Anvar Raxmatullayev | Shaxsiy blog

@Edu_slide_bot Botda pul ishlasa bo'ladimi?

Botimizda 1 ta taqdimot yoki mustaqil ish qilish narxi 4 000 so'mdan boshlanadi.

Lekin bepul foydalanish ham mumkin. Buning uchun siz bBu botni kursdoshlariz va do'stlarizga tarqatishingiz kerak.

Har bir botga taklif qilgan do'stingiz uchun 1000 so'm bonus olasiz, agar siz taklif qilgan do'stingiz taqdimot tayyorlasa yana bonus beriladi, shuningdek do'stingiz hisobini to'ldirsa undan 5% bonus beriladi.

Xullas, siz uchun maksimum qulay qilishga harakat qilganmiz!

Do'stlarni taklif qilish uchun /referal buyrug'ini botga yuborishingiz kerak!

Oramizda talabalar ko'p bolsa kerak, Shogirdimiz Sunnatillo Maqola yozishni o'rgatuvchi kurs ochibdi, narxi ham qimmat emas, 2 ta ovqatlanish narxi, tavsiya etaman yuqori marralarni ko'zlaganlarga!

🏠 Uydan chiqmasdan 300-500$ daromadga chiqishni sinalgan usuli!

Bugun sizga soddalikda kuch yotgan hayotiy usulni aytaman. O‘zim sinab ko‘rganman, yuzlab boshqa yoshlar ham natijaga chiqdi.

1. 🎯 Target sohasini o‘rganasiz
Facebook, Instagram, Telegram reklamalarini qanday ishlashi haqida tushuncha olasiz. Kurslarga pul topolmasangiz — YouTube’da hamma bepul darslar bor.

2. 🌍 Kwork.com saytida ro‘yxatdan o‘tasiz
Bu oddiy freelancing platforma. O‘zingizni "Targetolog" sifatida tanishtirasiz.
— Sarlavha, xizmatlar, narxlar — hammasi bo‘lishi kerak.

3. 💬 Mijozlar bilan gaplashishni o‘rganasiz
Savol beradi, shubhalanadi, ishonmaydi — siz esa odob bilan tushuntirasiz. Shunda ilk mijozlar chiqadi.

4. 💵 2-3 ta mijoz bilan ishlaysiz va real daromadga chiqasiz
Boshlanishi oson emas, lekin barqaror. O‘rtacha 100-150$ dan boshlanadi.
— Oylik 300–500$ ga chiqish — faqat 2–3 mijoz bilan ishlash orqali!

5. 💭 Keyin esa orzular ro‘yxati boshlanadi…
“iPhone olishim mumkinmi?”
“MacBook uchun jamg‘aramni boshlayman!”
“Shu yozda Istanbulga uchamanmi?”
— Ha, endi bu siz uchun real bo‘ladi.

✅ Bularning barini uyda o‘tirib amalga oshirishingiz mumkin.

🤝 Masofadan ishlash — faqat texnologiya emas, bu erkinlik.
🎯 Target — esa boshlash uchun eng yaxshi eshik.

Agar bu yo‘l sizga qiziq bo‘lsa — hoziroq birinchi qadamingizni tashlang.
Kuch sizda. Faqat boshlang.

👉 @Anvar_Raxmatullayev

YOSHLAR UCHUN TOP 3 ZAMONAVIY KASB

Bugun o‘rganishga arziydigan eng foydali 3 kasbni aytaman:
1. Targetolog
Facebook, Instagram va Telegram reklamalari orqali mijoz topishni o‘rgatadi. 1–2 oyda frilansda ishlashni boshlash mumkin.

2. Full-Stack dasturchi
Sayt va ilova yaratadigan mutaxassis. Daromadi katta, masofadan ishlasa bo‘ladi.

3. UX/UI dizayner
Ilovalar va saytlar uchun chiroyli, qulay dizayn yaratadi. Dizayn + analitika = kreativ soha.

Bu kasblarni o‘rganish — kelajakda mustaqil va erkin yashash degani.

Sizga qaysi biri qiziq? Kommentda yozing!

📚 @Edu_Slide_Bot — 5 oyda 23 000+ foydalanuvchi!

