
Hozir yaxshiroq yashayapmiz…

Ko’pchiligimiz o’z hayotimiz, hozirgi davr va hayot tizimidan nolishni sevamiz. Bunga sabablar topamiz.

Shu kunlarda Shukrulloning «Kafansiz ko’milganlar» kitobini mutolaa qilyapman. O’qib boshqa bo’ldim.

«Yo’q narsani yo’q deyish, qimmat narsani qimmat deb to’g’ri gapni aytish dushmanlik sanalsa, unda nima qilish kerak?»


Bu kitobda sovet davridagi turli qiyinchilik va adolatsizliklar real misol asosida yoritib berilgan ekan.

Kitobdagi holat va hozirgi holatni solishtirdim. Kitobdagidan ancha yaxshiroq holatda ekanligimizni bildim.

Oddiy xalq bo’lsak-da qonun doirasidan chetlashmay haqiqatni gapira olamiz, ovozimiz chiqadi.

Lekin kitobdagi davrda haqiqat oddiy xalq uchun emas, faqatgina sovet hukumati uchun ishlagan.

Yo’q demayman, hozir ham kamchiliklar, to’g’rilanishi lozim bo’lgan holatlar yetarlicha topiladi.

Men hozirgi holatni faqatgina kitobdagi holat bilan solishtirib ko’rdim. Biroz bo’lsa-da nolish esdan chiqdi.


O’tmish haqida yaxshiroq tushunchaga ega bo’lishni istaganlarga ushbu kitobni tavsiya qilaman )

@Baxriddinoff_Bog
145 0 0
Baxriddinoff | Blog

27 Oct 2024, 03:56

Open in Telegram Share Report
Noto’g’ri kutuvlar

Ko’pchilik bitta narsada xato qiladi. Aslida niyatni katta qilish yaxshi. Lekin kutuvni katta qilish ba’zida muammo bo’ladi.

Deyarli bir yil oldin Info biznesga ilk qadamlarimni tashlagandim. Ya’ni xalq tilida «Zapusk» deb nomlangan jamiyatga.

Risk qilish haqida o’yladim va bu ishni qildim. Bozor narxiga qaraganda ancha qimmatroq kursda o’qishni boshladim.

Kurs endi boshlangan vaqtlari o’zimga B nuqta sifatida juda katta kutuv qo’ygandim. Buni endi-endi tushunib yetyapman.

Kutuv qo’yishda hozirgi jarayon va umuman kutilmagan jarayonlarni ham hisobga olish kerak ekan. Bu men olgan xulosa.


Xo’sh, kursda o’qib nimadir yo’qotdimmi? Aslida juda ko’p narsa yo’qotmadim, lekin o’zimga qo’ygan kutuvlarni qilolmadim.

Yuqorida aytganimdek, hozirgi va kutilmagan jarayonlarni hisobga olmaganim sabab bo’ldi. Aslida bu bahona bo’lsa kerak.

— Kimdir o’zi ishlab turgan sohasidan butkul boshqa olamga qadam qo’yadi. Chunki bu sohada daromad yaxshiroq.

— Kimdir o’zi aslida xohlamagan universitetga o’qishga kiradi. Chunki bu universitetda obro’ va mansab yaxshiroq.

— Kimdir o’zini majburlab, Instagramda blog qilishni boshlaydi. Chunki bu sferada networking, e’tibor va pul yaxshiroq.


Xullas, kimdir o’zi istab, kimdir o’zi istamay ayrim ishlarni qilishni xohlaydi. Buni ortida juda katta kutuv mo’ljallab qo’yadi.

Bu yomonmi? Yo’q, niyat va kutuvni yaxshi qilish kerak. Lekin hozirgi va kutilmagan holatlarni inobatga olishni bilish kerak.

Istalgan kutuvga erishilmaganda insonda dimotivatsiya va turli stress holatlari paydo bo’ladi. Bu o’zimda sinalgan holat.


Kutuvni pastroq qilish esa sizni shu holatga nisbatan bo’lsa-da tayyor qiladi. Ortiqcha stress va dimotivatsiyaga o’rin qolmaydi.

«Alloh nasib etmagan narsalarni xayol qildirmas!» Bu 100% to’g’ri. Shunga yarasha mehnat, harakat va sabab qilinsa bo’ldi.

@Baxriddinoff_Blog
156 0 0 2
Baxriddinoff | Blog

19 Oct 2024, 01:55

Open in Telegram Share Report
Saboqlar = tajribalar

Oxirgi vaqtlarda o’zimda ko’plab kamchiliklar sezishni boshladim. Bu o’zgarishlar ishimga ham o’z ta’sirini o’tkazdi.

