Jamiyatimizdagi barcha sohalarda tarix, bugun va kelajakni o‘zida mujassam etgan “Uch avlod uchrashuvlari” ma’naviy-ma’rifiy tadbirlarini o‘tkazish yaxshi an’anaga aylandi.
Shunday tadbirlardan biri kuni kecha Andijon mashinasozlik instituti Avtomobilsozlik va transport fakultetida o‘tkazildi.
Unda Gumanitar fanlar kafedrasi dotsenti, Falsafa fanlari nomzodi Zulfiyaxon Aripova, fakultet dekani Sarvarbek Axmadjonov ishtirok etdi.
Uchrashuvda mamlakatimizda inson omiliga yuksak e’tibor berilayotgani, davlatimiz rahbari tashabbusi bilan jamiyatimizning har bir a’zosiga g‘amxo‘rlik, mehr-oqibat ko‘rsatilayotgani, inson qadr-qimmati, uning orzu-niyatlarini ro‘yobga chiqarishga imkoniyat yaratib berish ustuvor vazifaga aylangani alohida ta’kidlandi.
Tadbirda ustoz o‘zining Yoshi ulug‘ faxriylar hayoti va mehnat faoliyati davomida to‘plagan boy tajribasi, yoshlik davridagi o‘ziga xos qiyinchiliklar, mehnat pallasidagi mashaqqatlar, nihoyat nuroniylik paytida ko‘rsatilayotgan hurmat-ehtirom haqida o‘z dil so‘zlarini, samimiy fikrlarini bildirdi.
Uch avlod vakillarini birlashtirgan tadbir samimiy, ochiq muloqotlar tarzida o‘tdi.