5 oy oldin bitta oddiy savoldan boshlagandik:
"Talabalarga mustaqil ish, referat va slayd tayyorlashda kim yordam beradi?"

Bugun esa javob aniq: @Edu_Slide_Bot

Ushbu sun’iy intellekt asosida ishlovchi yordamchi bot 23 000 dan ortiq foydalanuvchining ishonchini qozondi.

Nimalar qiladi?

- Mustaqil ish va referat yozib beradi
- Mavzuga mos, chiroyli slaydlar tayyorlaydi
- Har bir slaydga tegishli rasm ham joylaydi
- Barchasi o‘zbek tilida va bir necha soniyada tayyor

Bu — mening kichik loyiham emas. Bu — minglab talabalarning yordamchisiga aylangan bot.

Agar siz ham sinab ko‘rmoqchi bo‘lsangiz:
👉 @Edu_Slide_Bot

Assalomu alaykum, Hurmatli Azizlarim barchangizni bugungi ulug’ bayram, Hayit ayyomi bilan tabriklayman!

Alloh barchamizni tutgan ro’zalarimiz, qilgan ibodatlarimizni qabul qilsin, duolarimizni ijobat qilsin!

Kelasi yili ham Ro’zai Ramazon oylariga barchamizni sog’ salomat yetkazsin!

Siz ham ushbu 9+1 ta xatodan qochib, hayotingizni yaxshi tomonga o‘zgartirishingiz mumkin. Eng muhimi – hozir harakat qilishni boshlash!

Nima qilmaslikni bilish – nima qilishni bilishdan muhimroq!

Ko‘pchilik hayotda muvaffaqiyatga erishish, yuqori marralarni zabt etish va badavlat bo‘lishni xohlaydi. Bunga erishish uchun omad, vaqt va tinimsiz mehnat talab etiladi. Ammo bu muvaffaqiyatni saqlab qolish va hayotingizni izdan chiqarmaslik uchun nimalarni QILMASLIK kerakligini bilish undan ham muhim!

Aksariyat odamlar xatolarni o‘z hayotida takrorlab, yillar davomida erishgan narsalarini bir lahzada boy berib qo‘yadilar. Shuning uchun ham taniqli mutafakkirlar: “Aqlli odam xatolardan o‘rganadi, lekin dono odam ularni umuman qilmaydi”, deb ta’kidlaydilar.

Muvaffaqiyatli bo‘lishni istasangiz, quyidagi 9 ta narsadan uzoqroq yuring!

1. Qonunni buzish va qamalish xavfini tug‘diradigan xatolar qilish

Ba’zan tezroq muvaffaqiyatga erishish yo‘lida noqonuniy yo‘llar jozibador ko‘rinishi mumkin. Lekin hech qanday pul yoki mansab qonun oldida javobgarlikdan qutqara olmaydi. Shuning uchun ham har qanday noqonuniy harakatlarga qat’iy yo‘q deyish kerak. To‘g‘ri yo‘ldan yurish uzoqroq davom etishi mumkin, lekin u ancha barakali va xavfsiz bo‘ladi.

2. Spirtli ichimliklarga ruju qo‘ymaslik

Bu mavzuda ortiqcha gapirish shart emas. Har bir muvaffaqiyatli inson spirtli ichimliklar hayotni barbod qilishi, salomatlikni yemirishi va intellektual rivojlanishga zarar yetkazishini biladi. Telegram asoschisi Pavel Durov:
“Agar men yagona muhim maslahat bersam, u hech qachon spirtli ichimlik ichmaslik bo‘lardi”, degan edi.

3. Giyohvandlik va zararli odatlardan qochish

Dunyodagi eng katta boylik – bu miya va ong. Har qanday zararli modda miyaga o‘nglanmas zarba beradi va kelajakka bo‘lgan imkoniyatlaringizni yo‘qqa chiqaradi.

4. Noto‘g‘ri munosabatlar va “ayollar sinovi”

Muvaffaqiyat, pul va obro‘ ortgani sari atrofingizda turli odamlar paydo bo‘ladi. Ulardan ba’zilari sizning qadriyatlaringizni hurmat qilmaydi va faqat manfaat ko‘zlaydi. Bu kabi noto‘g‘ri munosabatlar hayotingizni izdan chiqarishi, obro‘yingizga zarar yetkazishi va oilangizni buzishi mumkin. Doimo o‘z qadriyatlaringizga sodiq qoling!