Mutaxassislik jihatdan hammasi joyida. Lekin shaxsiyat tomonlama turli muammolar kuzatildi, buni o’zim ham sezdim.

Bilmadim, balki tashqi tomondan menga ta’sir o’tkazish nisbatan osonroq bo’lganligi zaif tomonim bo’lsa kerak?!


Negadir oldin bu kabi muammolar deyarli uchramasdi. Asosan, fokusim bir joyda bo’lganligi bunga sabab shekilli.

Oxirgi 1 oy vaqt ichida 6 ta proyekt bilan 1X1 ishladim. Hammasida o’ziga yarasha yaxshigina mas’uliyatim bor edi.

Ayrim proyektlar bilan xayrlashdik, ayrimlari bilan yaqinda xayrlashsak kerak. Xayrlashishga boshqa sabab ham bor.

Menimcha, jarayonga berilib ketib, jarayondan oldingi muhim prioritetlarni e’tiborsiz qoldim. Bu natijasini ko’rsatdi.


Tobora ko’p va yangi saboqlarga ega bo’lib boryapman. Saboqlardan xulosa chiqarib, ularni to’g’rilashim lozim.

Nima bo’lgan taqdirda ham barchasi yaxshilikka. Aynan shu saboqlar meni yanada kuchliroq, tajribaliroq qilaveradi )

@Baxriddinoff_Blog
178 0 0 4
Baxriddinoff | Blog

10 Oct 2024, 09:20

Open in Telegram Share Report
Senga bog’liq emas

Kimdir o’z harakatlari bilan shaxsiy mashina, yaxshi oylik daromadiga ega. Lekin sen yo’lingni topolmay yuribsan.

Sen o’zingni topish, rivojlanish, xatolaringni ustida ishlash bilan bandsan. Lekin kimdir kun o’tishiga yashayapti.

Kimdir biznes boshlash, jamoa shakllantirish, manfaat berishga intilyapti. Lekin sen puling yo’qligidan noliyapsan.

Sen dunyoqarashingni oshirish, yangi marralarni egallashni o’ylayapsan. Lekin kimdir oylikka yetib olish xayolida.

Tushun. Ba’zida seni istaklaring — senga bog’liq bo’lmaydi. Buni qancha oldinroq tushunsang, shuncha yutasan.


Harakat qilasan, o’xshamaydi. Harakat qilasan, o’xshamaydi. Harakat qilasan, o’xshamaydi. Harakat qilasan, o’xshaydi.

Natija senga bog’liq emas. Natijaga eltuvchi sabab/harakat senga bog’liq. Hayotingni murakkablashtirib yuborma.


Baribir, hammasi yozilgan vaqtida bo’ladi. Sen 30 yoshingda o’zingni topsang, o’zini topmay olamdan o’tganlar topiladi.

Vazifang harakat qilish. Harakat qilsang, yozilgan bo’lsa, o’zingni topasan. Harakat qilmasdan, o’zingni topishni o’ylama.


O’zini topish bir oddiy misol. Qolganlar ham o’zini topish o’rniga ayni hayotidagi muammoli vaziyatlarini qo’ysa bo’ladi.

P. S. Gaplarim falsafiydek tuyulishi mumkin. Lekin hozirgi yashab, o’zim ko’rib, bilib yurgan mavzulardan iborat )

@Baxriddinoff_Blog
218 0 0 1
Baxriddinoff | Blog

9 Oct 2024, 00:48

Open in Telegram Share Report
Hayoting osonlashib ketadi

O’zingga savol berib ko’r: aslida istaklaringni o’zing ich-ichingdan istaysanmi?! Balki ularni boshqalardan ko’chirgandirsan?!

Aslida seni “istaklaring” sen o’ylaganchalik senga kerak emasdir?! Balki ularsiz hayoting yanada yaxshiroq, mazmunliroq bo’lar?!

Oyiga $5.000-10.000 daromad qilish senga rostdan ham kerak o’zi? Instagramda 100.000 obunaching bo’lishi-chi, kerakmikin senga?

Aniq maqsading va maqsad sari eltuvchi aniq rejalaring bo’lsa, bu maqsad va rejalar yaxshilik uchun xizmat qilsa, gap-so’z yo’q.


Lekin shunchaki boshqalar qilayotgani, ulardan qolib ketmaslik, o’zingni “ko’rsatib qo’yish” uchun qilayotgan bo’lsang, shu joyda to’xta!