5. Qimor va o‘yinlarga qaram bo‘lish

Onlayn kazino, sportga pul tikish va boshqa qimor o‘yinlari bir necha kishi uchun daromad manbai bo‘lishi mumkin, lekin aksariyat odamlar uchun bu – yo‘qotish yo‘li. Qimordan doimo qimor o‘ynatuvchi yutadi. Bu “tuzoq” ekanini tushuning va undan uzoq turing.

6. Ishonchsiz va mas’uliyatsiz bo‘lish

Agar atrofingizdagilar sizga ishonmasa, sizni yetakchi sifatida qabul qilmasa, muvaffaqiyatga erishish juda qiyin bo‘ladi. Mas’uliyatli va ishonchli bo‘lish – jamiyatda sizni qadrlashlariga, professional va shaxsiy hayotda rivojlanishingizga yordam beradi.

7. O‘ziga achinish va javobgarlikni boshqalarga yuklash

Ba’zan hayotda og‘ir kunlar bo‘ladi. Lekin hech kim sizning hayotingizni o‘zgartirib bermaydi. O‘zgarishni o‘zingizdan boshlang. O‘zini jabrdiyda deb hisoblaydigan odam hech qachon oldinga yurmaydi.

8. Yangi bilimlarni o‘rganmaslik

Dunyo tez rivojlanmoqda. Agar siz doimo yangi bilim olmasangiz, bir joyda qotib qolasiz va vaqt o‘tib, jamiyat sizni ortda qoldiradi. Eng yaxshi investitsiya – bu bilimga qilingan sarmoya.

9. Hasad, g‘azab va qasos

Negativ tuyg‘ular inson hayotini zaharlaydi va muvaffaqiyat yo‘liga to‘siq qo‘yadi. Hasad va g‘azab sizni ichkaridan yemiradi, qasos olishga harakat qilish esa vaqt va energiyani isrof qilishdan boshqa narsa emas. Eng yaxshi qasos – bu baxtli va muvaffaqiyatli hayot kechirish!

10. Mas’uliyatni o‘z zimmasiga olmaslik (Bonus band)

Siz va oilangiz hayoti uchun siz javobgarsiz! Agar Alloh sizga sog‘lom aql va tana bergan bo‘lsa, bu ne’matdan foydalanib, o‘z hayotingizni yaxshi tomonga o‘zgartirish sizning qo‘lingizda. Hech kim siz uchun buni qilmaydi.

Xulosa: Eng katta xatolar – ularni qilganingizni bilmaslik!

Ba’zan, odamlar o‘z hayotidagi muammolarning sababi o‘zlari ekanini anglamaydilar. Aslida, bizning hayotimiz o‘z qarorlarimiz va odatlarimiz natijasidir. Muvaffaqiyatli odamlar nafaqat nima qilishni, balki nima qilmaslikni ham yaxshi bilishadi.

Salom qadrdonlar, Blogimga qaramay qo’yganimga ham ancha bo’libdi!

Bugundan yana e’tibor berishni boshlayman!

Bugun uztozimdan olgan bilimlarimni sizlar bilan bo’lishmoqchiman:

Atrofga qarasak, ko’pchilik sog’lom emas, vaqt yetishmaydi, ishidan norozi, yonidan favqulotda 400$ pul chiqmaydi.

Hayotimizga asosan 2 ta narsa kuchli tasir qiladi: 1-Atrof muhit. 2-Bizning qarorlarimiz.

Muhitni o’rni katta, lekin qarorlarimizni tasiri muhimroq, chunki muhitni o’zgartirish uchun ham qaror qabul qilish kerak.

Hamma qilayotgan ishni siz ham qilsangiz, hamma erishayotgan natijaga erishasiz!

Agar biz boshqacha natijalarni xohlasak, noodatiy ishlarni qilishimiz kerak.

Masalan: hamma instagramda o’tirganda kitob o’qish, hamma dam olganda ishlash, hamma fudbol ko’rayotganda yangi bilim o’rganish.

Noodatiy bo’lish oson kechmaydi. Do’stlaringiz kam bo’ladi, odamlar ustingizdan kulishi mumkin, odamlarni bosimi sizni ham odatiy ishlarni qilishga majbur etadi. Ammo siz bosimga chidab, o’z yo’lingizda davom etsangiz, bir kun kelib natijalari sizni quvontiradi.

Qanday ishlar noodatiy va yaxshi natijalar olib kelishi mumkin:

Arzon dafaminga (instagram) qimmat vaqtimizni sarflamaslik, o’rniga kitob o’qish;

Kitob o’qiganda Bestseller kitoblar emas, ko’pchilik o’qimagan kitoblarni tanlash;

Hamma ko’rgan videoni emas, kam prosmotr yig’gan videolarni ko’rish;

Qomusiy bo’lishga harakat qilish, ya’ni faqat o’z sohangizni o’rganmasdan, barcha sizga qiziq sohalar bo’yicha bilim olish;

Hamma instagramda blog yuritayotganda siz boshqa platforma: youtube, telegram, twitterda blog yuritish;

Matn yozishni Chatgptga topshirmay, mustaqil matn yozish;

Risk olish: Sizda borligi ma’lum narsani, borligi nomalum narsaga tikish; Masalan: Tayyor oyiga 5 mln oylik to’laydigan ishingiz bor, lekin uni tashlab o’z biznesingizni boshlash.

Shu kabi noodatiy ishlarni o’zingiz ham topib, ko’rib, tahmin qilib bajarsangiz bo’ladi.

Faqat natijalari kelishi uchun yetarlicha vaqt kerak bo’ladi.

Aziz Rahimovdan tavsiya: 2025-yilda o'zimiz uchun paydo qilishimiz kerak bo'lgan 3 ta ko'nikma. (o'zim uchun note)

1. Yozish: Kundalik yozing, blog yozing, insho yozing, senary yozing. Har kuni nimadur yozing. Shunda sizda yozish ko'nikmasi paydo bo'ladi. Fikrlarni yozish bu miyada ularni tartibga kelishiga olib keladi. miyada tartib bo'lsa hayotimizda ham tartib bo'ladi.

2. Sotish: Sotish bu bizga eng kerak bo'ladigan ko'nikmalardan bittasi. Sotish ko'nikmasisi faqat do'kondagi sotuvchilarga kerak bo'lmaydi. Biz ishga kirishda o'zimizni sota olishimiz kerak, xizmatimiz, mahsulotimiz, do'stlar yoki oila davrasida fikrlarimizni sota olishimiz kerak.

3. Omma oldida gapirish: siz leder bo'lmoqchimisiz? Katta kompaniya qurmoqchimisiz? Mahhur inson bo'lmoqchimisiz? Omma oldida gapirishni o'rgana olmay bu maqsadlarga erishish qiyin. Shuning uchun bu ko'ikmani o'rganishga majjbursiz!

Bu ko'nikmalarni o'rganish orqali 2025-yil va undan keyingi yillarda har taraflama rivojlanamiz!

Coca-cola yoki Kofe

Coca-Cola va qahva ikkalasi ham sog’liqka turlicha ta’sir qiladi. Ularning zararli va foydali tomonlarini solishtirib ko’raylik:

Coca-Cola:

Foydalari:

1. Energiya beradi: Coca-Cola tarkibidagi shakar va kofein qisqa muddatli energiya beradi.
2. Quvnoqlik hissi: Ko’pchilik uchun gazlangan ichimlik kayfiyatni vaqtincha yaxshilaydi.

Zararli tomonlari:

1. Shakar miqdori juda yuqori:
• Coca-Cola tarkibida katta miqdorda shakar bor (bir bankada (250 ml) 39 g shakar), bu semizlik, qandli diabet va tish kasalliklariga olib kelishi mumkin.
2. Bo’sh kaloriyalar:
• Tarkibida hech qanday foydali ozuqa moddasi yo’q, faqat shakar va kofein.
3. Suyaklarga salbiy ta’sir:
• Fosfor kislotasi (E338) suyak zichligini kamaytirishi va osteoporoz xavfini oshirishi mumkin.
4. Qaramlik:
• Shakar va kofein birikmasi odamni ichimlikka qaram qilib qo‘yishi mumkin.
5. Tishlarga zarar:
• Yuqori kislotali tarkibi tishni yemiradi va kariesni kuchaytiradi.