Oldin o’zingga aniq savollar, savollaringga aniq javoblar ber. Shunda tushunib yetasan, istaklaring senga rostdan kerak yoki kerakmasligini.


Ishon, hayoting ancha osonlashadi. Haqiqiy istaklaringga yarasha harakat qilishni boshlaysan. Shunda jarayondan zavqlanishni o’rganasan.

P. S. Takrorlashdan charchamayman. Avvalo, yozganlarim o’zim uchun. Undan foyda olish yoki olmaslik insonning o’ziga bog’liq.

@Baxriddinoff_Blog
184 0 0 3
Baxriddinoff | Blog

7 Oct 2024, 20:31

Open in Telegram Share Report
Munosabatlarda eng muhim qoida!

Ota-onangiz, do’stlaringiz, tanishlaringiz, qiz yoki og’il bola, turmush o’rtog’ingiz bilan munosabatlarni yaxshilashni istaysiz.

Munosabatlar bo’yicha ekspert emasman, lekin o’z kichik tajribam, o’qiganlarim va shaxsiy fikrimni jamlab maslahat beraman.

Munosabatlardagi eng muhim qoida: narigi taraf o’rniga o’zini qo’yib ko’rish.


Gaplaringiz bir joydan chiqmayapti, fikrlar qarama-qarshiligiga duch kelyapsiz, bir-biringizni tushunolmayapsiz va hokazolar.

Shunday vaziyatda biroz tin olish, ikkinchi tomon o’rniga o’zingizni qo’yib ko’rish, uning dunyoqarashi bilan vaziyatni ko’rish kerak.

Muammo narigi tomonda emas, balki aynan sizdadir?! Siz faqat o’zingiz to’g’ri deb bilgan narsani unga ham o’tkazmoqchidirsiz?!

Bu bilan uning shaxsiyati va fikrlashiga qarshi chiqayotgandirsiz?! 99.9% holatlarda bu ikkinchi tomonga umuman ma’qul kelmaydi.

Rostdan narigi tomonning fikrlari noto’g’ri bo’lsa, siz unga majburan o’zingiznikini o’tkazish emas, akincha, to’g’ri yo’nalish bering.

Muammoli munosabatlarning yechimi: ochiqchasiga suhbatlashib olish. Ikkala taraf boshqa tomondan masalasiga qarab ko’rishi lozim.


Shunda bir-birini tushunmaslik, fikrlar qarama-qarshiligini yechish mumkin. Bu mening shaxsiy fikrim, balki boshqalarda boshqachadir )

@Baxriddinoff_Blog
170 0 1 7
Baxriddinoff | Blog

5 Oct 2024, 21:59

Open in Telegram Share Report
Yomgʻir… Seni kutgandim uzoq,
Senga ilhaq boʻlgandim, tushun.
Mogʻor bosib ketgan bagʻrimni
Bir tozalab olmoqlik uchun.

Soyabonsiz kezaman… tunni
Bezagandir tomchilar raqsi.
Shunday lahza bir tomchi yomgʻir
Boʻlib qolsang qanchalar yaxshi.

Qancha dardga qalqon er koʻksim,
Nega buncha ojiz qoldi, ayt?
Yuvgin manim alamlarimni
Bu gʻamlarni ozgina kamayt.

Bu yomgʻirda hech kim koʻrmaydi,
Yuragimga bir quloq solay.
Yigʻlash mumkin koʻkka qoʻshilib
Koʻzlarimni yigʻlatib olay.

Er kishiga uyat… yigʻini
Ozod qilsa qaroqlaridan.
Tomchi boʻlib tushsa ne chora
Ezilgan dil varoqlaridan.

Qaqrab qolgan koʻz yoshlarini
Bir qiz uchun oqizgan tentak.
Ketmaguncha yurak yuvilib
Hali qancha yomgʻirlar kerak.

Sen ham yigʻi boʻlsang, ay yomgʻir
Ogʻushingda erib ketsin dard.
Bir tomchi yosh endi uyatmas,
Yigʻab tursa osmonday joʻmard.

Bu ashklarning mamlakatida
Soyabonsiz yashamoq ogʻir.
Silab oʻtar boshim ohista
Toza yomgʻir, bokira yomgʻir.

©️ Xurshid Abdurashid

@Baxriddinoff_Blog
150 0 0 2
Baxriddinoff | Blog

4 Oct 2024, 20:44

Open in Telegram Share Report
Hamma sohada zo’r bo’lolmaysiz

Oxirgi bir necha oylardan beri, aniqroq aytsam, Freelancer sifatida ishlashni boshlaganimdan beri bir qarorga keldim.

Boshqalariga qaraganda, o’zim yaxshiroq uddalaydigan ishni qilish. Qila olsam-da, boshqa sohaga aralashmayapman.

Hozirgi holatda Content manager, Copywriter/Ssenarist yaxshiroq variant bo’ldi men uchun. Buni ham bitta qilish kerak.

Shu paytgacha 5 ta zapuskda qatnashdim, 3 tasida Producer, 1 tasida Producer assistent, 1 tasida Progrev ssenarist.


Aslida qo’limdan SMM manager, Producer, to’liq bo’lmasa-da Marketologlik (o’zim to’liq emas, deb o’ylayman) keladi.

Lekin qila olaman, deb har xil nishada ishlashdan tiyildim. Turli xil proyektlar chiqdi, tanishlarim jamoasiga chaqirishdi.

Vaqtinchalik bo’lsa-da, o’zimga tanlov qilib bo’lgandim. Shu sababli, boshqa proyektlarni «отмен» qilishga qaror qildim.

Bunga sabab esa asosiy fokusni qo’limdan yaxshiroq keladigan ishga qaratish edi va hozircha bu o’zini oqlab kelyapti.

Nima demoqchiman? Hamma sohada zo’r bo’lolmaysiz, baribir. Undan ko’ra, bitta nisha tanlash va unda zo’r bo’lish kerak.


Yaqinda nishamni yana ham kichiklashtirishni o’ylab turibman. Yo Content manager, yo Progrev ssenarist, yo Copywriter.

Hozircha aniq qaror qilmadim. Buni yaxshilab o’ylab ko’rish kerak. Lekin bittasini tanlab, shunda davomli ketish to’g’ri bo’ladi.

Siz uchun ham tavsiya: bitta yo’nalishni tanlang, o’sha yo’nalishda o’qing, o’rganing, uzog’i 1 yilda bu o’z mevasini beradi.

@Baxriddinoff_Blog
138 0 0 2
Baxriddinoff | Blog

3 Oct 2024, 20:55

Open in Telegram Share Report
Hayotingiz uchun o’zingiz javobgar ekaningiz, ya’ni hayotingizning dasturchisi o’zingiz ekaningizni qabul qilmas ekansiz, hech qachon hayotingiz dasturini yoza olmaysiz.


©️ «Muvaffaqiyatli insonning 7 ko’nikmasi» — Stiven Kovi

@Baxriddinoff_Blog
141 0 1 1
Baxriddinoff | Blog

2 Oct 2024, 08:10

Open in Telegram Share Report
O’zimga xobbiy topishim kerak

Juda ko’p tanishlarimni o’z xobbiysi bor. Kimdir futbol bilan, kimdir Counter strike bilan, yana kimdir Playstation bilan zavqlanadi.

Bu holatni media sohasi vakillarida ham ko’p uchrataman. Qizig’i, o’tgan kuni bir tanishim 2X2 FIFA o’ynash uchun chaqirgandi.

Ham ishlarim ko’p edi, ham FIFA o’ynashni yaxshi bilmasdim. Shu sababli, yaxshi o’ynolmasligimni aytib, silliqqina «отказ» qildim.

Cambridge LC jamoasi bilan bir dachaga chiqqanimizda hamma bollar nimadir bilan band bo’lishdi. Men nima qilishni bilmasdim.

Ba’zi bollar 5X5 Counter strike bilan, ba’zi bollar billiard, ba’zilari esa Playstation bilan band. Men uchalasida ham yaxshi emasman.

Qilgan ishim faqatgina o’yinga qo’shilish, uzog’i 20 daqiqa o’ynash, tezda zerikib, keyin bollarni o’yiniga halal berishdan iborat bo’ldi )

O’shanda ham bir o’ylab qolgandim: o’zimga yaxshi va doimiy qilib boradigan, stresslarni chiqarib yuboradigan xobbiy topishim kerak.


Bu hozirgi holatda futbol yoki stol tennisi bo’lishi mumkin. Lekin boshqa variantlarni ham sinab ko’rish niyatidaman. Ishlarni kamaytiray…

Maqsad nima o’zi maqoladan? Aniq maqsad yo’q, lekin unchalik zerikarli hamroh bo’lmaslik va foydali xobbiy topish xulosasi bor )

@Baxriddinoff_Blog
188 0 0 8
Baxriddinoff | Blog

1 Oct 2024, 00:18

Open in Telegram Share Report
2025-yilgacha 3 oy vaqt qoldi!