Qahva:

Foydalari:

1. Antioksidantlarga boy:
• Qahvada tabiiy antioksidantlar bor, ular organizmdagi yallig’lanishni kamaytirishi va erkin radikallarga qarshi kurashishi mumkin.
2. Energiyani oshiradi:
• Kofein konsentratsiyani yaxshilaydi va tetiklikni oshiradi.
3. Metabolizmni tezlashtiradi:
• Qahva ichish metabolizmni bir oz tezlashtirib, yog‘larni parchalashga yordam berishi mumkin.
4. Kasallik xavfini kamaytiradi:
• Tadqiqotlarga ko‘ra, qahva iste’moli qandli diabetning 2-turiga, Parkinson kasalligiga va Alzheimer xavfiga qarshi himoya qilishi mumkin.

Zararli tomonlari:

1. Haddan tashqari ichish zararli:
• Juda ko‘p qahva iste’mol qilish uyqusizlik, asabiylik, yurak tez urishi va qaramlikka olib kelishi mumkin.
2. Kislota muammolari:
• Ayrim odamlarda oshqozon kislotaligini oshirib, kislota qaytishi yoki oshqozon shilliq qavatiga zarar yetkazishi mumkin.
3. Qo’shimchalar:
• Qahvaga ko‘p miqdorda shakar yoki qaymoq qo‘shilsa, foydasi kamayadi va zararli bo‘lishi mumkin.

Qaysi biri zararliroq?

• Coca-Cola zararliroq, chunki unda foydali ozuqalar deyarli yo‘q, shakar miqdori yuqori va u organizm uchun uzoq muddatli salbiy ta’sir ko‘rsatadi (masalan, suyaklar va tishlarga).
• Qahva foydaliroq, chunki tarkibida antioksidantlar va metabolizmni qo‘llab-quvvatlovchi moddalar mavjud. Ammo haddan tashqari ko‘p ichilsa, u ham zarar yetkazishi mumkin.

Maslahat:

1. Coca-Cola iste’molini cheklang yoki imkon qadar kamroq iching (masalan, bayramlarda yoki vaqti-vaqti bilan).
2. Qahvani me’yorida iching (kuniga 1-2 stakan) va qo’shimcha shakar yoki qaymoq qo‘shmaslikka harakat qiling.

Umuman olganda, qahva sog‘liq uchun foydaliroq tanlovdir.

©️ ChatGPT

1% qoidasi yoxud hozirgidan 37 barobar yaxshiroq natija…

Bizning muvaffaqiyatimiz katta sakrashlardan emas, balki kundalik kichik qadamlarimizdan boshlanadi.

Tasavvur qiling, agar har kuni faqat 1% yaxshilanishga intilsangiz, bir yildan keyin natijangiz 37 baravar ortadi. Bu oddiy, lekin kuchli qoida.

Bu tamoyilni hayotning qaysi jabhasida qo‘llasangiz ham natija beradi:

Shaxsiy rivojlanish: Har kuni bir-ikki sahifa kitob o‘qing yoki 5-10 ta yangi so‘z o‘rganing. Kichik bo‘lsa ham, bu bilimlaringizni oshiradi.

Moliyaviy barqarorlik: Har kuni keraksiz xarajatlarni tahlil qiling va bir oz tejang. Tejagan pulingizni jamg’arib qo’ying, kun kelib bu katta pulga aylanadi.

Sog‘liq va salomatlik: Har kuni biroz ko‘proq suv iching, ozroq shakar iste’mol qiling yoki 10 daqiqa qo‘shimcha piyoda yuring.

Oila va munosabatlar: Har kuni yaqinlaringizga sal ko’proq vaqt ajrating, yaxshi so’z ayting, kichik sovg’a bering. Har kuni 1 ta qarindosh yoki do’stlaringiz holidan xabar oling.

Eng muhimi doimiylikni saqlang!

Kichik harakatlar bilan siz ulkan maqsadlarga erisha olasiz.

Bugun qadam tashlang – o‘z kelajagingizni yarating!

@Anvar_Raxmatullayev