Faqat menda emas-a bu holat? Fikrimcha, ko’pchilikka 2024-yil juda tez o’tib ketgandek tuyulgan bo’lsa kerak.

Aniq argument bera olmayman, lekin o’zimda shunday bo’ldi. Bilmadim, balki tez o’tishiga sababchilar bordir )

Xullas, 2024-yilda kitob o’qishga yanada jiddiy e’tibor qaratmoqchi edim. Shunga moslangan rejalarim bor edi.

Yil boshida hammasi bir maromda ketayotgandi. Lekin keyin kutilmagan o’zgarish va voqealar tufayli pauza bo’ldi.

Eng qizig’i, bu pauza bir necha oyga cho’zildi. Kitob o’qishga fokus bermoqchi bo’lgan yilimda shunday bo’lsa-ya?

Mayli, lekin hechdan ko’ra kech, deganlaridek avgust oyidan kitob o’qishni doimiy challenge sifatida qabul qildim.

To’g’ri, orada bir varoq ham o’qimagan vaqtlarim bo’ladi. Lekin tez orada kitob o’qimasam, boshqacha bo’lyapman.

Ancha oldin o’ylagan ishimni endi amalga oshirdim. O’qigan kitoblarim sarhisobi uchun yangi Telegram kanal ochdim.

Kanalda ayni paytda qaysi kitobni mutolaa qilayotganim, qancha vaqtda o’qiganim va xulosalarim bilan bo’lishaman.

Majburlash yo’q menda. Agar o’zingizga ma’qul va chindan foydali bo’ladi, deb bilsangiz, bemalol qo’shilib qo’yavering.

Bu yerda aslida motivatsion maqola bo’lishi kerak edi. Sarlavhaning o’zi yetarlicha motivatsiya bo’ladi, deb o’yladim )


P. S. Rasmda esa ayni paytda o’qiyotgan 2 ta kitobimdan biri.

@Baxriddinoff_Blog
143 0 0 7
Baxriddinoff | Blog

29 Sep 2024, 02:28

Open in Telegram Share Report
Hozirgi rejimim haqida

Intizomni shakllantirish, uyquni nazorat qilish, deep work usulidan foydalanish, kunni energiya bilan aktiv o’tkazish va boshqalar.

Aynan mana shu yo’nalishlarni yaxshilash uchun bir klubga pullik obuna sotib olib qo’shilgandim. Lekin hech amal qilolmadim-da.

Klubga har kuni nechada uyg’onganingiz, sport bilan shug’ullanganingiz, kunlik odatlarga necha foiz rioya qilganingizni yuborasiz.

Yolg’on bo’lmasin, boshida 3 kun o’zim ham yubordim yuqorida yozilganlarni. Lekin keyinchalik rejimdagi buzilish davom etaverdi.

Hozir guruhga qarasam, bollar soat 04:00 da uyqudan uyg’ongani haqida xabar yuborishibdi. Men esa hali uxlashga yotganim yo’q.

Buni o’ziga yarasha sabablari bor. Turli proyektlar bilan ishlayman, ularda turlicha tasklarim bor. Hammasiga ulgurishga harakat qilaman.

Sog’liq uchun zarari borligini bilsam-da, kechasi ishlashni yoqtiraman. Negadir shu payti ishlarimni ko’proq, tezroq yakunlay olaman.

To’g’ri, bunaqa rejim bilan uzoqqa borib bo’lmaydi. Bu keyinchalik sog’liqqa o’z ta’sirini ko’rsatadi. Rejimni tezroq to’g’rilashim kerak.

Rejim to’g’rilanguncha chala qolgan ba’zi ishlarni qilib turay. Baribir, bugun yakshanba bo’lgani bois, obedgacha uxlash rejamda bor.

P. S. O’zim hozircha amal qilmasam-da, sizga yaxshirog’ini tilayman. Vaqtli uxlab, vaqtli uyg’oning va to’g’ri rejimda bo’ling )

@Baxriddinoff_Blog
118 0 0 6
Baxriddinoff | Blog

26 Sep 2024, 23:27

Open in Telegram Share Report
Toki inson chin yurakdan, samimiy tarzda «Men kechagi tanlovlarim sababli bugungi ahvolga keldim» deyishni o’rganmas ekan, «Men yo’limni o’zgartiraman» deya olmaydi.


©️ «Muvaffaqiyatli insonning 7 ko’nikmasi» — Stiven Kovi

@Baxriddinoff_Blog
119 0 0
20 last posts shown.